ఓ ప్రియ నేస్తమా..! 
నీ కష్టాలను ఇబ్బందుల్ని చెప్పి
ఎవరి కంట కన్నీరు తెప్పించకు...
నీ విజయ గాథలు వినిపించు...
యువతలో విజ్ఞానజ్యోతులు వెలిగించు...

ఓ ప్రియ నేస్తమా..!
నీ మొండివ్యాధుల్ని...నీ
కనిపించని రోగాల్ని ఎవరికి వినిపించకు... నీవు ఆనందంగా...ఆరోగ్యంగా సుఖంగా... సంతోషంగా...ఉన్న రోజుల్ని గుర్తుచేయ్...

ఓ ప్రియ నేస్తమా..!
అమృతాన్ని పంచు...విషాన్ని కాదు...
వినోదాన్ని పంచు.....విషాదాన్ని కాదు...
ఆనందాన్ని పంచు...దుఃఖాన్ని కాదు...
సంతోషాన్ని పంచు...సమస్యల్ని కాదు...

ఓ ప్రియ నేస్తమా..!
అనురాగాన్ని ఆత్మీయతను పంచు...
అహంకారాన్ని...అసూయను కాదు...
కరుణను ప్రేమను...త్యాగాన్ని పంచు...
కసిని ద్వేషాన్ని పగను ప్రతీకారాన్ని కాదు...

ఓ ప్రియ నేస్తమా..!
నిజాన్ని...నీతిని నిజాయితీని దాచకు...
నిరాశ పరచకు.....ఎవరినీ నిందించకు...
అబద్ధం చెప్పి ఎవరిని ఆనందపరచకు...
నిప్పులాంటి నిరాశ నిట్టూర్పుల్ని పంచకు...
ఉప్పొంగే ఉల్లాసాన్ని ఉత్సాహాన్ని పంచు...