హెల్ మెట్
ఎందుకు ధరించాలి...?
..."తలకు ఎండ తగలకుండా"...
లేదు లేదు...అది గొడుగు కాదు...

గాలిలో తేలిపోతూ
వేగంగా అతివేగంగా
మీరు నడిపే వాహనం
ఏ డివైడర్ నో ...
ఏ స్పీడ్ బ్రేకర్ నో...
వేగంగా వెళ్ళే మరో వెహికల్ నో...
ఢీకొట్టి..."తల పగిలిపోకుండా"... 
పెనుప్రమాదానికి మీరు గురికాకుండా...

కనులున్నాక........."కలలు" తప్పవు
కడలి అన్నాక........"అలలు" తప్పవు
కాపురమన్నాక......"కలతలు" తప్పవు
సంసారమన్నాక...."సమస్యలు" తప్పవు
ప్రయాణమన్నాక..."ప్రమాదాలు" తప్పవు

అందుకే ఓ యువతా!
బండి ఎక్కేముందు...
కిక్ రాడ్ తొక్కేముందు...
మీ బంగారు భవిష్యత్ ను
బలితీసుకోకండి...తెలుసుకోండి...
హెల్ మెట్ మీ తలకు "రక్షణ కవచమని"...
అతివేగం..."మృత్యువుకు ఆహ్వానమని"...

యువతా ! ఓ యువతా !
జాగ్రత్త ! తస్మాత్ జాగ్రత్త..!
హెల్ మెట్ ను తప్పక ధరించండి..!
మీరు"సురక్షితంగా ఇంటికి చేరుకోండి..!

మీరు"ఇంటికి దీపమని"...
"కంటికి వెలుగని"...మరువకండి..!
"ఎదురు చూసేవారిని ఏడిపించకండి"..!
విలువైన మీ ప్రాణాలను కాపాడుకోండి..!