పవన్ లెఫ్ట్ భావాలు.. రైట్ చూపులు
posted on Mar 21, 2014 2:33PM
పవన్ కళ్యాణ్ . ఇప్పుడు ఓ పవర్ సెంటర్. పవనిజం.. యూత్ ను ఊపేస్తున్న మానియా. ఎన్నికల్లో దిగుతానని పవన్ ప్రకటించగానే స్నేహహస్తం అందిస్తూ అనేక పార్టీలు ముందుకు వచ్చాయి. ఆయితే పవన్ ఆలోచనలు, మానసిక సంఘర్షణ అంతా లెఫ్ట్ భావాలతో తొణికిసలాడుతుంది. ఒక్క కాంగ్రెస్ ను ఓడించేందుకు తానూ ఏ పార్టీతోనైనా కలుస్తానని ప్రకటించిన పవన్, తన ఆలోచనలకు దగ్గరగా ఉండే కామ్రేడ్లు వైపు కన్నెత్తి చూడడం లేదు. పైగా తన భావాలకు పూర్తి విరుద్ధమైన బీజేపీతో సంప్రదింపులు జరుపుతున్నాడు. నోవాటెల్ నుంచి ప్రసంగించిన పవర్ స్టార్, కులం, మతం, ప్రాంతం అన్నింటికీ తాను వ్యతిరేకమని ప్రకటించాడు. కానీ ఇప్పుడు మతతత్వ పార్టీగా ముద్రపడిన బీజేపీతో జట్టు కట్టేందుకు చర్చలు జరుపుతున్నాడు. ఇక్కడే క్లారిటీ లోపించిందని అంటున్నారు రాజకీయ విశ్లేషకులు.