ALSO ON TELUGUONE N E W S
  లాక్‌డౌన్‌ను ప్ర‌భుత్వాలు ఎత్తివేసినా, షూటింగ్‌ల‌కు నిబంధ‌న‌ల‌తో కూడిన అనుమ‌తులు జారీ చేసినా చాలామంది తార‌లు ఇప్ప‌టికీ ఇళ్ల‌ల్లోనే గ‌డుపుతున్నారు. క‌రోనా మ‌హ‌మ్మారి రోజు రోజుకీ ఆందోళ‌న‌క‌ర స్థాయిలో ఉధృత‌మ‌వుతుండ‌టం దీనికి కార‌ణం. ఇప్ప‌టికే టీవీ రంగానికి చెందిన క‌ళాకారులు ప‌లువురు కొవిడ్‌-19 పాజిటివ్‌గా నిర్ధార‌ణ కావ‌డం, తాజాగా బాలీవుడ్‌లో అమితాబ్ కుటుంబం స‌హా ప‌లువురు క‌రోనా బారిన ప‌డ‌టం ప‌రిస్థితి తీవ్ర‌త‌కు అద్దం ప‌డుతోంది. దాంతో చాలామంది షూటింగ్‌లు పునఃప్రారంభిస్తే యూనిట్ స‌భ్యులు ప్ర‌మాదంలో ప‌డ‌తార‌ని భావిస్తున్న తార‌లు ఇళ్ల‌కే ప‌రిమిత‌మ‌వుతున్నారు. అయితే ఈ స‌మ‌యంలో త‌మ పాత హాబీల‌ను మ‌రోసారి వెలికి తీస్తున్నారు. కొంత‌మంది ఫిట్నెన్ మీద‌, కొంత‌మంది వంట‌ల మీద‌, ఇంకొంత‌మంది గార్డెనింగ్ మీద.. ఇలా త‌మ అల‌వాట్ల‌పై ఫోక‌స్ పెడుతున్నారు. అలా కొంత‌మంది సౌత్ స్టార్స్ ఏమేం చేస్తున్నారో చూద్దామా... 1. చిరంజీవి మెగాస్టార్ చిరంజీవి ఓవైపు దోశ‌లు వేస్తూ, వాళ్ల‌మ్మ చేత తినిపిస్తూ, మ‌రోవైపు మొక్క‌ల‌కు నీళ్లు పోస్తూ గ‌డిపేస్తున్నారు. 2. మ‌మ్ముట్టి వెట‌ర‌న్ మ‌ల‌యాళం సూప‌ర్ స్టార్ మ‌మ్ముట్టికి ఒక‌ప్పుడు ఫొటోగ్ర‌ఫీ అనేది హాబీగా ఉండేది. ఇప్పుడు ప్రొఫెష‌న‌ల్ ఫొటోగ్రాఫ‌ర్ మాదిరిగా ఫొటోలు తీస్తున్నారు. 3. స‌మంత అక్కినేని అక్కినేని వారి ఇంటి కోడ‌లు స‌మంత త‌మ ఇంటి టెర్ర‌స్‌పై గార్డెన్ పెంచుతున్నారు. ఆ గార్డెన్‌లో ఏమేం పెంచుతున్నారో త‌న అభిమానుల‌కు షేర్ చేస్తూ వ‌స్తున్నారు. 4. దుల్క‌ర్ స‌ల్మాన్‌ మ‌మ్ముట్టి కొడుకైనా న‌టుడిగా ఇప్ప‌టికే త‌న‌దైన ముద్ర‌వేసిన దుల్క‌ర్ స‌ల్మాన్ గార్డెనింగ్‌తో పాటు ఇంట్లో ర‌క‌ర‌కాల వంట‌లు చేస్తూ ఫ్యామిలీ మెప్పు పొందుతున్నారు. 5. పూజా హెగ్డే కావాల్సినంత తీరిక దొర‌క‌డంతో వంట‌గ‌దిలో ప్ర‌యోగాలు చేస్తూ వ‌స్తున్న పూజా హెగ్డే.. హ‌ల్వా ద‌గ్గ‌ర నుంచి క్యారెట్ కేక్ దాకా ర‌క‌ర‌కాల డిషెస్ చేస్తోంది. 6. విజ‌య్ దేవ‌ర‌కొండ‌ సెన్సేష‌న‌ల్ స్టార్ విజ‌య్ దేవ‌ర‌కొండ ఈ టైమ్‌ను ఎక్కువ‌గా ఇండోర్ గేమ్స్ ఆడుతూ ఎంజాయ్ చేస్తున్నాడు. చెస్ నుంచి ప‌చ్చీస్ దాకా ర‌క‌ర‌కాల ఆట‌లు ఆడుతున్నాడు. 7. త‌మ‌న్నా భాటియా ఓవైపు ఫిట్నెస్‌పై దృష్టి పెడుతూనే, మ‌రోవైపు కిచెన్‌లోనూ ప్ర‌యోగాలు చేస్తూ అమ్మానాన్న‌ల‌ను సంతోష‌పెడుతోంది త‌మ‌న్నా.
  మెగాస్టార్ చిరంజీవి చిన్న‌ల్లుడు క‌ల్యాణ్ దేవ్‌కు టెస్టుల్లో క‌రోనా నెగ‌టివ్ అని తేలింది. కొన్ని రోజులుగా అత‌ను హీరోగా న‌టిస్తోన్న 'సూప‌ర్ మ‌చ్చి' షూటింగ్‌లో పాల్గొంటున్నాడు. తెలంగాణ‌, ఆంధ్ర‌ప్ర‌దేశ్ ప్ర‌భుత్వాలు షూటింగ్‌ల‌కు నిబంధ‌న‌ల‌తో కూడిన అనుమ‌తులు జారీ చేయ‌డంతో ఆ సినిమా నిర్మాత‌లు షూటింగ్‌ను పునఃప్రారంభించారు. షూటింగ్‌లో పాల్గొంటున్న‌ప్ప‌ట్నుంచీ కుటుంబంతో క‌ల‌వ‌కుండా వేరుగా ఉంటున్న క‌ల్యాణ్ దేవ్‌, షెడ్యూల్ పూర్త‌య్యాక స్వీయ క్వారంటైన్‌లో గ‌డిపి, స్వ‌చ్ఛందంగా కొవిడ్‌-19 టెస్ట్ చేయించుకున్నాడు. ఆ టెస్టుల్లో త‌న‌కు నెగ‌టివ్ వ‌చ్చింద‌ని అత‌ను తెలిపాడు. ఆ త‌ర్వాత త‌న భార్య‌, పిల్ల‌ల‌ను క‌లుసుకున్న అత‌ను ఆ ఆనంద క్ష‌ణాల‌ను సెల్ఫీలో బంధించి త‌న ఇన్‌స్టాగ్రామ్ అకౌంట్‌లో షేర్ చేసుకున్నాడు. "షూటింగ్‌లో పాల్గొంటున్న‌ప్ప‌ట్నుంచీ సెల్ప్‌-ఐసొలేష‌న్‌లో ఉంటూ వ‌చ్చాను. ఆ త‌ర్వాత కొవిడ్ టెస్ట్ చేయించుకున్నాను. నెగ‌టివ్ అని వ‌చ్చింది! నా గురించి శ్ర‌ద్ధ చూపించిన ప్ర‌తి ఒక్క‌రికీ థాంక్స్‌. మీ ప్రేమ‌ను పొంద‌డం అదృష్టంగా భావిస్తున్నా. ఈ బృందాన్ని కౌగ‌లించుకోవ‌డం కోసం ఎదురుచూస్తూ వ‌చ్చాను" అంటూ రాసుకొచ్చాడు క‌ల్యాణ్ దేవ్‌. అత‌ను హీరోగా న‌టిస్తోన్న రెండో సినిమా 'సూప‌ర్ మ‌చ్చి'. క‌న్న‌డ తార ర‌చితా రామ్ హీరోయిన్‌గా న‌టిస్తోన్న ఈ రొమాంటిక్ డ్రామాను పులి వాసు డైరెక్ట్ చేస్తున్నాడు.  
