LATEST NEWS
తెలంగాణ ముఖ్యమంత్రి రేవంత్ రెడ్డి దక్షిణాది ప్రజల సాంస్కృతిక, మత గుర్తింపునకు సంబంధించి చేసిన వ్యాఖ్యలు జాతీయ స్థాయిలో హాట్ టాపిక్ గా మారాయి. దేశ రాజధాని హస్తినలో మీడియా సమావేశంలో మాట్లాడిన ఆయన ఉత్తర, దక్షిణ భారతదేశ ప్రజల సాంస్కృతిక, మతపరమైన గుర్తింపుల గురించి చేసిన విశ్లేషణ రాజకీయదుమారాన్ని రేపింది. రాజకీయ ప్రయోజనాల కోసం సమాజంలో విభజన తెచ్చేలా సీఎం రేవంత్ మాట్లాడారంటూ బీజేపీ ఓ రేంజ్ లో విమర్శలు గుప్పిస్తోంది.
దేశంలోని వివిధ ప్రాంతాల ప్రజల ఆరాధనా విధానాలు, దేవుళ్ల ప్రాధాన్యతను వివరిస్తూ.. రేవంత్ రెడ్డి ఆ మీడియా సమావేశంలో దక్షిణాది వారు ద్రావిడులని, ఉత్తరాది వారులు ఆర్యులని అన్నారు. దక్షిణాది వారు శివభక్తులు, ఉత్తరాది వారు శ్రీరామ భక్తులుగా అభివర్ణించారు. అక్కడితో ఆగకుండా బీజేపీ నాయకులు ఎప్పుడూ జై శ్రీరామ్ నినాదాలకే పరిమితమవుతారని, హర హర మహాదేవ్'అని ఎందుకు అనరని నిలదీశారు. శివుడిని పేదల దేవుడిగా, రాముడిని ధనవంతుల దేవుడిగా అభివర్ణిస్తూ రేవంత్ రెడ్డి చేసిన వ్యాఖ్యలు ఇప్పుడు దేశ వ్యాప్తంగా పెద్ద ఎత్తున చర్చనీయాంశంగా మారాయి. పెను వివాదానికి హేతువయ్యాయి.
రేవంత్ రెడ్డి వ్యాఖ్యలపై నాయకులు తీవ్ర స్థాయిలో మండిపడుతున్నారు. ఓటు బ్యాంకు రాజకీయాల కోసమే హిందువులను ప్రాంతాల వారీగా, దేవుళ్ల పేరుతో విడగొట్టాలని కాంగ్రెస్ ప్రయత్నిస్తోందని విమర్శిస్తున్నారు. సోమనాథ్ ఆలయ నిర్మాణం మొదలుకొని అనేక ధార్మిక ప్రాజెక్టులను గతంలో కాంగ్రెస్ పార్టీ తీవ్రంగా వ్యతిరేకించిందని, ఇప్పుడు మళ్లీ అదే వైఖరిని ప్రదర్శిస్తోందని గుర్తు చేస్తున్నారు.
అంతేకాకుండా.. ప్రధానమంత్రి నరేంద్ర మోదీ జై శ్రీరామ్'తో పాటు 'హర హర మహాదేవ్ అని కూడా నినదించే అంటున్నారు. రామాయణం ప్రకారం లంకకు బయలుదేరే ముందు శ్రీరాముడు స్వయంగా మహాదేవుడిని పూజించాడని, ఈ చారిత్రక, పౌరాణిక విషయాలపై అవగాహన లేని రేవంత్ వంటి వారు ఇటువంటి కువిమర్శలు చేస్తున్నారని బీజేపీ నేతలు మండిపడుతున్నారు. హిందువుల మధ్య ప్రాంతీయ విద్వేషాలను రెచ్చగొట్టడమే రేవంత్ రెడ్డి, కాంగ్రెస్ పార్టీ లక్ష్యంగా కనిపిస్తోందని దుయ్యబట్టారు.
[Revanth Reddy Comments, Lord Rama, Lord Shiva controversy, BJP, Congress, North South India Identity, National politics, Telugu One]
ఆంధ్రప్రదేశ్ రాజకీయాల్లో నిత్య సంచలనంగా మిగిలిన వైఎస్ వివేకానంద రెడ్డి హత్య ఉదంతం మరోసారి రాజకీయ దుమారం ఈ హత్య కేసులో కీలక పరిణామాలు చోటుచేసుకుంటున్నాయి. నాటి ఘటనకు సంబంధించి పలువురు ప్రముఖుల ప్రమేయం, ఈ కేసులో కొందరికి ప్రత్యక్షంగానూ, పరోక్షంగానూ రాజకీయ లబ్ది చేకూరిందనే ఆరోపణలు సంచలనంగా మారాయి. .
ఘటన జరిగిన నాటి నుంచి దర్యాప్తు సరళి, కేసు దారి మళ్లిన వైనంపై వివిధ రాజకీయ పక్షాల నుంచి విమర్శలు వెల్లువెత్తుతూనే ఉన్నాయి. వైఎస్ వివేకానంద రెడ్డి హత్యకు గురైన సమయంలో స్థానిక పరిస్థితులు, తదనంతరం తెరపైకి వచ్చిన అంశాలు పలు అనుమానాలకు తావునిచ్చాయి. ప్రాథమిక దశలో ఈ మరణాన్ని సాధారణ గుండెపోటుగా చిత్రీకరించే ప్రయత్నాలు జరగడం, ఆ తర్వాత హత్యగా తేలింది. వైఎస్ హత్య వెనుక కొన్ని పెద్ద తలకాయల ప్రయోజనాలు దాగున్నాయని వైఎస్ వివేకా కుమార్తె బహిరంగంగానే ఆరోపించారు. ఈ కేసు విషయంలో ఆమె అలుపెరుగని న్యాయపోరాటం చేశారు. చేస్తున్నారు.
ఈ కేసు దర్యాప్తులో భాగంగా సీబీఐ విచారణలో హత్య జరిగిన రోజు ఉదయం నుంచి జరిగిన పరిణామాలు, టెలిఫోన్ సంభాషణలు, గూగుల్ టేకౌట్ వివరాలు నేరస్థలంలో లభించిన భౌతిక సాక్ష్యాలు, అనుమానితుల కదలికలతో పకడ్బందీగా ముందుకు సాగింది.
ఈ వ్యవహారంలో వైఎస్ జగన్ మోహన్ రెడ్డి, ఆయన సతీమణి వైఎస్ భారతి రెడ్డి అలాగే ఎంపీ వైఎస్ అవినాష్ రెడ్డిల పేర్లు ప్రముఖంగా ప్రస్తావనకు వస్తున్నాయి. హత్యకు గురైన తర్వాత సమాచారం బయటకు పొక్కకుండా వారు వ్యవహరించిన తీరుపై తీవ్ర విమర్శలు వ్యక్తమయ్యాయి. వివేకా కుమార్తె వైఎస్ సునీత తన తండ్రి మృతిపై న్యాయం కోరుతూ సాగిస్తున్న సుదీర్ఘ పోరాటానికి పలు రాజకీయ పార్టీల నుంచి మద్దతు లభిస్తోంది.
ఇక తాజాగా ఈ కేసులో ఏ2గా ఉన్న యాదటి సునీల్ యాదవ్ సంచలన విషయాలను వెల్లడించారు. వివేకా హత్య ద్వారా లబ్ధి పొందిన వారు మాజీ సీఎం వైఎస్ జగన్, ఆయన సతీమణి వైఎస్ భారతి అని కుండబద్దలు కొట్టారు. వైఎస్ వివేకా హత్యకు గురి కాకుండా ఉంటే ఆయన నిస్సందేహంగా కడప ఎంపీ అయి ఉండేవారన్న సునీల్ యాదవ్.. దీనిని బట్టే ఈ హత్య వల్ల లబ్ధి పొందినది ఎవరన్నది సులభంగా అవగతమౌతుందన్నారు.
సోమవారం (సెప్టెంబర్ 28) ఓ మీడియా సంస్థకు ఇచ్చిన ప్రత్యేక ఇంటర్వ్యూలో సునీల్ యాదవ్.. వైఎస్ వివేకా హత్య విషయంలో తెరముందు కడప ఎంపీ వైఎస్ అవినాష్ రెడ్డి, ఆయన తండ్రి భాస్కరరెడ్డి, దేవిరెడ్డి శంకర్ రెడ్డి ఉన్నా తెర వెనుక ఉన్నది కచ్చితంగా వైఎస్ జగన్, వైఎస్ భారతి అని విస్పష్టంగా చెప్పారు. వివేకాను హత్య చేయాల్సిన అవసరం తనకు ఇసుమంతైనా లేదన్న ఆయన.. వివేకా హత్యకు గురికాకుండా ఉండి ఉంటే.. ఆయన తనను యాదవ కార్పొరేషన్ చైర్మన్ ను చేసేవారని సునీల్ యాదవ్ చెప్పారు.
ఈ సందర్భంగా ఆయన తన ప్రాణానికి ముప్పు ఉందన్న ఆందోళన వ్యక్తం చేశారు. వైఎస్ అవినాష్ రెడ్డి, వైఎస్ జగన్ నుంచి తనకు ముప్పు ఉందనీ, తనకు రక్షణ కల్పించాలని కోరారు. ఇప్పటికే తనపై మూడు సార్లు హత్య ప్రయత్నం జరిగిందని చెప్పిన సునీల్ యాదవ్.. ఈ కేసులో కీలక సాక్షులు అనుమానాస్పద స్థితిలో మరణించిన సంగతిని గుర్తు చేస్తూ తనకు రక్షణ కల్పించాలని ఏపీ, తెలంగాణ సీఎంలకు విజ్ణప్తి చేశారు.
[YS Vivekananda Reddy Murder Case, YS Jagan Mohan Reddy, YS Bharathi, YS Avinash Reddy, AP Politics, A2 Sunil Ydaev, Sensational, Reveal, Telugu One]
దేశ అత్యున్నత న్యాయస్థానమైన సుప్రీంకోర్టులో ఖాళీగా ఉన్న స్థానాలను భర్తీ చేసేందుకు కొలీజియం కీలక నిర్ణయం తీసుకుంది. వేర్వేరు హైకోర్టుల్లో ప్రధాన న్యాయమూర్తులుగా సేవలు అందిస్తున్న ముగ్గురు ప్రముఖ సీనియర్ న్యాయమూర్తులను సుప్రీంకోర్టు న్యాయమూర్తులుగా నియమించాల్సిందిగా కేంద్ర ప్రభుత్వానికి సిఫార్సు చేసింది.
ఈ సిఫార్సుల ప్రకారం, గుజరాత్ హైకోర్టు ప్రధాన న్యాయమూర్తిగా ఉన్న జస్టిస్ సునీతా అగర్వాల్, ఢిల్లీ హైకోర్టు ప్రధాన న్యాయమూర్తిగా బాధ్యతలు నిర్వర్తిస్తున్న జస్టిస్ దేవేంద్ర కుమార్ ఉపాధ్యాయ, అలాగే తెలంగాణ హైకోర్టు ప్రధాన న్యాయమూర్తిగా ఉన్న జస్టిస్ అపరేష్ కుమార్ సింగ్లను అత్యున్నత న్యాయస్థానానికి పదోన్నతి కల్పించాలని కొలీజియం నిర్ణయించింది.
ప్రస్తుతం సుప్రీంకోర్టులో ఉన్న ఖాళీలను భర్తీ చేయడంలో భాగంగా ఈ పేర్లను ఖరారు చేసినట్లు తెలుస్తోంది. దేశవ్యాప్తంగా వివిధ రాష్ట్రాల హైకోర్టుల్లో వీరు తమ సుదీర్ఘ కాలపు న్యాయ సేవల ద్వారా విశేష అనుభవాన్ని గడించారు. విధి నిర్వహణలో వారు కనబరిచిన ప్రతిభ, సమర్థతను పరిగణనలోకి తీసుకునే కొలీజియం ఈ నిర్ణయం తీసుకున్నట్లు సమాచారం.
