హిందూపురం నుంచి బాలయ్య పోటీ!
posted on Apr 12, 2014 @ 1:03PM
అనంతపురం జిల్లా హిందూపురం అసెంబ్లీ నియోజకవర్గం నుంచి బాలకృష్ణ పోటీ చేయడానికి తెలుగుదేశం అధ్యక్షుడు చంద్రబాబు నాయుడు గ్రీన్ సిగ్నల్ ఇచ్చినట్టు తెలుస్తోంది. హిందూపురం స్థానం నుంచి పోటీ చేస్తానని బాలకృష్ణ గతంలోనే ప్రకటించారు. అయితే ప్రస్తుతం వున్న రాజకీయ పరిస్థితుల్లో బాలకృష్ణ పోటీ చేయకపోవడమే ఉత్తమమని చంద్రబాబు సూచించినప్పటికీ బాలకృష్ణ పోటీ చేయడానికే నిర్ణయించుకున్నారు. ఒకవైపు హిందూపురం తెలుగుదేశం కార్యకర్తలు కూడా బాలకృష్ణ పోటీ చేయడానికి అనుమతి ఇవ్వాలని చంద్రబాబు మీద ఒత్తిడి తీసుకువచ్చినట్టు తెలుస్తోంది. శనివారం ఉదయం బాలకృష్ణ తనను మరోసారి కలిసి పోటీ మీద ఆసక్తి కనబరచడంతో చంద్రబాబుకు ఇష్టం లేనప్పటికీ ఒప్పుకున్నట్టు తెలుస్తోంది. బాలకృష్ణ హిందూపురం నుంచి పోటీ చేయడానికి చంద్రబాబు అంగీకరించారన్న వార్తలు రావడంతో హిందూపురం నియోజకవర్గం టీడీపీ కార్యకర్తల్లో, బాలకృష్ణ అభిమానుల్లో ఆనందోత్సాహాలు వెల్లువెత్తుతున్నాయి.