  అమితాబ్ బ‌చ్చ‌న్‌, అభిషేక్ బ‌చ్చ‌న్ త‌ర్వాత త‌ల్లీ కూతుళ్లు ఐశ్వ‌ర్యా రాయ్, ఆరాధ్య బ‌చ్చ‌న్ కొవిడ్‌-19 పాజిటివ్‌గా నిర్ధార‌ణ అయ్యారు. ఈ రోజు మ‌ధ్యాహ్నం 2:30 గంట‌ల‌కు ఈ రిపోర్టులు వ‌చ్చాయి. మ‌రోవైపు, అమితాబ్ భార్య జ‌యా బ‌చ్చ‌న్‌, కుమార్తె శ్వేతా నందా, ఆమె పిల్లలు న‌వ్య న‌వేలీ నందా, అగ‌స్త్య నందా టెస్టుల్లో నెగ‌టివ్‌గా తేలారు. గ‌మ‌నించాల్సిన విష‌య‌మేమంటే, శ‌నివారం సాయంత్రం జ‌యా బ‌చ్చ‌న్‌, ఐశ్వ‌ర్య ఇద్ద‌రూ యాంటీజెన్ టెస్ట్‌లు చేయించుకున్నారు. ఇద్ద‌రికీ నెగ‌టివ్ అని వ‌చ్చింది. అయిన‌ప్ప‌టికీ వాళ్లు.. ఆరాధ్య‌, ఇత‌ర కుటుంబ స‌భ్యుల‌తో క‌లిసి ఈసారి స్వాబ్ టెస్టులు చేయించుకున్నారు. అందులో ఐశ్వ‌ర్య కొవిడ్‌-19 పాజిటివ్‌గా స్ప‌ష్ట‌మైంది. ఇప్ప‌టికైతే జ‌య‌, శ్వేత‌, న‌వ్య‌న‌వేలీ, అగ‌స్త్య క్షేమమ‌ని తేలింది. కాగా అమితాబ్ నివాసం 'జ‌ల్సా'ను బృహ‌న్ముంబై మునిసిప‌ల్ కార్పొరేష‌న్ అధికారులు శానిటైజ్ చేసి, దాన్ని సీజ్ చేశారు. ఆ చోటును కంటైన్మెంట్ ఏరియాగా ప్ర‌క‌టించారు.
  అమితాబ్ బ‌చ్చ‌న్‌, ఆయ‌న కుమారుడు అభిషేక్ బ‌చ్చ‌న్ శ‌నివారం కొవిడ్‌-19 పాజిటివ్‌గా నిర్ధార‌ణ కాగా, ఆదివారం ఆయ‌న కోడ‌లు ఐశ్వ‌ర్యా రాయ్‌, మ‌న‌వ‌రాలు ఆరాధ్యకు కూడా క‌రోనా వైర‌స్ సోకిన‌ట్లు టెస్టుల్లో వెల్ల‌డైంది. ఈ విష‌యాన్ని మ‌హారాష్ట్ర ఆరోగ్య‌శాఖా మంత్రి రాజేశ్ తోపే ప్ర‌క‌టించారు. అయితే అమితాబ్ భార్య జ‌యా బ‌చ్చ‌న్ మాత్రం టెస్ట్‌లో నెగ‌టివ్‌గా వ‌చ్చింద‌ని ఆయ‌న వెల్ల‌డించారు. ఈ విష‌యాన్ని త‌న సోష‌ల్ మీడియా అకౌంట్ ద్వారా ఆయ‌న తెలిపారు. బ‌చ్చ‌న్ కుటుంబం వీలైనంత వేగంగా కోలుకోవాల‌నే ఆకాంక్ష‌ను ఆయ‌న వ్య‌క్తం చేశారు. మొత్తానికి అమితాబ్ కుటుంబంలోని ఐదుగురు స‌భ్యుల్లో న‌లుగురికి కొవిడ్ 19 పాజిటివ్‌గా నిర్ధార‌ణ కావ‌డం సినీ వ‌ర్గాల్లో తీవ్ర‌మైక క‌ల‌క‌లాన్నీ, సంచ‌ల‌నాన్నీ సృష్టిస్తోంది. ఎవ‌రి ద్వారా ఆ కుటుంబానికి క‌రోనావైర‌స్ సోకింద‌నేది ప్ర‌శ్నార్ధ‌కంగా మారింది. వారికి క‌రోనా ల‌క్ష‌ణాలు క‌నిపించే స‌మ‌యానికి అమితాబ్ త‌న ఇంట్లోనే రెండు వాణిజ్య ప్ర‌క‌ట‌న‌ల‌కు సంబంధించిన షూటింగ్‌ల‌లో పాల్గొన్నారు. అలాగే టీవీ గేమ్ షో 'కౌన్ బ‌నేగా క్రోర్‌ప‌తి' ప్రోమోలోనూ ఆయ‌న న‌టిస్తున్నారు. ఆ షూటింగ్‌ల‌కు సంబంధించిన సిబ్బంది ద్వారా ఆయ‌న కొవిడ్ బారిన ప‌డ్డారా లేక ఇంకెవ‌రి ద్వారానైనా ఆయ‌న‌కు ఆ వైర‌స్ సోకిందా.. అంటూ బాలీవుడ్‌లో చ‌ర్చించుకుంటున్నారు.