న్యాయ వ్యవస్థలో అత్యంత ప్రతిష్టాత్మకమైన పదవులకు ఎంపికైన ఈ ముగ్గురు న్యాయమూర్తుల నేపథ్యం ఎంతో ఘనమైనది. వివిధ వివాదాలపై విచారణ జరుపుతూ రాజ్యాంగబద్ధమైన తీర్పులు వెలువరించడంలో వీరు ముందున్నారు. ముఖ్యంగా న్యాయవాద వృత్తి నుంచి మొదలుపెట్టి వివిధ స్థాయిల్లో జ్యుడీషియల్ బాధ్యతలు నిర్వర్తించిన వీరి అనుభవం సర్వోన్నత న్యాయస్థానానికి ఎంతో ప్రయోజనకరంగా ఉంటుందని న్యాయ నిపుణులు అభిప్రాయపడుతున్నారు.
సుప్రీంకోర్టు కొలీజియం తీసుకున్న ఈ తాజా నిర్ణయంపై న్యాయ వర్గాల్లో హర్షం వ్యక్తమవుతోంది. అత్యున్నత న్యాయస్థానంలో పెండింగ్లో ఉన్న కేసుల సత్వర పరిష్కారానికి, అలాగే బెంచ్ సామర్థ్యాన్ని మరింత పటిష్టం చేయడానికి ఈ కొత్త నియామకాలు ఎంతో దోహదపడతాయని విశ్లేషకులు భావిస్తున్నారు.
ఇక తదుపరి ప్రక్రియలో భాగంగా, కొలీజియం సిఫార్సు చేసిన ఈ ముగ్గురు న్యాయమూర్తుల పేర్లను కేంద్ర ప్రభుత్వం పరిశీలించనుంది. కేంద్రం ఆమోద ముద్ర వేసిన అనంతరం రాష్ట్రపతి కార్యాలయం నుంచి వీరికి సంబంధించిన అధికారిక నియామక ఉత్తర్వులు వెలువడనున్నాయి. త్వరలోనే వీరు సుప్రీంకోర్టు న్యాయమూర్తులుగా ప్రమాణ స్వీకారం చేసే అవకాశం ఉంది.
[ Supreme Court Collegium, High Court Chief Justices, Apex Court Judges, Supreme Court News, Judicial Appointments India, Justice Sunita Agarwal, Justice Devendra Kumar, Telugu One, Telugu News ]
సికింద్రాబాద్ లోని గాంధీ ఆసుపత్రి ప్రాంగణంలో ఓ మానసిక రోగి హల్చల్ చేయడంతో కొద్దిసేపు తీవ్ర ఉద్రిక్తత నెలకొంది. ఆసుపత్రి వద్ద ఉన్న రేకుల షెడ్పైకి ఎక్కిన అతడు.. చేతిలో పదునైన రాళ్లు పట్టుకుని కింద ఉన్న వారిని భయభ్రాంతులకు గురిచేశాడు. తన దగ్గరకు ఎవరైనా వస్తే రాళ్లు విసిరేస్తానంటూ బెదిరించ డంతో అక్కడి పరిస్థితి ఒక్కసారిగా ఉద్రిక్తంగా మారింది.షెడ్పై నుంచి కిందకు చూస్తూ రాళ్లు చేతిలో పట్టుకుని హల్ చల్ చేయడంతో ఆసుపత్రి కి వచ్చిన రోగులు, వారి సహాయకులు, సెక్యూరిటీ సిబ్బంది ఆందోళనకు గురయ్యారు. అతడు ఎప్పుడు ఏం చేస్తాడోనన్న భయంతో సిబ్బంది అప్రమ త్తంగా వ్యవహరించారు. దాదాపు అరగంట పాటు షెడ్పైనే ఉంటూ కింద ఉన్నవారిపైకి రాళ్లు విసిరేస్తానంటూ బెదిరించ డంతో అక్కడ టెన్షన్ వాతావరణం నెలకొంది.
ఈ ఘటనతో గాంధీ ఆసుపత్రి వద్ద కొంతసేపు రాకపోకలు, సాధారణ కార్యకలాపాలకు అంతరాయం ఏర్పడినట్లు సమాచారం. అతడిని కిందకు దింపేందుకు సెక్యూరిటీ సిబ్బంది ప్రయత్నించినప్పటికీ.. రాళ్లు విసిరేస్తానంటూ హెచ్చరించడంతో వెనక్కి తగ్గాల్సి వచ్చింది. పరిస్థితి మరింత తీవ్రం కాకుండా సిబ్బంది దూరంగా ఉండి అతడిని గమనిస్తూ ఉన్నారు. సమాచారం అందుకున్న వెంటనే పోలీసులు ఘటనాస్థలికి చేరుకున్నారు. మానసిక రోగిని కిందకు దింపేందుకు పోలీసులు కూడా జాగ్రత్తగా వ్యవహరిం చారు. కొద్దిసేపటి పాటు కొనసాగిన ఈ హైడ్రామా అనంతరం ఎట్టకేలకు అతడిని పోలీసులకు అదుపులోకి తీసుకు న్నారు. దీంతో ఆసుపత్రి సిబ్బంది, రోగులు, వారి బంధువులు ఊపిరి పీల్చు కున్నారు.దాదాపు గంటపాటు కొనసాగిన ఈ ఘటన గాంధీ ఆసుపత్రి ప్రాంగణంలో కలకలం రేపింది. రాళ్లతో హల్చల్ చేసిన వ్యక్తిని పోలీసులు అదుపులోకి తీసుకోవడం తో పరిస్థితి పూర్తిగా అదుపులోకి వచ్చింది.
[ Gandhi Hospital, Secunderabad, Mental Health Patient, Hospital Incident, Stone Attack, Hospital Tension, Police Intervention, High Drama, Hospital Security, Telangana News, Hyderabad News, Patient Commotion, Gandhi Hospital Incident, Police Action, Security Alert ]
.webp)
దేశ రాజకీయాల్లో ప్రాంతీయ అసమానతలు, ఉత్తరాది ప్రాబల్యంపై తెలంగాణ ముఖ్యమంత్రి రేవంత్ రెడ్డి మరోసారి తన గళాన్ని గట్టిగా వినిపించారు. ఇటీవల ఈశాన్య రాష్ట్రమైన అసోంలో జరిగిన ప్రముఖ పత్రికల జాతీయ సదస్సులో ఆయన పాల్గొని, దేశంలో నెలకొన్న కేంద్ర-రాష్ట్రాల సంబంధాలు, ఆర్థిక వివక్షపై నిర్భయంగా తన అభిప్రాయాలను వెల్లడించారు.ఈ సదస్సులో సీఎం రేవంత్ రెడ్డి మాట్లాడుతూ.. దేశంలో ఉత్తరాది ఆధిపత్య ధోరణులు పెరుగుతున్నాయని పరోక్షంగా విమర్శించారు. దేశ రాజధానిలో కీలక పదవులన్నీ ఒకే ప్రాంతం వారి చేతుల్లో కేంద్రీకృతం కావడంపై ఆయన ఆందోళన వ్యక్తం చేశారు. రాష్ట్రా నుంచి భారీగా పన్నులు వసూలు చేసుకుంటూ, కేవలం దిల్లీకి నమస్కరించే స్థాయిలోనే ప్రాంతాలు ఉండకూడదన్న ఆయన వ్యాఖ్యలు దేశవ్యాప్తంగా రాజకీయ వర్గాల్లో తీవ్ర చర్చకు దారితీశాయి.
దేశాభివృద్ధి విషయంలో కేంద్ర ప్రభుత్వం అనుసరిస్తున్న విధానాలపై కూడా సీఎం తీవ్ర అభ్యంతరం వ్యక్తం చేశారు. కొన్ని ప్రాంతాలకే పరిమితమైన అభివృద్ధితో దేశం మొత్తాన్ని సమగ్రంగా ముందుకు తీసుకెళ్లలేమని ఆయన స్పష్టం చేశారు. దక్షిణాది రాష్ట్రాలు ఆర్థికంగా బలపడి దేశానికి వెన్నెముకగా నిలుస్తున్నప్పటికీ, వాటి హక్కులను మరియు వనరులను సరిగ్గా గౌరవించాల్సిన బాధ్యత కేంద్రంపై ఉందని ఆయన గుర్తుచేశారు. చిన్న గ్రామాలు, ఆదివాసీ గూడేల్లోనూ పాఠశాలలు ఏర్పాటు చేసి ప్రతి ఒక్కరికీ విద్య అందించేందుకు ప్రయత్నించారని అన్నారు. తెలంగాణలో ప్రస్తుతం 27 వేల పాఠశాలలు, 1.25 లక్షల మంది ఉపాధ్యాయులు ఉన్నారని తెలిపారు. ఆ తర్వాత ఆరోగ్య రంగంపైనా దృష్టి సారించారని, స్వాతంత్య్రం వచ్చిన సమయంలో దేశంలో సగటు ఆయుర్దాయం 33 ఏళ్లు ఉండగా.. ప్రస్తుతం 73 ఏళ్లకు చేరిందని చెప్పారు.
తెలంగాణలో విద్యాశాఖను తాను ఎంచుకున్నానని చెప్పారు. రెవెన్యూ, ఆర్థిక శాఖలపై చర్చ జరిగినా వాటిని తీసుకోకుండా విద్యాశాఖను తీసుకున్నానని తెలిపారు. భూ గరిష్ట పరిమితి చట్టం వచ్చిన తర్వాత తెలంగాణలో 25 లక్షల ఎకరాలను దళితులు, ఆదివాసీలు, వెనుకబడిన, పేద కుటుంబాలకు పంచారని, ప్రస్తుతం పంచేందుకు రాష్ట్రంలో భూములు లేవని అన్నారు.గుజరాత్ ముఖ్యమంత్రిగా నరేంద్ర మోదీ ఉన్న సమయంలో అప్పటి ప్రధాని మన్మోహన్సింగ్ గుజరాత్ అభివృద్ధికి సహకరించారని పేర్కొన్నారు. అయితే ప్రస్తుతం తెలంగాణకు అంత స్థాయిలో కేంద్రం నుంచి సహకారం లభించడం లేదని అన్నారు.
తెలంగాణకు మెట్రో రైలు, రీజినల్ రింగ్ రోడ్, జాతీయ రహదారుల విస్తరణ వంటి అంశాల్లో కేంద్రం నుంచి సహకారం అందడం లేదని ఆరోపించారు. 360 కిలోమీటర్ల రీజినల్ రింగ్ రోడ్డుకు టెండర్లు పిలిచి రెండేళ్లు అవుతున్నా ఫైల్ ప్రధానమంత్రి కార్యాలయంలోనే ఉందని చెప్పారు.కేంద్ర మంత్రి నితిన్ గడ్కరీని అడిగినప్పుడల్లా ఫైల్ ప్రధానమంత్రి వద్ద ఉందని చెబుతున్నారని పేర్కొన్నారు.సత్య నాదెళ్ల, శంతను నారాయణ్, అజయ్ బంగా తదితరులు హైదరాబాద్ పబ్లిక్ స్కూల్లో చదువుకున్నారని ప్రస్తావించారు. తెలంగాణలో ఐఎస్బీ, ఐఐటీ, నల్సార్ వంటి విద్యాసంస్థలు ఉన్నాయని, నిపుణులు ఉన్న చోటే కంపెనీలు వస్తాయని అన్నారు.
ప్రధానమంత్రి అన్ని రాష్ట్రాల్లోని అవకాశాలను ప్రోత్సహించాలని అన్నారు. గుజరాత్కు పోర్టు వంటి అవకాశాలు ఉంటే, తెలంగాణకు విమానాశ్రయం, నైపుణ్యం కలిగిన మానవ వనరులు ఉన్నాయని చెప్పారు.అంబేడ్కర్, మన్మోహన్సింగ్, అబ్దుల్ కలాం వంటి వారు చదువుకోవడం వల్లే గొప్ప స్థాయికి ఎదిగారని చెప్పారు. యువతకు నాణ్యమైన విద్య, నైపుణ్యాలు అందించాలనే ఉద్దేశంతో ప్రభుత్వ విద్యా విధానంలోని లోపాలను గుర్తించామని సీఎం తెలిపారు.
