బిజెపి నరేంద్రమోడీని కాంగ్రెస్ రాహుల్ గాంధీని 2014 ఎన్నికల్లో తమ పార్టీ ప్రధాని అభ్యర్థిగా ప్రకటించిన పక్షంలో వీరివురు పోటీ మాట పక్కన ఉంచితే ఇద్దరికీ ఒక దగ్గరి పోలిక ఉంది. అదే బ్రహ్మచర్యం. నరేంద్రమోడి ఇంతవరకు వివాహం చేసుకోలేడు. ఆయన బ్రహ్మచారిగానే ఇప్పటివరకు ఉన్నారు. బహుశా భవిష్యత్తులో కూడా ఆయన తన బ్రహ్మచర్యాన్ని కొనసాగించవచ్చు. అదే తరహాలో రాహుల్ గాంధీ కూడా బ్రహ్మచారే. ఆయన కూడా ఇంత వరకు పెళ్ళి చేసుకోలేదు. పెళ్ళి చేసుకోమని సలహా ఇచ్చే మిత్రులకు ఆయన చిరునవ్వే సమాధానం చెబుతుంది. అలాగే రాబోయే కాలమంతా బ్రహ్మచారుల మాయం కానుందా. వీరబ్రహ్మంగారు చెప్పినట్టు బ్రహ్మచారుల శకం ప్రస్తుతం నడుస్తోంది. బీహార్ ముఖ్యమంత్రిగా ఉన్న నితీష్ కుమార్ బ్రహ్మచారి.  బెంగాల్ ముఖ్యమంత్రి మమతా బెనర్జీ కూడా వివాహం చేసుకోకుండా బ్రహ్మచారిణిగా కొనసాగుతుంది. ఒరిస్సా ముఖ్యమంత్రి నవీన్ పట్నాయక్ కూడా బ్రహ్మచారే. ఎన్డీయే మరో మిత్రపక్షనేత తమిళనాడు ముఖ్యమంత్రి జయలలిత కూడా బ్రహ్మచారిణియే. బ్రహ్మచారిణి జాబితాలోనే ఉన్న యూపీ మాజీ ముఖ్యమంత్రి మాయావతి కూడా బ్రహ్మచారిణియే (ఎస్టీలకు ఉద్యోగ ప్రమోషన్ల విషయంలో బిఎస్సీ చేపట్టిన బిల్లుకు బిజెపి కూడా ఓటు మద్దతు తెలిపింది). బ్రహ్మచారుల సంఘంలో వీరంతా సభ్యులే. ఒక్క మాయావతి మాత్రమే ప్రస్తుతానికి ఎన్డీయే మిత్రపక్షంగా లేరు. కానీ భవిష్యత్తులో ఎన్డీయే భాగస్వామిగా చేరేందుకు ఆమె తన సమ్మతిని తెలియజేయవచ్చు. కానీ తమ బ్రహ్మచారి సంఘం అధ్యక్షుడు నరేంద్రమోడి ప్రధానమంత్రిత్వం కట్టబెట్టిన పక్షంలో తన మద్దతును కూడా ఇస్తానని చెప్పడం రానున్నది బ్రహ్మచారుల పాలన అన్న సంకేతాలు స్పష్టంగా కనిపిస్తున్నాయి.  
      లోటస్ పాండ్ లోని జగన్ మోహన్ రెడ్డి అత్యంత ఆధునికంగా నిర్మించుకున్న ఇంటివల్లే ఆయనకీ, ఆయన కుటుంబానికి అన్ని కష్టాలు వస్తున్నాయని వైసీపీలోని కొందరు నేతలు గతంలోనే జగన్ దృష్టికి తెచ్చారు. వాటిపై అంత నమ్మకం లేని జగన్ వాటన్నింటిని కొట్టి పడేస్తూ లోటస్ పాండ్ ఇంట్లోనే నివసిస్తున్నారు. గతంలో వైఎస్ రాజశేఖరరెడ్డి కూడా వాస్తు విషయానికి పెద్దగా ప్రాధాన్యత ఇచ్చేవారు కాదు. అప్పట్లో బంజారాహిల్స్ లోని వైఎస్ సొంత ఇంట్లో ఉన్నంతకాలం ఆయనకీ ఎలాంటి అధికారం అందలేదు. ఈ విషయంలో అప్పట్లో ఆయన ఆప్తుడు కేవీపీ పోరాడి తీవ్రంగా విభేదించడంతో ఇష్టం లేకపోయినా వైఎస్ తన మకాన్ని తన ఇంటి వెనుక వున్న కుమార్తె నివాసానికి మార్చారు. వాస్తు రీత్యా ఆ భవనంలో నివాసం ఉండటం మొదలుపెట్టిన తరువాతే వైఎస్ కు అధికారం దక్కింది. వైఎస్ఆర్ మరణం అనంతరం జగన్ కూడా కొంత కాలం అదే భవనంలో నివాసం ఉన్నారు. అక్కడ ఉన్నంత కాలం ఆయనకు కూడా కాంగ్రెస్ పార్టీలోని నాయకులు బ్రహ్మరథం పట్టారు. ఒక దశలో ముఖ్యమంత్రి పదవిని జగన్ మోహన్ రెడ్డికి కట్టబెట్టాలని కాంగ్రెస్ పార్టీలో ఉన్న శాసనసభ్యులంతా ఏకగ్రీవ తీర్మానం కూడా చేశారు. సిఎం పదవి దక్కకపోయినా జగన్ కాంగ్రెస్ లో ఒక బలమైన నాయకుడిగా ఉండేవారు, మంత్రులు, ఎమ్మెల్యేలు, కేంద్రమంత్రులు సైతం అప్పటి సిఎం రోశయ్యకంటే బంజారాహిల్స్ లో నివాసముండే జగన్ ఇంటికే ఎక్కువగా వచ్చిపోయేవారు ఇది గతం. ఇక ప్రస్తుతానికి వస్తే ఏ క్షణం అయితే జగన్ లోటస్ పాండ్ లోని తాను ముచ్చటపడి కట్టుకున్న నివాసానికి మకాం మార్చారో అప్పటి నుంచి ఆయనకు అన్నీ కష్టాలే మొదలయ్యాయి. ముఖ్యంగా లోటస్ పాండ్ ఇంటికి సంబంధించి పెద్ద ఎత్తున వివాదాలు చెలరేగాయి. వివిధ దినపత్రికలు, టీవీ చానళ్ళు పతాక శీర్షికల్లో ఆ ఇంటి గురించిన వైభోగాన్ని వివరించాయి. 60 గదులు ఉన్నాయంటూ కొన్ని పత్రికలూ, 10 లిఫ్టులు ఉన్నాయంటూ కొన్ని చానళ్ళు ఆ ఇంటిని ఒక పెద్ద బూచిలా చూపెడుతూ రాద్దాంతం చేయడంతో దేశం మొత్తం జగన్ ఇంటిపైనే దృష్టి పెట్టింది. సిబీఐ కూడా జగన్ ఇంట్లోని అణువు అణువు పరిశోధించింది. కొన్ని వందల కోట్ల రూపాయలను లోటస్ పాండ్ ఇంటికి విలువ కట్టింది. ఆ ఇంట్లో జగన్ పట్టుమని పదిరోజులు కూడా నివసించింది లేదు. ఓదార్పు యాత్ర ద్వారా తరచు జనంలోనే ఉంటున్న జగన్ ఎంతో ఇష్టంతో కట్టుకున్న ఇంట్లో కుటుంబసభ్యులతో గడిపిన సందర్భాలు వేళ్ళతో లెక్కించవచ్చు. ఎంతో వివాదానికి గురైన జగన్ లోటస్ పాండ్ నివాసం ఆయనకీ కలిసిరాలేదని పరిశీలకులు అంటున్నారు. జగన్ జైలుకు వెళ్ళడం, షర్మిల జనాల్లోకి వెళ్ళడం గాయాల పాలు కావడం, ఒక పక్క సిబీఐ దాడులు, మరోపక్క ఈడీ ఆస్తుల జప్తులకై చేస్తున్న ప్రయత్నాలతో పాటు తరచు కోర్టులలో బెయిల్ లభించకపోవడం లాంటి సంఘటనలు అన్నింటికీ లోటస్ పాండ్ లోని జగన్ ఇంటి వాస్తు దోషమని కారణం ని ఎంత చెప్పిన జగన్ కానీ ఆయన తల్లి విజయమ్మ కానీ వినకపోవడంతో వైవీ సుబ్బారెడ్డితో కొందరు వైఎస్సార్ సిపి నేతలు వాస్తు మార్పులు చేయాల్సిందిగా సూచిస్తూ వాస్తుదోషాన్ని తొలగించినంత కాలం జగన్ కు ఆయన కుటుంబానికి వైకాపాకు కూడా కష్టాలు తప్పవని పలువురు వాస్తు విద్వాంసులు చెబుతున్నారు. స్వతహాగా వీటన్నింటికి విరుద్దమైన జగన్ ఏదో విధంగా మనసు మార్చుకొని వాస్తుదోషాలపై కూడా ఒక కన్ను వేస్తే బహుశా ఆయన కష్టాలు తీరవచ్చు. చంద్రబాబు కూడా ఒత్తిడులకు తలొగ్గి టిడిపి కార్యాలయాన్ని ప్రస్తుతం కొన్ని బాగాలను కూలగొట్టి తిరిగి వాస్తు విద్వాంసులు సూచించిన మేరకు మార్పులు చేర్పులు చేపట్టారు. ప్రస్తుతం టిడిపి ప్రధాన కార్యాలయంలో వాస్తు ప్రకారం మార్పులు జరుగుతున్నాయి. అవి పూర్తయిన వెంటనే బహుశా టిడిపి తన పునఃవైభవాన్ని పొందగలుగుతుంది అని ధీమాగా వాస్తు పండితులు చెబుతున్నారు. జగన్ కూడా లోటస్ పాండ్ ఇంటిని వాస్తు మార్పులు చేయగలిగితే ఆయన కష్టాలన్నీ తొలగిపోవచ్చని వాస్తు విద్వాంసులు పేర్కొంటున్నారు.  
