కులం
పునాదులమీద
ఒక జాతిని కాని
ఒక నీతిని కాని
నిర్మించలేరన్న
రాజ్యాంగ నిర్మాత
డాక్టర్ బి ఆర్ అంబేద్కర్
అమృతవాక్కుల్ని
భారతీయులందరూ
నా సహోదరులేనని
చేసిన ప్రతిజ్ఞను మరిచిన
ఓ మనువాదులారా
ఎన్నాళ్ళని ఎన్నేళ్ళని
ఈ కులాల కుంపట్లలో
ఆజ్యం పోస్తూ వుంటారు
ఎన్నాళ్ళని ఎన్నేళ్ళని
రావణకాష్టంలా రగిలే
ఈ అంటరానితనాన్ని
ఆర్పకుండా వుంటారు
తరచి తరచిచూడ
కళ్ళు తెరిచిచూడ
ఈ కులగోత్రాలు
మలమూత్రాలు కాదా
విసర్జించుటే ఈ విశ్వంలో
నిజమైన విజ్ఞత కాదా
మానవత్వాన్ని
సమానత్వాన్ని
మంటకలపనివాడే
మనసున్న మనువాది కాదా