2006లో జడ్పీటీసీ సభ్యునిగా, 2007లో ఎమ్మెల్సీగా ఇండిపెండెంట్గా గెలిచా. ఆ రెండు సార్లు నేను కాంగ్రెస్ అభ్యర్థులను ఓడించా.. అక్కడ రెండు పార్టీలే ఉన్నాయి.. కాంగ్రెస్, తెలుగుదేశం. నాకు జిల్లాలో కాంగ్రెస్ నాయకులతో పెద్దగా సంబంధాలు పెద్దగా లేవు.. ప్రభుత్వంపై పోరాడాలంటే ప్రతిపక్షమే మేలని భావించా.. అందుకే నేను తెలుగుదేశంలో చేరా.. ఆ పార్టీ నుంచి 2009, 2014లో ఎమ్మెల్యేగా గెలిచా. 2017లో కాంగ్రెస్లో చేరాను. 2019లో ఎంపీగా గెలిచాని రేవంత్ తెలిపారు.తెలంగాణ అసెంబ్లీకి వెళ్లిన దాని కంటే తాను ఎక్కువగా జైలుకే వెళ్లానని ముఖ్యమంత్రి రేవంత్ రెడ్డి అన్నారు. తాను ప్రతిపక్షంలో ఉన్నప్పుడు అప్పటి ముఖ్యమంత్రి కేసీఆర్ తనను అనేకసార్లు జైలుకు పంపారని పేర్కొన్నారు
దేశ సగటున 30 మంది విద్యార్థులకు ఒక ఉపాధ్యాయుడు ఉంటే, తెలంగాణలో 17 మంది విద్యార్థులకు ఒక ఉపాధ్యాయుడు ఉన్నారని చెప్పారు. అయినప్పటికీ ప్రతి ఏడాది ప్రభుత్వ పాఠశాలల నుంచి 50 నుంచి 60 వేల మంది విద్యార్థులు ప్రైవేట్ వైపు వెళ్తున్నారని తెలిపారు. ఈ అంశంపై అధ్యయనం చేసేందుకు విద్యా కమిషన్ను ఏర్పాటు చేశామని చెప్పారు.కమిషన్ సభ్యులు గ్రామాలకు వెళ్లి తల్లిదండ్రులతో మాట్లాడారని, ప్రభుత్వ పాఠశాలలకు పిల్లలను ఎందుకు పంపడం లేదని అడిగితే.. ఇంగ్లీష్ మీడియం కావాలని తల్లిదండ్రులు కోరారని తెలిపారు. ప్రైవేట్ పాఠశాలల్లో నర్సరీ, ఎల్కేజీ, యూకేజీ నుంచే ఇంగ్లీష్ మీడియం ఉండగా.. ప్రభుత్వ పాఠశాలల్లో మొదటి తరగతి నుంచే విద్య ప్రారంభమవుతోందని చెప్పారు.
పదో తరగతి తర్వాత విద్యార్థులకు ఫీజు రీయింబర్స్మెంట్ కింద ఏటా రూ.2,500 కోట్లు ఖర్చు చేస్తున్నామని తెలిపారు. అయితే కొన్ని ప్రైవేట్ కాలేజీల్లో నాణ్యత లోపిస్తోందని, తగిన సంఖ్యలో లెక్చరర్లు, ప్రొఫెసర్లు ఉండటం లేదని పేర్కొన్నారు.కేంద్రంలో కీలకమైన పదవులు, విధాన నిర్ణయాల్లో అన్ని ప్రాంతాలకు సరైన ప్రాతినిధ్యం దక్కాలని రేవంత్ రెడ్డి అభిప్రాయపడ్డారు. దేశ సమగ్రతను కాపాడుకోవాలంటే సమాఖ్య స్ఫూర్తిని అక్షరాలా పాటించాల్సిన అవసరం ఉందని ఆయన నొక్కిచెప్పారు. లేనిపక్షంలో ప్రాంతీయ అసంతృష్యాలు పెరిగే ప్రమాదం ఉందని ఆయన హెచ్చరించారు.కాంగ్రెస్ పార్టీ అనుసరిస్తున్న ప్రజాస్వామ్య సామాజిక న్యాయ సూత్రాలను ఈ వేదికగా ఆయన మరోసారి సమర్థించారు. దేశంలో ప్రతి పౌరుడికి సమాన అవకాశాలు, సమాన హక్కులు దక్కాలని, ఏ ఒక్క రాష్ట్రమూ వివక్షకు గురికాకూడదన్నదే తమ ప్రభుత్వ ప్రధాన ఉద్దేశమని ఆయన స్పష్టం చేశారు.ఈ సదస్సులో ముఖ్యమంత్రి చేసిన వ్యాఖ్యలు ప్రస్తుతం జాతీయ రాజకీయాల్లో హాట్ టాపిక్గా మారాయి. పలు ప్రాంతీయ పార్టీల నేతలు, విశ్లేషకులు ఈ అంశంపై భిన్నమైన వాదనలు వినిపిస్తున్నారు. రాబోయే రోజుల్లో కేంద్ర-రాష్ట్రాల ఆర్థిక సంబంధాలు సమాఖ్య విధానాలపై ఈ చర్చ మరింత జోరందుకునే అవకాశం కనిపిస్తోంది.
[ CM Revanth Reddy, Assam News Paper Conclave, Northern Dominance, Telangana Model, Regional Disparities India, Indian Politics 2026,Telugu One, Telugu News ]
ALSO ON TELUGUONE N E W S
భారతీయ సినీ ప్రేమికులతో పాటు, రామభక్తులందరు కళ్లల్లో వత్తులు వేసుకొని మరి రామాయణ కోసం చూస్తున్నారు. ప్రచారచిత్రాలతో రామాయణ ఎలా ఉండబోతోందనే ఆలోచన కూడా వాళ్ళ మస్తిష్కాల్లో ఉంది. ఈ విజువల్ వండర్ గురించి ఇప్పుడు ఒక క్రేజీ అప్డేట్ నెట్టింట హల్చల్ చేస్తోంది.
నవంబర్ 8న దీపావళి కానుకగా రామాయణ విడుదల కాబోతుందని మేకర్స్ ప్రకటించిన విషయం తెలిసిందే. ఓవర్ సీస్ మాత్రం 6 న విడుదల కానుంది. కానీ ఇప్పుడు ఓవర్సీస్ అండ్ ఇండియా బాక్సాఫీస్ వద్ద ఒకే రోజు భారీ స్థాయిలో గ్రాండ్ రిలీజ్ ప్లాన్ చేసేందుకు వీలుగా, మేకర్స్ నవంబర్ 5నే థియేటర్లలోకి తీసుకురావడానికి సన్నాహాలు చేస్తున్నారట. అంటే, అనుకున్న సమయం కంటే 3 రోజుల ముందే ఈ పౌరాణిక దృశ్యకావ్యం మన ముందుకు రాబోతుందని బాలీవుడ్ లో న్యూస్ చక్కర్లు కొడుతుంది.
ఇది కూడా చదవండి: మేడారం సమ్మక్క,సారలమ్మ దగ్గర నాని: సమర్పించిన మొక్కు వివరాలు ఇవే!
ఇందుకు కారణం కూడా లేకపోలేదు. పండగ రోజు రిలీజ్ చేసే పూజలు, టపాసులు పనిలో ప్రేక్షకులు హడావిడిగా ఉంటారని మేకర్స్ బావిస్తున్నారంట.
[Ramayana Part 1 Preponed Release Date, ,Ramayana Part 1 , Yash Ravana Ramayana, Sai Pallavi Sita, Ramayana November 5 release, Telugu Cinema, Telugu Cinema News, Tollywood, Tollywood News]
.WEBP)
ఒకప్పుడు తెలుగు సినిమా అంటే కేవలం తెలుగు రాష్ట్రాలకే పరిమితమైన ఇండస్ట్రీగా ఉండేది. కానీ ‘బాహుబలి’ తర్వాత పరిస్థితులు పూర్తిగా మారిపోయాయి. టాలీవుడ్ సినిమాలు దేశవ్యాప్తంగా భారీ వసూళ్లు సాధించడంతో పాటు.. మన హీరోలకు ఇతర భాషల్లోనూ ప్రత్యేకమైన మార్కెట్ ఏర్పడింది. ఇప్పుడు బాలీవుడ్తో పాటు ఇతర దక్షిణాది పరిశ్రమల నుంచి కూడా తెలుగు హీరోలతో సినిమాలు చేసేందుకు ఆసక్తి చూపిస్తున్నారు. ఈ నేపథ్యంలో టాలీవుడ్ నుంచి భవిష్యత్తులో ఇండియన్ సినిమా నంబర్-1 స్టార్గా ఎవరు ఎదుగుతారనే చర్చ మొదలైంది.
ప్రస్తుతం ఈ చర్చలో ప్రభాస్ పేరు ముందుగా వినిపిస్తోంది. ‘బాహుబలి’ రెండు భాగాలతో పాన్ ఇండియా స్టార్గా మారిన ప్రభాస్.. ఆ తర్వాత ‘సలార్’, ‘కల్కి 2898 ఏడీ’ వంటి సినిమాలతోనూ తన మార్కెట్ను మరింత విస్తరించారు. మరోవైపు ‘పుష్ప 2’తో అల్లు అర్జున్ కూడా దేశవ్యాప్తంగా భారీ స్థాయిలో గుర్తింపు తెచ్చుకున్నారు. ఆ సినిమా ప్రపంచవ్యాప్తంగా రూ.1,900 కోట్లకు పైగా వసూళ్లు సాధించిందని పేర్కొన్నారు. దీంతో వీరిద్దరి పేర్లు ఈ చర్చలో ప్రధానంగా వినిపిస్తున్నాయి.
ఇక రామ్ చరణ్, జూనియర్ ఎన్టీఆర్ కూడా పాన్ ఇండియా స్థాయిలో తమ మార్కెట్ను పెంచుకుంటున్నారు. ‘ఆర్ఆర్ఆర్’తో ఇద్దరికీ దేశవ్యాప్తంగా గుర్తింపు రావడంతో.. భవిష్యత్తు సినిమాలపై భారీ అంచనాలు ఉన్నాయి. మరోవైపు మహేశ్ బాబు ప్రస్తుతం రాజమౌళి దర్శకత్వంలో ‘వారణాసి’ సినిమా చేస్తున్నారు. ఈ ప్రాజెక్ట్ భారీ స్థాయిలో రూపొందుతుండటంతో.. సినిమా సాధించే ఫలితాలు మహేశ్ బాబు పాన్ ఇండియా మార్కెట్పై ప్రభావం చూపే అవకాశం ఉందనే చర్చ జరుగుతోంది. అయితే ఈ సినిమా రూ.3,000 కోట్ల వసూళ్లు సాధిస్తుందన్నది ప్రస్తుతం అంచనా మాత్రమే.
అయితే ఒకటి రెండు సినిమాల విజయాలతోనే ఇండియాలో నంబర్-1 స్టార్ అనే స్థానం దక్కదనే అభిప్రాయం కూడా ఉంది. వరుసగా విజయాలు సాధించడం, బాక్సాఫీస్ వద్ద రికార్డులు నమోదు చేయడం, దేశవ్యాప్తంగా అభిమానులను సంపాదించుకోవడం వంటి అంశాలు కీలకంగా మారతాయి. అలాగే నటనతో పాటు డ్యాన్స్, యాక్షన్ వంటి విభిన్న అంశాల్లోనూ ప్రేక్షకులను ఆకట్టుకునే సామర్థ్యం అవసరం. అందుకే ప్రభాస్, అల్లు అర్జున్, రామ్ చరణ్, జూనియర్ ఎన్టీఆర్, మహేశ్ బాబు.. వీరిలో భవిష్యత్తులో ఎవరి స్టార్డమ్ ఏ స్థాయికి వెళ్తుందో తెలుసుకోవాలంటే రాబోయే కొన్ని సంవత్సరాల సినిమాల ఫలితాలను చూడాల్సిందే.
[Tollywood Number One Star, Indian Cinema Number One Hero, Prabhas, Allu Arjun, Mahesh Babu, Ram Charan, Jr NTR, Tollywood Pan India Stars, Top Telugu Heroes, Indian Cinema Stars]
యంగ్ హీరో రోషన్ మేకా, ప్రీతి ముకుందన్ జంటగా నటిస్తున్న తాజా చిత్రం ‘ఏమో ఏమో ఇది’. శైలేష్ కొలను దర్శకత్వంలో తెరకెక్కుతున్న ఈ చిత్రంపై ఇప్పటికే ప్రేక్షకుల్లో ఆసక్తి నెలకొంది.