  అమితాబ్ బ‌చ్చ‌న్‌కు క‌రోనా వైర‌స్ సోకింద‌ని తెలియ‌గానే త‌ను తీవ్ర‌మైన బాధ‌కు గుర‌య్యాన‌ని ప‌వ‌ర్‌స్టార్‌, జ‌న‌సేనాని ప‌వ‌న్ క‌ల్యాణ్ తెలిపారు. త్వ‌ర‌లోనే అమితాబ్‌, అభిషేక్ ఇద్ద‌రినీ ఆరోగ్య‌వంతులుగా చూడాల‌నుకుంటున్న‌ట్లు చెప్పారు. త‌న సోష‌ల్ మీడియా అకౌంట్ ద్వారా స్పందించిన ఆయ‌న త‌ను అమితాబ్ అభిమానిని, ఆరాధ‌కుడ‌న‌ని వెల్ల‌డించారు. అంతేకాదు, అల‌నాడు కూలీ సినిమా షూటింగ్‌లో అమితాబ్ తీవ్రంగా గాయ‌ప‌డిన‌ప్పుడు ఆయ‌న మామూలు మ‌నిషి కావాల‌ని త‌మ కుటుంబ‌మంతా ప్రార్థించిందంటూ గుర్తు చేసుకున్నారు. ప‌వ‌న్ క‌ల్యాణ్ ట్వీట్ నోట్‌లోని పూర్తి పాఠం... "నా ప్రియ‌మైన‌, గౌర‌వ‌నీయులైన‌ శ్రీ అమితాబ్ బ‌చ్చ‌న్ జీ, 'కూలీ' షూట్‌లో మీరు గాయ‌ప‌డిన‌ప్పుడు మీకు స్వ‌స్థ‌త చేకూరాల‌ని మా అమ్మానాన్న‌లు స‌హా మా ఇంటిల్లిపాదీ ప్రార్థించ‌డాన్ని చాలా స్ప‌ష్టంగా ఇప్ప‌టికీ గుర్తు చేసుకుంటుంటాను. అన్ని వ‌య‌సుల వారి నుంచీ మీరెప్పుడూ అలాంటి అద్భుత‌మైన ప్రేమ‌నీ, న‌మ్మ‌కాన్నీ, అనురాగాన్నీ పొందుతూ వ‌స్తున్నారు. కేవ‌లం మీ ప్ర‌తిభ కార‌ణంగానే కాకుండా మీ పోరాట‌త‌త్వం, సింప్లిసిటీ, న‌మ్ర‌త వ‌ల్ల కూడా మేం మిమ్మ‌ల్నిప్రేమిస్తూ వ‌స్తున్నాం. మీరు, అభిషేక్ గారు క‌రోనా పాజిటివ్‌గా నిర్ధార‌ణ అయ్యార‌ని తెలిసిన క్ష‌ణం నాలో తీవ్ర‌మైన బాధ క‌లిగింది. త‌న స్వ‌స్థ‌తా శ‌క్తుల‌తో ఆ ధ‌న్వంత‌రి దేవుడు మిమ్మ‌ల్ని ఆశీర్వ‌దించుగాక‌. మీ ఇద్ద‌రినీ మంచి ఆరోగ్యంతో చూడాల‌ని ఎదురుచూస్తుంటాను. మీ అభిమాని, ఆరాధ‌కుడు ప‌వ‌న్ క‌ల్యాణ్‌"  
సంసారాన్ని ఓ ప్రయాణంతో పోలుస్తూ ఉంటారు పెద్దలు. ఈ ప్రయాణంలో ఏ ఒక్కరు కాస్త ఆదమరచి ఉన్నా, వెనకబడిపోవాల్సిందే! ఆ పొరపొటు ఒకోసారి భాగస్వామిని చేజార్చుకునేంతవరకూ వెళ్లవచ్చు. లేదా శాశ్వతంగా మన పట్ల ఉన్న నమ్మకాన్ని పోగొట్టవచ్చు. అందుకే తస్మాత్‌ జాగ్రత్త అంటున్నారు అనుభవజ్ఞులు. ఇంతకీ వారి సలహాలు ఏమిటంటే...   కుటుంబంలో ఆఫీసు పెట్టొద్దు కెరీర్‌లో ముందుకు సాగాలంటే కష్టపడి పని చేయాల్సిందే! దానిని ఎవరూ కాదనలేరు. కానీ కుటుంబానికి కూడా కొంత సమయం కేటాయించకపోతే మన పడే కష్టానికి అర్థమే ఉండదు. కనీసం ఇంట్లో ఉండే సమయంలో అయినా టీవీ, ఫేస్‌బుక్‌లాంటి వ్యాపకాలను పక్కనపెట్టి భాగస్వామితో కాస్త మాట్లాడే ప్రయత్నం చేయాల్సిందే. ఆఫీసులో పని ఒత్తిడి గురించి కూడా భాగస్వామికి చెప్పి ఉంచితే... మీరు తనని కావాలనే దూరం ఉంచుతున్నారన్న భావన బలపడకుండా ఉంటుంది.   ఆఫీసరు మీద ఆవేశం ఇంట్లో వద్దు చాలామంది చేసే పొరపాటే ఇది. తోటి ఉద్యోగులతోనో, స్నేహితులతోనో జరిగిన గొడవ తాలూకు కోపాన్ని ఇంట్లో వెళ్లగక్కుతూ ఉంటారు. ఆఖరికి ట్రాఫిక్‌లో ఆలస్యమైనా ఆ ఆవేశం ఇంట్లోనే ప్రదర్శిస్తారు. ఊరంతా తిరిగివచ్చి, ఇంటి బయట చెప్పులు విడవడంతోనే... రోజువారీ చిరాకులన్నీ మర్చిపోయి మనిషిలా మెలగమని సూచిస్తుంటారు పెద్దలు.   అనుమానాస్పదమైన బంధాలు వద్దే వద్దు జీవితంలో ఎంతోమంది తారసపడుతూ ఉంటారు. ఎవరికెంత ప్రాధాన్యత ఇవ్వాలి అన్నది మన విచక్షణ మీద ఆధారపడి ఉంటుంది. కానీ మీ స్నేహం సంసారంలోకి ప్రవేశిస్తోందన్న అనుమానం ఉంటే మాత్రం జాగ్రత్త పడాల్సిందే! మీ స్నేహాన్ని భాగస్వామి అపార్థం చేసుకుంటున్నారనో, మీ బంధం హద్దులు మీరడం లేదనో అనుకుంటే ఉపయోగం లేదు. ఆ పరిస్థితిని దాటుకుని మొండిగా సాగే స్నేహం సంసారం చీలిపోయేందుకు దారితీస్తుంది.   రహస్యాలు దాచవద్దు భార్యాభర్తల మధ్య మిగిలే రహస్యాలు ఎప్పటికైనా అపనమ్మకానికి దారితీస్తాయి. మరీ ముఖ్యంగా ఆరోగ్య సమస్యలు, అప్పులకి సంబంధించిన వ్యవహారాలు వారితో పంచుకుని తీరాల్సిందే!   మనస్పర్థలు సహజమే రోడ్డు మీద ఓ ఇద్దరు మనుషులు ఎదురుపడితేనే గొడవలు మొదలైపోతుంటాయి. అలాంటిది ఇద్దరు మనుషులు ఏళ్లతరబడి కలిసి జీవిస్తే మనస్పర్థలు రాకుండా ఎలా ఉంటాయి. ఆ బేధాలను దాటుకుని ముందుకు సాగడం ఎలా అన్నది ఓ నైపుణ్యం. కోపంలో వాదించకుండా, అహంతో ఆలోచించకుండా, విచక్షణ కోల్పోకుండా పట్టువిడుపులకి సిద్ధపడుతూ సాగితేనే స్పర్థని దాటగలం.                              - నిర్జర.
