నేటి మన
కార్పొరేట్ కాపురాలు
ఇలాగున్నాయి
హాయిగా స్వేచ్ఛగా ఎగిరే
పక్షి రెక్కల కాపురాలు

పెరటిలో పచ్చగా పెరిగే
పూలమొక్కల కాపురాలు

పగిలి కలలు చెదిరే
గాజుముక్కల కాపురాలు

ఎంతకకూ అంతుచిక్కని
ఎవరికీ అర్థం కాని
కాకి లెక్కల కాపురాలు

భార్య × భర్త
తరగని కరగని కలతల
కలహాల కన్నీటి కాపురం

భార్య ÷ భర్త
చిక్కుల చికాకుల ఎక్కువ
తక్కువల ఏకాకి జీవితం

భార్య - భర్త
ఒంటరి తుంటరి విధి వంచిత
విడాకుల విషాదకర జీవితం

భార్య + భర్త
వన్నెచిన్నెల వెన్నెల జీవితం
కమ్మని తీయని కలల కాపురం
వెచ్చని పచ్చని సుఖ సంసారం
దైవాశీస్సులు పొందిన దాంపత్యజీవితం