పెనుచీకటాయే లోకం
                                                        మాంగల్యబలం (1959)

    సంగీతం     : మాస్టర్ వేణు
    గానం        : ఘంటసాల, పి. సుశీల
    నిర్మాత       : దుక్కిపాటి మధుసూదనరావు
    దర్శకుడు    : ఆదుర్తి  సుబ్బారావు

             సరోజ:
    పెనుచీకటాయే లోకం
    చెలరేగే నాలో శోకం
    విషమాయె మా ప్రేమ
    విధియే పగాయే                                                                 ||పెనుచీకటాయే||

             సరోజ :

    చిననాటి పరిణయగాధ
    ఎదిరించ లేనైతినే
    ఈనాటి ప్రేమగాధ - తలదాల్చలేనైతినే
    కలలే నశించిపోయే
    విషమాయె మా ప్రేమ
    విధియే పగాయే                                                                 ||పెనుచీకటాయే||

              చంద్రం:

    మొగమైన చూపలేదే
    మనసింతలో మారెనా
    నా ప్రాణసతివని తెలిపే - అవకాశమే పోయేనా
    తొలినాటి కలతల వలన
    హృదయాలు బలి కావలెనా
    విషమాయె మా ప్రేమ
    విధియే పగాయె                                                                   ||పెనుచీకటాయే||

    
                                                 వాడినపూలే వికసించెనే
                                                      మాంగల్యబలం (1959)

    సంగీతం     : మాస్టర్ వేణు
    గానం        : ఘంటసాల, పి. సుశీల
    నిర్మాత      : దుక్కిపాటి మధుసూదనరావు
    దర్శకుడు   : ఆదుర్తి  సుబ్బారావు

    సరోజ : వాడినపూలే వికసించెనే - చెర
               వీడిన హృదయాలు పులకించెనే
     చంద్రం : తీయని కలలే ఫలియించెనె - ఎల
                 కోయిల తనగొంతు సవరించెనే
    సరోజ : వేయిరేకుల విరిసింది జలజం
    చంద్రం: తీయ తేనియ కొసరింది భ్రమరం
    సరోజ : లోకమే ఒక ఉద్యాన వనము
              లోటులేదిక మనదే సుఖము
                                                                                         ||తీయని||

    చంద్రం :పగలే జాబిలి ఉదయించేనేలా
    సరోజ : వగలే చాలును పరిహసమేలా
    చంద్రం : తేటనీటను నీ నవ్వుమొగమే
                తేలియాడెను నెలరేనివలెనె
                                                                                          ||వాడిన||
    
    సరోజ : జీవితాలకు నేడే వసంతం
              చెదిరిపోవని ప్రేమానుబంధం
              ఆలపించిన ఆనందగీతం
              ఆలకించగ మధురం మధురం

                                                                                           ||వాడిన||

                                                  పాడవోయి భారతీయుడా!
                                              వెలుగు నీడలు (1961)
    
    సంగీతం     : పెండ్యాల నాగేశ్వరరావు
    గానం        : ఘంటసాల, సుశీల బృందం
    నిర్మాత      : దుక్కిపాటి మధుసూదనరావు
    దర్శకుడు   : ఆదుర్తి  సుబ్బారావు

    పాడవోయి భారతీయుడా! ఆడి
    పాడవోయి విజయగీతికా!                                                         ||పాడవోయి||

    నేడే స్వాతంత్ర్య దినం! వీరుల త్యాగఫలం !
    నేడే నవోదయం - నీదే అనందం!                                                 ||పాడవోయి||

    స్వాతంత్ర్యం వచ్చెననీ సభలేజేసి
    సంబరపడగానే సరిపోదోయి
    సాధించినదానికి సంతృప్తిని పొంది
    అదే విజయమనుకుంటే పొరబాటోయి
    ఆగకోయి భారతీయుడా - కదలి
    సాగవోయి ప్రగతి దారులా                                                           ||ఆగకోయి||

