ఓ మిత్రమా !
నీకు ఒక నిర్దిష్టమైన
లక్ష్యం ఉన్నట్లైతే
అది చేరుకోవడానికి
పటిష్ఠమైన ప్రణాళిక ఉన్నట్లైతే

నీకు నిజంగా ఎత్తైన శిఖరాలను
అధిరోహించాలని ఉన్నట్లైతే
నీకు గొప్ప కార్యాలను నిర్వహించి
ఘనవిజయాలను సాధించాలని ఉన్నట్లైతే

నీవు కనే కలలు కమ్మగానే వుంటాయి
కాని ముందుదారిలోనే ముళ్ళుంటాయి
రాళ్ళు రప్పలుంటాయి
పాములు కప్పలుంటాయి

వెళ్ళకపోతే నీ దారి
ఎండిన ఎడారే అవుతుంది
వెళ్తే నీ దారి గలగలా పారే గోదారౌతుంది
నీ ముందు జీవితం
పూర్తిగా విరబూసిన ఒక పూలవనమౌతుంది

నీ లక్ష్యసాధనకు సాక్ష్యం నిరంతర శ్రమయే
లక్ష్యంలేని బ్రతుకు మాత్రం చంద్రుడులేని రాత్రే