సాధించాలంటే సంపాదించాలంటే
అనేక అనుమానాలతో
అపోహలతో అర్థంలేని సందేహాలతో
దగ్ధమైపోయే దద్దమ్మలు
ఎన్ని మంచి సందేశాలు పంపినా
చదివి స్పందించని
ఎన్ని చక్కని సలహాలు ఇచ్చినా
స్వీకరించని సన్యాసులు
జీవితంలో ఏమీ సాధించలేరు
ఏమీ సంపాదించలేరు
పేదవాళ్ళుగానే వెళ్ళిపోతారు
కుటుంబ యజమానిగా
కొంత కూడబెట్టాలంటే
ఆస్తులు అంతస్తులు ఆర్జించాలంటే
ఆర్జించింది కాసింతైనా అనుభవించాలంటే
ఎవరినో ఒకరినైనా నమ్మాలి
ముందు దమ్ము ధైర్యం వుండాలి
తెలివితో తెగింపుతో పెట్టుబడి పెట్టాలి
కోట్లు ఆర్జించి కోటీశ్వరులు కాకపోయినా
దాచుకొని డబ్బు ధనవంతులు కాకపోయినా
దాతలుగా మిగిలినా చాలు బ్రతుకు ధన్యమే
 |