పుట్టుకతో
అబ్బాయిలకు
అమ్మాయిల లక్షణాలు
అమ్మాయిలకు
అబ్బాయిల లక్షణాలోస్తే
భయం లేదు బాధలేదు నష్టంలేదు

కాని కోడెవయసులో ఉన్న
వేడిరక్తం మరుగుతున్న
యువతీయువకులకు
ముసలివాళ్ళ లక్షణాలొస్తేనే ముప్పు

యవ్వనం నివురుగప్పిన నిప్పు
అందమైన ఆ నవయవ్వన‌వైభవాన్ని
అనుభవించలేరు
అందచందాలను ఆస్వాదించలేరు
మగువలపొందులోని మాధుర్యాన్ని
సరసాన్ని శృంగారాన్ని
మన్మధబాణాల మధుర భాధను
విరహాన్ని వినోదాలను ఆశలు ఆకలి తీర్చి 
అదిపంచే అమృతభాండాన్ని రుచిచూడలేరు
పొంగే కొత్తకొత్త కోర్కెలను
సరదాలను తిరిగి వారు తీర్చుకోలేరు

ఈ ముసలి లక్షణాల ముసుగును 
వేసుకున్నవారంతా మూర్ఖులే
ఈ ముసలి లక్షణాల సంకెళ్లు
తెంచుకున్నవారే విజ్ఞులు విశ్వవిజేతలు

వాడిన ఆకు చిగురించదు
గడిచిన కాలం తిరిగి రాదు
చేజారిన అవకాశాన్ని
కరిగిపోయిన యవ్వనాన్ని
మళ్లీ మళ్లీ ఎవరూ పొందలేరు
భగవంతుడిచ్చేది బాల్యమే
యవ్వనం వార్ధక్యం మనిషి నిర్మితమే