వారికి ఆలోచన తక్కువ
ఆవేశం ఎక్కువ
వారు అశుభ్రతకు
ఆత్మబంధువులు
వారు ముందుకు రమ్మని
ఎంత బ్రతిమాలినా రారు
వెనక్కి వెళ్ళమంటే మాత్రం
పరుగెత్తుకొని పోతారు
వాళ్ళు వట్టి మూర్ఖులు,
భయంకరమైన బద్దకస్తులు
వెట్టిచాకిరికి
ముందుండే మురికివాళ్ళు
వారి ప్రతిఆలోచనా
వంకరే, వంకరటింకరే
వారితో కలిసి చేసే
ప్రతిపని అసంపూర్ణమే
వ్యతిరేకమైన ఆలోచనలు
చేయడంలోవారు దిట్టలు
వారు ఎవరి మాట వినని
సీతయ్యలు
వారు ఎవరినీ చివరికి
వారినీడనైనా నమ్మరు
అప్పు చేయడానికి
అడుక్కు తినడానికి ముందు
ఆపదలోవున్న వారిని
ఆదుకోవడానికి వెనుక వుంటారు
వారిలో గుణవంతులు ధనవంతులు తక్కువ
అజ్ఞానులు అహంకారులు ఆవేశపరులు ఎక్కువ