డబ్బు డబ్బుగానే ఉంటే 

జబ్బు జబ్బుగానే ఉంటుంది 

ఆ ధనమే సేవాగుణమైతే 

నీవు దాతవే ధన్యజీవే 

ఆ ధనమే దానగుణమైతే 

నీవు మహాత్మాడివే 

మహనీయుడివే 

ఆ డబ్బే అల్లుడికి కట్నమైతే 

ఆపై ఇళ్ళంతా అంబరాన్నంటే 

పెళ్లి సంబరాలే

ఆ డబ్బే ఎలక్షన్లో ప్రచారమైతే  

ఆపై తేలేది గెలుపు ఓటమిలే 

ఓడితే అదొక గుణపాఠమే 

గెలిస్తే దక్కు అధికారపీఠమే 

మాయరోగం వచ్చి 

మంచానపడితే 

ఆ డబ్బే మందుగా మారితే 

ఆ డబ్బే డాక్టర్ ఫీజ్తేతే

హాస్పిటల్ లో చెల్లించేబిల్లైతే 

ఆపై నీవు ఆరోగ్యవంతుడివే 

అదృష్టవంతుడివే 

లేదంటే ఆడబ్బే బ్యాంకు ఖాతాల్లో 

లాకర్లలో లక్షలై వుంటే

ఆ డబ్బు డబ్బే నీ జబ్బు జబ్బే