నీవు
ఎప్పుడైనా ఏదైనా
ఘన విజయం సాధిస్తే
శబాష్ అంటూ
నీ భుజం తట్టే
పట్టరాని సంతోషంతో
పరమానందంతో
చప్పట్లు కొట్టే
ఆ స్నేహ హస్తాలకన్న

నీవు
పెను విషాదంలో వున్నప్పుడు,
నీవు నిరాశతో
కృంగి పోతున్నప్పుడు,
నీవు అంతులేని వేదనతో
కుమిలి పోతున్నప్పుడు

నీవు
కష్టాల్లో వున్నప్పుడు
కన్నీరు కారుస్తున్నప్ఫుడు
ఆ కన్నీటి చుక్కలను
తుడిచి నిన్ను ఓదార్చి
నీకు నేనున్నాననే భరోసా నిచ్ఛే
కొండంత ధైర్యాన్నిచ్చే
వెయ్యేనుగల బలాన్నిచ్చే
ఆ అమృత హస్తాలేమిన్న