ఓ మనిషీ!

ఇస్తానని ఆశచూపితే వెంటనే ఇవ్వు

చేస్తానన్న సహాయం తక్షణమే చెయ్

అన్నమాట మీదనే తప్పక నిలబడు

అబద్దాలాడకు వాయిదాలు వెయ్యకు

నటించకు

నమ్మినవారిని నట్టేట ముంచకు

ఈ విచిత్ర మనస్తత్వం ఎవరికీ నచ్చదు

ఓమనీషీ!

వినని వారిని విమర్శించు 

గట్టిగా హెచ్చరించు ఎంతగా

హెచ్చరించినా చలించకపోతే

ఏకిపారెయ్ కోరల్ని పీకెయ్

కొమ్ముల్ని విరిచెయ్

బుద్ధికి బూజుపడితే దులపెయ్

అదివంకరగా వుంటే సరిదిద్దేందుకు

సదా సిద్ధంగా వుండు....

ఓ మనిషీ!

మనిషిలోని మంచికోసం

మానవత్వంకోసం

మహత్తరమైన మార్పుకోసం  

సంఘంలో సమానత్వం కోసం 

నీ కలమెప్పుడూ చేస్తూనే ఉండాలి

యుద్దం...ధర్మయుద్ధం...

ఓ మనిషి!

మానవత్వానికి దైవత్వానికి  

మధ్య ఆరు తెరలేవున్నాయి

వినయం - విధేయత ...

విజ్ఞానం -  వికాసం ...

విచక్షణ -   విలువ...

ఇవిలేనినాడు ప్రతిమనిషి మృతప్రాయుడే 

అవి ఉన్నవాడు అందరికి ఆదర్శప్రాయుడే