  ఇది చాలాకాలం క్రితం జరిగిన కథ. అప్పట్లో ఓ కుర్రవాడు ఉండేవాడు. అతనికి జీవితసత్యం ఏమిటో తెలుసుకోవాలని తెగ తపనగా ఉండేది. ఆ తపనతో అతను ఎక్కడెక్కడో వెతికాడు. ఎవరెవరినో కలిశాడు. అతను వెళ్లిన చోట, అతను కలిసినవారు రకరకాల జవాబులు చెప్పారు. కానీ వాటిలో ఏ ఒక్క జవాబు అతనికి తృప్తిగా తోచలేదు. కుర్రవాడు అలా తిరుగుతూ తిరుగతూ ఉండగా అతనికి ఎవరో ఓ సలహా చెప్పారు. ‘చూడు! ఇలా ఎంత తిరిగినా నీకు తగిన సమాధానం దొరకడు. ఈ ఊరి చివర ఉన్న అడవి మధ్యలో ఒక పాత బావి కనిపిస్తుంది. ఆ బావిలోకి తొంగిచూసి ఎవరైనా తమ మనసులోని ప్రశ్నని అడిగితే, తప్పకుండా జవాబు లభిస్తుంది,’ అని అన్నారు.   ఆ సలహా విన్న కుర్రవాడు బావి దగ్గరకు వెళ్లనే వెళ్లాడు. అందులోకి తొంగిచూసి... ’జీవిత సత్యం ఏమిటి?’ అని అడిగాడు. ‘ఈ అడవి దాటిన తర్వాత ఒక చిన్న గ్రామం కనిపిస్తుంది. ఆ గ్రామంలో మూడో కూడలి దగ్గరకి వెళ్లి చూడు. అక్కడ నీకు జీవిత సత్యం ఏమిటో అర్థమవుతుంది,’ అని చెప్పింది బావి. బావి చెప్పినట్లుగానే, కుర్రవాడు అడవి తర్వాత వచ్చే గ్రామానికి వెళ్లాడు. ఆ గ్రామంలోని మూడో కూడలి దగ్గరకు వెళ్లి నిల్చొన్నాడు. అక్కడ అతనికి మూడు దుకాణాలు తప్ప మరేమీ కనిపించలేదు. మొదటి దుకాణంలో ఇనప ముక్కలు అమ్ముతున్నారు, రెండోది కలప దుకాణం, మూడుదాన్లో తీగలు అమ్మకానికి ఉన్నాయి. అంతకుమించి వాటిలో ఎలాంటి ప్రత్యేకతా ఆ కుర్రవాడికి కనిపించలేదు. వాటిలో జీవిత సత్యం ఏమిటో ఆ కుర్రవాడికి ఎంత ఆలోచించినా అర్థం కాలేదు. కుర్రవాడు నిరాశతో మళ్లీ బావి దగ్గరకు వెళ్లాడు. ‘నువ్వు చెప్పినట్లుగానే నేను ఆ కూడలి దగ్గరకు వెళ్లాను. అక్కడ ఓ మూడు దుకాణాలు తప్ప మరేమీ కనిపించలేదు. వాటిలో జీవితసత్యం ఏముందో నాకు అర్థం కాలేదు!’ అని నిష్టూరమాడాడు.   ‘కంగారుపడకు. వాటిలో దాగిన జీవితసత్యం నీకు నిదానంగా బోధపడుతుంది. ఆ పరిపక్వత నీకు వచ్చిన రోజున నేను చెప్పిన జవాబు తప్పు కాదని తెలుస్తుంది,’ అని బదులిచ్చింది బావి. కుర్రవాడు ఉసూరుమంటూ తన గ్రామానికి చేరుకున్నాడు. ఆ తర్వాత తన రోజువారీ పనులలో పడిపోయాడు. ఇలా చాలా సంవత్సరాలు గడిచిపోయాయి. కుర్రవాడికి వయసు, ఆ వయసుతో పాటుగా లోకజ్ఞానం పెరిగింది. జీవితం మీద తనకంటూ కొంత అవగాహన ఏర్పడింది. అలాంటి ఒక రోజున అతను పడుకుని ఉండగా... ఎక్కడి నుంచో ఒక సితార మోగుతున్న సంగీతం వినిపించింది. ఆ మధురమైన సంగీతం అతన్ని ఎంతగానో ఆకర్షించింది. ఆ సంగీతం వింటూ అతను పరివశించిపోయడు. హఠాత్తుగా... ఆ సంగీతంలో అతనికి జీవితసత్యం స్ఫురించింది. లోహం, చెక్క, లోహపు తీగలు... ఈ మూడు విడివిడిగా ఎందుకూ పనికిరాని చెత్తలాగా కనిపిస్తాయి. కానీ ఈ మూడింటి కలియికతో సితార్లాంటి అందమైన వాయిద్యం రూపొందుతుంది. ఆ వాయిద్యాన్ని మీటితే అద్భుతమైన సంగీతం జనిస్తుంది. జీవితం కూడా ఇంతే! జీవితాన్ని సార్థకం చేసుకోవడానికి కావల్సిన ముడిసరుకు అంతా ప్రకృతి మనకు ఇచ్చింది. కానీ మనలో ఉన్న సమార్థ్యాన్ని మర్చిపోయి... ఎందుకూ పనికిరానివారమని మధనపడిపోతాం. విధి మనకి అన్యాయం చేసిందని ఆరోపిస్తాం. నిజంగా సరైన విచక్షణే ఉంటే... కనిపించని విధి మీద నిందలు వేయడం మాని, అందుబాటులో ఉన్న వనరులతో నిలదొక్కుకునే ప్రయత్నం చేస్తాం. ఇదే అన్నింటికీ మించిన జీవితసత్యం! (ప్రచారంలో ఉన్న కథ ఆధారంగా) - నిర్జర.  
కొంతమందికి ఎప్పుడూ ఏదో ఒక దెబ్బ తగులుతూ ఉంటుంది! ఒంటి మీద ఎప్పుడూ ఏదో ఒక గాయం కనిపిస్తూనే ఉంటుంది. వాళ్లని చూసి పాపం దురదృష్టవంతులు అని మిగతావారు జాలిపడుతూ ఉంటారు. కానీ తరచూ ఏదో ఒక ప్రమాదానికి లోనవ్వడానికీ మన వ్యక్తిత్వానికీ సంబంధం ఉండవచ్చని ఊహిస్తున్నారు మనస్తత్వ శాస్త్రవేత్తలు. ఇలాంటి మనస్తత్వాన్ని ‘Accident Prone Psychology’ అంటున్నారు. అదేమిటో తెలుసుకుంటే మనకీ కాస్త ఉపయోగపడుతుందేమో...     ఓ ఆలోచన! తరచూ కొంతమందే ఎందుకు దెబ్బలు తగిలించుకుంటారన్న అనుమానం 19వ శతాబ్ది మొదటిలోనే వచ్చింది. దీని మీద మరిన్ని పరిశోధనలు చేసిన గ్రీన్‌వుడ్ వంటి నిపుణులు మన ఆలోచనా విధానానికీ, ప్రమాదాలకి సంబంధం ఉండే అవకాశం ఉందని తేల్చారు. ఆ తరువాత వచ్చిన ఎన్నో పరిశోధనల్లో ఓ 20 శాతం మంది వ్యక్తులే అధికశాతం ప్రమాదాలకి కారణం అవుతూ ఉంటారనీ... మొత్తంగా మన చుట్టూ జరిగే ప్రమాదాలలో దాదాపు 75 శాతం ప్రమాదాలు మానవ తప్పిదం వల్లే ఏర్పడతాయని చెబుతూ వస్తున్నాయి. ఈ పరిశోధనల శాస్త్రీయతని చాలామంది కొట్టిపారేసినా, వీటిలో స్పృశించిన చాలా అంశాలు చాలా తార్కికమైనవే! అందుకనే కొన్ని భీమా కంపెనీలు ప్రమాదభీమాను చెల్లించేటప్పుడు, ఉత్పాదక సంస్థలు తమ ఉద్యోగులను హెచ్చరించేందుకూ ఈ పరిశోధనలు ఉపయోగపడుతున్నాయి.     