చేతకాకపోతే తప్పుకో..చంద్రబాబు ఫైర్

పనులు సరిగ్గా చేయకపోయిన.. నిర్లక్ష్యంగా వ్యవహరించిన ఏపీ ముఖ్యమంత్రి చంద్రబాబు నాయుడు నిర్మొహమాటంగా వారికి క్లాస్ తీసుకుంటారు. అది అందరికీ తెలిసిన విషయమే. అయితే ఇప్పుడు ఓ కాంట్రాక్టర్ కు కూడా క్లాస్ తీసుకున్నారు చంద్రబాబు. వచ్చే నెలలో కృష్ణ పుష్కరాలు జరగనున్న సంగతి తెలిసిందే. అయితే ఈ పుష్కర ఏర్పాట్లపై చంద్రబాబు అసంతృప్తితో ఉన్నారు. గత రెండురోజుల క్రితం విజయవాడలోని సీతానగరం ఘాట్ పనులను ప్రర్యవేక్షించిన ఆయన అక్కడ జరుగుతున్న ఏర్పాట్లపై అధికారులపై ఆగ్రహం వ్యక్తం చేశారు. వీలైతే ఆ కాంట్రాక్టర్ ను తీసేసి వేరే వారికి బాధ్యతలు అప్పగించమని కూడా ఆదేశించారు. అయితే ఇప్పుడు కాంట్రాక్టర్ ను ఏకంగా తన క్యాంపు కార్యాలయానికి పిలిపించి క్లాస్ పీకినట్టు తెలుస్తోంది. ‘‘ఎంతో నమ్మకంతో పనులు అప్పగిస్తే ఇలా చేస్తావా? చేతకాకపోతే తప్పుకో. వేరే వాళ్లు ఆ పనిని చేపడతారు. ఇలా చేసినందుకు నీపై చర్య తీసుకుంటాను’’ అని చంద్రబాబు కోపడ్డారట. దీంతో సదరు కాంట్రాక్టర్ చంద్రబాబు కోపం చూసి వణికిపోయారంట.