  తే.ర.స. మరియు వై.యస్సార్. పార్టీల మద్య చిన్నగా మొదలయిన గొడవ నిన్నటి పరస్పర దాడులతో పెద్దయుద్ధంగా మారిపోయింది. తే.ర.స. పార్టీ ఎంత ఘాటుగా ప్రతిస్పందిస్తోందో అంతకంటే ఎక్కువగానే వై.యస్సార్. పార్టీ నాయకురాలు కొండాసురేఖ కూడా స్పందిస్తూ కయ్యానికి సై అంటే సై అని పందెంకోడిలాగా కాలు దువ్వుతూ తెలంగాణాలో తనకకి ఎదురేలేదనుకొంటున్న తే.ర.స. కి ఒక కొరకరాని కొయ్యలా ఆమె తయారయిందనాదంలో సందేహం లేదు.   మంచి వాగ్దాటి, రాజకీయ చతురత, పరిణతి కలిగిన ఆమె టీవీ చాన్నళ్ళలో తన ప్రత్యర్దులను డ్డీ కొంటున్న తీరుకి ఆమె శత్రువులే నివ్వెరపోతున్నారు. ‘అటువంటి నాయకురాలు మా పార్టీకి ఉంటేనా!’ అని మనసులోనయినా ఆమె దైర్యానికి, రాజకీయ పరిణతికి మెచ్చుకోకుండా ఉండలేరు. అయినప్పటికీ వారికి ఆమెని డ్డీ కొట్టక తప్పట్లేదు.   అయితే, ఇంత హట్టాతుగా కొండాసురేఖ తెరపైకి ఎందుకు రావలసి వచ్చింది అని ఆలోచిస్తే మనకి చాలా సమాధానాలే కనిపిస్తాయి. మొట్ట మొదటిగా కొద్ది రోజుల క్రితం జగన్ సోదరి షర్మిల, కేసిర్ ని తన పాదయాత్రలో ఘాటుగా విమర్శించడం, ఆ తరువాత ఆమెకి తెలంగాణాలో ఎదురయిన ఇబ్బందులూ చూసినప్పుడు, వై.యస్సార్. కుటుంభ సభ్యులు ఎవరూ కూడా కేసిర్ ని గానీ అతని పార్టీ సభ్యులని గానీ నేరుగా డీ కొట్టడం వల్ల వచ్చే ఇబ్బందులను వై.యస్సార్. పార్టీ గ్రహించినట్లు కనిపిస్తోంది. పైగా తే.ర.స. తమ పార్టీ పై వేసిన ‘సీమంద్రాముద్ర’ కూడా ఆ పార్టీవారిని నేరుగా డ్డీ కొట్టేందుకు అడ్డుపడుతోందని అనుకోవచ్చును. అప్పుడు సహజంగానే తెలంగాణాలో తమ పార్టీకి పెద్ద దిక్కుగా కనిపిస్తున్న కొండాసురేఖనే యుద్ద రంగంలో ముందును నిలిపి తెలంగాణా మనిషితోనే ఎదురు దాడి చేయించే ప్రయత్నంలోనే వై.యస్సార్. పార్టీ ఆమెని తెరపైకి తీసుకు వచ్చి ఉండవచ్చును.   ఆమెలో జగన్ పట్ల చెక్కుచెదరని నమ్మకం, అభిమానం, జగన్ కుటుంభం కోసం ఎంతటి త్యాగాలకయినా సిద్దపడే ఆమె నైజం, అపారమయిన ఆమె రాజకీయానుభవం, రాజకీయ చతురత, అపూర్వమయిన ఆమె వాగ్ధాటి అన్నీకలగలిసి ఆమెకి వై.యస్సార్. పార్టీలో తెలంగాణాలో ఒక ప్రత్యెక హోదాను అందజేశాయి.   గులక రాయితో కొట్టేవాడిని బండరాయితో కొట్టాలంటే అందుకు సమర్దుడయిన వ్యక్తిని వెత్తుకోక తప్పదు. వై.యస్సార్. పార్టీ కూడా ఇప్పుడు అదే పని చేసింది. మహాబలమయిన తే.ర.స. మరియు దాని నేతలని ఎదుర్కోవాలంటే అంతటి సామర్ద్యంగల వారినే తన యుద్దానికి నాయకుడిగా నియమించుకోవాలి. ఆ వ్యక్తీ తప్పనిసరిగా తెలంగాణా వ్యక్తీ అవడం మరొక ప్రాదమిక అర్హత. అందుకే వై.యస్సార్. పార్టీ కొండసురేఖని తన తెలంగాణా యుద్దంలో నాయకురాలిగా ఎన్నుకొని ఆమెని ముందు ఉంచి పూర్తిస్థాయిలో దైర్యంగా ఇప్పుడు యుద్ధం మొదలుపెట్టింది. రేపు తెలుగుదేశం కూడా ఇదే పద్దతి అవలంబించినా ఆశ్చర్యపోనవసర లేదు.   అప్పుడు తే.ర.స. తన తెలంగాణా మనుషులతోనే యుద్ధం చేయకతప్పదు. ఎప్పుడయితే అది ఆ పనిచేసిందో దానిపట్ల తెలంగాణా ప్రజల్లో ఏంతో కొంత విముఖత ఏర్పడకపోదు. పైగా, ఆమె కూడా పక్కా తెలంగాణా వ్యక్తే గనుక, తెరాస నాయకుల మాటలకు ప్రజల్లో ఎంత విలువ ఉంటుందో ఆమె మాటలకీ అంతే ఉంటుంది. ఒక మంచి వ్యూహంతో ముందుకు వచ్చిన వై.యస్సార్. పార్టీని ఇప్పడు తెరాస ఏరకంగా ఎదుర్కోబోతోందో త్వరలోనే తెలుస్తుంది.   గానీ ఒక్క విషయం మాత్రం నిజం! నిన్నటి వరకు ఆమె చేసిన ప్రతిభావంతమయిన యుద్ధం ద్వారా తనను తానూ సమర్డురాలయిన ఒక నాయకురాలిగా నిరూపించుకొన్న కొండసురేఖ వై.యస్సార్.పార్టీకి తెలంగాణాలో ఒకపెద్ద దిక్కుగా నిలిచి రాగల రోజుల్లో మరింత కీలక బాద్యతలు చేప్పటి ఆమే పార్టీని ముందుకు నడిపించవచ్చును.
  ఇంకా సాధారణ ఎన్నికలు ఏడాది పైమాటే అయినా అప్పుడే రాజకీయపార్టీలు తెలంగాణా జిల్లాలపై పట్టుకోసం గట్టిప్రయత్నాలు ప్రారంబించేసాయి. చాప క్రింద నీరులా చేరి తెలంగాణాలో నెమ్మదిగా బలపడుతున్న జగన్ పార్టీని చూసి తే.ర.స. ఆందోళన చెందుతున్నట్లే, రాబోయే ఎన్నికలలో అన్ని శాసనసభ, లోక్సభ స్థానాలకి తే.ర.స. పోటీ చేయబోతోందని తెలిసిన జగన్ పార్టీకూడా అంతే ఆందోళన చెందడం సహజం. తెలంగాణాపై పూర్తీపట్టు సాదించేందుకు మొదలు పెట్టిన ప్రయత్నాలలో బాగమే నేడు కేసిర్ కొండసురేఖల మద్య జరుగుతున్న మాటలయుద్ధం. అది చివరికి హింసాత్మకంగా మారిపోయి, రేపు ఎన్నికల సమయం పరిస్తితులు ఏవిదంగా ఉండబోతున్నాయో ఇప్పుడే తెలియ జేస్తున్నాయి.   కొద్ది రోజుల క్రితం, జగన్ పార్టీ నాయకురలయిన కొండసురేఖ ఒక బహిరంగసభలో ప్రజలను ఉద్దేశ్యించి మాట్లాడుతూ “తే.ర.స. అధినేత కేసిర్ ఇక్కడే గత ఎన్నికల సమయంలో సరిగ్గా వందరోజుల్లో తానూ తెలంగాణా సాదించి తెస్తానని వాగ్దానం చేసాడు. గానీ, ఏడాదయినా ఇంతవరకు తెలంగాణా ఊసేలేదు. అతను ఇప్పుడు మళ్ళీ కొత్త పల్లవి అందుకొని వచ్చే ఎన్నికలలో మొత్తం శాసనసభ, లోక్ సభ స్థానాలన్నిటిలో తన పార్టీనీ ప్రజలు గెలిపిస్తే అప్పుడు తప్పక నెలరోజుల్లోనే తెలంగాణా సాదించి తెస్తానని బూటకపు వాగ్దానాలు చేస్తున్నాడు. తెలంగాణా కోసం అవసరమయితే తన తలకూడా నర్రుకోవడానికి సిద్దం అని బీకర ప్రతిజ్ఞ చేసిన ఇంతవరకూ తెలంగాణా సాదించలేకపోయినా అతను ఇంకా బ్రతికే ఉన్నడేమిటి? అతని మాయమాటలు నమ్మి అమయకులయిన పిల్లలు ప్రాణాలు తీసుకొంటున్నారు. అతనేమో డిల్లీలో ప్యాకేజీలు మాట్లాడుకొంటూ తెలంగాణా పేరుతో ప్రజలని ఇంకా మోసం చేస్తునే ఉన్నాడు. అతను బ్రతికిఉండగా తెలంగాణా మాత్రం రాదని నేను ఖచ్చితంగా చెప్పగలను. తెలంగాణా అనేది అతనికి, అతని బందువులకీ, అతని పార్టీవారికీ ఒక రాజకీయ ఉపాదిగా మారింది. వారిలో తెలంగాణా పట్ల చిత్తశుద్ది అసలు లేదు,” అని అంది ఆమె.   ఆమె మాటలకి వెంటనే స్పందిస్తూ “సీమంద్రా పార్టీలవెంట తిరిగే నీ వంటివారే ముందు ఆత్మహత్య చేసుకొని చావాలి, నేను కాదు,” అని ఘాటుగా ఆమెకి జావబిచ్చేడు కేసిర్.   దానికి కొండసురేఖ కూడా అంతే ఘాటుగా స్పందిస్తూ “తెలంగాణాకోసం నేను ఆత్మా హత్య చేసుకోవడానికి సిద్దం. నీవు సిద్దమేనా? దైర్యం ఉంటే ఇద్దరం పురుగుల మందు సీసాలు చేత్తుల్లో పట్టుకొని డిల్లీ వెళ్లి , తెలంగాణా ఇవ్వని సోనియాగాంధీ ఇంటిముందే ఒకేసారి ఆత్మహత్య చేసుకొందాము. దమ్ముంటే రా! అని కేసిర్ కి ప్రతిసవాల్ విసిరింది ఆమె.   ఈ సవాళ్ళు ప్రతిసవాళ్ళు వారిమద్య ఒక వైపు కొనసాగుతుండగానే, మరోవైపు దానికి ఎలెక్ట్రానిక్ మీడియా ఆజ్యంవేస్తూ తనవంతు తానూ అగ్గిరాజేస్తూ పోయింది. దానితో ఇరు పార్టీల నుండీ మరింతమంది కార్యకర్తలు, నేతలు మీడియా ముందుకి వచ్చి మాట్లాడటం మొదలు పెట్టేసరికి, ఒక్కసారిగా కొండసురేఖ నివాసముండే వరంగల్ పట్టణంలో తీవ్ర ఉద్రిక్త పరిస్తితులు మొదలయ్యాయి. ఇరు పార్టీల కార్యకర్తలు ఒకరిపై ఒకరు భౌతికదాడులకి దిగడమే గాకుండా ఒకరి కార్యాలయాలపై మరొకరు దాడి చేసుకొన్నారు కూడా.   ముందుగా తే.ర.స. కార్యకర్తలు వరంగల్ మరియు కరీంనగర్ లలో ఉన్న జగన్ పార్టీ కార్యలయాలపై దాడిచేసి విద్వంసం సృష్టించేరు. దానికి ప్రతిగా జగన్ పార్టీ కార్యకర్తలు కూడా వరంగల్లో ఉన్న తే.ర.స. కార్యాలయంపై దాడి చేసేందుకు ప్రయత్నిస్తుండగా అక్కడ ఉన్న తే.ర.