పైకి క్రిందికి
వ్రేలాడుతూ గదిలో...
గాఢాంధకారంలో...
"గబ్బిలంలా" బ్రతక్కు

మురికి
బట్టలు మోస్తేనేమి..?
గొడ్డుచాకిరి చేస్తేనేమి..?
యజమాని మెప్పును
పొందు "గాడిదలా" బ్రతుకు

గుట్టుగా
"నీటిలో మాత్రమే"
స్వేచ్ఛగా జీవించి...
గట్టున పడీపడగానే
ప్రాణాలు కోల్పోయే
చెరువులో "చేపలా" బ్రతక్కు

నీటిలో ఉండి
నీరెండి పోగానే
నేలపైన సైతం
హాయిగా స్వేచ్ఛగా...
తిరుగే‌ "కప్పలా" బ్రతుకు

"కావు కావు"
మంటూ కాటిలో పెట్టే
"పిండాలకోసం"ఆశపడే...
ఆరాటపడే "కాకిలా" బ్రతక్కు

లేత మావిచిగురులు తింటూ...
కుహూ కుహూ అంటూ...
కోటిరాగాలు కమ్మగా ఆలపించే
కొమ్మల్లో "కోయిలమ్మలా" బ్రతుకు