కష్టపడి కని కలలెవ్నోకని 
గడ్డి తిని గంజి తాగి 
గొడ్డు చాకిరీచేసి పెంచి,పెద్దచేసి 
మంచిసంబందం కోసం
మెప్పుకోసం అప్పులు చేసి
కాళ్ళచెప్పులు అరిగేల తిరిగి 
ముప్పుతిప్పలు పడి
మూడుముళ్ళు వేయిస్తే
ముసలి తల్లిదండ్రులకు
ఓ ముద్ద తిండి పెట్టక 
కడుపులు మాడ్చేటి
ఓ కసాయివారలారా !
రక్తం పంచుకొని పుట్టిన
ఓ రాక్షసులారా !
గుండు చేయించుకొని 
మీరెన్ని గుళ్ళు తిరిగినా
కోటిదేవుళ్ళకు మొక్కినా
మీకు మాత్రం పుణ్యం దక్కదు
కన్నవాళ్ళ కాళ్లు మొక్కనిదే 
కన్నవాళ్ళ ఆశిస్సులు పొందనిదే
కన్నవాళ్ళ కన్నీళ్ళు తుడవనిదే 
కన్నవాళ్ళ కడుపులు నింపనిదే 
కన్నవాళ్ళ రుణం తీరనిదే