స. కార్యకర్తలకీ వారికీ మద్య యుద్ధం మొదలయింది. పోలీసులు లాటీ చార్జ్ చేయవలసిన పరిస్తితులు ఏర్పడాయంటే పరిస్తితి ఎంత తీవ్రంగా ఉందొ అర్ధం అవుతుంది.   ఇక, మాటలయుద్ధం ఈవిదంగా చేతలయుద్ధంగా మారడమంటే మున్ముందు ఇంతకంటే బీకర పోరాటాలు ఉండబోతున్నాయని ఒక హెచ్చరికగా కనిపిస్తోంది.   ఇంతవరకు తెలుగుదేశం పార్టీ ఇంకా రంగంలోకి దిగలేదు. జగన్ పార్టీ కంటే తెలంగాణాలో చాల పటిష్టమయిన క్యాడర్ కలిగిఉన్న, ఆ పార్టీతో కూడా తే.ర.స. ఇదే విదంగా వీదిపోరాటాలకి దిగినట్లయితే అప్పుడు పరిస్తితులు ఇంతకంటే దారుణంగా ఉండవచ్చును. ఈ మూడు రాజకీయ పార్టీలకు కూడా వచ్చే ఎన్నికలు ఎంతో ప్రతిష్టాత్మకమయినవి గనుక తెలంగాణాపై పూర్తీ పట్టు సాదించేందుకు ఈ మూడు పార్టీలు ఇంకా తీవ్ర యుద్దాలకి దిగవచ్చును. అదే జరిగితే తెలంగాణా రాష్ట్ర సమస్య మరింత జటిలమవుతుందే తప్ప రాష్ట్రం ఏర్పడటం సాద్యం కాదని కేసిర్ మరియు తెలంగాణవాదులు తెలుసుకోవాలి.   కేసిర్ మనస్పూర్తిగా తెలంగాణా కోరుకొంటున్నట్లయితే తెలుగుదేశం, కాంగ్రెస్ మరియు జగన్ కాంగ్రెస్ పార్టీలను ప్రజాస్వామ్య బద్దంగా ఎన్నికలో ఎదుర్కొని ఓడించి తన ఆశయ సాధన చేయవచ్చును. గానీ, ఈ విదంగా బౌతికదాడులకి దిగి తెలంగాణా అంతటా అరాచక పరిస్తితులు కల్పిస్తే ముందుగా నష్టపోయేది తెలంగాణా ప్రజలు మాత్రమే. ఇప్పటికే తెలంగాణా సమస్యని సాగ దీయాలని చూస్తున్న కాంగ్రేసుపార్టీకి వారు చేజేతులా ఒక చక్కటి అవకాశం అందజేసినవారవుతారు. అక్కడి అరాచక పరిస్థితులను సాకుగా చూపించి తెలంగాణా ఇవ్వడం సాద్యం కాదని కాంగ్రెస్ తప్పుకొనే అవకాశాన్ని కేసిర్ కల్పించినట్లే అవుతుంది.   ఇప్పుడతను, అతని పార్టీ తెలంగాణా కావాలని కోరుకొంటున్నారో లేక వచ్చే ఎన్నికలలో గెలవడమే ప్రధానం అని అనుకొంటున్నారో ముందుగా తేల్చుకోవాలి. దానిని బట్టే పరిస్తితులూ, ఫలితాలు ఉంటాయి. తెలంగాణా కోరుకోన్నట్లయితే అతను ముందు ఆఅంశం పైనే దృష్టి కేంద్రీకరించి ప్రయత్నాలు చేయాల్సి ఉంటుంది. ఒకవేళ వచ్చేఎన్నికలలో గెలుపే ప్రధానం అనుకొంటే ఇదేవిదంగా అన్నిపార్టీలతో మరిన్ని యుద్దాలు చేయాల్సి రావచ్చును. తెలంగాణానా లేక ఎన్నికలా? అనేది తెల్చుకోన్నాక అతను ఆదిశలో అడుగులువేస్తె త్వరగా సత్ఫలితాలు రాబట్ట వచ్చును.   అయితే, తెలంగాణా కోసమే ఎన్నికలకి వెళ్తున్నామంటే మాత్రం తెలంగాణా ప్రజలు కూడా నమ్మరు. మిగిలిన పార్టీలుకూడా అప్పుడు కొండసురేఖ వలెనే కేసిర్ మరియు అతని పార్టీ సహచరులపై ‘తెలంగాణా పేరిట ప్రజలను మోసం చేస్తున్నారని గట్టిగ ప్రచారం చేసుకొనే అవకాశం ఉంది.’ అప్పడు వారిలో మరింత అసహనం పెరిగి చివరికి ఇప్పటి లాగానే మళ్ళీ వీది పోరాటాలు మొదలవుతాయి.   ఏది ఏమయినా అంతిమంగా నష్ట పోయేది మాత్రం తెలంగాణా ప్రజలు మాత్రమె. రాజకీయ పార్టీలు మాత్రం కాదు.
  మంత్రి పదవి ఇవ్వలేదని అలిగి కాంగ్రేసుకి దూరంగా తిరుతున్న ఏలూరు పార్లమెంటు సభ్యుడు కావూరి సాంభశివరావుగారు మొన్న ఆదివారంనాడు హైదరాబాదులో జరిగిన పార్టీ సమావేశానికి కూడా హాజరు కాలేదు. కానీ, ఆమర్నాడు అంటే, సోమవారంనాడు గుంటూరు ఆచార్య నాగార్జునా విశ్వవిద్యాలయంలో జరిగిన సమైక్యాంధ్రసభకి మాత్రం హాజరయి తెలంగాణారాష్ట్రం పేరిట వేర్పాటు ఉద్యమాలు నడుపుతున్న కేసిర్ మరియు అతని పార్టీవారినీ తిట్టిన తిట్టు మళ్ళీ తిట్టకుండా మరీ తిట్టారాయన. అయితే, ఆ ఉద్రేకంలో కావూరివారు సెల్ఫ్ గోల్ చేసుకొని తనని తానూ ఏవిదంగా బయట పెట్టుకోన్నారో చూద్దాము.   కావూరివారు ఉద్రేకంగా ఉపన్యాసం చేస్తూ “తెలంగాణాలో కొందరు రాజకీయ నిరుద్యోగులు తమ ఆదాయవనరులు పెంచుకోవడానికి చేస్తున్న ఉద్యమం అది. ఒకవేళ, తెలంగాణాగానీ సాదించగలిగితే వారే అధికారం చేప్పట్టి మరింతగా దోచుకొందామనే దురాలోచనతోనే వారంతా తెలంగాణా ఉద్యమం చేస్తున్నరిప్పుడు. ఒకప్పుడు చంద్రబాబు వెనుక తిరిగిన కేసిర్ కి అప్పుడు తెలంగాణారాష్ట్రం అవసరమని ఎందుకు అనిపించలేదు? అప్పుడు ఆయన ఎందుకు గట్టిగా అడుగలేదు? చంద్రబాబు ప్రభుత్వంలో అతనికి మంత్రి పదవిరానందునే అతను పార్టీనుండి బయటకివచ్చి తన రాజకీయ ఉపాది కోసం ఈ తెలంగాణాఉద్యమం మొదలుపెట్టాడు. తద్వారా అతను, అతని పార్టీలో వారు హైదరాబాదు చుట్టుపక్కల సీమంద్రావారిని బెదిరించి కోట్లాదిరూపాయలు పోగేసుకొన్నారు. మళ్ళీ, తెలంగాణారాష్ట్రం గానీ ఏర్పడితే, తానూ తన పార్టీ కలిసి అధికారం పంచుకొని మరిన్నివందలకోట్లు వెనకేసుకోవాలని చూస్తున్నాడు. తెలంగాణా ఉద్యమాల పేరిట రాష్ట్రంలోఒక అనిశ్చిత పరిస్తితిని సృష్టించేరు వాళ్ళు. తన స్వార్దరాజకీయప్రయోజనాల కోసమే కేసిర్ ఇదంతా చేస్తున్నాడు. ఒకవేళ కేంద్రంగానీ అతని ఒత్తిడికి లొంగిపోయి తెలంగాణా రాష్ట్రం ప్రకటించడానికి సిద్దం అయినట్లయితే, మనమూ అందుకు దీటుగా ఉద్యమాలు చేప్పటి రాష్ట్ర విభజనని అడ్డుకోవాలి. అవసరమయితే సమైక్యాంధ్ర కోసం నేను ఒక కొత్త రాజకీయ పార్టీని స్థాపించేందుకు కూడా వెనుకాడను. రాష్ట్రం విచ్చినం కాకుండా కాపాడుకోవలసిన బాధ్యతా మన అందరిపై ఉంది.”   కేసిర్ ని అయన ఉద్యమాలని నోరార తిట్టిపోసిన కావూరివారు ఇక్కడ కొన్నివిషయాలు ప్రజలు గుర్తించబోరని ధీమాగా ఉన్నట్లు కనిపిస్తున్నారు.   తనకే గనుక కేంద్రంలో మంత్రిపదవి ఇచ్చిఉంటె తానీ రోజు కాంగ్రేసు నుండి బయటకి వచ్చే ఆలోచన చేసేవారా? వచ్చి ఈ రకమయిన ఉద్యమాలు, పార్టీలు అనేవారా? ఆనాడు కేసిర్ కి మంత్రిపదవి రాకపొతే ఆయన ఏమిచేసాడని చెపుతున్నారో, ఇప్పుడు కావూరివారు అదే చేస్తామని చెపుతున్నారు.   మంత్రిపదవి రాకనే కదా ఆయన ‘కొల్లేరు సరస్సు సమస్యపై ఉద్యమం’ మళ్ళీ మొదలుపెట్టి రాస్తారోకోలు, రైల్రోకోలు చేసి ప్రభుత్వం మెడలు వంచుతామని మొన్ననే కదా ఆయన ప్రకటించేరు. అంతేగాకుండా ఇప్పుడు తెలంగాణా ఉద్యమాన్ని అడ్డుకొనేందుకు తానూ కూడా కొత్తగా ‘సమైక్యాంధ్ర కోసం’ ఒక కొత్తపార్టీనీ పెట్టి ఉద్యమాలు చేస్తానని చెప్పి అయన కేసిర్ చేస్తున్న పనినే కదా తానూ చేస్తామని ప్రకటించుకొంటున్నారు. రాష్ట్రంలో అనిశ్చిత పరిస్తితిని సృష్టించేడని ఒక వైపు కేసిర్ ని ఆయన పార్టీని తెడుతూనే తానూ అదే పనిని ఇప్పుడు ఎందుకు చేయాలనుకొంతున్నారో ఆయనే చెప్పాలి.   రాజకీయనిరుద్యోగులే ఇటువంటి ఉద్యమాలు చేస్తునారని కేసిర్ ని ఆడిపోసుకొన్న కావూరివారు కూడా మరి కాంగ్రేసుని వదిలిబయటకి వచ్చి తానూకూడా రాజకీయనిరుద్యోగిగా మారడం వల్లనే కదా ఇప్పుడు ఈ ఉద్యమాలు, పార్టీలు అంటున్నారు?   ఆయనే చెప్పినట్లు అలనాడు చెన్నారెడ్డి ముఖ్యమంత్రి పదవికోసం తెలంగాణా ఉద్యమం మొదలుపెట్టి పదవిరాగానే తన ఉద్యమాన్ని పక్కనపడేసినట్లే, రేపు కావూరివారికి కూడా యు.పీ.యే. ప్రభుత్వం పిలిచి కేంద్రమంత్రిపదవి ఇస్తే, అప్పుడు ఆయన అది వద్దని ఉద్యామాలు చేసుకొంటారో లేక తన ఉద్యామాలని పక్కనపెట్టి మంత్రి పదవి చేపడతారో ఆయనే చెప్పాలి?   ఎంత అనుభవంఉన్న రాజకీయనాయకుడయినా ఈ విదంగా రెండు నాల్కల దొరణితో ప్రజలని మభ్య పెట్టదలిస్తే అది అయన రాజకీయ భవిష్యత్తుకే చేటుతెస్తుంది. ప్రజలు ఒట్టి వెర్రివాళ్ళు వాళ్ళకి మన మాటే వేదం అనుకొనే ఇటువంటి రాజకీయనేతలకి మన దేశంలో కరువులేదు. ప్రజలే అటువంటి వారికి ఎన్నికలలో సరయిన గుణపాఠం చెప్పాల్సి ఉంటుంది.