చిత్ర ప్రకటన సమయంలో విడుదల చేసిన ‘ది ఫస్ట్ బ్రీజ్ ఆఫ్ #EmoEmoIdi’ వీడియోకు ప్రేక్షకుల నుంచి మంచి రెస్పాన్స్ వచ్చింది. ఆ వీడియోతో సినిమాలోని ఆహ్లాదకరమైన ప్రేమకథా ప్రపంచాన్ని పరిచయం చేసిన మేకర్స్.. ఇప్పుడు మరింత అందమైన అనుభూతిని పంచేందుకు ‘ఏమో ఏమో ఇది’ టైటిల్ సాంగ్ను విడుదల చేశారు.
సున్నితమైన మెలోడీ, హృదయాన్ని హత్తుకునే సాహిత్యంతో రూపొందిన ఈ పాట ఆద్యంతం ఆహ్లాదకరమైన ప్రేమానుభూతిని పంచుతుంది. రోషన్ మేకా, ప్రీతి ముకుందన్ మధ్య అందమైన కెమిస్ట్రీ పాటకు ప్రత్యేక ఆకర్షణగా నిలిచింది. మంచుతో కప్పబడిన పర్వతాలు, అద్భుతమైన ప్రకృతి దృశ్యాల నేపథ్యంలో తెరకెక్కించిన విజువల్స్ పాటకు డ్రీమీ రొమాంటిక్ ఫీల్ను అందిస్తున్నాయి.
ఈ పాటకు హేషమ్ అబ్దుల్ వహాబ్ సంగీతం అందించగా.. కార్తీక్, రమ్య బెహరా తమ మధురమైన గాత్రాలతో ఆలపించారు. కృష్ణకాంత్ సాహిత్యం అందించారు. అందమైన మెలోడీ, హృదయాన్ని హత్తుకునే గానం, కనువిందు చేసే విజువల్స్ కలగలిసి ‘ఎమో ఎమో ఇది’ టైటిల్ సాంగ్ను ఈ సీజన్లోని సరికొత్త లవ్ ఆంథమ్గా నిలిపాయి.
సితార ఎంటర్టైన్మెంట్స్, ఫార్చూన్ ఫోర్ సినిమాస్ బ్యానర్లపై నాగవంశీ, సాయి సౌజన్య నిర్మిస్తున్నా ఈ చిత్రం అక్టోబర్ 30, 2026న విడుదల కానుంది.
ఇది కూడా చదవండి: మనవరాలికి గ్రాండ్ వెల్కమ్.. టాలీవుడ్ విలన్ ఇంట పండగ వాతావరణం.!
[Emo Emo Idi Title Song, Emo Emo Idi Movie, Sailesh Kolanu, Roshan Meka, Hesham Abdul Wahab, Telugu Love Songs, Telugu Songs 2026, Telugu Film News]
'ది ప్యారడైజ్' ప్రస్తుతం టాక్ కి విరుద్ధంగా 155 కోట్ల క్లబ్ లో చేరింది . ఈ గొప్ప సక్సెస్ ఇచ్చిన సంతోషంలో దేవుళ్లకు ఇచ్చిన మొక్కులు తీర్చుకునేందుకు 'ది ప్యారడైజ్' టీమ్ తెలంగాణలోని ప్రముఖ పుణ్యక్షేత్రాల వైపు అడుగులు వేసింది. అందులో భాగంగా తెలంగాణ సంస్కృతికి ప్రతీకైన మేడారంలోని శ్రీ సమ్మక్క-సారలమ్మ వనదేవతలని దర్శించుకున్నారు.
మేడారానికి బయలుదేరే మార్గంలో భాగంగా చిత్ర బృందం మొదట ములుగు జిల్లాలోని ప్రసిద్ధ గట్టమ్మ అమ్మవారిని దర్శించుకుంది. గట్టమ్మ ఆలయంలో నాని, నటుడు సంపూర్ణేష్ బాబు ప్రత్యేక పూజలు నిర్వహించి అమ్మవారికి కృతజ్ఞతలు తెలిపారు. ఆలయ అర్చకులు వారికి సాంప్రదాయబద్ధంగా స్వాగతం పలికి తీర్థప్రసాదాలు అందజేశారు. నేచురల్ స్టార్ వస్తున్నాడనే వార్త తెలుసుకున్న అభిమానులు, స్థానికులు పెద్ద ఎత్తున తరలివచ్చి ఘనస్వాగతం పలికారు.
ఇది కూడా చదవండి: పిచ్చోడి చేతిలో రాయి: అనుభవం లేని దర్శకుల చేతిలో భారీ ప్రాజెక్టులు దెబ్బతింటున్నాయా!
గట్టమ్మ దర్శనం అనంతరం 'ది ప్యారడైజ్' బృందం నేరుగా వనదేవతల నిలయమైన మేడారం సమ్మక్క-సారలమ్మల ఆలయానికి చేరుకుంది. శ్రీకాంత్ ఓదెల, నానిల కలయికలో సినిమా ప్రారంభమైనప్పుడే మేడారం అమ్మవార్ల ఆశీస్సులు పొంది, చిత్రం ఘనవిజయం సాధిస్తే మొక్కులు చెల్లిస్తామని వేడుకున్నారు. అందులో భాగంగానే తమ మొక్కును తీర్చుకునేందుకు అమ్మవార్ల సన్నిధిలో తమ శరీర బరువుకు సమానమైన నిలువెత్తు 'బంగారాన్ని' (బెల్లం) తులభారంగా సమర్పించారు. మేడారంలో అమ్మవార్లకు బెల్లాన్ని బంగారం అని పిలవడం మరియు శరీరం బరువుతో తులభారం వేసి సమర్పించడం ఎంతో పవిత్రమైన సాంప్రదాయం. ఈ భక్తిపూర్వక మొక్కుతో నాని, శ్రీకాంత్ ఓదెల ఇద్దరూ తమ నిష్టను చాటుకున్నారు. ప్యారడైజ్ లో నాని తల్లి క్యారక్టర్ పేరు సమ్మక్క . అసలు సినిమాపేరే సమ్మక్క అని పెడదామని అనుకున్నారు.
[Hero Nani At The Paradise, The Paradise Team At Medaram, Nani And Srikanth Odela In Sammakka And saralamma, Telugu Cinema, Telugu Cinema News, Tollywood, Tollywood News]
టాలీవుడ్ ప్రముఖ నటుడు, విలన్ 'టార్జాన్' లక్ష్మీనారాయణ ఇంట్లో ఆనందోత్సాహాలు వెల్లివిరిసాయి. ఆయన ఇంట్లోకి మహాలక్ష్మి లాంటి మనవరాలు అడుగుపెట్టింది. ఆ చిన్నారి రాకను ఆయన సెలెబ్రేట్ చేసుకున్న తీరు చూస్తే ఎవరికైనా ముచ్చటేయాల్సిందే.
హాస్పిటల్ నుంచి పాపను ఇంటికి తీసుకొచ్చే సమయంలో ఇల్లంతా కలర్ఫుల్ బెలూన్లు, పూల డెకరేషన్తో నింపేశారు. పూల వాన కురిపిస్తూ, బాణసంచా కాలుస్తూ స్వాగతం పలికారు. ఆ చిన్నారికి దిష్టి తీసి లోపలికి తీసుకెళ్లిన దృశ్యాలు చూస్తుంటే.. "తాత మనసులో మనవరాలికి ఎంతటి ప్రాధాన్యత ఉందో" ప్రతి ఒక్కరికీ అర్థమవుతోంది.
ఈ వేడుకకు సంబంధించిన ప్రత్యేక వీడియోను సోషల్ మీడియాలో పంచుకోవడంతో అది క్షణాల్లో వైరల్ అయిపోయింది. నెటిజన్లు, టాలీవుడ్ అభిమానులు ఈ వీడియో చూసి మైమరిచిపోతున్నారు.
లక్ష్మీనారాయణ గారు పాపను ఎంతో ఆప్యాయంగా ఎత్తుకుని మురిసిపోతుంటే.. ఆయన కళ్లల్లో కనిపించిన ఆనందం, ఆ తృప్తి వెలకట్టలేనివి. ఒక నటుడిగా ఎన్నో పాత్రలు వేసినా.. "తాత" అనే ఈ కొత్త పాత్రాయనకు అత్యంత ప్రియమైనదిగా మారిపోయిందని ఆయన అభిమానులు కామెంట్లు చేస్తున్నారు.
ఇది కూడా చదవండి: అప్పుడు దేవర.. ఇప్పుడు ప్యారడైజ్..
https://www.instagram.com/reel/Dd1porehprw/
[Tarzan Grand Child Welcome Video, Villain Tarzan Laxminarayana, Tarzan Instagram, Tarzan Laxminarayan, Telugu Viral Video, Telugu Film News, Telugu News]
సినిమా.. సినిమా.. సినిమా.. ఇది ఇచ్చే ఆనందం ముల్లోకాల్లో కూడా ఎందెందు వెతికినా దొరకదు. అంతలా ప్రేక్షకుల సమస్త బాధలని పోగొట్టి 'నేనుండగా నీకు దిగులేలా'! అనే భరోసా, ధైర్యాన్ని ఇస్తుంది. అంతటి శక్తీ సినిమాకి మాత్రమే సొంతం.
కానీ చిత్రపరిశ్రమలో నేడు ఒక విచిత్రమైన వాతావరణం నెలకొంది. బడ్జెట్లు వందల కోట్లకు చేరాయి. అత్యాధునిక విజువల్ ఎఫెక్ట్స్, భారీ తారగణం, పాన్-ఇండియా స్థాయి ప్రచారం... ఇలా ప్రతీదీ అద్భుతంగానే కనిపిస్తుంది. కానీ, థియేటర్లలో సినిమా విడుదలయ్యాక సగటు ప్రేక్షకుడు పొందే అనుభవం మాత్రం దానికి పూర్తి భిన్నంగా ఉంటోంది. భారీ ఆశలతో, టికెట్ కోసం 300 నుండి రూ. 500 వరకు వెచ్చించి థియేటర్లకు వచ్చే ప్రేక్షకులకు తరచుగా నిరాశే ఎదురవుతోంది. వందల కోట్ల భారీ బడ్జెట్ సినిమాలను సరైన అనుభవం, సరైన అవగాహన లేని దర్శకుల చేతిలో పెట్టడమే దీనికి ప్రధాన కారణమా అనే ప్రశ్న ఇప్పుడు టాలీవుడ్ మరియు భారతీయ సినీ వర్గాల్లో తీవ్రంగా నడుస్తోంది.
ఒకప్పుడు దర్శకుడు చిన్న బడ్జెట్ సినిమాలతో ప్రయాణం ప్రారంభించి, వరుస విజయాలతో తన ప్రతిభను నిరూపించుకున్న తర్వాతే భారీ ప్రాజెక్టుల వైపు వెళ్లేవారు. కానీ నేడు పరిస్థితులు పూర్తిగా మారిపోయాయి. కేవలం ఒకటి లేదా రెండు సినిమాలు తీసిన అనుభవం ఉన్న దర్శకులకు ఏకంగా 200 కోట్లు లేదా. 300 కోట్ల బడ్జెట్లను ఇచ్చి ప్రాజెక్టులను అప్పగిస్తున్నారు. పెద్ద విజయాన్ని సాధించారనో, లేదా ఒక మంచి ఐడియా చెప్పారనో ఆధారపడి నిర్మాత భారీగా పెట్టుబడి పెడుతున్నారు. అయితే, ఒక చిన్న లేదా మధ్యస్థాయి సినిమాను హ్యాండిల్ చేయడానికి, వందల కోట్ల భారీ గ్రాఫిక్స్, వేలమంది జనం ఉండే లొకేషన్లు, పదుల సంఖ్యలో ఉన్న సాంకేతిక నిపుణులను నడిపించడానికి నడుమ కొండంత వ్యత్యాసం ఉంది.
ఇది కూడా చదవండి: విరాట్ కోహ్లీ నా బావ.. షాకింగ్ విషయం చెప్పిన టాలీవుడ్ హీరోయిన్!
