నెల్లూరులో హోరాహోరీ
posted on May 12, 2014 @ 1:08PM
నెల్లూరు జిల్లాలో తెలుగుదేశం, వైకాపా హోరాహోరీగా పోరాడుతున్నాయి. ఈ జిల్లాలో రెండు పార్టీల బలాలు సమానంగా వుండే అవకాశాలు కనిపిస్తున్నాయి. నెల్లూరు జిల్లాలో మొత్తం ఆరు మునిసిపల్ స్థానాలున్నాయి. గూడూరులోని 33 వార్డుల్లో 16 తెలుగుదేశం గెలుచుకోగా 15 వార్డులు వైకాపా గెలుచుకుంది. వామపక్షాలు, ఇతరులు ఒక్కో స్థానాన్ని పొందారు. కావలిలోని 40 వార్డుల్లో కాంగ్రెస్ 2, తెలుగుదేశం 16, వైకాపా 20, ఇతరులు 2 స్థానాలు గెలిచారు. వెంకటగిరిలోని 25 స్థానాల్లో 1 కాంగ్రెస్, 21 తెలుగుదేశం, 2 వైకాపా, 1 ఇతరులు గెలిచారు. ఆత్మకూరులోని 23 వార్డుల్లో కాంగ్రెస్ 8 వార్డులు గెలిచింది. తెలుగుదేశం 4, వైకాపా 10, ఇతరులు 1 వార్డు గెలిచారు. సూళ్ళూరుపేటలోని 23 వార్డుల్లో 2 కాంగ్రెస్, 8 తెలుగుదేశం 10 వైకాపా, 2 ఇతరులు గెలిచారు. నాయుడుపేటలోని 20 వార్డుల్లో 14 తెలుగుదేశం, 6 వైకాపా గెలిచాయి.