విజయవాడ మేయర్ గా వంగవీటి రాథ: ప్రమాణ స్వీకారం ఎప్పుడంటే..?
Published on: Fri Nov 20, 2026 10:30AM
.webp)
విజయవాడ నగర పాలక సంస్థ (వీఎంసీ) నూతన పాలకవర్గం కొలువుదీరేందుకు ముహూర్తం ఖరారైంది. విజయవాడ మేయర్గా వంగవీటి రాధాకృష్ణ ఈ నెల 23న ప్రమాణ స్వీకారం చేయనున్నారు. విజయవాడ అంబేద్కర్ కళావేదిక ఈ ప్రమాణ స్వీకార కార్యక్రమానికి వేదిక కానుంది. నగర ప్రథమ పౌరుడిగా వంగవీటి రాధాకృష్ణ బాధ్యతలు చేపడుతుండటంతో తెలుగుదేశం కూటమి శ్రేణుల్లోనూ, వంగవీటి అభిమానుల్లోనూ ఆనందోత్సాహాలు వెల్లివిరుస్తున్నాయి. వారి హడావుడితో విజయవాడ నగరమంతా ఇప్పటికే పండుగ వాతావరణం నెలకొంది.
మేయర్ గా వంగవీటి రాధాకృష్ణ ప్రమాణ స్వీకారంతో పాటు, డిప్యూటీ మేయర్ కూడా పదవీ బాధ్యతల ప్రమాణం చేయనున్నారు. అలాగే నగరంలోని వివిధ డివిజన్ల నుంచి ఎన్నికైన 86 మంది కార్పొరేటర్లు కూడా ఇదే వేదికపై ప్రమాణ స్వీకారం చేయనున్నారు. ఒకేసారి మేయర్, డిప్యూటీ మేయర్, 86 మంది కార్పొరేటర్లు ప్రమాణ స్వీకారం చేస్తుండటంతో ఈ కార్యక్రమం ప్రాధాన్యత సంతరించుకుంది.
సాధారణంగా మున్సిపల్ కార్పొరేషన్ పాలకవర్గ ప్రమాణ స్వీకార కార్యక్రమాలు కార్పొరేషన్ కార్యాలయంలోని కౌన్సిల్ హాల్లో జరుగుతుంటాయి. అయితే.. విజయవాడ మున్సిపల్ కార్పొరేషన్ కౌన్సిల్ హాల్లో తగినంత స్థలం లేకపోవడంతో అధికారులు వేదికను మార్చాలని నిర్ణయించారు. 86 మంది కార్పొరేటర్లు, ప్రజాప్రతినిధులు, ఉన్నతాధికారులు, పెద్ద సంఖ్యలో హాజరయ్యే నాయకులు, కార్యకర్తలను దృష్టిలో ఉంచుకుని ఈ ప్రమాణ స్వీకారోత్సవ వేడుకకు వేదికగా అంబేద్కర్ కళావేదికను ఎంపిక చేశారు.
.webp)
విశాలమైన ప్రాంగణం కలిగిన అంబేద్కర్ కళావేదికలో ఈ కార్యక్రమం నిర్వహించడం వల్ల ఈ కార్యక్రమానికి వచ్చే ఆహ్వానితులు, అతిథులు, ప్రజలకు ఎలాంటి అసౌకర్యం ఉండదని అధికార యంత్రాంగం భావిస్తోంది. ఇప్పటికే ప్రమాణ స్వీకార కార్యక్రమానికి సంబంధించిన ఏర్పాట్లు చురుగ్గా సాగుతున్నాయి. విజయవాడ రాజకీయాల్లో వంగవీటి రాధాకృష్ణకు ప్రత్యేక గుర్తింపు ఉంది. ఆయన నగర మేయర్గా బాధ్యతలు స్వీకరిస్తుండటం పట్ల మద్దతుదారులు, రాజకీయ నాయకులు హర్షం వ్యక్తం చేస్తున్నారు. నగర పాలనలో కీలకమైన మేయర్ పీఠాన్ని ఆయన అధిరోహిస్తుండటంతో ఈ నెల 23న జరగబోయే ప్రమాణ స్వీకార కార్యక్రమానికి భారీ ఎత్తున నాయకులు, శ్రేణులు తరలివచ్చే అవకాశం ఉంది.
ఇది కూడా చదవండి: విజయవాడ మేయర్ గా వంగవీటి రాధా ఘన విజయం: మూడో స్థానానికే పరిమితమైన ఏబీవీ.!
మరోవైపు, 86 మంది కార్పొరేటర్లు ఒకే వేదికపై ప్రమాణ స్వీకారం చేయనుండటంతో నగరంలోని అన్ని డివిజన్ల నుంచి ప్రజలు, స్థానిక నేతలు హాజరయ్యే సూచనలు కనిపిస్తున్నాయి. ఇటీవల ఎన్నికైన ప్రజాప్రతినిధులంతా అధికారికంగా బాధ్యతలు స్వీకరించిన తర్వాతే నగర పాలక సంస్థ కౌన్సిల్ సమావేశాలు, పరిపాలనాపరమైన నిర్ణయాలు వేగవంతం కానున్నాయి.

ఈ నెల 23న జరగనున్న ప్రమాణ స్వీకారంతో విజయవాడ మున్సిపల్ కార్పొరేషన్లో కొత్త అధ్యాయం ప్రారంభం కానుంది. మేయర్, డిప్యూటీ మేయర్, 86 మంది కార్పొరేటర్లు సమన్వయంతో పనిచేస్తూ నగర ప్రజల ఆకాంక్షలను నెరవేరుస్తారని అందరూ ఆశిస్తున్నారు.
మీకు నచ్చవచ్చు: జనసేన గూటికి వంగవీటి రాధాకృష్ణ: విజయవాడ మేయర్ పీఠంపై కన్ను.!
పవన్ కల్యాణ్ సమక్షంలో జనసేనలోకి వంగవీటి రాధా..విజయవాడ రాజకీయాల్లో హాట్ టాపిక్.!
[Vangaveeti Radhakrishna, Mayor, Vijayawada, swearin cermony, Ambedkar Kalavedika, VMC, TeluguOne]


