తెలంగాణలో పవన్ కళ్యాణ్ ప్రచార షెడ్యూలు ఖరారు

బీజేపీ, టీడీపీ కూటమికి తన మద్దతు ప్రకటిస్తానని, ప్రచారం చేస్తానని పవన్ కళ్యాణ్ ప్రకటించగానే ఈ రెండు పార్టీలు పవన్‌ కళ్యాణ్‌ని తెలంగాణలో ప్రచారానికి దించేస్తున్నాయి. పవన్ కళ్యాణ్ తెలంగాణలో జరిపే ఎన్నికల ప్రచారం షెడ్యూలు ఖరారైపోయింది. శుక్రవారం నుంచి పవన్ కళ్యాణ్ తెలుగుదేశం, బీజేపీ నాయకులతో కలసి తెలంగాణలోని పలు నియోజకవర్గాల్లో ప్రచారం చేయనున్నారు. ఈనెల 25న హైదరాబాద్‌లోని శేరిలింగంపల్లి, కూకట్‌పల్లి, సనత్‌నగర్, కూకట్‌పల్లి, సనత్‌నగర్, సికింద్రాబాద్ నియోజకవర్గాల్లో పవన్ కళ్యాణ్ ప్రచారం చేస్తారు. 26న సిరిసిల్ల, హుస్నాబాద్, పాలకుర్తి నియోజకవర్గాల్లో, 27న ఎల్బీనగర్, అంబర్‌పేట, ఖైరతాబాద్, ఇబ్రహీంపట్నం నియోజకవర్గాల్లో, 28న నల్గొండ, భువనగిరి, మహబూబాబాద్ నియోజకవర్గాల్లో పవన్ కళ్యాణ్ ప్రచారం చేయనున్నారు.