    ఏమిటి సార్... మీ బుర్ర అంతగా వాచిపోయుంది? క్యాన్సర్ కణితి వంటిదేమయిన బుర్రలో ఏర్పడిందా? పైగా మీ బుర్రలోంచి ఆ పొగలేమిటీ...చూస్తే నాకు భయం కూడా వేస్తోంది...సార్?   అబ్బా ఊరుకోవయ్యా నీ జోకులు నువ్వూను. ఇప్పుడే మాపార్టీతో మేధోమధనం చేసుకొని వస్తున్నాను...అలిసిపోయానయ్యా ఇక వస్తా!   సార్...సార్... మీ వాచిపోయిన బుర్రని చూస్తే చాలా మదించేసినట్లు కనిపిస్తోంది. మీరేవిదంగా మేధోమధనం చేసారో నాలుగుముక్కలు నాచెవిన వేసిపోదురూ...నాకూ కాస్త జ్ఞానం అబ్బుతుంది.   అబ్బబా...మా పార్టీని తిట్టిన తిట్టు తిట్టకుండా తిట్టి అలిసిపోయానయ్యా అని చెపుతున్నా నక్షత్రకుడిలాగ నా వెంటపడుతావేమిటయ్యా...నువ్వూ?   అరరే...లక్షలు ఖర్చుపెట్టి ఏర్పాటు చేసుకొన్న మీపార్టీ మీటింగులో, మీరే మీ పార్టీని తిట్టడం ఏమిటి సార్ విడ్డూరం కాకపోతేనూ? అయినా, అపోజిషన్ పార్టీ వాళ్ళు, మీ పార్టీలోఅలిగిన నాయకులూ తెల్లారిలేస్తే ఎలాగూ మీ పార్టీని తిడుతూనే ఉంటారు కదా? మళ్ళీ ఇప్పుడుకూడా మీ పార్టీని మీరే ఎందుకు తిట్టుకోవడం? నాకర్ధం కాలేదసలు...   అబ్బా...నీకెలా చెపితే అర్ధం అవుతుందయ్యా? నిన్నగాక మొన్నపార్టీలో జేరినవాడికి ఏకంగా కేంద్ర మంత్రిపదవి కట్టబెట్టేసి, మావంటివారిని ముసలిగుర్రాలని పక్కన పెట్టేస్తే మాకు కోపం రాదూ?   సార్! నాదో చిన్న సందేహం! అయితే మీ పార్టీ మధనానికి పిలిచింది మీ బాగోతాలు వినడానికేనా?మరి పేపర్లలో, టీవీల్లో అలా చెప్పారు...?   అబ్బాబా...ఏమిటయ్యా నీ యక్ష ప్రశ్నలూ...ధర్మ సందేహాలూ? మా గోడు చెప్పుకొందుకు మళ్ళీ మేము ప్రత్యేకంగా మరో మీటింగు పెట్టుకోవాలనా నీ ఉదేశ్యం? తెలంగాణావాడు వాడి గోడు వాడు వెల్లబోసుకొంటాడు. సమైక్యాంధ్రవాడి గోల సమైక్యాంధ్రవాడిది. పదవులు దొరకని మావంటి వారి గోడు మాది. బ్యానర్లమీద ఫోటోలువేయని వారి ఏడుపులు వాళ్ళవి. సంక్షేమ పదకాలన్నీ నా స్వంతంమే అని తన ఫొటోలతో ఒకరు పుస్తకాలు అచ్చేసుకొంటే, అందులో మా పాత్రా, ఫోటోలు లేనేలేవా అసలు? అని రుసరుసలాడే వాళ్ళు మరొకరు...ఏమి చెప్పమంటావు చెప్పు...మా మేధోమధనం గురించీ? మహాద్బుతంగా జరిగిందంటే నమ్ము.   అయితే, సార్...నాదో చిన్నడవుటు...మరి ఇంతకీ మీరందరూ కలిసి కష్టపడి ఏమి కనిపెట్టేరు మీ మేధోమధనంలో? పార్టీకి, ప్రభుత్వానికి మద్య ఎదో సయోధ్య వంటిది సాదిద్దామనే కదా మీరందరూ ఈ మీటింగు పెట్టుకోన్నారని మీడియా వాళ్ళు వ్రాసారు...?రాబోయే ఎన్నికలని ఎలా దీటుగా ఎదుర్కోవాలో నిర్నయించుకొందామనే మీరీ మీటింగు పెట్టుకొంటున్నట్లు మీడియా వాళ్ళు వ్రాసారు మరీ?   ఇదిగో...మీడియా పేరెత్తకు...నాకు ఒళ్ళు మండుతుంది. వాళ్ళు వ్రాసేవన్నీ పచ్చి అబద్దాలు..నీ వంటి వెర్రివాళ్ళే అటువంటి వార్తలన్నీ నమ్ముతారు. మేమేమి సాధించి పడేసేమో మాకూ మా పార్టీకి బాగా తెలుసు అదే విషయంపై మజ్జానం బోజనాలు అయిపోయాక అందరం సుదీర్గఉపన్యాసాలు చేసుకొని గుర్తుకుతెచ్చుకోన్నాము కూడా. మేము సాదించాల్సింది ఇంకేమి మిగల్లేదు...ఇక దేనిగురించి ఆలోచించాలి మేము? అయినా మా అప్పోజిషను వాళ్ళు మామీద ఎప్పుడూ నీలాపనిందలు వేయక మానట్లేదు...అందుకే ఆ మైకుతోనే వాళ్ళనీ ఒక దులుపు దులిపెసాము మామేధోమధనంలో.   సార్..మరి ఎన్నికలకి తయారి అవుతున్నట్లు తెలిసింది నిజమేనా?   ఆ..ఆ...ఎన్నికలా ఆ.. వస్తేరానీండి...మేము వాటికొరకే చాలా కాలంగా ఎదురుచూస్తున్నాము. మేము ఎన్నికలు ఎప్పుడూ వస్తూనే ఉండాలని కోరుకొంటాము... ఈసారి మాకు పార్టీ టికెట్స్ ఇవ్వకపోయినా మా పిల్లలకయినా ఇచ్చేట్లు మా రాహుల్ బాబు దూతలకి ఎలాగయినా నచ్చజెప్పుకోవాలి తప్పదు. మేము ఎన్నికలు ఎప్పుడు వచ్చినా ఎదుర్కోవడానికి సిద్దమే. మేము ‘అన్నీ’ సిద్దo చేసుకొనిఉంటే పార్టీ సిద్దంగా ఉన్నట్లే కదా? ఇంకా ఎన్నికల గురించి మీటింగులో ఏమాలోచించాలి..?పార్టీయే ఎవరెవరికి టికెట్స్ ఇవ్వాలో ఆలోచిoచుకోవాలి...అంతకన్నా ఆలోచించడానికీ, చేయడానికి ఏముంటుంది ఇప్పుడు?   సార్! మరయితే ఈ మేధోమధనం...?   అబ్బాబా రామాయణం అంతా విని రాముడికి సీత ఏమవుందని అడిగేడుట నీ వంటి వాడే. నీ కీ జన్మకి అర్ధం అయ్యేలా నేను చెప్పలేను...వెళ్ళు వెల్లెళ్ళు...నీ పిచ్చి ప్రశ్నలకి జవాబు చెప్పలేక నా బుర్ర మరింత వేడెక్కిపోయింది. మరో ముక్క చెప్పే ఓపిక కూడా నాకు లేదు.. వెల్లెళ్ళు...మళ్ళీ నాకు రేపు డిల్లీలో మరో మీటింగు ఉంది...ఇంత కంటే పెద్దది...   సార్...సార్....అలాగ పారిపోతే ఎలాగా సార్..అదికూడా మళ్ళీ ఇటువంటి మేధోమధనమేనా?  .........    .....   .............
