ఆంధ్రప్రదేశ్‌ను  పెట్టుబడుల గమ్యస్థానంగా మాత్రమే కాకుండా, పారిశ్రామికవేత్తలు తమ    కార్పొరేట్ హోమ్ గా మార్చుకోవాల  మంత్రి నారా లోకేశ్   పిలుపునిచ్చారు. విశాఖపట్నం వేదికగా   జరుగుతున్న 31వ సీఐఐ భాగస్వామ్య సదస్సులో  దేశవిదేశాల నుంచి విచ్చేసిన ప్రముఖ పారిశ్రామికవేత్తలను ఉద్దేశించి ప్రసంగించిన లోకేష్ నవ్యాంధ్రలో పారిశ్రామిక ప్రగతికి ప్రభుత్వం కల్పిస్తున్న   అవకాశాలను వివరించారు.

వ్యాపార నిర్వహణలో   వేగం, ప్రభుత్వ విధానాలలో  స్థిరత్వం,  నిరంతర సేవ అందించడమే తమ ప్రభుత్వ   ధ్యేయమని స్పష్టం చేసిన లోకేష్,  పారిశ్రామికవేత్తలు ఎదుర్కొనే ఏ చిన్న సమస్యకైనా తక్షణ స్పందన ఉండేలా తాము కేవలం ఒక్క ఫోన్ కాల్ దూరంలోనే అందుబాటులో ఉంటామని భరోసా ఇచ్చారు. పెట్టుబడిదారులకు తమ సొంత సంస్థల కంటే వేగంగా ప్రభుత్వ యంత్రాంగం నుంచి స్పందన లభిస్తుందన్నారు, రాష్ట్రంలో  రెడ్ టేపిజంకు తావేలేదని ప్రకటించారు.  

పెట్టుబడిదారులలో  శ్వాసాన్ని నింపే దిశగా రాష్ట్ర ప్రభుత్వం  త్వరలోనే ప్రత్యేకంగా 'ఇన్వెస్టర్ ప్రొటెక్షన్ యాక్ట్  తీసుకురానున్నట్లు లోకేష్ వెల్లడించారు.  ప్రభుత్వం ప్రకటించే రాయితీలు, ప్రోత్సాహకాలను పొందేందుకు పారిశ్రామికవేత్తలు  కార్యాలయాల చుట్టూ తిరగాల్సిన పనిలేకుండా, నేరుగా  ఎస్క్రో ఖాతాల ద్వారా సకాలంలో జమ చేసే వినూత్న విధానాన్ని అమలు చేస్తున్నట్లు తెలిపారు.

ఆంధ్రప్రదేశ్‌కు ఉన్న భౌగోళిక ప్రయోజనాలు, వెయ్యి కిలోమీటర్ల మేర విస్తరించిన తీరప్రాంతం, ఇప్పటికే అందుబాటులో ఉన్న విశాఖ ప్రధాన పోర్టుతో పాటు కొత్తగా నిర్మిస్తున్న గ్రీన్‌ఫీల్డ్ పోర్టులు,   భోగాపురం అంతర్జాతీయ విమానాశ్రయం వంటి అత్యాధునిక మౌలిక వసతులు పారిశ్రామిక రంగానికి వెన్నెముకగా నిలుస్తాయన్నారు.  రాష్ట్రంలో గడిచిన కొద్దికాలంలో అమలు చేసిన విధానాల వల్ల పారిశ్రామిక స్వరూపమే పూర్తిగా మారిపోయిందనీ, గ్లోబల్ సప్లై చైన్‌లో ఏపీ కీలక కేంద్రంగా మారుతోందని తెలిపారు.
ఇది కూడా చదవండి: విశాఖ వేదికగా సీఐఐ సదస్సు ప్రారంభం: ముఖ్య అతిథిగా హాజరైన కేంద్ర మంత్రి పియూష్ గోయెల్.!

ప్రపంచ ఆర్థిక వ్యవస్థలో మారుతున్న పోకడలకు అనుగుణంగా ట్రేడ్, టెక్నాలజీ, ట్రస్ట్   అనే మూలస్తంభాలపై తమ ప్రభుత్వం ముందుకు సాగుతోందని లోకేశ్ వివరించారు. రాష్ట్రంలో తయారయ్యే ఉత్పత్తులు కేవలం దేశీయ మార్కెట్ కే పరిమితం కాకుండా అంతర్జాతీయ ప్రమాణాలతో గ్లోబల్ మార్కెట్‌ను జయించేలా యువతకు నైపుణ్య శిక్షణ ఇస్తున్నామన్నారు.

 రాష్ట్ర ప్రభుత్వ చిత్తశుద్ధిని, పారదర్శక విధానాలను గమనించి ముందుకు రావాలని ఆయన ప్రపంచ పారిశ్రామిక వర్గాలను కోరారు.మంత్రి నారా లోకేశ్ ఇచ్చిన ఈ భరోసా విశాఖ సదస్సుకు విచ్చేసిన పారిశ్రామికవేత్తల్లో ఉత్సాహాన్ని నింపింది. రాబోయే కాలంలో ఏపీలో భారీ ఎత్తున పరిశ్రమలు స్థాపించడానికి ఈ ప్రకటనలు ఎంతో దోహదపడతాయని ఆర్థిక నిపుణులు చెబుతున్నారు.  

మీకు నచ్చవచ్చు:  ఏపీ పెట్టుబడులకు యూఏఈ ఆసక్తి..12 సంస్థలతో ఫుడ్ ప్రాసెసింగ్ క్లస్టర్.!

ఏపీలో పారిశ్రామిక పురోగతి: ఈజ్ ఆఫ్ డూయింగ్ బిజినెస్.!

[Nara Lokesh,  CIIVizagsummit,  InvestorProtectionAct,  Escrow accounts, Teluguone]