అవి అన్నీ గొప్ప ఆలోచనలే
ఎవరూ ఆచరణలో పెట్టనంత వరకే

అవి అన్నీ మహా సాహనకార్యాలే
ఎవరూ ప్రయత్నించనంత వరకే

అవి అన్నీ గొప్ప గొప్పపనులే
ఎవరూ ప్రారంభించనంత వరకే

అవి అన్నీ అందరికీ అసాధ్యాలే
ఎవరూ సాధించినంత వరకే

అవి అన్నీ వింతలు విశేషాలే
ఎవరూ కనిపెట్టనంత వరకే

అవి అన్నీ మహాఅద్భుతాలే
ఎవరూ చేయనంత వరకే

అవి అన్నీ మహా ఘనవిజయాలే
ఎవరూ అందుకోనంత వరకే

ఒక్కసారి ఎదురులేని ఏకాగ్రతతో
గట్టి నమ్మకంతో గట్టి పట్టుదలతో
సరైన గురు శిక్షణలో దృఢమైన దీక్షతో
కసితో తపనతో కష్టపడితే
నిరంతరం కృషి చేస్తే సమస్తం సాధ్యమే

ఎన్నో రికార్డులు బద్దలు కొట్టవచ్చు
ఎన్నో రివార్డులు అందుకోవచ్చు