మీరు...జింకలైతే...
మీపై బాణాలు విసిరేందుకు...
మిమ్మల్ని గాయపరిచేందుకు...
వృక్షాల మాటున పొంచి ఉంటారు
రాక్షసులైన వేటగాళ్లు కొందరు

మీరు...జింకలైతే...
మమ్మల్ని వేటాడి
చిక్కితే చీల్చి చెండాడి
మీ రక్తాన్ని జుర్రుకునేందుకు...
తమ ఆకలిని తీర్చుకునేందుకు...
సిద్దంగా ఉంటాయి
చిరునవ్వులు చిందిస్తూ
చిరుత పులులు సింహాలు కొన్ని

కానీ మీరు
పులులైతే...
చిరుత పులులైతే
అందరూ మీకు గులాంలే...
చేస్తారు అందరూ మీకు సలాంలే...

మీరు పులులైతే...
చిరుత పులులైతే
"అడవికి రాజులు" మీరే
"మీకు ఎవరూ పోటి లేరే

నిజానికి పూజకెవ్వరు
పులులను సింహాలను
బలివ్వరు ఆకులను మేసే
అమాయకపు మేకల్ని తప్ప
అన్న "అమరజీవి అంబేద్కర్
"సందేశాన్ని" కలనైనా మరువరాదు

అందుకే...
బావిలో కప్పల్లా
చెరువులో చేపల్లా...
గూటిలో గువ్వల్లా...
కలుగులో ఎలుకల్లా...
పంజరంలో పక్షుల్లా...బ్రతకరాదు

సమస్యలెన్ని ఎదురైనా సరే
సముద్రంలో...స్వేచ్ఛగా
తిరిగే తిమింగలాల్లా....
అడవిలో...
గర్జించే సింహాల్లా...
గాండ్రించే పులుల్లా...
ఘీంకరించే గజరాజుల్లా...బ్రతకాలి...