  “హా..హ..వేస్తే ఏకంగా వల వేసేయాలి గాని మళ్ళీ గేలం ఎందుకు...?”అందో గడుసుపిల్ల ఓ సినిమాలో. మరి మన కెసిఆర్ ఆ సినిమా చూసాడో ఏమో! ఆ పిల్ల మాటలతో ప్రేరణ పొందినట్లు, ఇలాగ ఎoతకాలం ఒక్కొక్కపార్టీకీ గాలం వేసుకొంటూ రోజులు వెళ్లదీయడం అనుకొన్నాడో ఏమో మరి, ఈసారి ఏకంగా పెద్దవల పట్టుకొనివచ్చేసాడు. ఆ వలలో ఎన్ని చేపలుపడితే అన్నేపడనీ గానీ మునుపటి గాలం కన్నాకొంచెం ఎక్కువే పడవచ్చు కదా అనే ఆశాభావంతో మొన్ననే ఇతర పార్టీలలో ఉన్న తెలంగాణా య.యల్.ఏ.లు, యం.పీ.లకి వల విసిరాడు. అప్పుడు కూడా, ఎందుకయినా మంచిదని మునుపు గాలానికి తగిలించినట్లే మళ్ళీ తన వలకి కూడా ఎరలను తగిలించి మరీ విసిరేడు. “మా పార్టీలోకి రాదలచిన ఇతర పార్టీలలో ఉన్న తెలంగాణా య.యల్.ఏ.లు, యం.పీ.లకు ఇదే మా హృదయపూర్వక స్వాగతం” అనే బ్యానర్ తగిలించి విసిరిన ఆ వలకి, ఎవరయినా వచ్చి ఇర్రుకోదలిస్తే, ప్రస్తుతం వారు యేయే ప్రాంతాలనుండి గెలిచేరో వాళ్ళకి తే.ర.స. మళ్ళీ అవే స్థానాలు కేటాయించడమే గాకుండా వారి ఎన్నికల ఖర్చు మొత్తం పార్టీయే భరిస్తుందనే ఎరని కూడా తగిలించి విసరడం అయ్యింది. ఇక, ఇప్పటికే ఎంతో కాలంగా తమ పార్టీలో పదవులు అనుభవిస్తున్నపటికీ తెలంగాణా ఉద్యమం పేరుతొ తే.ర.స.తో అంటకాగుతున్నవివిధ పార్టీల నాయకులనేకమంది ఇప్పుడు తే.ర.స. విసిరిన ఆ వలలోకి దూకినాదూకవచ్చును. తెలంగాణా సాధించాలనే బలమయిన కోరికకన్నా తమపార్టీలోనే ఉంటే, తెలంగాణా సమస్య తమ రాజకీయ జీవితాన్ని ఎక్కడ దెబ్బతీస్తుందోనని బయపడేవారే ముందు అటు వైపు దూక వచ్చును. అదీగాక, ఒక వేళ తే.ర.స. ఇటువంటి పండగ సీజన్(అఖిల పక్ష సీజన్లో) బంపర్ ఆఫర్ ఇస్తున్నపుడు వెళ్ళకుండా తాత్సారం చేస్తే, రేపు వెళ్ళదలుచుకొన్నా అక్కడ తమకి సీట్లు ఖాళీ ఉండవు గనుక అప్పుడు తమ పరిస్తితి రెంటికీ చెడ్డ రేవడి అవుతుందని అనుకొనే వారు కూడా ఇప్పుడు “త్యాగాలకి” సిద్దపడవచ్చును. అప్పటికీ బయటకి రానివాళ్ళని ఏ విదంగా హ్యాండిల్ చేయాలో మన కెసిఆర్ గారికి అయన పార్టీవారికీ బాగాతెలుసు. నయాన్న పిలిచినప్పుడు రాకపోతే, బయ్యాన్నయిన పిలువక తప్పదు. తే.ర.స. కాకుండా బయట ఇతర పార్టీలలో ఉన్న వారందరూ కూడా తెలంగాణా ద్రోహులనే ట్యాగ్ ఒకటి వారికి తగిలించేస్తే కాగల కార్యం గందర్వులే చూసుకొoటారన్నట్లు వారిపని ఆ ట్యాగ్ తో పూర్తయిపోతుంది. అయితే, కే.సిఆర్. నియంతృత్వ పద్దతుల గురించి, ఆయన తన సహచరులను ‘హ్యాండిల్’ చేసే విదానం గురించి తెలిసి కూడా ఎంతమంది దైర్యం చేసి అతను విసిరిన వలలోకి దూకుతారో మరిచూడాలి. మధ్యలోనే తెరాస కారు దిగివెళ్ళిపోయిన నరేంద్ర, వంటివారిని తే.ర.స. లో జేరదలిచిన వారు ముందుగా సంప్రదిస్తే ఎంతయినా ఉపయోగo ఉండవచ్చును.   ఏమయినప్పటికీ, అఖిలపక్ష సమావేశం ముగిసిన మరుక్షణం నుండే ఇతర పార్టీలలో ఉన్న తెలంగాణా య.యల్.ఏ.లు, యం.పీ.లపై ,ముఖ్యంగా కాంగ్రెస్ పార్టీలో ఉన్నవారిపై అతని పార్టీ తీవ్ర ఒత్తిడి పెట్టబోతోoది. ఆ ప్రయత్నంలో, ముందుగానే ఈ విదంగా వల పరుచుకొని తే.ర.స. కూర్చొని ఉంది. మహా అయితే, అఖిలపక్షం ముగిసేవరకు అది ఓపిగ్గా కూర్చోని ఎదురుచూడవలసి ఉంటుంది. అప్పుడు చిన్న, పెద్ద చేపలన్నీ వాటంతట అవే వలలోకి రావచ్చును. అఖిలపక్షంతో కాంగ్రెస్ తెలంగాణా ఎలాగు ఇచ్చేయబోదు గనుక, అప్పుడు ‘తెలంగాణా కోసం త్యాగాలు చేసేవారు’ తమ రాజకీయ భవిష్యత్తు కోసం కూడా కొంతయినా ఆలోచన చేయకమానరు గనుక, ముందే అటువంటి వారికి ఆహ్వాన పత్రికలు పంపితే వారు తమ పార్టీ ఉపదేశాలకి, అవి ప్రకటించ బోయే తాయిలాలకీ పడిపోకుండా నేరుగా తే.ర.స. వైపే నడుచుకొంటూ వచ్చేస్తారని తే.ర.స. అధ్యక్షులవారి ఆశ. మరి, ఇతర పార్టీలలో ఉన్న తెలంగాణా య.యల్.ఏ.లు, యం.పీ.లు ఈ బంపర్ ఆఫర్ స్వీకరిస్తారో లేక తెలంగాణా ద్రోహులుగా మిగిలిపోతారో చూడాలి మరి.
  తన బెయిలాశలన్నీ ఒకటొకటిగా అడియాసలవుతుంటే, క్రమంగా చంచల్ గూడా జైల్లో స్థిరపడిపోయిన జగన్మోహన్ రెడ్డికి ఇప్పుడు నవ్వాలో బాధపడాలో తెలియని పరిస్తితి నెలకొంది. ఒక వైపు జైలునుండి బయటపడలేని దీనస్థితి. మరోవైపు తనపార్టీలోకి జేరెందుకు జైల్లోకి బారులు తీరి వస్తున్న రాజకీయనాయకులూ! తానూ జైల్లోఉన్నపటికీ అంతగా ప్రభావం చూపగలుగుతున్నందుకు సంతోషించాలా? లేక జైలే తన కార్యాలయం అయిపొయినందుకు బాధపడాలా అతను? మొత్తంమీద అతనిప్పుడు ఒక త్రిశంకు స్వర్గంలో వ్రేలాడుతున్నాడు.   ఇక, ఎన్నికలు ముంచుకొస్తున్న ఈ కీలకతరుణంలో, ఈ విధంగా నిస్సహాయంగా జైలుగోడల మద్యన ఇర్రుకుపోవడం మరో దురదృష్టమేనని చెప్పాలి. ఎప్పటికయినా, తను బయటకి వస్తాడా? లేక కలకాలం సి.బి.ఐ. కేసులతో నలిగిపోతూ చంచల్ గూడా జైలులోనే భారంగా బ్రతకలా?రేపు ఎన్నికలు వచ్చేనాటికయినా తానూ బయట పడకపోతే పార్టీకి దిక్కెవరు?పార్టీలోకి వస్తున్న లేదా ఇప్పటికే వచ్చినవారిని నిలుపుకోనేదేలా?తానూ జైల్లో ఉంటే తనపార్టీ ఇంతే పటిష్టంగా ఉంటూ రేపు ఎన్నికలని దైర్యంగా ఎదుర్కొనగలదా? లేక ఒకప్పుడు ప్రజారాజ్యం లాగానే కుప్పకూలిపోయి చివరకి ఆ కాంగ్రెసులోనే కలిసిపోక తప్పదా? జైల్లో ఉండి తానూ పార్టీని గెలిపించుకొని ఆ పార్టీ అండతోనే జైల్లోంచి బయట పడతాడా? లేక తన తల్లీ చెల్లీ ప్రజలకి చెపుతున్న విదంగా తానూ నిర్దోషిగా జైలునుండి విముక్తుడయి హుందాగా ఎన్నికలలో పాల్గొని రాజ్యదికారం హస్తగతం చేసుకొంటాడా? కాంగ్రెస్ అతనిని మళ్ళీ పార్టీలోకి స్వాగతించి కేసులనీ రద్దు చేసేసి, ముఖ్యమంత్రిగా అతనికి పట్టంకడుతుందా లేక అతనిపై మరిన్ని కేసులు నడిపించి శేషజీవితం జైల్లోనే గడిపేలా చేస్తుందా? సమాధానం దొరకని ఇటువంటి బేతాళ ప్రశ్నలు ఎన్నెనో జగన్ మనసుని దోలిచేస్తూ ఉండవచ్చును. బహుశః ఇటువంటి జీవితాన్ని కలలో కూడా అతను ఊహించి ఉండడు.   అతని జాతకం అతని బవిష్యత్ గురించి  ఏమి చెపుతోందో తెలుసుకోవాలంటే చూడవలసింది అతని హస్త రేఖలు మాత్రం కాదు. కాంగ్రెస్ ‘హస్తరేఖలు’ అతని జాతకం వివరించబోతున్నాయి. సమస్యలన్నిటికీ ఒకటే పరిష్కారంగా కనిపిస్తోంది. రాష్ట్రంలో ఇప్పటికే బలహీనంగా ఉన్న కాంగ్రేసు పార్టీ మున్ముందు మరింత బలహీన పడితే తప్ప అతనికి స్వేచ్చ లబించే అవకాశం లేకపోవచ్చు. ఒక వేళ, కాంగ్రెస్ మరింత బలహీనపడినప్పుడు, అది సహజంగా జగన్ వంటి ఆకర్షణగల నాయకుడికోసం తన ద్వారాలు తెరవకతప్పదు. రానున్న ఎన్నికలలో బలంగా ఉన్న తె.రా.స.ను డ్డీ కొనడం, మంచి కార్యకర్తల బలం కలిగి రాబోయే ఎన్నికలలో చావో రేవో తెల్చుకోబోయే తే.దే.ప.ఇచ్చే గట్టి పోటీని తట్టుకోవడం, పార్టీలో అంతర్గతకుమ్ములాటలకు ముక్కుతాడు వేయడం వంటి క్లిష్టమయిన సవాళ్లు ముందున్న కాంగ్రెస్ పార్టీ, వాటిని దైర్యంగా అదిగమించగలనని భావిస్తే మాత్రం జగన్మోహన్ రెడ్డికి విముక్తి ఉండకపోవచ్చును. ఒకవేళ, కాంగ్రేసు పార్టీ బలంగా ఉంటే ఆ తరుణంలో జగన్ వంటిబలవంతుడయిన, ప్రభావంతుడయిన విరోదిని కోరుండి అది జైలు నుంచి బయటకి రానిచ్చి కొరివితో తల ఎందుకు గోక్కోవాలని ఎందుకు ఆలోచిస్తుంది? గనుక, వీలయితే అతనిని మరిన్ని కేసులలో ఇరికించి కనీసం ఎన్నికలయ్యేవరకయినా, తన విజయానికి అడ్డుగోడగా నిలువగల అతనిని జైలుగోడలకే పరిమితం చేయవచ్చును. అందువల్ల, కాంగ్రెస్ మరింత బలహీనపడితే తప్ప జగన్కి జైలు విముక్తి లంబించకపోవచ్చును. కాంగ్రేసుకి కష్టం అనుకొంటే మాత్రం అతను రేపు ‘తల్లి కాంగ్రేసు’ ఒడిలో ఒదిగిపోయి మనకి కనిపించినా మనం ఆశ్చర్యపోనవసరం లేదు. అంటే, జగన్ ఇప్పుడు కోర్టుతీర్పులకన్నా కాంగ్రెస్ బలహీన పడటం కోసమే చకోర పక్షిలా ఎదురు చూపులు చూస్తూ చంచల్ గూడా జైల్లో వేచి ఉండక తప్పదు.

