పుట్టినరోజు
పండగే అందరికీ...
మరి పుట్టింది
ఎందుకో తెలిసేది
ఎందరికీ ఎందరికీ.....

కృషి ఉంటే
మనుషులు
ఋషులౌతారు...
మహాపురుషులౌతారు...
తరతరాలకు
తరగని నిధులౌతారు...
ఇలవేలుపులౌతారు.....

సాధన
చేయుమురా నరుడా
సాధ్యం కానిది లేదురా...
అలవాటైతే విషమేఐనా
హాయిగా త్రాగుట సాధ్యంరా...

అంటూ
వీరులెవ్వరో...
విశ్వవిజేతలెవ్వరో...
విజయానికి దారులెన్నో ...
కనిపెట్టి ముందుతరాలకందించారు...
అభ్యుదయ సినీగేయరచయితలెందరో...

ఔను
ఒక మనిషి
మహాత్ముడిగా
గుర్తింపు పొందాలంటే
ఆ మనిషినిండా మానవత్వముండాలి
ఒక వ్యక్తి దైవంగా ఆరాధించబడాలంటే
ఆ వ్యక్తి అలనాడు ఆ శ్రీహరి మొసలి
గండం నుండి గజరాజును రక్షించినట్టు
ఎందరినో ఆపదలో ఆదుకొని ఉండాలి