ప్రమాదాన్ని ఆశించే వ్యక్తిత్వం ఆత్మవిశ్వాసం మరీ ఎక్కువగా ఉన్నారు, దూకుడుగా ఉండేవారు, నిరంతరం కోపంతో రగిలిపోయేవారు... పోయి పోయి ఏదో ఒక ప్రమాదాన్ని కొని తెచ్చుకుంటారని తేలింది. మానసిక ఒత్తిడిలో ఉన్నవారు కూడా ప్రమాదాలకి త్వరగా లోనవుతారని చాలా పరిశోధనలు వెల్లడించాయి. ఏదన్నా కుటుంబంలో ఒకరి తరువాత ఒకరు ప్రమాదానికి లోనవడం మనం గమనిస్తూ ఉంటాము. ఆ కుటుంబానికి ఏదో శాపం తగిలిందనో, వారి గ్రహస్థితి బాగోలేదనో అనుకుంటాము. నిజానికి ఇలా కుటుంబంలో ఎవరన్నా ఒకరు తీవ్ర ప్రమాదానికి లోనైతే, ఆ ప్రభావం ఇతరుల మనసు మీద కూడా పడుతుందనీ... ఆ ఒత్తిడిలో మిగతా సభ్యులు కూడా ప్రమాదానికి లోనయ్యే అవకాశం 20 శాతం ఉంటుందనీ ఓ పరిశోధన తేల్చింది. ఎవరైతే ఇతరుల సలహాలను, సహాయాన్నీ స్వీకరించేందుకు సిద్ధంగా ఉంటారో... వారు త్వరగా ప్రమాదాలకు లోనుకారని తేలింది. అహంకారం లేకుండా, తొందరపడకుండా ఉండేవారికి ప్రమాదాలు కూడా ఆమడదూరంలో ఉంటాయని 2001లో జరిగిన ఒక పరిశోధన రుజువు చేసింది. అంటే నిదానమే ప్రధానం, నోరు మంచిదైతే ఊరు మంచిది లాంటి సామెతలు యాంత్రిక జీవితానికి కూడా వర్తిస్తాయన్నమాట.     ఎవరు ఒప్పుకున్నా ఒప్పుకోకున్నా తొందరపాటు, దూకుడు, ద్వేషం, అహంకారం... మనిషి విచక్షణను దెబ్బతీస్తాయి. తన మీద తనకి ఉండాల్సిన నియంత్రణను ప్రభావితం చేస్తాయి. దాంతో ఒక అనర్థం జరగడం సహజమే! కానీ ఇలాంటివారు కేవలం తమకి మాత్రమే ప్రమాదాన్ని తెచ్చుకుంటే ఫర్వాలేదు. అలా కాకుండా ఈ ‘Accident Prone Psychology’ ఉన్నవారు ఏ విమానాన్నో నడుపుతుంటే! అందుకే ఈ తరహా వ్యక్తిత్వం గురించి నానాటికీ ప్రచారం పెరుగుతోంది. మీది ప్రమాదాన్ని కొని తెచ్చుకునే వ్యక్తిత్వమేమో గమనించుకోండి అంటూ కొన్ని వెబ్‌సైట్లు పరీక్షలు పెడుతున్నాయి. మున్ముందు ఉద్యోగులకు కూడా ఇలాంటి పరీక్షలను నిర్వహించి విధుల్లోకి తీసుకునే పరిస్థితులు వచ్చినా ఆశ్చర్యపోనవసరం లేదు!   - నిర్జర.
రాజస్థాన్ లోని కాంగ్రెస్ ప్రభుత్వాన్ని కూలదోసేందుకు బీజేపీ ప్రయత్నిస్తోందంటూ ఆ రాష్ట్ర సీఎం అశోక్ గెహ్లాట్ ఆరోపించారు. దీని కోసం ఆ పార్టీ సిగ్గు కూడా వదిలేసి ప్రయత్నాలు చేస్తోందని అయన బీజేపీ మీద మండి పడ్డారు. ఈరోజు మీడియాతో మాట్లాడిన అయన "నేను ప్రస్తుతం దేశంలో జరుగుతున్న పరిస్థితుల మీద చర్చించేందుకు ఈ రోజు మీ ముందుకు వచ్చా. కరోనా మహమ్మారిని ఎదుర్కొనేందుకు నేను అందరినీ కలుపుకొని ముందుకు వెళ్తున్నా. కానీ, బీజేపీ మాత్రం మానవత్వం మరిచిపోయి. కరోనా విజృంభిస్తున్న సమయంలో ప్రజలు ఎన్నుకొన్న రాష్ట్ర ప్రభుత్వాన్ని కూల్చడానికి కుట్ర పన్నుతోంది." అని ఆరోపించారు. అంతే కాకుండా "కొంతమంది సిగ్గులేని నాయకులూ కూడా ఉంటారు. అటువంటి వారే గుజరాత్‌లో ఏడుగురు ఎమ్మెల్యేలను ఎత్తుకెళ్లి రెండు సీట్లు సాధించారు. రాజస్థాన్ లో కూడా అలాగే చేయడానికి వారు ప్రయత్నించారు. ఇక్కడ మాత్రం కాంగ్రెస్ ఎమ్మెల్యేలు, ఇతర ఎమ్మెల్యేలు సహకారంతో మేం రెండు సీట్లు సాధించాం. ఐతే ఆ సిగ్గులేని నాయకులూ మాత్రం ఇంకా పాత టెక్నిక్‌లు వాడుతూనే ఉన్నారు." అని గెహ్లాట్ బీజేపీ నేతలను విమర్శించారు. రాజస్థాన్ లో ఒక ఆయుధ స్మగ్లింగ్ ముఠాకు సంబంధించి కొంత మంది ఫోన్ల పై నిఘా పెట్టగా వారి సంభాషణలలో గెహ్లాట్ ప్రభుత్వాన్ని కూల్చే ప్రయత్నం జరుగుతున్నటుగా ఎస్ ఓ జి పోలీసులు గుర్తించి ఇద్దరిని అరెస్ట్ చేసారు. అంతే కాకుండా ప్రభుత్వాన్ని కూల్చడానికి రూ.1000 కోట్ల నుంచి రూ.2000 కోట్లు ఖర్చు చేయనున్నట్టు వారి సంభాషణల్లో వెల్లడైనట్లు సమాచారం. మొన్న జరిగిన రాజ్యసభ ఎన్నికల కు ముందే ప్రస్తుత ప్రభుత్వాన్ని కూలదోయడానికి కుట్ర చేశారంటూ పోలీసులు తాజాగా ఎఫ్ఐఆర్‌లో పేర్కొన్నారు. ఐతే రాష్ట్ర బీజేపీ నేతలు మాత్రం ఇవి నిరాధారమైన ఆరోపణలుగా కొట్టి పారేశారు.
నిత్యం చంద్రబాబు, లోకేష్ ల పై స్ట్రాంగ్ కామెంట్లతో విరుచుకుపడే వైసిపి ఎంపీ విజయ్ సాయి రెడ్డి తాజాగా మాజీ మంత్రి దేవినేని ఉమా పై రెచ్చిపోయారు. తాజాగా టీడీపీ నేతల వరుస అరెస్టుల నేపథ్యంలో టీడీపీ నాయకులు చేస్తున్న వ్యాఖ్యలపై విజయ్ సాయిరెడ్డి ట్విట్టర్ ద్వారా తీవ్రంగా స్పందించారు. "వాస్తవాలు చెబుతుంటే ప్రభుత్వం కక్షపూరితంగా అరెస్టులు చేస్తోందంటున్నారు. దీంతో ఉమకి ఫ్రస్ట్రేషన్ లో ఏం మాట్లాడేది తెలియడంలేదు. నీటిపారుదల ప్రాజెక్టుల కుంభకోణాలు బయటికి వస్తే నువ్వు కూడా ఊచలు లెక్కపెట్టాల్సిందే ఉమా.. మాజీ సీఎం అయినా, మాజీ మంత్రులైనా ఎవరూ తప్పించుకోలేరు. దోచుకోవడాలు, పంచుకోవడాలు అన్నీ మీతోనే పోయాయి" అంటూ వ్యాఖ్యానించారు. దీని పై మాజీ మంత్రి దేవినేని ఉమా కూడా అంతే ఘాటుగా కౌంటర్ ఇచ్చారు. "తమ ప్రభుత్వ హయాంలో ఏపీ నీటిపారుదల రంగాన్ని దేశంలోనే 2వ స్థానంలో నిలిపామని ఆయన స్పష్టం చేసారు. అంతే కాకుండా "కారు దింపిన తర్వాత ఫ్రస్ట్రేషన్ లో పడినట్టున్నావు. 108 అంబులెన్సుల్లో రూ.307 కోట్లు కొట్టేశావు. 12 సీబీఐ, ఈడీ కేసుల్లో 16 నెలల ఊచలు లెక్కపెట్టావు. మీ తప్పుడు కేసులకు భయపడం. జైలు నుంచి బెయిల్ పై వచ్చావ్.. ఒళ్ళు సోయిలో పెట్టుకో, బెదిరింపులు ఆపు జరబద్రం" అంటూ ఎంపీ విజయ్ సాయి రెడ్డిని ఉమ హెచ్చరించారు.