ఇటీవలి కాలంలో మనం చూసిన కొన్ని భారీ ప్రాజెక్టులలో దాదాపు 60% నుండి 70% బడ్జెట్ కేవలం నటీనటుల పారితోషికాలు, సుదీర్ఘమైన విజువల్ ఎఫెక్ట్స్ (VFX) పనులకే సరిపోతోంది. కథనం మరియు స్క్రీన్ప్లేపై పెట్టాల్సిన శ్రద్ధ తగ్గిపోతోంది. దాదాపు 80% గ్రాఫిక్స్ పైనే ఆధారపడే భారీ పీరియాడిక్ లేదా సైన్స్ ఫిక్షన్ చిత్రాల్లో సన్నివేశాల అనుసంధానం దెబ్బతింటోంది. అనుభవం లేని దర్శకులు గ్రాఫిక్స్ షాట్లను ఎలా సరిగ్గా ప్లాన్ చేయాలో తెలియక, చిత్రీకరణ సమయాన్ని దాదాపు 40% పైగా పొడిగిస్తున్నారు. దీనివల్ల ప్రొడక్షన్ ఖర్చులు పెరిగిపోవడమే కాకుండా, సినిమా ఆత్మ వంటి ఎమోషన్ మరియు డ్రామా పూర్తిగా తుడిచిపెట్టుకుపోతున్నాయి.
ప్రేక్షకుడు థియేటర్కు వచ్చేది కేవలం గ్రాఫిక్స్ చూడటానికి కాదు, ఆ గ్రాఫిక్స్ వెనుక ఉన్న కథలోని భావోద్వేగానికి కనెక్ట్ అవ్వడానికి. కానీ విజన్ లోపించినప్పుడు, కేవలం విజువల్స్ మాత్రమే మిగిలి కథ లోపిస్తుంది. మొదటి వారంలోనే 50% పైగా డ్రాప్ పొందే సినిమాలు నేడు పెరిగిపోయాయి. భారీ బడ్జెట్ పెట్టినంత మాత్రాన లేదా అద్భుతమైన విజువల్స్ చూపించినంత మాత్రాన సినిమా ఆకట్టుకోదు. ప్రణాళికాబద్ధమైన చిత్రీకరణ, నటీనటుల నుండి సరైన నటనను రాబట్టుకోవడం, సెట్స్లో క్లిష్టమైన నిర్ణయాలను సెకన్లలో తీసుకోవడం వంటి నైపుణ్యాలు సంవత్సరాల తరబడి అనుభవం ఉన్న దర్శకుడికే లభిస్తాయి. పరిశ్రమ మనుగడకు కొత్త ఆలోచనలు ఎంత ముఖ్యమో, వందల కోట్ల పెట్టుబడులను సురక్షితంగా నిలబెట్టే అనుభవం కూడా అంతే ముఖ్యం. నిర్మాతలు కేవలం గ్లామర్, భారీతనం వెనుక పరిగెత్తకుండా, విజన్తో పాటు సినిమాని నడిపించే సత్తా ఉన్న దర్శకులకే బాధ్యతలు అప్పగించినప్పుడే ప్రేక్షకుడికి నిజమైన భారీ సినిమా అనుభవం దక్కుతుంది. దయచేసి 'పిచ్చోడి చేతిలో రాయి'ని చేయకండని సినీ ప్రేమికులు సోషల్ మీడియా వేదికగా కామెంట్స్ చేస్తున్నారు.
[Big Budget Movies Inexperienced Directors,Big Budget Movie Failures,indian cinema vfx issuesTelugu Cinema, Telugu Cinema News, Tollywood, Tollywood News]
మన చుట్టూ ఉండే వాళ్ళకి సంబంధించిన కొంత మంది మనుషుల మధ్య ఉండే బంధాలని మనం పసిగట్టలేం. అసలు కొంచం కూడా అనుమానం రాకుండా మెయిన్ టైన్ చేస్తారు. కానీ ఆ తర్వాత తెలిసాక 'అవునా' అని షాక్ అవ్వడంతో పాటు కనీసం మన ఊహకి కూడా రాలేదు కదా అనుకుంటాం. దాన్నే సినీ భాషలో 'అచ్చులో బొమ్మ' అంటారు.
రుహానీ శర్మ. 2018లో విడుదలైన 'చిలసౌ' సినిమాతో కథానాయికగా టాలీవుడ్ అరంగేట్రం చేసిన రుహానీ, తొలి చిత్రంతోనే మంచి విజయాన్ని అందుకోవడమే కాకుండా ప్రేక్షకుల నుంచి ప్రశంసలు అందుకుంది. ఆ తర్వాత 'హిట్', 'డర్టీ హరి', '101 జిల్లాల అందగాడు' వంటి విలక్షణమైన సినిమాల్లో నటించి మెప్పించింది. విక్టరీ వెంకటేష్ నటించిన ప్రతిష్టాత్మక 75వ చిత్రం 'సైంధవ్'లోనూ కనిపించి మెప్పించింది.
ఇది కూడా చదవండి: సత్య vs యోగి బాబు: గోల్డెన్ భాగ్యం ఎవరు!
రుహానీ శర్మకి టీమిండియా స్టార్ క్రికెటర్, రికార్డుల వీరుడు విరాట్ కోహ్లీ బావ అవుతాడు. ఎలా అంటే రుహానికి అనుష్క శర్మ కజిన్ సిస్టర్ అవుతుంది. ఆ వరుస ప్రకారం విరాట్ కోహ్లీ బావ అవుతాడు. చాలా మందికి ఈ సీక్రెట్ తెలియదు.
[Ruhani Sharma Reveals Relation With Virat Kohli, Ruhani Sharma Virat Kohli relation, Anushka Sharma cousin sister, Telugu Cinema, Telugu Cinema News, Tollywood, Tollywood News]
బిగ్బాస్ వంటి రియాలిటీ షోలకు తెలుగులో మంచి ఆదరణ ఉంది. ఈ క్రమంలో మరో కొత్త కాన్సెప్ట్తో రియాలిటీ షో ప్రేక్షకులను అలరించేందుకు సిద్ధమవుతోంది. ప్రపంచవ్యాప్తంగా పాపులర్ అయిన ‘ద ట్రైటర్స్’ షో ఇప్పుడు తెలుగులోకి వస్తోంది. ఇప్పటికే హిందీలో రెండు సీజన్లు వచ్చిన ఈ షోకు తెలుగు వెర్షన్లో హీరో తేజ సజ్జా హోస్ట్గా వ్యవహరించనున్నారు. ఈ విషయాన్ని ప్రైమ్ వీడియో తాజాగా అధికారికంగా ప్రకటించింది.
‘ద ట్రైటర్స్ తెలుగు’లో మొత్తం 20 మంది వివిధ రంగాలకు చెందిన వ్యక్తులు పాల్గొననున్నారు. అయితే ఇది సాధారణ రియాలిటీ షోల మాదిరిగా టాస్కులు, పెర్ఫార్మెన్స్లపై మాత్రమే ఆధారపడదు. ఇందులో నమ్మకం, మోసం, వ్యూహాలు, రహస్యాలు, గ్రూప్ గేమ్ ప్రధానంగా ఉంటాయి. పాల్గొనేవారిలో కొంతమంది ‘ట్రైటర్స్’గా రహస్యంగా వ్యవహరిస్తుండగా.. మిగిలిన వారు వారిని గుర్తించేందుకు ప్రయత్నించాలి. తమ అసలు గుర్తింపును బయటపడకుండా ట్రైటర్స్ గేమ్ను ముందుకు తీసుకెళ్లాల్సి ఉంటుంది.
ఇప్పటికే విడుదలైన లాంచింగ్ ప్రోమోలో తేజ సజ్జా తనదైన శైలిలో షో గురించి ఆసక్తిని పెంచారు. తన కెరీర్లో ఇప్పటివరకు సినిమాల్లో నటుడిగా కనిపించిన తేజ.. తొలిసారి ఓ రియాలిటీ షోకు హోస్ట్గా వ్యవహరిస్తుండటం విశేషం. కొత్త ఫార్మాట్, కొత్త ఎనర్జీతో ప్రేక్షకులతో కనెక్ట్ అయ్యేందుకు ఈ షో తనకు భిన్నమైన అనుభూతిని ఇస్తోందని తేజ సజ్జా సోషల్ మీడియా ద్వారా తెలిపారు.
‘ద ట్రైటర్స్ తెలుగు’ అక్టోబర్ 15 నుంచి అమెజాన్ ప్రైమ్ వీడియోలో స్ట్రీమింగ్ కానుంది. మొత్తం 10 ఎపిసోడ్లుగా రూపొందిన ఈ షో నాలుగు వారాల పాటు ప్రసారం కానుంది. ప్రతి గురువారం మధ్యాహ్నం 12 గంటలకు కొత్త ఎపిసోడ్ విడుదల చేయనున్నట్లు మేకర్స్ వెల్లడించారు. తెలుగు ఆడియోతో పాటు ఇంగ్లిష్ సబ్టైటిల్స్తో ఈ షో ప్రపంచవ్యాప్తంగా అందుబాటులోకి రానుంది. మరి బిగ్బాస్ తరహాలో ఈ కొత్త రియాలిటీ షో తెలుగు ప్రేక్షకులను ఎంతవరకు ఆకట్టుకుంటుందో చూడాలి.
[The Traitors Telugu, Teja Sajja The Traitors, The Traitors Telugu OTT, Teja Sajja Reality Show, The Traitors Telugu Prime Video, Teja Sajja New Show, Telugu Reality Shows]
The title glimpse of Golden Bhagyam introduces an interesting combination of Tamil comedian Yogi Babu and Telugu comedian Satya as the lead actors. Directed by Pawan Basamsetti, the film appears to be a full-fledged comedy entertainer with the title announcement itself presented in a humorous manner.
The glimpse plays around with the iconic image of Rajinikanth and Kamal Haasan, setting up the unusual pairing of Yogi Babu and Satya. Their comic timing and contrasting personalities make the combination instantly interesting, with the glimpse giving a clear indication that the film is built around their chemistry.
Golden Bhagyam brings together talent from both the Tamil and Telugu industries, with Vennela Kishore, Sudharshan, Rohini, Sunil Reddy and Tanikella Bharani playing prominent roles. The film is being produced by Pawan Basamsetti and Dr. Nagarjuna Reddy Paluvai, while Pawan Ch is composing the music.
The makers have already commenced shooting for the film, which is said to blend comedy with romance and action. Pawan Basamsetti, who previously directed Rangabali, is returning with another comedy-driven film, and the title glimpse sets up Golden Bhagyam as a light-hearted entertainer built around the unusual lead combination of Yogi Babu and Satya.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
సూపర్ స్టార్ రజినీకాంత్ ప్రస్తుతం వరుస సినిమాలతో బిజీగా ఉన్నారు. ‘జైలర్ 2’ విడుదలకు సిద్ధమవుతుండగా.. మరోవైపు ‘ధర్మన్’ సినిమా షూటింగ్లోనూ పాల్గొంటున్నారు. ప్రస్తుతం ఈ మూవీ షూటింగ్ మైసూరులో జరుగుతోంది. అయితే ఈ సినిమాకు సంబంధించి ఇప్పటివరకు రూమర్గా ఉన్న ఓ ఆసక్తికరమైన విషయం ఇప్పుడు బయటకు వచ్చింది. రజినీకాంత్తో కలిసి ఉన్న ఓ ఫొటోను హీరోయిన్ రాశీఖన్నా సోషల్ మీడియాలో పోస్ట్ చేయడంతో ఈ విషయం హాట్ టాపిక్గా మారింది.
మైసూరులో షూటింగ్ సందర్భంగా అక్కడి దోశతో పాటు షూటింగ్కు సంబంధించిన కొన్ని జ్ఞాపకాలను రాశీఖన్నా సోషల్ మీడియాలో షేర్ చేసింది. అదే సమయంలో రజినీకాంత్, రామ్ పోతినేనితో కలిసి దిగిన ఫొటోను కూడా పోస్ట్ చేసింది. దీంతో ‘ధర్మన్’ సినిమాలో రామ్ నటిస్తున్నాడంటూ గతంలో వచ్చిన వార్తలకు దాదాపుగా క్లారిటీ వచ్చినట్లయింది. కొద్దిసేపటికే ఆ ఫొటోను రాశీఖన్నా డిలీట్ చేసినప్పటికీ.. అప్పటికే అది సోషల్ మీడియాలో వైరల్గా మారింది.
