హత్యకు చిలుక సాక్ష్యం..

మన పంచతంత్ర కథల్లో జంతువులు, పక్షులు మాట్లాడుకోవడం చదివాం..అలాగే ఆ కథల్లో ఇతర జంతువుల మధ్య గొడవలు జరిగినప్పుడు సాక్ష్యాలు చెప్పడం విన్నాం. ఇప్పుడు అలాంటి సంఘటన ఈ 21వ శతాబ్ధంలో జరగబోతోంది. అమెరికాలోని మిచిగన్ సాండ్‌లేక్ పట్టణంలో గత ఏడాది మేలో భర్తను హత్య చేసిందనే ఆరోపణలతో గ్లెన్న డురమ్ అనే మహిళను పోలీసులు అరెస్ట్ చేశారు. బుల్లెట్ గాయాలతో భర్త మార్టిన్ మృతదేహంతో పాటు బుల్లెట్ గాయంతో గ్లెన్న పడివుంది. ఈ కేసులో విచారణ జరుపుతున్న పోలీసులు గ్లెన్నానే మార్టిన్‌ను హత్య చేసిందా లేదా మరేవరైనా వీరిపై దాడికి పాల్పడ్డారా అనేది అర్థంకాక జుట్టు పీక్కుంటున్నారు. సరిగ్గా ఈ సమయంలో మరోసారి ఆధారాల కోసం ఇంటిని పరిశీలిస్తుండగా ఆ ఇంట్లో పెంపుడు చిలక ఇంట్లోంచి వెళ్లిపో..ఎక్కడి వెళ్లాలి..నన్ను కాల్చోద్దు అనే పదాలను పొడిపొడిగా చెబుతుండటాన్ని పోలీసులు గమనించారు. దీని ఆధారంగా ఈ కేసులో చిక్కుముడిని విప్పేందుకు పోలీసులు ప్రయత్నిస్తున్నారు. అయితే చిలక సాక్ష్యం కోర్టు పరిగణనలోనికి తీసుకుంటుందో లేదో వేచి చూడాలి.