తల్లి కాబోతున్న మనీషా!

బాలీవుడ్‌తోపాటు దక్షిణాది సినిమా రంగాన్ని కూడా ఒక ఊపు ఊపి, ఆ తర్వాత పెళ్ళి చేసుకుని, ఆ పెళ్ళికాస్తా పెటాకులైపోయి, అనంతరం కేన్సర్ బారిన పడి కోలుకున్న మనీషా కోయిరాలా తల్లి కావాలని కోరుకుంటోంది. వైవాహిక జీవితం ముగిసిపోయన 44 సంవత్సరాల మనీషా కొయిరాలాకి ఇప్పుడు తల్లి కావాలన్న కోరిక పుట్టింది. ఈ వయసులో మనీషాకి ఇదేం కోరిక అని ఆశ్చర్యపోతున్నారా? మనీషా ఇప్పుడు తల్లి కావాలనుకోవడం తానేదో గర్భం ధరించి తల్లి కావడం కాదు.. ఒక అనాథ బాలికను దత్తత తీసుకుని ఆ పాపని సొంత కూతురిలా పెంచి పెద్ద చేసి, ప్రయోజకురాలిని చేయాలన్నది మనీషా కోరికట. తాను దత్తత తీసుకునే పాప కోసం మనీషా అన్వేషణ కూడా ప్రారంభించింది. కేన్సర్ నుంచి బతికి బయటపడ్డ తన జీవితానికి ఒక ఆలంబనలా వుండేలా దత్తత తీసుకునే అమ్మాయిని పెంచుకుంటానని మనీషా చెబుతోంది. కేన్సర్‌ని జయించిన మనీషా ప్రస్తుతం కేన్సర్ అవగాహన కార్యక్రమాల్లో చురుకుగా పాల్గొంటోంది.