తల్లీ! ఓ సాగర మాతా!  నీలో దూకి ఈ తనువు
చాలించాలనుకుంటున్నాను

ఓకే బిడ్డా ! అలాగే కాని ఒక చిన్న కండీషన్!
నాలో అలలు ఆగిన తర్వాత మాత్రమే నీవు దూకాలి

ఎంత కాలమైనా ఎన్ని ఏళ్ళు గడిచినా
ఆ అలలు ఆగలేదు  ఆ బిడ్డ ఆత్మహత్య చేసుకోలేదు

మహోన్నత మైనదిమహా ఉత్కృష్టమైనదీ
ఈ మానవ జన్మ
అట్టి జన్మను మట్టిలో కలపడం"ఎంతటి దారుణం!

అజ్ఞానంలో అంధకారంలో దుర్వసనాలకు బానిసలై
ఆకర్షణతో అమాయకత్వంతోక్షణికావేశాలకుగురై
బంగారు భవిష్యత్తును
బలి తీసుకోవడం ఎంతటి  ఘోరం!

కష్టపడి కని పెంచి పెద్ద చేసిఆశలెన్నో పెట్టుకున్న
కమ్మనికలలెన్నో కంటున్నకన్న తల్లిదండ్రులను
మానసిక క్షోభకు గురిచేయడం ఎంతటి నేరం!

ఓ బిడ్డలారా! ఆ దారుణానికి పాల్పడే
ముందొక్కసారి ఆలోచించండి
మిమ్ము కన్న మీ అమ్మానాన్నల్ని
మీకు జన్మనిచ్చిఆ భగవంతున్ని
నిండునూరేళ్లు బ్రతికినమీ తాతాముత్తాతలను
కోట్లు ఖర్చుపెట్టినా బ్రతకనిఆ కోటీశ్వరులను.

ఒక్కసారి ఒకే ఒక్కసారిగుర్తుచేసుకోండి చాలు
"ఆశే మా ఆస్తి" ....అంటారు
"ఆత్మహత్యకు స్వస్తి" ....అంటారు