ఎగిసెగిసిపడే ఆ అలల ప్రయాణమెంతవరకు ? 

అలసి సొలసి ఆవలితీరం చేరేంత వరకే

ముసురుకున్న ఈ కారుమబ్బులెంతవరకు? 

నింగిలో సూర్యుడు తొంగి చూసేంత వరకే

కమ్ముకున్న ఈ చిమ్మచీకట్లెంతవరకు ? 

చీకటిలో చిరుదీపం వెలిగించేంత వరకే

ఈ కరోనా విలయ తాండవమెంతవరకు ? 

వ్యాక్సిన్,లేదా మందు కనిపెట్టేంత వరకే

ఔను ఏదీ  ఈలోకంలో ఆగదు

ఆగితే అది ముందుకు సాగదు

అందుకే,భయపడకండి 

భయమే ఒక భూతం

అది అడుగు ముందుకు వెయ్యనివ్వదు

అభివృద్ధి చెందనివ్వదు, ఆలోచించనివ్వదు

ధైర్యంగా వుండండి

ధైర్యమే మనకు దారిలోదీపం

ఆ వెలుతురులో ఎంతదూరమైనా వెళ్ళవచ్చు

ఏదైనా సాధించవచ్చు,సంతోషంగా వుండవచ్చు