ఈ సినిమాలో రాశీఖన్నా కీలక పాత్రలో కనిపించనున్నట్లు తెలుస్తోంది. ఆమె రజినీకాంత్ కూతురి పాత్రలో నటిస్తుండగా.. రామ్ పోతినేని ఆమె ప్రియుడిగా కనిపించనున్నాడని సమాచారం. అయితే రామ్ పాత్రకు నెగిటివ్ షేడ్స్ ఉంటాయని టాక్. దీంతో ఈ సినిమాలో రామ్ ఇంతకుముందు చేసిన పాత్రలకు భిన్నమైన లుక్, క్యారెక్టరైజేషన్లో కనిపించే అవకాశం ఉందనే ఆసక్తి అభిమానుల్లో నెలకొంది.
ఇక ‘ధర్మన్’ చిత్రానికి ‘డ్రాగన్’ సినిమాతో గుర్తింపు తెచ్చుకున్న దర్శకుడు అశ్వత్ మారిముత్తు దర్శకత్వం వహిస్తున్నారు. రజినీకాంత్ ప్రధాన పాత్రలో రూపొందుతున్న ఈ చిత్రంపై ఇప్పటికే భారీ అంచనాలు ఉన్నాయి. తాజాగా రామ్ పోతినేని కూడా సినిమాలో భాగమయ్యాడనే విషయం బయటకు రావడంతో తెలుగు ప్రేక్షకుల్లోనూ సినిమాపై ఆసక్తి పెరిగింది. వచ్చే సంక్రాంతికి ఈ చిత్రాన్ని ప్రేక్షకుల ముందుకు తీసుకురావాలని మేకర్స్ భావిస్తున్నట్లు సమాచారం.
[Rajinikanth Dharman Movie, Ram Pothineni Dharman, Raashii Khanna, Rajinikanth Ram Pothineni, Ashwath Marimuthi, Dharman Movie Update, Ram Pothineni New Movie]
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏదయినా ఒక వస్తువు ఇంట్లోంచి పోయిందంటేనే ఎంతో బాధగా వుంటుంది. ఎంతో ఇష్టపడి కొనుక్కున్న వస్తువు చేజారి పడి పగిలిపోయినా, దొంగతనం జరిగినా, ఎక్కడో మర్చిపోయినా చాలా బాధేస్తుంది. దాన్ని తిరిగి పొందలేమని దిగులు పట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్టమయిన పెయింటింగ్ రెండో ప్రపంచ యుద్ధ సమయంలో దూరమయింది. 80 ఏళ్లు దాని కోసం ఎదురు చూడగలి గింది.
అదంటే మరి ఆమెకు ప్రాణ సమానం. చాలా కాలం దొరుకుతుందని, తర్వాత ఇక దొరకదేమో అనీ ఎంతో బాధపడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గతేడాది ఆమెను చేరింది. ఆమెది నెదర్లాండ్స్. ఆమె తండ్రి నెదర్లాండ్స్లోని ఆర్నెహెమ్లో చిన్నపిల్లల ఆస్పత్రి డైరెక్టర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్పర్ నెషర్ వేసిన స్టీవెన్ ఓల్టర్స్ పెయింటింగ్.
రెండో ప్రపంచ యుద్ధ సమయంలో నాజీల ఆదేశాలను చార్లెట్ తండ్రి వ్యతిరేకించారు. ఆయన రహస్య జీవనం సాగించేడు. కానీ ఈ పెయింటింగ్ని మాత్రం తన నగరంలోని ఒక బ్యాంక్లో భద్ర పరచమని ఇచ్చారట. 1940లో నాజీలు నెదర్లాండ్ పై దాడులు చేసినపుడు ఆ బ్యాంక్ మీద పడి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్కడున్నదీ ఎవరికీ తెలియలేదు. చిత్రంగా 1950ల్లో డసల్డార్ష్ ఆర్ట్ గ్యాలరీలో అది ప్రత్యక్షమయింది. 1969లో ఆమ్స్టర్డామ్లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాలరీలో వుందని చూసినవారు చెప్పారు. వేలంపాట తర్వాత మొత్తానికి ఆ పెయింటింగ్ను 1971లో ఒక కళాపిపాసి తన దగ్గర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించని విధంగా ఎంతో కాలం దూరమయిన గొప్ప కళాఖండం తిరిగి తన వద్దకు చేరడంలో చార్లెటీ ఆనందానికి అంతేలేదు. అంతే కదా.. పోయిందనుకున్న గొప్ప వస్తువు తిరిగి చేరితే ఆ ఆనందమే వేరు! అయితే చార్లెటీకి ఇపుడు ఆ పెయిం టింగ్ను భద్రంగా చూసుకునే ఆసక్తి వున్నప్పటికీ శక్తి సామర్ధ్యాలు లేవు. అందుకనే త్వరలో ఎవరికయినా అమ్మేసీ వచ్చిన సొమ్మును పిల్లలకు పంచుదామనుకుంటోందిట! చార్లెటీ కుటుంబంలో అయిదుగురు అన్నదమ్ములు అక్కచెల్లెళ్లు వున్నారు. అలాగే ఇరవై మంది పిల్లలు ఉన్నారు. అందరూ ఆమె అంటే ఎంతో ప్రేమ చూపుతున్నారు. అందరం ఒకే కుటుంబం, చాలాకాలం తర్వాత ఇల్లు చేరిన కళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్నగర్-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్ఎంసీ ఎన్నికల్లో చేదు ఫలితాలను చవిచూసిన టీఆర్ఎస్ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్లకు మద్దతుగా ఉత్తమ్, భట్టి, రేవంత్రెడ్డి, కోమటిరెడ్డి వెంకట్రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్.రాంచందర్రావు, ప్రేమేందర్రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్, ఎంపీ అరవింద్ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వరుస ట్వీట్లు చేశారు. వ్యక్తిగత ప్రయోజనాలు పక్కనపెట్టి, ప్రధానిని పొగిడి టైమ్ వేస్ట్ చేయకండంటూ ఆయన ఓ ట్వీట్లో అన్నారు. ఆనంద్ శర్మ అనవసరంగా కాంగ్రెస్ను లక్ష్యంగా చేసుకుంటున్నారని, ఈ అంశాన్ని పెద్దది చేసి చూపిస్తున్నారని విమర్శించారు. ఆయన ఉద్దేశాలు సరైనవే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూటమికి నేతృత్వం వహిస్తోంది. అందులో కాంగ్రెస్ ఓ భాగం. మతతత్వ, విభజన రాజకీయాలు చేస్తున్న బీజేపీకి చెక్ పెట్టడానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం.
ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది.
ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి 91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్ ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’ సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది. నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి మాత్రం పశ్చిమ బెంగాల్ పైనే వుంది.
పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.
పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.
ఇప్పటికే తెలంగాణ బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు. అలాగే, దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
.webp)
పిల్లల ముందు తల్లిదండ్రులు ఎలా ఉండాలి ఎలా ఉండకూడదు.!
పిల్లల పెంపకం అనేది ఒక బాధ్యత మాత్రమే కాదు, అది ఒక నిరంతర ప్రయాణం. పిల్లలు తల్లిదండ్రులు చెప్పే మాటల కంటే వాళ్లు చేసే పనులనే ఎక్కువగా గమనిస్తారు, అనుకరిస్తారు. ఇంట్లో తల్లిదండ్రుల ప్రవర్తనే పిల్లల భవిష్యత్తుకు, వారి వ్యక్తిత్వానికి పునాది అవుతుంది. ఇంట్లో ఆత్మీయత, అనురాగం ఉన్నప్పుడే పిల్లలు శారీరకంగా, మానసికంగా బలంగా ఎదుగుతారు. అందుకే వారి ముందు తల్లిదండ్రులు ఎలా ప్రవర్తిస్తున్నారనేది చాలా ముఖ్యం. పిల్లల ఎదుట తల్లిదండ్రులు ఎలా ఉండాలి, ఎలాంటి పనులు చేయకూడదో వివరంగా తెలుసుకుంటే..
పిల్లల ముందు తల్లిదండ్రులు ఇలా ఉండాలి
ఆప్యాయత, గౌరవంతో మాట్లాడాలి..
ఇంట్లో తల్లిదండ్రులు ఒకరినొకరు గౌరవించుకుంటూ, ప్రేమగా మాట్లాడుకోవడం చూసినప్పుడు పిల్లల్లో నేర్చుకునే తత్వం, నమ్మకం పెరుగుతాయి. వారు కూడా ఇతరులతో అలాగే మర్యాదగా మాట్లాడటం అలవాటు చేసుకుంటారు.
చెప్పేది వినే ఓపిక ఉండాలి..
పిల్లలు స్కూల్ నుండి రాగానే లేదా ఏదైనా చెప్పాలనుకున్నప్పుడు వారి మాటలను శ్రద్ధగా వినాలి. తల్లిదండ్రులకు ఎంత పని ఉన్నా, వారి మాటలకు విలువ ఇస్తే తమ సమస్యలను తల్లిదండ్రుల దగ్గర దాచకుండా పంచుకుంటారు.
జీవనం..
తల్లిదండ్రులు పిల్లలకు ఎలాంటి మంచి అలవాట్లు ఉండాలని కోరుకుంటారో, మొదట తల్లిదండ్రులు కూడా వాటిని పాటించి చూపాలి. సమయపాలన, నిజాయితీ, తోటివారికి సహాయం చేయడం వంటి గుణాలను తల్లిదండ్రులను చూసే పిల్లలు నేర్చుకుంటారు.
ప్రోత్సాహం అందించాలి..
పిల్లలు ఏ చిన్న మంచి పని చేసినా లేదా ఆటల్లో, చదువులో ప్రయత్నించినా మెచ్చుకోవాలి. ఓడిపోయినప్పుడు నిరాశపడకుండా, మళ్లీ ప్రయత్నించేలా ధైర్యం చెప్పాలి.
శాంతంగా, సహనంతో ఉండాలి..
పరిస్థితులు ఎలా ఉన్నా ఇంట్లో ప్రశాంతమైన వాతావరణం ఉండేలా చూసుకోవాలి. తల్లిదండ్రులు కోపంగా కాకుండా సహనంతో నిర్ణయాలు తీసుకోవడం చూస్తే, పిల్లలు కూడా ఒత్తిడిని ఎలా తట్టుకోవాలో నేర్చుకుంటారు.
పిల్లల ముందు తల్లిదండ్రులు ఇలా ఉండకూడదు..
గొడవలు పడకూడదు..
తల్లిదండ్రులు పిల్లల ఎదుట అరుచుకోవడం, పెద్దగా గొడవపడటం అసలు చేయకూడదు. ఇది వారిని తీవ్ర భయానికి, ఆందోళనకు గురిచేస్తుంది. వారి మనస్సులో అభద్రతా భావం ఏర్పడుతుంది.
ఇతరులతో పోల్చకూడదు..
పక్కింటి పిల్లలతోనో లేదా తోబుట్టువులతోనో పోల్చి మాట్లాడకూడదు. నువ్వు దేనికి పనికిరావు అని తక్కువ చేసి మాట్లాడితే వారిలో ఆత్మవిశ్వాసం దెబ్బతింటుంది.
ఎప్పుడూ ఫోన్లకే పరిమితం కాకూడదు..
పిల్లల ముందు తల్లిదండ్రులు గంటల తరబడి మొబైల్ ఫోన్లు వాడటం, టీవీలు చూడటం తగ్గించాలి. తల్లిదండ్రులే ఫోన్ పట్టుకుని కూర్చుంటే, పిల్లలకు దూరంగా ఉండమని చెప్పే హక్కు తల్లిదండ్రులు కోల్పోతారు.
అబద్ధాలు చెప్పడం లేదా ఇతరులను దూషించడం..