The story behind NTR’s statue

Publish Date:Dec 13, 2012

  Media these days was bitten by the controversy on installing the statue of late NT. Ramarao at parliament. It is updating the latest counters given by either side of the people or tries to rope-in some one from the family or from the TDP to its table to debate on this hot topic, thus sincerely contributing from its end. People from both sides were not shown any intention of discontinuing this ugly battle that hurts late NTR fans living across the globe.   While, minister D.Purandeswari is trying to prove her honesty in this regard, TDP leaders including Balakrishna were seen sharply criticizing her and her Congress party. Nandamuri brothers Harikrishna and Balakrishna were also drawn into this controversy. However, what would be their actual intention in taking such a simple matter to roads, while they can resolve this problem by simply calling for a family meeting? Why Nandamuri daughter Purandeswari did also goes to media to counter Chandrababu, instead of calling a family meeting? Why Chandrababu did allows his party leaders to go heavy against his own family members, even though knowing it damages his own family reputation?   As far as D.Purandeswari is concerned she appears to be honestly trying to install her father late NTR’s statue at the parliament. But, she might be obliged to join this dirty fight to save herself from the TDP attacks and to safeguard her political career in Congress party. If, she didn’t responds to TDP’s attack it not only leaves an impression in the public that she is the sinner in the whole issue, but also may damage her political career in her party. Her silence in this regard will make her party suspect of her sincerity and loyalty towards it. So, she might be obliged to retard to every remark that made against her by TDP and the concerned people. Otherwise, she is not a person who loves to rub the media on wrong side.   If we look from TDP end, we can see it badly trapped in a very serious issue recently. Its 3 MPs absence to FDI voting in Rajya Sabha brings the party to its knees. It becomes a concern for Chandrababu, who very well knew that unless he put an end to it at the earliest it is going to damage the party reputation at a crucial moment where the general elections are in the vicinity.   Any political party finds itself trapped in such problems normally adopt the well practiced tradition of diverting the issues with some other hot topics of media and public interest. The most experienced politician of the state Chandrababu Naidu also tried the same trick to overcome his problems. If we could recall his public letter shot to D.Purandeswari soon after her announcement of installing NTR statue at Parliament, it gives us the clue that Chandrababu has intentionally stirred the storm-in-the-tea cup guessing it would be appropriate topic to divert the people and media attention.   Obviously it worked well better than his expectations. Both the media and the people and even his rivals in YSRC have been grasped into it without their knowledge, with which the 3 MPs absence to FDI voting faded away in no time. That may be the exact reason for Chandrababu letting his party leaders spit fire against his own family members. He may put an end to this topic as soon as he confirms that the ‘3 MPs absence to FDI voting’ matter was completely vanished from the public discussions.
  మరొక మూడు రోజుల్లో గుజరాత్ శాసన సభ ఎన్నికలు జరగనున్నాయి. ఒక వైపు గుజరాత్ ముఖ్య మంత్రి నరేంద్రమోడీ ఒక్కడే ‘వన్ మ్యాన్ షో’ తో ఎన్నికలలో అవలీలగా దూసుకుపోతుండగా, మరో వైపు కాబోయే ‘భావి భారత ప్రధాని’ రాహుల్ గాంధీ నాయకత్వంలో యావత్ కాంగ్రెస్ పార్టీ ఈ ఎన్నికల ప్రచారానికి నడుం బిగించాల్సి వచ్చింది.   రాహుల్ గాందీయే స్వయంగా ఏర్చికూర్చిన అభ్యర్ధుల కోసం ప్రధాని మన్మోహన్ సింగు మొదలుకొని గుజరాత్ లో గల్లీస్తాయి నాయకులవరకూ అందరూ చమటోడుస్తున్నారు. ఆ అభ్యరుల విజయం అంటే రాహుల్ గాంధీ విజయమే అనంతగా కష్ట పడుతున్నారు. త్వరలో జరుగబోయే సాధారణ ఎన్నికలకి నేతృత్వం వహించనున్న రాహుల్ గాంధీకి ఇవి ‘సెమి ఫైనల్స్’ వంటివని రాజకీయ విశ్లేషకులు కూడా తీర్మానిన్చేయడంతో ఈ ఎన్నికలు అతనికి, అతని పార్టీకి అత్యంత ప్రతిష్టాత్మకంగా మారాయి.   ఇప్పటికే ఉత్తరాన్న రెండు ఎదురు దెబ్బలుతినోచ్చిన రాహుల్ గాంధీకి, మళ్ళీ ఇక్కడ ఎదురు దెబ్బ తగిలితే తేరుకోవడం చాల కష్టమే. గనుకనే, కాంగ్రేసు తన యావద్ శక్తియుక్తులను దార పోసి మరీ విజయం కోసం తీవ్ర ప్రయత్నిస్తోంది. ఇక్కడ గనుక ఓడిపోతే, అది రాహుల్ గాంధీ నేతృత్వం మీద నమ్మకం సడలిం జేయడమే గాక, ‘వరుస అపజయాల సారధి’ అనే ఒక ముద్ర కూడా అతని పై పడక మానదు. ఆ ముద్ర అతని భావి కాలాలకు అడ్డంకిగా మారినా ఆశ్చర్య పోనక్కరలేదు. వరుసగా మూడోసారి కూడా విజయం తన ఖాతాలో వేసుకోగలిగితే నరేంద్రమోడీ రేపు డిల్లీ వరకు కూడా వచ్చి అక్కడా అతనికి పోటీగా తయారవుతాడు. మోడీకి జాతీయ స్తాయి నేతగా ఎదిగేందుకు బిజెపి అంగీకరిస్తుందా లేదా అనేది వేరే విషయం. ఒక వేళ ఒప్పుకొన్న దేశ వ్యాప్తంగా అతను తన ఇదే ప్రభావంచూపగలడా లేదా అనేది కూడా అప్రస్తుతం. గాని, ప్రస్తుత పరిస్తితుల్లో అతనే బిజెపికి పెద్ద దిక్కుగా కనిపిస్తున్న ఈ తరుణంలో వరుసగా మూడోసారిగానీ గెలిస్తే గనుక, మోడిని తన ప్రధాని అభ్యర్దిగా బిజెపి ప్రకటించిన ఆశ్చర్య పోనక్కరలేదు. ఇప్పటికే ‘భావి భారత్ ప్రధాని’గా అభివర్ణింపబడుతున్న రాహుల్ గాంధీకి ఇప్పుడు గుజరాత్ లో మోడీ చేతిలో ఓడిపోయి, మళ్ళీ రేపు అతనితోనే ప్రధానమంత్రి పదవికోసం పోటీ పడవలసి వస్తే అంతకంటే ఇబ్బందికరమయిన విషయం మరొకటి ఉండదు. అందువల్ల, కాంగ్రేసు ఈ ఎన్నికలలో ఎలాగయినా గెలిచి తీరాలి.   కానీ, గుజరాత్ లో పరిస్తితులు గమనిస్తే, కాంగ్రేసుకు సానుకూలంగా ఒక్కటీ కనిపించట్లేదు. ఇప్పటికే నరేంద్ర మోడీ విజయం దాదాపు ఖాయం చేసేస్తూ వెలువడుతున్న సర్వే రిపోర్టులు, మోడీ ప్రభంజనం అంటూ హోరెత్తుతున్న మీడియా వార్తలు, గుజరాత్ వంటి అభివృద్ధి దేశంలో మరెక్కడా మేము చూడ లేదంటూ పారిశ్రామిక వేత్తలు ఇచ్చే శభాషీలు, అన్నీనరేంద్ర మోడికి అనుకూలంగానే ఉన్నాయి. చివరాకరిగా వచ్చిన బాలివుడ్ అందాలభామ ఐస్వర్య బచ్చన్ ‘గుజరాత్ కి నా సల్యుట్’ అంటూ ఆకాశానికి ఎత్తేయడం ఆమె అభిమానులను మోడీ వైపు మరల్చక మానదు.   ఈ నేపధ్యంలో ఎన్నికలను మోడీ పూర్తీ ఆత్మా విశ్వాసంతో అవలీలగా ఎదుర్కొంటుండగా, కాంగ్రేసు కేవలం అతని వైఫల్యాల పైనే ఆధార పడి అతనిని డ్డీ కొనవలసిరావడం నిజంగా యెంత దురదృష్టం. తానూ ఏమి సాదిమ్చిందో చెప్పుకోవలసిన ఈతరుణంలో, అతను ఏమి సాధించలేక పోయాడో చెప్పుకొంటూ అతనినిని డ్డీ కొనవలసి రావడం మరో దురదృష్టం. ఒక విధంగా అక్కడ కూడా మోడీ విజయం సాధించినట్లే. తన విజయాల గురించి తన ప్రత్యర్డులు పదేపదే చెప్పుకోవలసి వచ్చేలాగ చేయడంలోనే అతను సగం విజయం సాధించేడు. ఇక మిగిలినది కేవలం ఒక సాంకేతిక విజయ ప్రకటన మాత్రమె.   మరప్పుడు కాంగ్రెస్ ఎలా స్పందిస్తుందో కూడా ఇప్పుడే ఉహించవచ్చు. సోనియా గాంధీ, రాహుల్ గాంధీలకి వీరవిదేయులయిన కాంగ్రేసు వాదులందరూ, వారి మీద ఈగ కూడా వాలనీయకుండా వారికంటే ముందే పత్రికలకి ఎక్కి ‘మోడీ అనైతిక విజయం’ గురించి, ‘బిజెపి నాయకత్వం’ గురించీ మాట్లాడుతూ, ఆత్మ విమర్శకు బదులుగా ఎదురుదాడికి దిగి తమ ఓటమిని కప్పి పుచ్చుకొనే ప్రయత్నం చేయవచ్చు. అయితే, ఆ ప్రయత్నాలు మరో అగ్ని పరీక్షకి ఎంత మాత్రం పనికొచ్చేవి అయ్యిఉండవు.
     వై ఎస్ ఆర్ కాంగ్రెస్ పార్టీ నేత జగన్ మోహన్ రెడ్డిని అతి త్వరలో తీహార్ జైలుకు తరలించనున్నారా ? ఈ విషయానికి అవుననే సమాధానమే కనిపిస్తోంది. ఈ నెలాఖరులో ఆయనను ఈ జైలుకు తరలించనున్నారని సమాచారం. ఈ డి అధికారులు ఇందుకు సిద్దం అవుతున్నట్లు తెలుస్తోంది.   గాలి జనార్ధన్ రెడ్డి ఆస్తులను పెద్ద ఎత్తున అటాచ్ చేసిన ఈ డి అధికారులు ఇక జగన్ ఫై దృష్టి సారించినట్లు తెలుస్తోంది. ఇప్పటికే, జగన్ అక్రమాస్తుల విషయంలో తగిన పురోగతి సాధించినప్పటికీ, ఇంకా మరికొన్ని విషయాల్లో వెనుక బడినట్లు అధికారులు భావిస్తున్నారు. ఆయనను తీహర్లో ఉంచితే, తమ విచారణ వేగవంతం అవుతుందని అధికారులు భావిస్తున్నారు. వాస్తవానికి జగన్ ను తీహార్ జైలులో ఉంచాలని అధికారులు ఎప్పుడో భావించారు. అయితే, కొన్ని కారణాల వల్ల అప్పట్లో అది సాధ్యం కాలేదు.   ఈ విషయం జగన్ కు తెలియడంతో, పార్టీలోని కొంతమంది కీలక నేతలకు ఈ విషయాన్ని తెలియచేసి, వారిని అందుకు మానసికంగా సిద్దం చేసినట్లు సమాచారం. షర్మిలా పాద యాత్ర ముగిసిన తర్వాత, ప్రజల్లో ఉండేందుకు గాను చేపట్టాల్సిన కార్యక్రమాలను జగన్ నేతలకు సూచించినట్లు తెలుస్తోంది. షర్మిలా యాత్రకు సహకారం చేసిన వారికి ఆర్ధిక సహాయం చేయాలని కూడా జగన్ సూచించినట్లు సమాచారం.     ‘సాక్షి’ సిబ్బందితో పాటు, ఇతర జర్నలిస్టుల సహాయంతో పార్టీకి ప్రజల్లో ఉన్న స్పందనను తెలుసుకుని తగు కార్యక్రమాలను చేపట్టాలని జగన్ పార్టీ నేతలకు సూచించారు. ఒకవేళ జగన్ ను తీహార్ జైలుకు తరలిస్తే, ఇక పార్టీ నేతలు కానీ, కుటుంబ సభ్యులు కానీ ఆయనను ఇప్పటిలా కలవడం సాధ్యపడదు. అందుకే, జగన్ పార్టీ విషయంలో చెప్పాల్సిన వన్నీ చెప్పారని భావిస్తున్నారు.
