మా జీతం మా జీతం
మా పదవి మా పదవి
మా హోదా మా హోదా
మా ఉద్యోగం మా ఉద్యోగం
మా అధికారం మా అధికారం

మా ఆస్తి మా ఆస్తి
మా కులం మా కులం
మా మతం మా మతం
మా వాళ్లు మా వాళ్లు
మా యిల్లు మా యిల్లు
మా అందం మా అందం
మా సుఖం మా సుఖం
మా కంచం మా కంచం
మా మంచం మా మంచం
అంటూ కలలోసైతం కలవరించకండి
కొంచం ఆత్మీయంగా ఆలోచించండి

ఆ మంచానికే మీరు దూరమైతే
అన్నింటికి దూరమైనట్లేనని
మాదిమాది అన్నదేది మీదికాదని
గాలిబుడగే జీవితమని పగిలిపోక తప్పదని
పైనుండి ఆ పరమాత్మ నుండి పిలుపు రాగానే
అన్ని వదిలి పరలోకానికి పారిపోక తప్పదని‌
అప్పుడు మీరు ఆర్జించినవన్నీ పరులకేనన్న
ఒకేఒక్క పచ్చినిజాన్ని తప్పక తెలుసుకోండి

మీ జీవితం ధన్యమౌతుంది
మీ ఆయుష్షు పెరుగుతుంది
మీ ఆత్మకు శాంతి దొరుకుతుంది
మీ మనసుకు తృప్తి కలుగుతుంది
మీ బ్రతుక్కి ఒక అర్ధం పరమార్ధముంటుంది