ఏపీ, తెలంగాణ ప్రభుత్వాలు కీలక నిర్ణయం తీసుకున్నాయి. కరోనా లక్షణాలతో హోం క్వారంటైన్ లో ఉన్నవారు బయటకు రాకుండా.. వారికి కావాల్సినవాటిని ఇంటికే పంపించే కార్యక్రమాన్ని చేపట్టాయి.  కరోనా తీవ్రత తక్కువగా ఉన్న రోగులను హోమ్ క్వారంటైన్ లో ఉండేలా చర్యలు తీసుకుంటున్న సంగతి తెలిసిందే. అయితే, హోం క్వారంటైన్ లో ఉన్నవారు మెడిసిన్స్, ఇతర సామగ్రి కోసం బయటకు వస్తే.. వైరస్ ఇతరులకు సోకే అవకాశం ఉంది. ఈ నేపథ్యంలో, వారికి అవసరమైన వాటిని కిట్ ద్వారా అందించే ఏర్పాట్లను రాష్ట్ర ప్రభుత్వాలు చేశాయి. హోం క్వారంటైన్ లో ఉన్న వారికి 'కోవిడ్ హోమ్ క్వారంటైన్ కిట్' ను ఏపీ ప్రభుత్వం పంపించనుంది. ఈ కిట్ లో కరోనా మందులు, శానిటైజర్, మాస్క్ లు, గ్లౌజ్ లు, ఆక్సీమీటర్ ఉంటాయి. హోం క్వారంటైన్ లో ఉన్న వారికి 'హోమ్ ఐసోలేషన్ కిట్' ను తెలంగాణ ప్రభుత్వం పంపించనుంది. ఈ కిట్ లో 17 రోజులకు సరిపడే మెడిసిన్ ఉంటుంది.  అలాగే, మాస్కులు, శానిటైజర్లతో పాటుగా కరోనా పాజిటివ్ వచ్చిన సమయంలో ఏం చేయాలి, ఏం చేయకూడదు అనే విషయాలను గురించి వివరించే ఓ చిన్న బుక్ కూడా అందులో ఉంటుందట.
యాంటీ ఆక్సిడెంట్‌గా పనిచేసే దినుసుల్లో కొన్ని వంటింట్లో ఉండే పొపుల డబ్బాను ఔషధాల పెట్టెగా చెప్పవచ్చు. మన పూర్వీకులు ఎంతో అనుభవంతో కొన్ని రకాల గింజలను మన ఆహారంలో భాగంగా చేర్చారు. వాటిలో కొన్నింటి గురించి ... - నల్లమిరియాలు వీటినే క్వీన్ ఆఫ్ స్పెషల్ గా పిలుస్తారు. నల్లమిరియాల కి ఆయుర్వేదంలో చాలా విశిష్ట స్థానం ఉంది. వీటిలోని యాంటీ బ్యాక్టీరియల్, యాంటీ ఆక్సిడెంట్ గుణాలు అధికంగా ఉంటాయి. నిరోధక శక్తిని పెంచడానికి ఎంతో దోహదం చేస్తాయి పాలల్లో చిటికెడు మిరియాలపొడి వేసుకుని తాగితే ఊపిరితిత్తుల్లో కఫం అంతా పోతుందని ఆయుర్వేద వైద్యులు చెప్తారు. వెల్లుల్లి మిరియాలు కాంబినేషన్ శరీరానికి కొత్త శక్తిని ఇస్తాయి. మిరియాల టీ, అల్లం మిరియాల టీ రోజూ తీసుకుంటే అనేక రకాల సీజనల్ వ్యాధుల నుంచి రక్షణ ఉంటుంది. - జీలకర్ర జీలకర్ర బెల్లం లేకుండా హిందూ సంప్రదాయంలో పెండ్లి జరగదు.  జీలకర్ర ఆవాలు పోపు లేనిదే చాలామందికి పప్పు అన్నం గొంతు దిగదు. శరీరంలోని ఉష్ణాన్ని తీసేసే శక్తి జీలకర్రకు ఉంది.దీనిలోని పాలీఫినాల్స్ అనే పదార్థం శరీరంలో రోగ నిరోధక శక్తిని పెంచుతుంది. ఇది యాంటీ ఆక్సిడెంట్ గా పనిచేస్తుంది - నట్స్ శరీరానికి ఇమ్యూన్ బూస్టర్ గా నట్స్  పనిచేస్తాయి యాంటీఆక్సిడెంట్ గాను, రోగనిరోధక శక్తి పెంచడంలోనూ గింజలు కీలక పాత్ర పోషిస్తాయి.జీడిపప్పు, పిస్తా, వేరుశెనగ గింజలు రోజూ తీసుకోవడం ద్వారా శరీరానికి కావలసిన ప్రొటీన్లు తో పాటు ఇతర పోషకాలు లభిస్తాయి. - బాదం పప్పు ఇంలో ఉండే విటమిన్ ఇ యాంటీ ఆక్సిడెంట్ గా పనిచేస్తుంది. దీనిలో రోగనిరోధక శక్తిని పెంచే గుణం ఎక్కువగా ఉంటుంది. బాదం, గసగసాలు రెండు కలిపి పొడిగా చేసి పాలలో కలుపుకుని తాగితే శరీరానికి కావల్సిన క్యాల్షియం అందుతుంది. - అవిసె గింజలు గింజల్లో కెల్ల చాలా ప్రత్యేకమైన స్థానం. ఇందులో ఉన్న ఆల్ఫా లినోలెనిక్ ఆమ్లం,  ఒమేగా-3 కొవ్వు కరిగించడంలో చాలా సమర్థవంతంగా పని చేస్తాయి. దీనిని ఫైటో ఈస్ట్రోజెన్ అని కూడా పిలుస్తారు. శరీరంలో రోగనిరోధక వ్యవస్థ ప్రతిస్పందన గ్రహించే శక్తి ని ఇవి ఇస్తాయి. ఇవి రోజూ తీసుకుంటే... శరీరంలోని అధిక కొవ్వును కరిగించడంతో, రోగనిరోధక శక్తి పెంచడంలో లవంగాలు, దాల్చినచెక్క, అల్లం, వెల్లుల్లి బాగా పనిచేస్తాయి. - లవంగాలు ఇందులో ఉండే ఫైబర్, మాంగనీస్, విటమిన్ సి, విటమిన్ కె శరీరానికి ఎంతో ఉపయోగపడతాయి. ఇవి మెదడు పని తీరును చురుగ్గా చేస్తాయి. అంతేకాదు ఎముకలు గట్టిపడటానికి ఉపయోగపడుతాయి.  వీటిలో సమృద్ధిగా ఉండే విటమిన్ సి,  విటమిన్ కె రోగనిరోధక శక్తిని పెంచుతాయి. దగ్గు, కఫం, పంటినొప్పి ఇలాంటి సమస్యలు ఉన్నప్పుడు లవంగాలు తీసుకుంటే ఉపశమనం కలుగుతుంది. - దాల్చిన చెక్క శరీరంలోని కొవ్వును కరిగించడంలో దాల్చిన చెక్క ది కీలక పాత్ర. ఇందులో ఉండే పాలిఫినాల్స్ అనబడే ప్రత్యేకమైన యాంటీ ఆక్సిడెంట్లు రోగనిరోధక శక్తిని పెంచుతాయి.-  అంతేకాదు శరీరంలోని రక్త కణాలు ఆక్సిజన్ను గ్రహించే శక్తిని కూడా పెంచుతాయి. -అల్లం రోజూ అల్లం తినడం వల్ల శరీర రోగ నిరోధక శక్తి పెరుగుతుంది. అంతేకాదు ఎలాంటి ఇన్ఫెక్షన్స్ రాకుండా నివారిస్తోంది. రోజూ పరగడుపున అల్లం తేనెతో కలిపి తీసుకోవడం ఎంతో ఉత్తమం. అల్లం తినడం వల్ల శరీరంలో అధికంగా ఉండే కొవ్వు కరిగిపోతుంది. దగ్గు, జలుబు వంటి అనారోగ్య సమస్యలకు ఇది మంచి ఔషధం. -వెల్లుల్లి అల్లము వెల్లుల్లి చాలా మంచి కాంబినేషన్. ఈ రెండింటి మిశ్రమం లేనిదే నాన్ వెజ్ కర్రీలకు రుచి రాదు. యాంటీ ఫంగల్, యాంటీ వైరల్ గుణాలు ఉన్న వెల్లుల్లి శరీరంలో రోగ నిరోధక శక్తిని పెంచుతుంది. వెల్లుల్లి తినడం వల్ల జలుబు, దగ్గు దరిచేరవు. గుండె జబ్బులను వెల్లుల్లి నివారిస్తుంది.
