తెలుగుతెరపై తిరుగులేని మొనగాడు తారకరాముడు..!

రాముడు ఎలా ఉంటాడో మనం చూడలేదు. కృష్ణుడి కొంటె చేష్టలు మనం చూడలేదు. కానీ ఆ దేవుళ్లను గుర్తు చేసుకున్నప్పుడు తప్పకుండా గుర్తొచ్చే పేరు మాత్రం ఆయనదే. రాముడుగా ప్రశాంతతగా కనిపించే ఆ ముఖంలోనే, ధుర్యోధనుడి క్రౌర్యం భయపెడుతుంది. కృష్ణుడిగా చిలిపిచేష్టలు చేసే అదే ప్రసన్న వదనం, భీముడిగా రౌద్రాన్ని ప్రదర్శిస్తుంది. తేజస్సు ఉట్టిపడే ఆయన తెలుగువారి దృష్టిలో కారణ జన్ముడు. తెలుగుజాతికి ఆదర్శప్రాయుడు. ఎంత చూసినా తనివితీరనిది ఆయన నిండైన విగ్రహం. ఏ పాత్ర అయినా ఆయనకు కొట్టిన పిండే. పాత్రను తెలుసుకుని నటించే వాళ్లు నటులౌతారు. కానీ పాత్రకే గుర్తింపు తీసుకొచ్చి కొత్తగా ఆవిష్కరించేవాళ్లు దిగ్గజాలౌతారు. తెలుగునేలకు రాముడు, కృష్ణుడు, భీముడు, భీష్ముడు, కర్ణుడు, అన్నీ ఆయనే. ఆ విశ్వవిఖ్యాత నటసార్వభౌముడి పేరు నందమూరి తారకరామారావు. ఈ రోజు ఆయన జయంతి. ఆయన నటించిన లెక్కలేనన్ని సినిమాల్లో, ప్రేక్షకులపై ముద్ర వేసిన కొన్ని పౌరాణిక పాత్రల్ని ఎంచడం సాహసమే అయినా, మచ్చుకు కొన్ని చూసే ప్రయత్నం చేద్దాం.

1. రాముడు