ఓ అపరభక్తుల్లారా‌ !

ఓ ఆశాజీవుల్లారా ! 

మీరొక నిండునిజాన్ని తెలుసుకోండి! 

మీరురోజు గుడిమెట్లు ఎక్కుతారు

భక్తితో భగవంతున్ని మొక్కుతారు

గుడి చుట్టూ తిరుగుతారు

గుండు చేయించుకుంటారు

వెంకటేశ్వరుని దర్శించుకుని

ఆశతో ఆర్తితో వేడుకుంటారు

"కొంచెం చిల్లరే" హుండీలోవేసి 

"కోటి వరాలు" కోరుకుంటారు

కాని ఏ దేవుళ్ళయినా ఏ దేవతలైనా 

మీకు వరాలనివ్వరు శాపాలనివ్వరు

"బంగారు అవకాశాలనిస్తారు,వాటిని 

సద్వినియోగం ‌చేసుకునే సమయాన్ని 

శక్తిని జ్ఞానాన్ని ఆరోగ్యాన్ని ఇస్తారు

ఆపై ఆ బంగారు అవకాశాలను మీరు 

"వరాలుగా" మార్చుకుంటారా లేక 

"శాపాలుగా" మార్చుకుంటారా 

అన్నది మీ చేతుల్లోనే వున్నది....

కానీ,ఒక్కటి మాత్రం పచ్చినిజం

అవకాశాలు వరాలైతే అదృష్ట‌దేవత మీ‌వెంటే...

అవకాశాలు శాపాలైతే దరిద్రదేవత మీ‌ ఇంటే...