TeluguOne Health
● # Tweets

Download the TeluguOne App

Choose your platform to continue

హెచ్‌సీయూ హాస్టళ్లలో ఫుడ్ పాయిజనింగ్: 40 మందికి అస్వస్థత.!

Published on: Fri Nov 20, 2026 1:26PM

హైదరాబాద్  సెంట్రల్ యూనివర్సిటీ  పరిధిలోని  రెండు హాస్టళ్లలో ఫుడ్ పాయిజినింగ్ అయ్యింది. మొత్తం 40 మంది విద్యార్థులు అస్వస్థతకు గురయ్యారు.  హెచ్సీయూ పరిధిలోని ఎంఅనెక్స్, ఎన్ఆర్ఎస్ బాయస్ హాస్టళ్లలో భోజనం చేసిన తరువాత దాదాపు 40 మంది విద్యార్థులు అస్వస్థతకు గురయ్యారు. వారందరినీ హుటాహుటిన వర్సిటీ ఆరోగ్య కేంద్రం, సమీపంలోని ప్రైవేటు హాస్పటల్స్ కు తరలించి చికిత్స అందించారు.  ప్రస్తుతం వారందరి ఆరోగ్యం నిలకడగా ఉంది. 

ఈ ఘటనకు సంబంధించి అస్వస్థతకు గురైన విద్యార్థుల సమాచారం మేరకు అల్పాహారం, మధ్యాహ్నం, రాత్రి భోజనం   అస్వస్థతకు గురయ్యారు.  ఉదయం టిఫిన్‌లో పోహా తిన్న తర్వాత కొంతమందికి, మధ్యాహ్న భోజనంలో వేయించిన కూరగాయలు తిన్న తర్వాత మరికొందరికి వాంతులయ్యాయి.  రాత్రి భోజనంలో రాజ్మా రైస్ తిన్న తర్వాత పలువురు ఇదే రీతిలో అస్వస్థతకు గురయ్యారు. 

చికిత్స అనంతరం అందరి ఆరోగ్యం కుదుటపడింది.    రాత్రి భోజనం చేసిన తర్వాత రాత్రి 10:30 గంటల ప్రాంతంలో విద్యార్థులు అస్వస్థతకు గురయ్యారనీ, సహాయం కోసం వర్సిటీ అధికారులకు పదేపదే ఫోన్ చేసినా  స్పందన రాలేదని విద్యార్థులు చెబుతున్నారు. అర్ధరాత్రి దాటిన తర్వాత తెల్లవారుజామున 1 గంటకు డిప్యూటీ చీఫ్ వార్డెన్ వచ్చి పరిస్థితిని పరిశీలించారని, అనంతరం తెల్లవారుజామున 2:45 గంటలకు అస్వస్థతకు గురైన విద్యార్థులను ఆరోగ్య కేంద్రానికి తరలించారని వివరించారు. 

 ఇంత పెద్ద సంఖ్యలో విద్యార్థులు అస్వస్థతకు గురైనా వైస్ ఛాన్సలర్, రిజిస్ట్రార్ స్పందించకపోవడంపై విద్యార్థి సంఘం నేతలు ఆగ్రహం వ్యక్తం చేస్తున్నారు.  హాస్టళ్లలో ఆహార నాణ్యత, అత్యవసర వైద్య సదుపాయాల నిర్వహణపై నిర్లక్ష్యం వహించిన బాధ్యులపై కఠిన చర్యలు తీసుకోవాలని డిమాండ్ చేశారు.   అలాగే, ఫుడ్ పాయిజన్‌తో బాధపడిన విద్యార్థుల ఆరోగ్య పరిస్థితిని దృష్టిలో ఉంచుకుని, పరీక్షల షెడ్యూల్‌లో సడలింపు ఇవ్వాలని  కోరారు. 

ఇది కూడా చదవండి:  సాంబారులో చచ్చిన బల్లి: 40 మంది విద్యార్థులకు అస్వస్థత.. ఆస్పత్రికి తరలింపు.!​

వసతి గృహాల్లో భోజన ఏర్పాట్ల పర్యవేక్షణపై మరింత శ్రద్ధ అవసరమనే అభిప్రాయం విద్యార్థి వర్గాల్లో వ్యక్తమవుతోంది.   రాబోయే రోజుల్లో హాస్టళ్లలో ఆహార తనిఖీలు, వైద్య అత్యవసర ఏర్పాట్లపై వర్సిటీ యంత్రాంగం ఎలాంటి చర్యలు తీసుకుంటుందనేది చూడాల్సి ఉంది.

 విద్యార్థి సంఘం డిమాండ్ల మేరకు పరీక్షల షెడ్యూల్‌లో సడలింపులపై అధికారులు నిర్ణయం తీసుకుంటారా లేదా అనే దానిపై విద్యార్థులు ఎదురుచూస్తున్నారు.   బాధిత విద్యార్థులంతా పూర్తిగా కోలుకోవాలని, భవిష్యత్తులో ఇలాంటి ఘటనలు పునరావృతం కాకుండా పటిష్ఠమైన చర్యలు చేపట్టాలని క్యాంపస్ వర్గాలు కోరుతున్నాయి. హాస్టల్ నిర్వహణ, విద్యార్థుల ఆరోగ్య భద్రతపై వర్సిటీ తీసుకునే నిర్ణయాలపై అందరి దృష్టి నిలిచి ఉంది.  

మీకు నచ్చవచ్చు:  తెలంగాణలో ఆహార సంస్థలపై TG SAFE ప్రత్యేక తనిఖీలు..!​

ఫుడ్ పాయిజనింగ్, రావడానికి అసలు కారణం ఇదే.. అన్నం నిల్వ చేసేటప్పుడు ఈ తప్పులు అస్సలు చేయకండి!​

[Food poisoning,  HCU falHostels,  40pupils, Healthstable, TeluguOne]