వద్దువద్దు అనకు 

ముద్దులతో 

నిన్ను ముంచెత్తనియ్...

వెచ్చని వెన్నెల్ని 

మనతో ముచ్చటలాడనియ్...

ప్రియా ఓ నా ప్రియా !

శృంగారంలో 

శృతిలయల్ని 

సంసారంలో 

సరిగమల్ని పలకనియ్... 

అంబరాన చుక్కల్ని 

సంబరాన కులకనియ్...

ప్రియా ఓ నా ప్రియా !

రెక్కలు తెగిన కాలాన్ని 

ఒక్క క్షణం ఆగనియ్...

పచ్చని మన కాపురానికి 

వేయిపందిళ్ళు వేయనియ్...

ప్రియా ఓ నా ప్రియా ! 

సదా నీ యెదలో 

నన్ను నిదురించనియ్...

తేనెలూరే నీ బిగికౌగిలిలో 

నాకు తెలవారనియ్... 

ప్రియా ఓ నా ప్రియా !

ప్రేమసాక్షిగా నేడు పెనవేసుకుందాం !

తాళిసాక్షిగా రేపు తల్లిదండ్రులమౌదాం!