యింటిలోకి 

ఒక్క పామొస్తే

"పట్టుకోవచ్చు"..........

కాని... ఒక్కసారే 

వంద పాములొస్తే ? 

ఏదైనా ఒక్క 

సమస్య వస్తే 

"తట్టుకోవచ్చు"...........

కాని...ఒక్కసారే 

వంద సమస్యలొస్తే ? 

ఎప్పుడైనా

వరదలొచ్చి 

ఇల్లు కూలిపోయినా

అగ్ని ప్రమాదంలో 

ఇల్లు కాలిపోయినా 

తిరిగి"కట్టుకోవచ్చు".........

కాని....ఒక్కసారే 

భయంకరమైన భూకంపమొచ్చి 

ఇల్లు పూర్తిగా నేలమట్టమైతే ? 

ఉండేందుకు ఇళ్ళులేకున్నా

తినేందుకు తిండిలేకున్నా

అనారోగ్యంతోఆసుపత్రి పాలైతే

అప్పైనా చేసి ఆసుపత్రిబిల్లుల్ని

"కట్టుకోవచ్చు"..........   

కాని.... ఒక్కసారే అకస్మాత్తుగా 

మాయదారి రోగమొచ్చి  

ఆపరేషన్ కు లక్షలు లక్షలు

ఖర్చు పెట్టాల్సి వస్తే ?

ఎవరు దిక్కు ?ఆదైవం తప్ప

ఔను మనందరిని అన్నింటా 

ఆదుకోనేవాడా పరమాత్మ ఒక్కడే

అందుకే నీ చేతిలో నా చేతిలో 

ఏముంది నిమ్మకాయ పులుసు

అది నీకు నాకు ముందే తెలుసు