    ఆకాశం అందుకొనే ధరలోకవైపు
    అదుపులేని నిరుద్యోగమింకొకవైపు
    అవినీతి, బంధుప్రీతి, చీకటి బజారు
    అలముకొన్న నీ దేశం ఎటు దిగజారు?
    కాంచవోయి నేటి దుస్థితి - ఎది
    రించవోయి ఈ పరిస్థితి                                                               ||కాంచ వోయి||

    పదవీ వ్యామోహాలు, కులమత భేదాలు
    భాషాద్వేషాలు చెలరేగె నేడు
    ప్రతిమనిషి మరియొకనీ దోచుకునేవాడే
    తన సౌఖ్యం తన భాగ్యం చూచుకునే వాడే
    స్వార్ధమీ అనర్ధ కారణం - అది
    చంపుకొనుటే క్షేమదాయకం                                                           ||స్వార్ధమీ||

    సమసమాజ నిర్మాణమె నీ ధ్యేయం
    సకలజనుల సౌభాగ్యమె నీ లక్ష్యం
    ఏకదీక్షతో గమ్యం చేరినవాడే
    లోకానికి మన భారతదేశం
    అందించునులే శుభసందేశం!

                                   ఓ రంగయో! పూలరంగయ్యో!
                                      వెలుగు నీడలు (1961)

    సంగీతం     : పెండ్యాల నాగేశ్వరరావు
    గానం        : ఘంటసాల, సుశీల
    నిర్మాత      : దుక్కిపాటి మధుసూదనరావు
    దర్శకుడు   : ఆదుర్తి  సుబ్బారావు

                 పనివాళ్ళు:

    ఓ ! రంగయో!
    పూలరంగయో!
    ఓరసూపు సాలించి సాగిపోవయో!
    పొద్దు వాలిపోతున్నదోయి - ఇంత
    మొద్దునడక నీకెందుకోయి?
                                                                                       ||ఓ రంగయో||

                     సుగుణ:

    పగలనక రేయనక - పడుతున్న శ్రమనంతా
    పరులకొరకు ధారపోయు మూగజీవులు
    
                      చంద్రం:

    ఆటలలో పాటలలో ఆయాసం మరచిపోయి
    అనందం పొందగలుగు ధన్యజీవులు
                                                                                        ||ఓ రంగయో||
    
                     సుగుణ:
    కడుపారగ కూడులేని తలదాచగ గూడులేని
    ఈ దీనుల జీవితాలు మారుటెన్నడో        
        
                     చంద్రం :

    కలవారలు లేనివారి కష్టాలను తీర్చుదారి
    కనిపెట్టి మేలు చేయ గలిగినప్పుడే !
                                                                                         ||ఓ రంగయో||
    
                                                       కలకానిది విలువైనది
                                                వెలుగు నీడలు (1961)

    సంగీతం     : పెండ్యాల నాగేశ్వరరావు
    గానం        : ఘంటసాల
    నిర్మాత      : దుక్కిపాటి మధుసూదనరావు
    దర్శకుడు   : ఆదుర్తి  సుబ్బారావు

    
    కలకానిది విలువైనది - బ్రతుకు
    కన్నీటి ధారలలోనే బలిచేయకు
                                                                                          ||కలకానిది||

    గాలివీచి పూవులతీగ నేలవాలిపోగా
    జాలివీడి అటులే దాని వదలివైతువా ?ఓ -
    చేరదీసి నీరుపోసి చిగురించనీయవా?
                                                                                          ||కలకానిది||

    అలముకొన్న చీకటిలోనే అలమటించనేల ?
    కలతలకే లొంగిపోయి కలవరించనేల ?
    సాహసమను జ్యోతిని - చేకొని సాగిపో -

                                                                                            ||కలకానిది||

    అగాధమౌ జలనిధిలోన ఆణిముత్యమున్నటులే
    శోకాల మరుగునదాగి సుఖమున్నదిలే
    ఏదీ తనంత తానై నీ దరికి రాదు
                   శోధించి సాధించాలి
                   అదియే ధీరగుణం!
                                                                                             ||కలకానిది||