హైదరాబాద్ లో పోటీకి జనసేన సన్నాహాలు?

జనసేన పార్టీని తెలంగాణ ఎన్నికల కమిషన్ లో రిజిస్టర్ చేయడం, జనసేన పార్టీని గుర్తిస్తూ ఎన్నికల కమిషన్ కూడా ఉత్తర్వులు జారీ చేయడంతో జీహెచ్ ఎంసీ ఎన్నికల్లో పవన్ కల్యాణ్ రంగంలోకి దిగుతారనే వార్తలు హల్ చల్ చేస్తున్నాయి, గత ఎన్నికల్లో బీజేపీ-టీడీపీ కూటమికి మద్ధతిచ్చిన పవన్... గ్రేటర్ ఎన్నికల్లో జనసేనను బరిలోకి దింపుతారనే ప్రచారం జరుగుతోంది, అయితే ఒంటరిగా బరిలోకి దిగుతారా? లేక బీజేపీ, టీడీపీతో పొత్తు పెట్టుకుంటారా అనేది ఇప్పుడే చెప్పలేమంటున్నారు పవన్ సన్నిహితులు, అయితే పార్టీ నిర్మాణం జరగనందున ఈసారికి పొత్తు పెట్టుకుని... కొన్ని సీట్లలో మాత్రమే జనసేన పోటీ చేయొచ్చని అంటున్నారు.