గుమ్మడి, బొప్పాయ రోగనిరోధకశక్తి పెంచుతాయి ఎనర్జీ బూస్టర్ గా పనిచేసే సిట్రస్ జాతి పండ్లు కరోనా విలయతాండవం చేస్తున్న ప్రస్తుత తరుణంలో రోగనిరోధక శక్తిని పెంచుకోవడమే ఈ సమస్యను నివారించే ఉత్తమ మార్గం. మరి మనలో రోగనిరోధక శక్తి పెరగాలంటే ఎలాంటి ఆహారం తీసుకోవాలి అన్న విషయంపై అవగాహన పెంచుకోవాలి.  ప్రతిరోజూ మనం తీసుకునే ఆహార పదార్థాల్లో ఎన్నో పోషక విలువలతో పాటు అనారోగ్య సమస్యలను నివారించే గుణాలు కూడా ఉన్నాయి. కొన్ని రకాల పండ్లను మనం ప్రతి రోజూ ఆహారంలో తీసుకోవడం ద్వారా శరీరంలో రోగ నిరోధక శక్తి మెరుగుపడుతుంది. అంతేకాదు శరీర భాగాల పని తీరు సక్రమంగా సాగుతుంది. సీజనల్ వచ్చే అనేక వ్యాధుల నుంచి,  కరోనా లాంటి భయంకర రోగాల నుంచి మనకు రక్షణ లభిస్తుంది. నిత్యం మార్కెట్లో లభించే రకరకాల ఆహార పదార్ధాలు మనలో రోగనిరోధకశక్తిని పెంచేందుకు దోహదపడతాయి వాటిలో కొన్ని మనం ఇప్పుడు చూద్దాం...  గుమ్మడి కాయ గుమ్మడి కాయలో రెండు రకాలు బూడిద గుమ్మడికాయ, తీపి గుమ్మడికాయ. తీపి గుమ్మడి కాయలో బీటా కెరోటిన్ సమృద్ధిగా ఉంటుంది. ఇందులో రోగ నిరోధక వ్యవస్థను మెరుగు పరిచే అనేక సూక్ష్మ పోషకాలు లభిస్తాయి. గుమ్మడికాయ ఆహారంగా తీసుకోవడం ద్వారా శరీరంలోని వివిధ భాగాలు సక్రమంగా పనిచేస్తాయి. బొప్పాయి బొప్పాయి గురించి మనందరికీ తెలుసు. ఇందులో ఉండే పాపినేని ఎంజాయ్ రోగనిరోధక శక్తిని ప్రభావితం చేస్తుంది. బొప్పాయి రోజూ తినేవారిలో  విటమిన్ లోపాలు ఉండవు . అంతేకాదు డెంగ్యూ జ్వరాలు వచ్చినప్పుడు బొప్పాయి ఆకుల రసం, బొప్పాయి పండు ఇస్తాయి. వీటితో రోగ నిరోధక శక్తి పెరుగుతుంది. శరీరంలో తెల్లరక్తకణాల సంఖ్యను పెంచుతాయి. - కివి ఇటీవల మనకు మార్కెట్లో విరివిగా లభిస్తున్నాయి. వీటిలో పొటాషియం, విటమిన్ కె, విటమిన్ సి, విటమిన్ ఇ వంటి ముఖ్యమైన పోషకాలు ఉంటాయి. శరీరంలోని రోగ నిరోధక శక్తి పెంచడానికి దోహదం చేస్తాయి. - నిమ్మకాయ సహజంగానే సిట్రస్ జాతి పండ్లను బూస్టింగ్ ఫుడ్స్ అని అనొచ్చు. ఇక నిమ్మకాయ గురించి మనందరికీ తెలుసు. వైరస్ బ్యాక్టీరియా వల్ల వచ్చే జబ్బుల నుంచి కాపాడటానికి అవసరమైన విటమిన్ సి ఇందులో పుష్కలంగా లభిస్తుంది. ఇది రోగనిరోధకశక్తిని పెంపొందిస్తుంది. రోజూ ఒక గ్లాసు నిమ్మరసం తాగితే వైరస్, బ్యాక్టీరియా వంటి సూక్ష్మజీవులు వలన వచ్చే ఎన్నో వ్యాధుల నుంచి రక్షణ పొందవచ్చు. - నారింజ జ్వరం వచ్చిన వాళ్ళు, నీరసంగా ఉన్న వాళ్ళు  ఆరెంజ్ రసం తాగితే  తక్షణం శక్తి వస్తుంది యాంటీ ఆక్సిడెంట్స్ ఎక్కువగా ఉండే ఈ పండు తీసుకోవడం ద్వారా శరీరానికి కావాల్సిన శక్తి అందుతుంది.  - ఉసిరి ఔషధాల సిరి గా ఉసిరిని చెప్పవచ్చు. ఇందులో రెండు రకాలు పెద్ద ఉసిరి, చిన్న ఉసిరి. ఈ రెండు రకాల ఉసిరి లోనూ ఎన్నో ఔషధ గుణాలు ఉన్నాయి. వీటిని తీసుకోవడం ద్వారా విటమిన్ సి తో పాటు ఇతర పోషకాలు శరీరానికి అందుతాయి. యాంటీ బ్యాక్టీరియల్ గా పనిచేసే ఉసిరిలో అధిక రక్తస్రావాన్ని నివారించేలో లక్షణాలు ఉన్నాయి. దీన్ని కూరగాయలు లోనే కాకుండా ఔషధాలలో ఎక్కువగా వాడతారు. - అరటిపండు అరటిపండు, అప్రికాట్ వంటి పండ్లలో ఎక్కువ మోతాదులో పొటాషియం ఉంటుంది. మన శరీరానికి కావలసిన పొటాషియం లభిస్తుంది. వీటిని రోజూ తీసుకోవడం వలన బి.పి తగ్గుతుంది. అంతేకాదు అధిక రక్తపోటుతో ఇబ్బంది పడే వాళ్లకి పొటాషియం ఎక్కువగా ఉండే అరటిపండు మంచి ఔషధంగా పనిచేస్తాయి. వీటిలో రోగనిరోధకశక్తిని పెంచే గుణాలు మెండుగా ఉన్నాయి. - పుచ్చకాయ ఆకుపచ్చ ఎరుపు రంగులతో ఆకట్టుకునే పుచ్చకాయ సీజనల్ లోనే లభించేది. కానీ ఇప్పుడు ఏ సీజన్లోనైనా మనకు మార్కెట్లో కనిపిస్తుంది. పుచ్చకాయలో ఎన్నో ఔషధ గుణాలు ఉన్నాయి.  నీటిశాతం ఎక్కువగా ఉండే పుచ్చకాయలు రోజూ తినడం వల్ల రోగనిరోధక శక్తి పెరుగుతుంది. - అల్ల నేరేడు సీజనల్ గా  వచ్చే ఈ పళ్ళు యాంటీఆక్సిడెంట్లు కు కేరాఫ్ అని చెప్పవచ్చు. శరీరంలో రోగ నిరోధక శక్తి మెరుగవడానికి ఈ పండ్లు ఎంతో దోహదం చేస్తాయి.  చక్కెర వ్యాధితో బాధపడే వాళ్ళు నేరేడు పళ్ళ గింజలను ఎండబెట్టి పొడి చేసి ఒక చెంచా పొడిని నీటిలో వేసుకుని తాగితే షుగర్ కంట్రోల్ లో ఉంటుంది.
