జాలికి...సానుభూతికి
జోలెపట్టకు...గోలపెట్టకు..!

ప్రేమలేని పలకరింపులకు
ఎన్నడూ పులకరించిపోకు..!

బ్రతుకు భారమనే చోటుకు
వీలైనంత దూరంగా ఉండు..!

నిన్ను దూరంగా నెట్టే వారిని
అతుక్కు పోవాలని ఆశించకు..!

నీ నీతికి నిజాయితీకి విలువలేని
చోట ఒక్క నిముషమైనా నిలవకు..!

నీ ఆత్మాభిమానమే నీకు ధనం గొప్ప
ఇంధనం అని అనుదినం గుర్తుంచుకో..!

నీకై ఎదురు చూడని...గౌరవించని ఇంటికి

ముఖ్యఅతిథిగా వెళ్ళడం నీ మూర్ఖత్వమే!

నీది...కానిదేదీ...నీకు దక్కదని తెలిసీ
ముక్కోటిదేవతలకు మ్రొక్కడం వెర్రితనమే!

అన్నపోలన్న నోట ! పలికే ఓ మంచిమాట !
అది నిత్యసత్యాల ఆణిముత్యాల మూట !