మందుబాబులకు షాక్..తెలంగాణలో మద్యం షాపులు బంద్

తెలంగాణలో మద్యం దుకాణాలు మూతపడనున్నాయి.అయితే శాశ్వతంగా కాదు కేవలం నాలుగు రోజులు మాత్రమే.రాష్ట్రంలో ముందస్తు ఎన్నికలు జరుగుతున్నది విదితమే.ఇప్పటికే ఎన్నికల షెడ్యూల్ కూడా విడుదల అయింది.అయితే ఎన్నికల వేళ మందుబాబులకు తిప్పలు తప్పేలా లేవు.ఎన్నికల నేపథ్యంలో డిసెంబర్ నెలలో నాలుగు రోజుల పాటు మద్యం షాపులు మూత పడతున్నాయి.ఈ మేరకు తెలంగాణ ఎక్సైజ్ డిపార్ట్‌మెంట్ ఉత్తర్వులు జారీ చేసింది.డిసెంబర్ 7వ తేదీన ఎన్నికలు జరగనున్న నేపథ్యంలో డిసెంబర్ 5వ తేదీ నుంచి 7వ తేదీ వరకు మద్యం షాపులు మూసివేయనున్నారు.డిసెంబర్ 5వ తేదీ సాయంత్రం 6 గంటల నుంచి 7వ తేదీ 6 గంటల వరకు మద్యం షాపులు మూతపడనున్నాయి. ఇక ఎన్నికల ఫలితాలు వెల్లడించే డిసెంబర్ 11వ తేదీన కూడా మద్యం షాపులు మూసివేయనున్నారు.ఎన్నికలు సజావుగా,ప్రశాంత వాతావరణంలో జరిగేందుకు ఈ నిర్ణయం తీసుకున్నట్టు అధికారులు వెల్లడించారు.