కొత్త జంటలు
కళ్యాణం మండపంలో అందరిలో పెళ్లి పందిరిలో
ఇలా ప్రమాణాలు చేసుకుంటే వాటికి కట్టుబడివుంటే
ఆపెళ్ళి నూరేళ్లపంట వారు విడిపోవడమంటూ జరగదు

నూతన వధువుతో వరుడుచేసే ప్రమాణాలు 10.అవి

మొదటి ప్రమాణం:
హాయిగా హనీమూన్ కి  మనం వెళ్తే 
ప్రకృతి ఒడిలో పరవశించే వేళ అడవిలో
విహరించేవెేళ నిన్ను నన్ను ఏవైనా
కౄరమృగాలు అంటే ఏనుగులు కాని 
పులులుకాని సింహాలు కాని వెంటాడితే నిన్ను
నేను ఒంటరిగా వదిలి పిరికిపందలా పారిపోను

రెండవ ప్రమాణం:
అలాగె ఇద్దరంకలిసి చేసే కాపురంలో కూడ
ఎన్ని కష్టాలు వచ్చినా ఎన్ని కలహాలు వచ్చినా
నిన్ను ఎడబాయను నీకు విడాకులివ్వను
మరొక స్త్రీని ముట్టుకోను ఆమె చెయ్యిని పట్టుకోను

మూడవ ప్రమాణం:
నీ కేదైనా జబ్బుచేసినేటి నీ అందముకాని
నీ ఆరోగ్యంకాని భవిష్యత్తులో దెబ్బతిన్నా
నిన్ను నేను వదలిపెట్టను నీతోనే ఉంటాను

నాగవ ప్రమాణం:
నీవు నా ప్రక్కటెముకవు గనుక
భర్తగా నీ మీద నేను పెత్తనం చలాయించను
కోపంతో కొట్టను బూతుమాటలతో తిట్టను

ఐదవ ప్రమాణం:
అనవసరమైన అనుమానాలతో
అర్థంలేని అపార్థాలతో నిన్ను అస్తమానం
అవమానాలపాలు చెయ్యను

ఆరవ ప్రమాణం:
నా కుటుంబ సభ్యులకు పంచిన స్వచ్చమైన
ప్రేమనే నీకు పంచి మా అమ్మకన్న మిన్నగా
నిన్ను నీ వారిని చూసుకుంటాను నా మాట నమ్ము

ఏడవ ప్రమాణం:
నీ ముఖంలో చిరునవ్వును తప్ప
నీ కంట ఒక్క కన్నీటిచుక్కనుకూడ
నేలరాలకుండ చూసుకుంటాను

ఎనిమిదవ ప్రమాణం:
సూదుల్లాంటి సూటిపోటి మాటలతో నిన్ను
వేధించి వెతలకుగాని మానసిక క్షోభకుగాని
గురిచెయ్యనని గుండెమీద చెయ్యివేసి చెబుతున్నాను

తొమ్మిదవ ప్రమాణం:
నిన్ను ,భగవంతుడు నాకు ప్రసాధించిన
ఒక బంగారు బహుమతిగానే భావిస్తాను తప్ప నీవు
ఒక భోగవస్తువన్న భావన నా మనసులోకి రానివ్వను
కడవరకు కన్ను మూసేవరకు నీకు తోడుగా నీ నీడగా వుంటానని ప్రమాణం చేస్తున్నాను

పదవ ప్రమాణం:
నేను ఆ రోజు అందరిలో ఆ పెళ్ళి పందిరిలో చేసిన
ఆ ప్రమాణాలన్నంటికి  ఖచ్చితంగా నేను కట్టుబడి వుంటానని తు.చ.తప్పక పాటిస్తానని మనస్పూర్తిగా మాటిస్తున్నాను నా మాట తప్పను.