  రాష్ట్రంలో నేడు రెండు ప్రధాన అంశాలు చర్చలో ఉన్నాయి. మొదటిది తెలంగాణా కాగా, రెండోది రాష్ట్ర రాజకీయాలపై జగన్ పార్టీ ప్రభావం. తెలంగాణా అంశంతో అన్నిరాజకీయ పార్టీలు బంతాట ఆడుకొంటుండగా, జగన్ విషయంలో మాత్రం చాలా ఆచితూచి వ్యవహరిస్తున్నాయి. అనేక కేసులలో సతమతమవుతు ఇప్పట్లో బెయిలు కూడా దొరకని పరిస్తితిల్లో అతను జైల్లో ఉన్నపటికీ అనేక మంది ఇతర పార్టీల సభ్యులను, తన పార్టీలోకి ఆకర్షించగలుగుతున్నాడంటే రాష్ట్ర రాజకీయాలపై అతని ప్రభావం ఎంతగా ఉందో అర్ధమవుతోంది. ఎవరు ఒప్పుకొన్నా, ఒప్పుకోకపోయినా కాదనలేని నిజం ఇది. అందుకనే, కాంగ్రెస్ అధిష్టానం సైతం మొన్న పంపిన పరిశీలకులతో జగన్ని మళ్లీ పార్టీలోకి ఆహ్వానిస్తే ఎలా ఉంటుందని రాష్ట్ర నేతలను అడిగింది. వారు కూడా అతని ప్రభావం బాగానే ఉందని చెప్పినట్లు తెలిసింది.   మరి అంతటి ప్రభావశీలి అయిన ఒక యువ నాయకుడిని, కేవలం కొందరు సీనియర్ నాయకుల సలహాల మేరకు దూరం చేసుకొన్న కాంగ్రేసు నష్టపోయిందా? లేక, తన తొందర పాటుతో తన రాజకీయ భవిష్యత్తుని తానే గందరగోళంలో పడేసుకొన్నాడా? ఏమతేనేమి, ఇటు కాంగ్రెస్, అటు జగన్ ఇద్దరు నష్టబోవడమే గాక, ఇప్పుడు అందుకు తీరికగా విచారించ వలసివస్తోంది వాళ్ళకి. రాజశేఖర్ రెడ్డి చనిపోయినప్పుడు, కొందరి అనాలోచిత సలహాల వల్ల తొందరపడి ముఖ్యమంత్రి పీఠం తన సొత్తుగా భావించి కాంగ్రేసు అధిష్టానానికి ఎదురు తిరగడం అతను చేసిన పోరాపటయితే, 120 సంవత్సరాల అనుభవంఉన్న కాంగ్రేసు, అతనికి నచ్చజెప్పి దారికి తెచ్చుకొని అతనిని తన ఆయుధంగా మలుచుకోలేకపోవడం ఒక చారిత్రాత్మక తప్పిదం అనిచెప్పవచ్చు.   కాంగ్రేసు అధిష్టానంతో సయోధ్య కుదుర్చుకోవడంలో విఫలం అవడంలో కేవలం అతని పాత్రే లేదు. అతని వెంట ఉండి అతనికి ఆవిదంగా వెళ్ళమని రాజకీయ సలహాలు ఇచ్చిన వారిని సైతం ఇందుకు తప్పు పట్టక తప్పదు. అదే సమయంలో అతని విషయంలో కాంగ్రెస్ అధిష్టానానికి శల్యసారద్యం చేసి అతనిని తెలివిగా పార్టీకి దూరం చేసిన వారూ ఉన్నారు. కాంగ్రేసులో తమ అనుభవమంత వయసుకూడా లేని ఒక కుర్రకుంక కేవలం తన తండ్రి కీర్తి ప్రతిష్టలను ఆసరాగా చేసుకొని తమని మించిపోవడం సహించలేని నేతలే అతనిని పార్టీ అధిష్టానానికి విరోధిగాచేసి బయటకి వెళ్ళే పరిస్తితులు సృష్టిమ్చేరని చెప్పవచ్చు.   అయితే, అప్పటికయినా మళ్లీ పరిస్తితులు చక్కదిద్దుకొనే అవకాశం అతనికి ఉంది. గానీ, జగన్మోహన్ రెడ్డికి సరయిన రాజకీయ సలహాలిచ్చేవారు కరువయ్యారు. ఒక వేళ ఉండి ఉంటే, వెంటనే వారు రంగంలోకి దిగి పరిస్తితులు చక్క దిద్ది అతను కాంగ్రెసులోనే కొనసాగేలాగ చేసేవారు. కాని, జగన్మోహన్ రెడ్డి కి తగిన రాజకీయ సలహాదారులు కరువయ్యారు. ఉన్నకొద్ది మందిని తన అభిజ్యాతంతో తనే దూరం చేసుకొన్నాడు. ఒక వేళ, అతను కొంచెం తగ్గి పార్టీలోనే కొనసాగి ఉంటె నేడు అతని పరిస్తితి, హోదా తప్పక వేరేలా ఉండేవి. అయితే, జగన్ తన తొందరపాటు నిర్ణయంతో కాంగ్రెసును వీడి బయటకి వచ్చి తన ప్రమేయం లేకుండానే ఇంటా,బయటాకూడా శత్రువులను పోగేసుకొన్నాడు.   తన తండ్రి మరణంతో ఏర్పడిన సానుబూతిని ప్రజలు మరువకమునుపే వారి ‘ఓదార్పు’తో తానూ రాజకీయ ప్రయోజనం పొందాలనే ఆలోచనతో అతను ‘ఓదార్పు యాత్ర’ మొదలు పెట్టి, తనకి మద్దత్తు కూడగట్టుకొనే ప్రయత్నం చేసాడు. అది కాంగ్రేసుకి యెంత మాత్రం నచ్చలేదు. ఆ సంగతి అతనే స్వయంగా చెప్పడమే గాక, తదనంతర పరిణామాలలో అది స్పష్టంగా కనిపించింది కూడా. అయితే, ఆటను చేపట్టిన ఓదార్పు యాత్ర రాజకీయంగా అతనికి చాల లబ్దినిచ్చిందని ఇప్పుడు రుజువవుతోంది. తన ఓదార్పు ద్వారా పార్టీని ఎర్పరచకముందే తగిన బలం కూడా గట్టుకోవడమే గాకుండా, ప్రజలకి చేరువయ్యాడని చెప్పవచ్చు.   అయితే, అదే సమయంలో ప్రధాన పార్టీలయినా కాంగ్రెస్, తే.దే.పా.లకి అతను, అతని పార్టీ బద్ద శత్రువులుగా మారేరు. చివరికి అదే అతనిని జైలు పాలు చేసింది కూడా. తమ బలమయిన ఆయుధంగా మలుచుకోవలసిన అతనిపై కాంగ్రెస్ సిబిఐ అనే ఆయుధం ప్రయోగించింది. అది ప్రయోగించి వదిలేసినప్పటికీ, అది అతని వెంట పడి అతని మూలాలు పట్టుకొని ప్రజల ముందు అవినీతిపరుడిగా ఒక ముద్ర పడేందుకు దోహదపడింది. అంటే, అతను కాంగ్రెసులోనే ఉండి ఉంటే అతనికి ఈకష్టాలు ఉండేవి కావు, అతనిపై ఈ ముద్ర ఎన్నటికీ పడేది కాదన్నమాట. ఏమయినప్పటికీ, ఇప్పుడు అతని అక్రమ ఆస్తుల వ్యవహారాలు బయటకి పొక్కడంతో కోర్టులు కూడా అతని మీద జాలి చూపించడం మానేసాయి.   అయినప్పటికీ, అతని మానస పుత్రిక సాక్షి పత్రిక, మరియు సాక్షి టీవీ కలిసికట్టుగా అతనిని బాగానే ప్రజలోకి తీసుకు వేల్లగలిగేయని చెప్పవచ్చు. దానికితోడూ, అతని తల్లి విజయమ్మ, సోదరి షర్మిల కలిసి ‘జగన్ని అన్యాయంగా జైలు పాలు చేసారనే’ ప్రచారం కూడా అతనికి కొండంత సానుబూతి తెచ్చిపెడుతోంది. ముఖ్యంగా నిరక్షరాస్యులు అదికంగాఉన్న మనరాష్ట్రంలో ఆపని మరింత సులువు అయిందని చెప్పవచ్చును. అందుకే, గ్రామీణ ప్రజలు విజయమ్మ షర్మిలాల వెంట నడుస్తోన్నారు. ప్రజలలో ఈ ఆదరణని చూసే వివిధ పార్టీలలో నేతలు చంచలగూడ జైలు వైపు అడుగులేస్తున్నారిప్పుడు.   కాంగ్రేసులో నెలకొన్న ప్రస్తుత అయోమయస్తితి, పరిపాలన స్తంబించిపోయిందని ప్రతిపక్షాలు చేస్తున్న ప్రచారం, ప్రధాన ప్రతిపక్షమయిన తే.దే.ప. నేతలలో తెలంగాణా సమస్య వల్ల ఏర్పడిన అంతులేని నిర్లిప్తత, నానాటికి పెరుగుతున్న ధరలు,షాకిచ్చే కరెంటు బిల్లులతో తల్లడిల్లుతున్న ప్రజల అసహనం అన్నీ కలిసి, ప్రజలు మరోసరికొత్త నేతకోసం తలుపులు తెరిచి మరీఎదురు చూస్తున్నారని గ్రహించిన మన రాజకీయ నేతలకి సహజంగానే జైల్లో ఉన్న జగన్ జగన్మోహనాకారుడిగా కనిపించడంలో వింతేమి లేదు.   అయితే, దేశాన్నిఎక్కడికో తీసుకుపోగల యువనేత మా రాహుల్ బాబు అని పార్టీ నేతలతో పొగడబడుతున్న రాహుల్ గాంధీ కూడా చంచల్గూడా జైలు వైపే చూడడం రాష్ట్ర రాజకీయాలపై జగన్ ప్రభావం యెంత బలంగా ఉన్నదో తెలియజేస్తోంది. ఇక, అతనే స్వయంగా కాంగ్రేసులో కలుస్తాడా లేక కాంగ్రేసే అతనితో జత కడుతుందా అనేది కాలమే చెపుతుంది.
