చంద్రబాబు కోసం దేవుడిని ప్రార్ధించిన శివాజీ!!

నటుడిగా శివాజీ సినిమాల్లో ఎంత ఫేమస్ అయ్యారో.. ఆపరేషన్ గరుడతో రాజకీయాల్లో అంతకంటే ఎక్కువ ఫేమస్ అయ్యారు. ఏపీకి ప్రత్యేకహోదా విషయంలో మొదటినుండి తన గళాన్ని వినిపిస్తున్న శివాజీ.. కేంద్రాన్ని నిలదీస్తూ విమర్శిస్తూ ఉంటారు. తాజాగా వేంకటేశ్వర స్వామిని దర్శించుకున్న శివాజీ.. చంద్రబాబు కోసం, అప్ ప్రత్యేకహోదా కోసం దేవుణ్ణి ప్రార్థించినట్టు చెప్పారు. ఏపీలో రాజకీయాలు నడవటం లేదని, ఆ స్థానంలో కుట్రలు, కుతంత్రాలు నడుస్తున్నాయన్నారు. నీచమైన మనస్తత్వాలతో రాజకీయ నేతలు ప్రజలెన్నుకున్న ప్రభుత్వాన్ని ఇబ్బందులకు గురిచేస్తున్నారని విమర్శించారు. ప్రజలు ఎన్నుకున్న నాయకుడికి ఆయురారోగ్యాలు ప్రసాదించాలని ఆ వేంకటేశ్వరుని కోరుకున్నానని వెల్లడించారు. ఏపీకి ప్రత్యేక హోదాకోసం కూడా ఆ దేవదేవున్ని ప్రార్థించానని శివాజీ తెలిపారు.