తల్లిదండ్రులు తమకు తెలియకుండానే పిల్లల ముందు చిన్న చిన్న అబద్ధాలు చెప్పడం లేదా ఇతరుల గురించి చెడుగా మాట్లాడటం చేయకూడదు. అది చూసి పిల్లలు కూడా అబద్ధాలు చెప్పడం సహజమేనని అనుకుంటారు.
అతిగా కోప్పడటం లేదా కొట్టడం..
చిన్న చిన్న పొరపాట్లకు పిల్లలపై విరుచుకుపడటం, కొట్టడం చేయకూడదు. అలా చేస్తే వారిలో మొండితనం పెరుగుతుంది తప్ప మార్పు రాదు.
పిల్లలకు తల్లిదండ్రులు ఇచ్చే అతిపెద్ద బహుమతి డబ్బు, ఆస్తులు కాదు, ఒక మంచి, సురక్షితమైన వాతావరణం. ప్రేమ, సహనం, ఆప్యాయతలతో కూడిన పెంపకమే వారిని భవిష్యత్తులో ఉత్తమ పౌరులుగా తీర్చిదిద్దుతుంది.
*రూపశ్రీ.
మన భారతీయుల నిత్య జీవితంలో అన్నం లేని ఆహారాన్ని ఊహించుకోవడం కూడా కష్టమే. పొద్దున, మధ్యాహ్నం, రాత్రి అని తేడా లేకుండా ప్రతిరోజూ ప్లేట్ నిండా తెల్లటి పాలిష్ చేసిన బియ్యాన్ని తినడానికి అలవాటుపడిపోయాం. అయితే, రుచికి ఎంతో బాగుండే ఈ పాలిష్డ్ తెల్ల బియ్యం మన ఆరోగ్యానికి ఎంతటి చేటు చేస్తుందో అని తెలిస్తే ఎవరైనా సరే ముక్కున వేలేసుకోవాల్సిందే. ధాన్యం నుంచి లభించే పోషకాలను, పీచు పదార్థాన్ని పాలిషింగ్ ప్రక్రియ ద్వారా పూర్తిగా తొలగించి కేవలం పిండి పదార్థాన్ని మాత్రమే మిగిల్చే తెల్ల బియ్యం కంటే, తృణధాన్యాల వర్గానికి చెందిన బ్రౌన్ రైస్ (తవుడు తీయని బియ్యం) రోజూ తీసుకోవడం వల్ల అపారమైన ఆరోగ్య ప్రయోజనాలు లభిస్తాయని పోషకాహార నిపుణులు స్పష్టం చేస్తున్నారు.
ఆరోగ్యకరమైన జీవితాన్ని గడపాలనుకునే వారికి, ముఖ్యంగా ఆధునిక జీవనశైలి వ్యాధులతో బాధపడుతున్న వారికి బ్రౌన్ రైస్ ఒక దివ్యౌషధంగా పనిచేస్తుంది. తెల్ల బియ్యంతో పోలిస్తే బ్రౌన్ రైస్లో విటమిన్ బి1, విటమిన్ బి3, విటమిన్ బి6 వంటి అత్యవసర విటమిన్లు, అలాగే మాంగనీస్, మెగ్నీషియం, భాస్వరం, ఇనుము మరియు జింక్ వంటి ఖనిజ లవణాలు సమృద్ధిగా లభిస్తాయి. వీటన్నింటికీ మించి బ్రౌన్ రైస్లో లభించే అధిక పీచు పదార్థం (ఫైబర్) జీర్ణ వ్యవస్థ పనితీరును మెరుగుపరచడంలో కీలక పాత్ర పోషిస్తుంది. ఇది కడుపులో ఉండి నెమ్మదిగా అరుగుతుంది. కాబట్టి కొద్దిగా తిన్నా సరే కడుపు త్వరగా నిండిన భావన కలుగుతుంది. ఫలితంగా అతిగా తినే అలవాటు తగ్గి, బరువు తగ్గాలనుకునే వారికి మరియు ఊబకాయంతో బాధపడేవారికి బ్రౌన్ రైస్ ఒక అద్భుతమైన ఆహార ఎంపికగా మారుతుంది.
ప్రస్తుత కాలంలో చిన్న వయసులోనే చాలామందిని వేధిస్తున్న ప్రధాన సమస్య మధుమేహం లేదా టైప్ 2 డయాబెటిస్. తెల్లటి బియ్యం తిన్నప్పుడు అందులోని పిండి పదార్థం వేగంగా రక్తంలో గ్లూకోజ్గా మారి షుగర్ లెవెల్స్ను ఒక్కసారిగా పెంచేస్తుంది. కానీ బ్రౌన్ రైస్ యొక్క గ్లైసిమిక్ ఇండెక్స్ (GI) చాలా తక్కువగా ఉంటుంది. దీనిని ఆహారంగా తీసుకున్నప్పుడు రక్తంలో చక్కెర స్థాయిలు ఒకేసారి పెరగకుండా చాలా నెమ్మదిగా విడుదలవుతాయి. అందువల్ల డయాబెటిస్ బాధితులు బ్రౌన్ రైస్ను తమ రోజువారీ ఆహారంలో భాగం చేసుకోవడం ద్వారా రక్తంలో షుగర్ స్థాయిలను చాలా సులభంగా అదుపులో ఉంచుకోవచ్చు.
అంతేకాకుండా, హృదయ సంబంధిత వ్యాధులతో బాధపడుతున్న వారికి మరియు గుండె ఆరోగ్యాన్ని పటిష్టం చేసుకోవాలనుకునే వారికి బ్రౌన్ రైస్ ఎంతో మేలు చేస్తుంది. ఇందులో లభించే పీచు పదార్థం, మాంగనీస్ మరియు శక్తివంతమైన యాంటీఆక్సిడెంట్లు శరీరంలో పేరుకుపోయిన చెడు కొలెస్ట్రాల్ (LDL) స్థాయిలను తగ్గించి, మంచి కొలెస్ట్రాల్ను పెంచడంలో దోహదపడతాయి. ఇది రక్తనాళాల్లో కొవ్వు పేరుకుపోకుండా కాపాడి, రక్తపోటును (బిపి) అదుపులో ఉంచుతుంది. దీనివల్ల గుండెపోటు, పక్షవాతం వంటి తీవ్రమైన ముప్పుల నుంచి రక్షణ లభిస్తుంది. శరీరానికి అవసరమైన తక్షణ శక్తిని అందిస్తూ, మెదడు నాడీ వ్యవస్థను వేగవంతం చేయడంలో బ్రౌన్ రైస్ సహాయపడుతుంది. ప్రతిరోజూ ఒక పూట తెల్ల బియ్యానికి బదులుగా బ్రౌన్ రైస్ను అలవాటు చేసుకోవడం ద్వారా పరిపూర్ణ ఆరోగ్యవంతమైన జీవనాన్ని సొంతం చేసుకోవచ్చు.
[ Brown Rice, White Rice, Whole Grains, Dietary Fiber, Diabetes, Blood Sugar, Low Glycemic Index, Weight Management, Heart Health, Cholesterol ]
నేటి ఆధునిక జీవనశైలిలో వయస్సుతో సంబంధం లేకుండా చాలామందిని తీవ్రంగా వేధిస్తున్న ప్రధాన సమస్యల్లో మోకాళ్ల నొప్పులు, కీళ్ల నొప్పులు మరియు వాపులు అగ్రస్థానంలో ఉన్నాయి. ఆహారపు అలవాట్లలో మార్పులు, శారీరక శ్రమ లేకపోవడం లేదా పెరిగిన బరువు వల్ల నడవడమే కష్టంగా మారిన రోజుల్లో తక్షణ ఉపశమనం కోసం పెయిన్ కిల్లర్ మాత్రలను మింగడం సర్వసాధారణమైపోయింది. అయితే, మన పూర్వీకులు మరియు ఆయుర్వేద మూలికా వైద్యులు ఎన్నో ఏళ్ల క్రితమే మోకాళ్ల నొప్పులు, వాపులు, కండరాల నొప్పులు మరియు దెబ్బలకు అద్భుతమైన సహజ నివారణగా ఆమెడ ఆకులను (ఆముదపు ఆకులు) ఉపయోగించేవారు. ఆయుర్వేదంలో ఎంతో ప్రాశస్త్యం పొందిన ఈ ఆముదపు ఆకులలో వాపును తగ్గించే ఆంటీ ఇన్ఫ్లమేటరీ గుణాలు, నొప్పులను నయం చేసే అనాల్జెసిక్ లక్షణాలు సమృద్ధిగా లభిస్తాయి. దీర్ఘకాలిక కీళ్ల నొప్పులతో బాధపడుతున్న వారికి ఆమెడ ఆకులు అందించే 5 సాంప్రదాయ మరియు ప్రయోజనకరమైన ఉపయోగాల గురించి సమగ్రంగా తెలుసుకుందాం.
మొదటిది, మోకాళ్ల నొప్పులు మరియు కీళ్ల వాపులను తక్షణమే తగ్గించడంలో ఆమెడ ఆకుల కాపడం అత్యంత ప్రభావవంతంగా పనిచేస్తుంది. తాజా ఆమెడ ఆకులను శుభ్రంగా కడిగి, వాటికి కొద్దిగా నువ్వుల నూనె లేదా ఆముదం నూనె పూసి పెనంపై లైట్గా వేడి చేయాలి. అలా గోరువెచ్చగా ఉన్న ఆకులను మోకాళ్లు లేదా తీవ్రమైన నొప్పి ఉన్న కీళ్ల భాగంలో ఉంచి, సున్నితంగా గుడ్డతో కట్టు కట్టాలి. ఈ విధంగా క్రమం తప్పకుండా చేయడం వల్ల ఆకుల్లోని మూలికా మూలకాలు చర్మంలోకి ఇంకి కీళ్లలో చేరిన ద్రవాలను, వాపులను తగ్గించి తీవ్రమైన నొప్పి నుండి ఉపశమనం కలిగిస్తాయి.
రెండవది, ఆర్థరైటిస్ మరియు కండరాల పట్టేతకు ఆమెడ ఆకులతో నూనె మసాజ్ అద్భుతమైన నివారణ. ఆముదం నూనెను గోరువెచ్చగా వేడి చేసి, దానికి ఆముదపు ఆకుల పసరును కలిపి కీళ్లపై మృదువుగా మసాజ్ చేయాలి. ఆ తర్వాత వేడి చేసిన ఆకుని కట్టుగా కట్టడం వల్ల కీళ్ల మధ్య ఉండే దృఢత్వం తగ్గి, రక్తప్రసరణ మెరుగవుతుంది. మూడవది, చర్మంపై ఏర్పడే దెబ్బలు, వాపులు మరియు గాయాలను త్వరగా నయం చేయడంలో కూడా ఇవి సహాయపడతాయి. ఆమెడ ఆకులను మెత్తటి పేస్ట్లా నూరి, దానికి కొద్దిగా పసుపు కలిపి వాపులు లేదా చిన్న చిన్న గాయాలపై లేపనంగా రాయడం వల్ల ఇన్ఫెక్షన్లు దరిచేరకుండా గాయాలు త్వరగా మానడానికి తోడ్పడుతుంది.
నాల్గవది, ఆమెడ ఆకుల కషాయం ద్వారా పొందే ఆవిరి పట్టుట (వేదనా శమనం). ఆమెడ ఆకులను నీటిలో వేసి బాగా మరిగించి, ఆ నీటి ఆవిరిని నొప్పులు ఉన్న కీళ్లకు పట్టించడం వల్ల నరాలు ఉద్దీపన చెంది కండరాల ఒత్తిడి తక్షణమే తొలగిపోతుంది. ఇక ఐదవది, పాదాల నొప్పులు మరియు మడమల వాపు నివారణ. రోజంతా నిలబడి పనిచేయడం వల్ల పాదాల కింద వచ్చే నొప్పులకు, వేడి చేసిన ఆమెడ ఆకులపై పాదాలను కొద్దిసేపు ఉంచి తొక్కితే అరికాళ్ల మంటలు మరియు వాపులు నయమవుతాయి. ఈ విధంగా ఎటువంటి సైడ్ ఎఫెక్ట్స్ లేకుండా, కేవలం మన ఇంటి పరిసరాల్లో లభించే ఆమెడ ఆకులతో మోకాళ్ల నొప్పులను సులభంగా అదుపులో ఉంచుకోవచ్చని ఆయుర్వేద నిపుణులు స్పష్టం చేస్తున్నారు.