శరీరానికి శక్తిని ఇచ్చే ఆహారం.. రోజువారి ఆహారంలో ఇవి ఉన్నాయా.. ప్రతి రోజూ మన ఆహారంలో తప్పనిసరిగా తీసుకోవాల్సిన పదార్థాలు కొన్ని ఉంటాయి. వాటిలో ముఖ్యంగా క్యారెట్, బచ్చలి, తులసి, పాలకూర, నిమ్మకాయ, కోడిగుడ్లు మొదలైనవి. - ప్రతి ఇంట్లో తులసి తప్పనిసరిగా ఉండాలని మన పెద్దలు అంటారు పూజించడానికి కాదు ఆరోగ్యానికి తులసి ఆకులు ఎంతో మంచివి. రోజూ నాలుగు తులసి ఆకులు నమలడం వలన శరీరంలోని సూక్ష్మక్రిములు చనిపోతాయి ఎన్నో వ్యాధి కారకాలను తులసి నివారిస్తుంది. రోగనిరోధక శక్తిని పెంచడంలో కీలక పాత్ర పోషిస్తుంది ఈ రోజు ఉదయాన్నే తులసి టీ తాగడం వల్ల కూడా శరీరానికి కావలసిన శక్తి వస్తుంది. - మీరు ఆరోగ్యంగా ఉండాలి అనుకుంటే రోజు ఉదయాన్నే మీ రోజుని గ్రీన్ టీతో ప్రారంభించండి. ఇందులో ఉండే యాంటీ ఆక్సిడెంట్లు, ఫ్లెవనాయిడ్స్  మీలో రోగ నిరోధక శక్తి పెంచడానికి ఎంతో సహాయపడుతుంది గ్రీన్ టీ తాగడం వలన శరీరంలో అధికంగా పేరుకుపోయిన కొవ్వు కరగడం కాకుండా శరీరానికి కొత్త శక్తిని ఇస్తుంది.  - మీరు తీసుకునే ఆహారంలో ఆకుకూరలు తప్పనిసరిగా ఉండేలా చూడాలి. వీటిలో ముఖ్యంగా బచ్చలి, పాలకూర. రోజూ ఆహారంలో ఆకుకూరలు తీసుకోవడం వలన శరీరానికి కావలసిన పోషకాలూ అందుతాయి. ఆకుకూరల్లో బచ్చలి కూరది విశిష్ట స్థానం. ఇందులో విటమిన్ సి తోపాటు బీటా కెరోటిన్ పుష్కలంగా ఉంటుంది. శరీరంలో రోగనిరోధక శక్తి పెంచడానికి ఇది ఎంతో దోహదం చేస్తుంది. - పాలకూర విటమిన్ సి ,బి 6 తో పాటు విటమిన్ కె ఇందులో అధికంగా ఉంటుంది క్యారెట్ ప్రతిరోజు అరకప్పు తాజా క్యారెట్ జ్యూస్ తాగితే శరీరంలో రోగ నిరోధక శక్తి పెరుగుతుంది ఇందులో ఉండే బీటా కెరోటిన్ విటమిన్ బి 6 యాంటీఆక్సిడెంట్లు ఉత్తేజపరుస్తాయి క్యారెట్ టమాటతో కలిపి తాగితే క్యాన్సర్ ను నివారించవచ్చు అని నిపుణులు చెబుతున్నారు. - ప్రతిరోజూ ఒక కప్పు పెరుగు తీసుకోవడం పెరుగులో అనేక పోషక విలువలు ఉన్నాయి. జీర్ణ వ్యవస్థకు ఎంతో మేలు చేసే పెరుగును రాత్రి సమయాల్లో కాకుండా పగటి పూట అన్నంలో తీసుకోవడం మంచిది. వ్యాధినిరోధక శక్తిని పెంచే పెరుగు తీసుకోవడం ద్వారా ఎముకలు, దంతాలు పటిష్టమవుతాయి. క్యాల్షియం ఎక్కువగా ఉండే ఈ పెరుగు రక్తపోటును నియంత్రిస్తుంది. -  ప్రతిరోజూ గుడ్డు తీసుకోవడం మరిచిపోవద్దు.గుడ్డు లోని ప్రోటీన్, విటమిన్లు రోగనిరోధక శక్తిని పెంచుతాయి రోజూ ఒక కోడి గుడ్డు తినడం ద్వారా శరీరానికి కావలసిన ప్రొటీన్లు, పోషకాలు అందుతాయి. - శరీరం కోల్పోయిన యాంటీ ఆక్సిడెంట్లు తిరిగి ఏర్పడ్డానికి జింక్ బాగా తోడ్పడుతుంది శరీరానికి కావాల్సిన జింక్ ఎక్కువగా కోడిగుడ్డు మాంసంతో పాటు సీఫుడ్ లో లభిస్తుంది వారానికి రెండుసార్లు తీసుకోవడం వలన శరీరానికి అవసరమైన జింక్ విటమిన్-డి లభిస్తాయి వీటివలన శరీరం యొక్క రోగనిరోధక శక్తి తిరిగి ఏర్పడుతుంది. - ఎర్ర బియ్యం లోనూ అధిక యాంటీఆక్సిడెంట్స్ కంటెంట్ ఉంది రోగనిరోధకశక్తిని పెంచడానికి పళ్ళు కూరగాయలు మసాలా దినుసులతో పాటు ఎర్ర బియ్యం కూడా ఎంతో ఉపయోగపడతాయి.‌ వీటన్నింటితో పాటు ప్రతిరోజు మంచినీళ్లు ఎక్కువగా తాగడం ఎంతో అవసరం అని నిపుణులు సూచిస్తున్నారు.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.