ఆర్కే గురించి మాకు తేలీదు..
posted on Nov 3, 2016 11:41AM
ఆంధ్రా, ఒరిస్సా సరిహద్దులో భారీ ఎన్ కౌంటర్ జరిగిన సంగతి తెలిసిందే. అయితే దీనిలో భాగంగా.. తన భర్త ఆర్కేను పోలీసులు అదుపులోకి తీసుకున్నారని... అతనిని కోర్టులో హాజరుపరచాలని ఆయన భార్య పిటిషన్ దాఖలు చేసింది. దీనిపై విచారణ జరిపిన కోర్టు కూడా ఆర్కే గురించి చెప్పాలని ఏపీ ప్రభుత్వాన్ని ఆదేశించింది. ఇక దీనిపై ఈరోజు ఏపీ ప్రభుత్వం వివరణ ఇచ్చినట్టు తెలుస్తోంది. ఆర్కే తమ దగ్గర లేడని పోలీసులు చెప్పారు. మరోవైపు పోలీసులు అదుపులోనే ఆర్కే ఉన్నాడని మీ వద్ద ఆధారాలు ఉన్నాయా అని పిటిషనర్ తరఫు న్యాయవాదిని హైకోర్టు ప్రధాన న్యాయమూర్తి ప్రశ్నించగా.. రెండు వారాల్లో ఆధారాలు సమర్పిస్తామని పిటిషనర్ తరఫున్యాయవాది చెప్పారు. దీంతో కోర్టు విచారణను రెండు వారాలకు వాయిదా వేసింది.