[ Castor Leaves, Knee Pain, Joint Pain, Arthritis, Joint Swelling, Ayurvedic Remedies, Anti Inflammatory, Muscle Pain, Castor Oil, Natural Pain Relief ]
గుండె ఆరోగ్యాన్ని జాగ్రత్తగా చూసుకోవడానికి డాక్టర్లు చెప్పిన సలహాలు..!
గుండె ఆరోగ్యాన్ని కాపాడుకోవడం అనేది ఒక్క రోజులో జరిగే పని కాదు. నేటి ఆధునిక జీవనశైలి, సరైన పోషకాహారం లేకపోవడం, శారీరక శ్రమ తగ్గడం వంటి అనేక కారణాల వల్ల చిన్న వయసులోనే గుండె సంబంధిత సమస్యలు పెరుగుతున్నాయి. నివేదికల ప్రకారం మన దేశంలో సంభవిస్తున్న మరణాలలో ఎక్కువ భాగం గుండె జబ్బుల వల్లే జరుగుతున్నాయని నిపుణులు హెచ్చరిస్తున్నారు. కేవలం సమస్య వచ్చిన తర్వాత జాగ్రత్తలు తీసుకోవడం కంటే, ముందే మన లైఫ్ స్టైల్ లో కొన్ని చిన్న మార్పులు చేసుకోవడం ద్వారా గుండెను సురక్షితంగా ఉంచుకోవచ్చని ప్రముఖ వైద్యులు సూచిస్తున్నారు. వాటి గురించి వివరంగా తెలుసుకుంటే..
చురుగ్గా ఉండటం..
బాగా వర్కవుట్లు చేయలేకపోయినా, రోజూ కొంత సమయం నడవడాన్ని అలవాటు చేసుకోవాలి. రోజంతా ఒకే చోట కూర్చుని పనిచేసే వారు మధ్యమధ్యలో లేచి కాసేపు అటుఇటు తిరగడం వల్ల శరీరంలో రక్తం సరఫరా మెరుగ్గా ఉంటుంది.
ఆహారం..
బరువు తగ్గడం కోసమే కాకుండా, శరీర జీవక్రియలను క్రమబద్ధీకరించే పౌష్టికాహారాన్ని ఎంచుకోవాలి. మనం ప్రతిరోజూ తీసుకునే ఆహారం ఎంత పరిమాణంలో ఉందో, అందులో ఎలాంటి పోషకాలు ఉన్నాయో గమనించడం చాలా అవసరం. దీర్ఘకాలంలో గుండెకు మేలు చేసే బాలెన్స్డ్ ఆహారాన్ని అలవాటు చేసుకోవడం మంచిది.
కండరాలను బలంగా ఉంచే వ్యాయామాలు..
వయసు పెరుగుతున్న కొద్దీ శరీరంలో కండరాల సాంద్రత తగ్గుతుంది. అందుకే స్ట్రెంగ్త్ ట్రైనింగ్ లేదా కండరాలను దృఢపరిచే వ్యాయామాలు చేయడం ద్వారా రక్తపోటు అదుపులో ఉంటుందని, ఇది గుండె ఆరోగ్యానికి ఎంతో రక్షణ ఇస్తుందని వైద్యులు చెబుతున్నారు.
మానసిక ఒత్తిడిని తగ్గించుకోవడం..
ఇప్పటి వేగవంతమైన జీవితంలో ఒత్తిడి చాలా సాధారణమైపోయింది. ఒత్తిడి గుండెపై తీవ్ర ప్రభావం చూపుతుంది. అందుకే మనస్సును, నాడీ వ్యవస్థను ప్రశాంతంగా ఉంచడానికి సంగీతం వినడం, ధ్యానం చేయడం, లోతైన శ్వాస తీసుకోవడం వంటివి చేయాలి. రోజులో కొంత సమయాన్ని మనస్సును తేలికపరిచే కార్యకలాపాల కోసం కేటాయించడం చాలా ఉపయోగకరం.
గుండెను ఆరోగ్యంగా ఉంచుకోవడానికి ఏవేవో ప్రయోగాలు చేయాల్సిన అవసరం లేదు. మన రోజువారీ అలవాట్లలో నడకను భాగం చేసుకోవడం, మంచి ఆహారం తీసుకోవడం, ఒత్తిడిని దూరం చేసుకోవడం వంటి చిన్న చిన్న మార్పుల ద్వారానే ఆరోగ్యకరమైన జీవితాన్ని పొందవచ్చని వైద్యులు చెబుతున్నారు.
*రూపశ్రీ.
అన్నానికి ప్రత్యామ్నాయంగా ఈమధ్య చాలామంది చూపు క్వినోవా వైపు మళ్లుతోంది. బరువు తగ్గాలనుకునే వారు, ఆరోగ్యకరమైన జీవనశైలిని అలవర్చుకోవాలనుకునే వారు ప్రతిరోజూ తినే తెల్ల అన్నాన్ని పక్కన పెట్టి క్వినోవాను ఎంచుకుంటున్నారు. ఇది చూడటానికి చిన్న చిన్న గింజల్లా అనిపించినా, దీనివల్ల శరీరానికి అందే పోషకాలు మాత్రం చాలా ఎక్కువ. మన చిరు ధాన్యాల మాదిరిగానే క్వినోవా కూడా శరీరానికి ఎంతో మేలు చేస్తుంది. ప్రతిరోజూ అన్నం స్థానంలో క్వినోవాను ఆహారంగా తీసుకోవడం వల్ల శరీరంలో ఎలాంటి మార్పులు వస్తాయో తెలుసుకుంటే..
ఎక్కువ పోషకాలు..
అన్నంలో పిండి పదార్థాలు ఎక్కువ. దీనివల్ల అన్నం తిన్న తర్వాత రక్తంలో గ్లూకోజ్ స్థాయిలు త్వరగా పెరుగుతాయి. కానీ క్వినోవాలో కాంప్లెక్స్ కార్బోహైడ్రేట్లు, ఫైబర్ సమృద్ధిగా ఉంటాయి. ఇవి రక్తంలో చక్కెరను నెమ్మదిగా విడుదల చేస్తాయి. దీనివల్ల డయాబెటిస్ ఉన్నవారికి ఇది చాలా మంచి ప్రత్యామ్నాయం. అలాగే, ఇది తిన్న తర్వాత చాలా సేపటి వరకు కడుపు నిండిన భావన ఉంటుంది. పదే పదే ఆకలి వేయకపోవడం వల్ల ఆటోమేటిక్గా ఆహారం తక్కువగా తింటారు. ఫలితంగా శరీరంలో అనవసరమైన కొవ్వు కరిగి బరువు తగ్గడం చాలా తేలికవుతుంది.
తొమ్మిది రకాల అమైనో ఆమ్లాలు..
శాకాహారులకు క్వినోవా ఒక గొప్ప వరమని చెప్పవచ్చు. సాధారణంగా మొక్కల సంబంధిత ఆహారాల్లో అన్ని రకాల అమైనో ఆసిడ్లు లభించడం కష్టం. కానీ క్వినోవాలో శరీరానికి అవసరమైన తొమ్మిది రకాల అవసరమైన అమైనో ఆసిడ్లు ఉన్నాయి. దీనివల్ల శరీరానికి కావలసిన సంపూర్ణ ప్రొటీన్ అందుతుంది. ఇది కండరాల నిర్మాణానికి, రోగనిరోధక శక్తిని పెంచడానికి ఎంతో సహాయపడుతుంది. ప్రొటీన్ ఎక్కువగా ఉండటం వల్ల రోజంతా ఉత్సాహంగా ఉండటానికి అవసరమైన శక్తి లభిస్తుంది.
మలబద్దకానికి చెక్..
ఈ రోజుల్లో చాలామందిని వేధిస్తున్న సమస్య మలబద్ధకం , జీర్ణక్రియ లోపాలు. క్వినోవాలో ఉన్న అధిక పీచు పదార్థం జీర్ణక్రియను వేగవంతం చేస్తుంది. పేగుల ఆరోగ్యాన్ని మెరుగుపరిచి, వ్యర్థాలు తేలికగా బయటకు వెళ్లేలా చేస్తుంది. గ్యాస్, కడుపు ఉబ్బరం వంటి సమస్యలు తగ్గుతాయి.
గుండె ఆరోగ్యం కూడా..
క్వినోవా గుండె ఆరోగ్యానికి కూడా ఎంతో మేలు చేస్తుంది. క్వినోవాలో ఉండే పోషకాలు చెడు కొలెస్ట్రాల్ను తగ్గించడంలో సహాయపడతాయి. దీనివల్ల గుండె సంబంధిత సమస్యలు దరిచేరకుండా ఉంటాయి.
గ్లూటెన్ ఫ్రీ..
గ్లూటెన్ అలర్జీ ఉన్నవారికి క్వినోవా ఒక అద్భుతమైన ఆహారం. ఇందులో గ్లూటెన్ ఉండదు. కాబట్టి గోధుమలు, ఇతర ధాన్యాలు పడనివారు కూడా దీనిని నిరభ్యంతరంగా తినవచ్చు. ఇందులో ఐరన్, మెగ్నీషియం, పొటాషియం వంటి ముఖ్యమైన ఖనిజాలు కూడా ఉన్నాయి. ఐరన్ శరీరంలో రక్తం కొరత రాకుండా చూస్తే, మెగ్నీషియం నరాలు , కండరాల పనితీరును మెరుగుపరుస్తుంది.
వండుకోవడం కూడా తేలిక..
క్వినోవాను వండుకోవడం కూడా చాలా తేలిక. బియ్యాన్ని ఏ విధంగా వండుకుంటామో, అదే విధంగా రెండుసార్లు నీటితో శుభ్రంగా కడిగి ఉడికించుకోవచ్చు. దీనిని ఉడికించిన తర్వాత కూరలతో కలిపి తినవచ్చు లేదా రకరకాల కూరగాయలు చేర్చి ఉప్మా, పులావ్, సలాడ్స్ రూపంలో కూడా తయారుచేసుకోవచ్చు. రోజువారీ ఆహారంలో తెల్ల అన్నం స్థానంలో క్వినోవాను చేర్చుకోవడం ద్వారా మెరుగైన ఆరోగ్యాన్ని, చక్కటి ఫిట్నెస్ను సొంతం చేసుకోవచ్చు.
*రూపశ్రీ.
మన జీవితంలో ఎదురయ్యే ఒత్తిడి, ఆందోళన, సమస్యలకు బయట పరిస్థితులే కారణమా? లేక మనలోని ఆలోచనలు, భావాలు, నిర్ణయాలు కూడా ముఖ్యమైన పాత్ర పోషిస్తాయా?
ఈ వీడియోలో Inner Engineering అంటే ఏమిటి? మనలోని ఆలోచనా విధానం మారితే మన ప్రవర్తన, నిర్ణయాలు, జీవన విధానంలో ఎలాంటి మార్పులు వస్తాయి? అనే విషయాలను డాక్టర్ శారదా దేవి, Professor of Human Development and Family Studies వివరిస్తున్నారు.
మనల్ని మనం అర్థం చేసుకోవడం, Self-Awareness పెంచుకోవడం, మన ఆలోచనలు మరియు ప్రవర్తనను గమనించడం ద్వారా జీవితంలో సానుకూల మార్పులు ఎలా తీసుకురావచ్చో ఈ వీడియోలో తెలుసుకోవచ్చు.
Stress Relief, Mental Well-being, Self-Awareness, Motivation వంటి అంశాలపై ఉపయోగకరమైన విషయాలను తెలుసుకోవడానికి ఈ పూర్తి వీడియోను చూడండి.
మీ ఆరోగ్య సమస్య ఏదైనా... మా హెల్త్ యూట్యూబ్ ఛానల్లో సీనియర్ డాక్టర్స్ చెప్పిన సలహాలు... సూచనలు ఉన్నాయి. మా యూట్యూబ్ ఛానల్ కోసం ఇక్కడ క్లిక్ చేయండి 👉 TeluguOne Health (సబ్స్క్రైబ్ చేయడం మర్చిపోకండి!)