చంద్రయ్య కోసం కారు ఆపిన చంద్రబాబు..
posted on Dec 8, 2015 @ 11:56AM
ఒక్కొక్కసారి చిన్న విషయాలే కదా అని అవి పట్టించుకోం..కానీ వాటి వల్లే ఒక్కొక్కసారి మంచి జరుగుతుంది. ఏపీ ముఖ్యమంత్రి చంద్రబాబు కూడా ఇప్పుడు అలానే చేశారు. ప్రస్తుతం చంద్రబాబు ఉత్తరాంధ్ర పర్యటనలో ఉన్న సంగతి తెలిసిందే. అయితే ఈరోజు కూడా పర్యటనకు వెళ్లేందుకు హైదరాబాద్ లోని తన నివాసం నుండి బయలు దేరారు. అయితే ఆయన నివాసం బయట ఒక కార్యకర్త చంద్రబాబు కోసం వెయిట్ చేస్తున్నాడు. ఈ విషయాన్ని గమనించిన చంద్రబాబు కారు దిగి.. అతని దగ్గరికి వెళ్లారు. ఒక సాదాసీదా కార్యకర్త కోసం ముఖ్యమంత్రి స్థాయి వ్యక్తి కారు ఆపి వెనక్కి వస్తుండటంతో పార్టీ కార్యకర్త చంద్రయ్య పరుగున బాబు వద్దకు వెళ్లి.. ఆయన కాళ్లకు నమస్కారం పెట్టారు. చంద్రబాబు ఆయనతో మాట్లాడి.. ఏదైనా కష్టం ఉంటే చెప్పమని కోరి తిరిగి వెళ్లిపోయారు. దీంతో చంద్రయ్య చంద్రబాబే స్వయంగా వచ్చి మాట్లాడినందుకు ఆనందంతో పులకరించిపోయాడు. ఏది ఏమైనా కార్యకర్తలను ఆదరించడంలో చంద్రబాబు తరువాతే ఏవరైనా అని చెప్పవచ్చు.