  దేశానికి సమర్ధమయిన పరిపాలన అందించని కాంగ్రేసు పార్టీని ఎంతయినా తప్పుపట్టవచ్చును కాని, మిగిలిన విషయాలలో దానికున్న నైపుణ్యాలని ఎవరు వేలెత్తి చూపలేరు. ఎంత పెద్ద కుంభకోణాలలో దొరికిపోయినా టీవిగా మేకపోతు గాంభీర్యం ప్రదర్శిస్తూ, ప్రజలని మభ్యపెట్టి మరిపించేయగలదు. అందుకు తగ్గట్టుగానే, ప్రజలూ కూడా ఎంత పెద్ద కుంభకోణమయినా ఇదివరకులాగ అంతగా పట్టించుకోవడం మానేసిన సంగతి గుర్తించిన కాంగ్రెస్ నిర్భయంగా తనపని తానూచేసుకుపోతోంది.   ఇక, విషయాని కొస్తే హటాత్తుగా తన అమ్ముల పొదిలోంచి ‘అఖిల పక్షం’ అనే సమ్మోహనాస్త్రాన్ని తీసి సమయోచితంగా సందించి తెలంగాణా యమ్పీలను తన దారికి తెచ్చుకోవడమే గాకుండా, తెలంగాణాలో తనకున్నకాస్త పరువునీ కొల్లగొడుతున్న చంద్రబాబు, వైయ్యసార్ పార్టీలను ఒకేసారి కంగు తినిపించగలిగింది. ఒక దెబ్బకి రెండు...కాదు...కాదు...మూడు పిట్టల్ని కూల్చేసింది. ఒకేఒక దెబ్బకి తన తెలంగాణా యమ్పీలను దారికి తెచ్చు కోవడమే గాక తే.దే.పా., వైయ్యసార్ పార్టీలకూ అగ్ని పరీక్ష పెట్టి ఆలోచించుకోవడానికి సమయం లేకుండా ఈ నెల 28నే అఖిల పక్షం అని ముహూర్తం కూడా పెట్టేసింది. తన చాణక్యనీతి ఎంత గొప్పదో ఈ దెబ్బతో అందరికీ తెలియజేసింది.   ఆదెబ్బకి మొదట విలవిలలాడుతున్నది తే.దే.పా. అని వేరే చెప్పనవసరం లేదు. ఇంత వరకు తన ‘రెండు కళ్ళ సిద్దాంతము’తో ఎలాగో మెల్లగా నెట్టుకొచ్చేస్తున్న తే.దే.పా.ఇప్పుడు తప్పని సరిగా తన మనసులో మాట చెప్పవలసిన పరిస్తితి ఏర్పడింది. గత కొన్ని రోజులుగా తెలంగాణాలో పర్యటిస్తున్న చంద్రబాబు ఇంతవరకు రోజు అక్కడి ప్రజలతో తానూ తెలంగాణా వ్యతిరేఖిని కానని నొక్కి జెప్పుతూ, ఒక వేళ కాంగ్రేసు గాని తెలంగాణా ఇచ్చేమాటయితే తానూ అడ్డు చెప్పబోనని కూడా పదే పదే ప్రజలకి వాగ్దానం చేస్తూ వచ్చేడు. అంతే గాక, తానూ ఈ విషయమై కాంగ్రేసుకి లేఖ వ్రాసినప్పటికీ తన దగ్గిరనుండి ఇంత వరకు ఎటువంటి సమాధానం రాలేదని, తెలంగాణా పట్ల తనకున్న చిత్తశుద్ధి కాంగ్రెస్కు లేక పోవడం వల్లే అలాగ సాగాదీస్తోందనీ తెలంగాణా ప్రజలకి సవివరంగా చెపుతూ తనదయిన పద్దతిలో ముందుకు సాగిపోతున్నప్పుడు, కాంగ్రెస్, తన హట్టాత్ ప్రకటనతో చంద్రబాబుని తెలంగాణాలో ఉండగానే అతని మాటలతోనే అతనిని బంధించింది.   తెలంగాణా విషయంలో కాంగ్రెస్ ఏమి చేస్తుందనేది అప్రస్తుతం. గాని ఆ విషయంలో చంద్రబాబు ఏమి చెప్పబోతున్నడనేదదే ఇప్పుడు అందరికీ ఆసక్తికరంగా మారింది. ఒకవేళ తెలంగాణాకి వ్యతిరేఖంగా మాట్లాడితే, ఇప్పటికే తే.రా.సా., తల్లీ పిల్ల కాంగ్రేసులు ప్రచారం చేస్తున్న ‘చంద్రబాబు నమ్మ దాగిన వ్యక్తీ కాడు” అనే మాటలు నిజం చేసిన వాడవుతాడు. తద్వారా కేవలం తెలంగాణాలోనే గాకుండా, రాష్ట్రం మొత్తం ఆ సంగతి ప్రచారం చేసుకొనేందుకు తే.రా.సా., తల్లీ పిల్ల కాంగ్రేసులకు చేతులారా అవకాశం ఇచ్చినట్లవుతుంది. అంతేగాక, ఆదెబ్బతో తెలంగాణాలో తే.దే.పా. తుడుచుపెట్టుకు పోయినా ఆశ్చర్య పోనక్కరలేదు. ఎందుకంటే, పార్టీలో ఇంతకాలం ఇబ్బందిగా కొనసాగుతున్న తెలంగాణా నేతలు, తమ రాజకీయ భవిష్యత్తు కోసమయినా పార్టీని విడువక మానరు. అప్పుడు, తే.దే.పా.కు తెలంగాణాలో పార్టీని మళ్ళీ పునర్ నిర్మించుకోవడం సాధ్యం కాని పని. గనుక, ‘అఖిలంలో’ చంద్రబాబు ‘జై తెలంగాణా’ అనక తప్పదు.   అప్పుడు, పార్టీలో రెండోవర్గాన్ని ఎలాగ సముదాయిన్చగలడు? అనే ప్రశ్నవస్తుంది. కానీ, తెలంగాణా సమస్యతో రాజకీయ అస్తిరత ఎలాగ ఉంటుందో, అది తమ రాజకీయ జీవితాలని ఎంతగా ఇబ్బంది పెడుతోందో అనుభవపూర్వకం గ్రహించిన సీమంద్ర నేతలను ఇప్పుడు మాత్రమె ఒప్పించడము సులువు అని చంద్రబాబుకి తెలిసే ఉంటుంది. చంద్రబాబు ‘జై తెలంగాణా’ అన్నపుడు మిగిలిన పార్టీలకి అంతకన్నా మరో దారి, అవకాశం, అవసరము లేదు, ఉండదు. అందువల్ల ‘అఖిలంలో’ తే.దే.పా. సై అన్నప్పుడు, తరువాత సహజంగా కాంగ్రేసు వంతువస్తుంది. ప్రస్తుత పరిస్తితుల్లో వెంటనే తెలంగాణా గాని ఇచ్చేసే అవకాశం ఎటూ లేదు గనుక, కోడి గుడ్లు పొదిగినట్లు కాంగ్రెస్ తెలంగాణా అంశాన్ని కూడా 2014 ఎన్నికలవరకూ వరకు పొదుగుతూ కూర్చొని, అప్పుడు ఎన్నికలముందు ఏదో ఒకసానుకూల ప్రకటన చేసేసి తెలంగాణా ఓట్లు తన ఖాతాలో జమ చేసుకొనే ప్రయత్నం చేయవచ్చు.   పనిలో పనిగా, ఇప్పటికీ సిద్దంగా ఉన్న తే.రా.సా.ను, తన పిల్ల కంగ్రేసునీ కూడా తనలో కలిపెసుకొనే అవకాశాలు పుష్కలంగా ఉన్నాయి. అప్పుడు, మళ్లీ ఒక దెబ్బకి ఎన్ని పిట్టలో లెక్కబెట్టడం ఎవరితరమూ కాదు. కాకి లెక్కలు కట్టుకొన్నా, రాష్ట్రంలో తిరిగి అధికారం చేజిక్కించుకోవడం, తలనొప్పిగా మారిన తే.రా.సా. పిల్ల కాంగ్రేసులను లొంగదీసుని తన స్వంత ఆయుధాలుగా మార్చుకొని తే.దే.పా.ను తుడిచి పెట్టేసి రాష్ట్రాన్ని ఏక చత్రదిపత్యంగా పరిపాలిన్చేసుకోవడం, ‘తెలంగాణా ఇచ్చేది తెచ్చేది మేమే’ అన్న మాట నిలబెట్టుకొన్నఘనకీర్తీ, రాష్ట్రంలో మళ్లీ ప్రశాంతత తెచ్చమనే గొప్పలు చెప్పుకొనే అవకాశం పొందడం, ఆనక తాపిగా కావలిసినన్ని కుంభకోణాలు చేసుకొనే అవకాశం...ఇలాగ చెప్పుకుపోతే వాటికి అంతే ఉండదు.   ఇక, విభజనలో పీటముడి పడిన ఒకేఒక అంశం ‘హైదరాబాద్ ఎవరి సొంతం?” అనేది. ఒక పదేళ్ళో పదిహేనేళ్లో ‘కామన్ క్యాపిటల్’ చేసిపడేస్తే అప్పటి సంగతి అప్పుడు చూసు కోవచ్చుననే ఒక ‘ఆప్షన్’ ఎలాగు ఉంటుంది గనుక, ఆ సమస్యా ఇక తీరిపోయినట్లే! అయినా, అటు తెలంగాణాలోనూ ఇటు ఆంధ్రా ప్రాంతంలోనూ కాంగ్రేసే వడ్డిస్తున్నపుడు ఎవరికి మాత్రం సమస్యలుంటాయి? ‘వడ్డించేవాడు ‘మనోడయితే’ ఎక్కడ కూర్చున్నా అందవలసినవి అందుతూనే ఉంటాయని పెద్దలు ఊరికే చెప్పలేదు కదా!
    అవినీతి, రాజకీయాలలో ఒలింపిక్ పోటీలు పెడితే అవలీలగా బోలెడు స్వర్ణ పతకాలు కైవసం చేసుకోగల సత్తా ఉన్న మనదేశం, అసలయిన ఒలింపిక్స్ పోటీలలో పెద్దగా రాణించింది మాత్రం ఎప్పుడూలేదు. అందుకు మన రాజకీయ వ్యస్తని, ఆ రాజకీయ వ్యవస్తని భారత ఒలింపిక్స్ సంఘంలో సమర్ధంగా చ్చోపించిన మన ప్రభుత్వాన్నే తప్పు పట్టక తప్పదు అని మనకు తెలుసు. ఇప్పుడు అదే పని అంతర్ జాతీయ ఒలింపిక్స్ సంఘం చేసి చూపింది.   నిన్న విడుదల చేసిన ఒక ప్రకటనలో భారత ఒలింపిక్స్ సంఘాన్ని సస్పెండ్ చేస్తున్నట్లు అంతర్ జాతీయ ఒలింపిక్స్ సంఘం ప్రతినిధులు తెలియజేసారు. అంటే, త్వరలో జరుగనున్న ఒలింపిక్స్ పోటీలలో మన దేశం నిషేదించబడినట్లు లెక్క. అంతే గాక, సస్పెన్షన్ ఎత్తివేసే వరకూ ఇక మన భారత ఒలింపిక్స్ సంఘానికి అంతర్ జాతీయ ఒలింపిక్స్ సంఘం నుండి నిధులు కూడా రాబోవు. అసలే నిదులలేమితో కటకటలాడుతున్న మన భారత క్రీడాకారులకు ఇదో పెద్ద ఎదురుదెబ్బ అని చెప్పవచ్చును. మన క్రీడాకారులు ఒలింపిక్స్ పోటీలలో వ్యక్తిగత హోదాలో పాల్గొనవచ్చు గాని మన దేశానికి ప్రతినిధులుగా పాల్గొనలేరు. అంతే గాక, ఒలింపిక్స్ పోటీలలో మన జాతీయ జెండాని కూడా చేత బట్టుకోవడానికి కూడా వారికీ అనుమతి ఉండదు. ఇంత కంటే ఘోర అవమానం మరేముంటుంది మనకి? భారత ఒలింపిక్స్ సంఘంలో ప్రభుత్వ మరియు రాజకీయ ప్రమేయం ఉండకూడదని ఎన్నాళగానో హెచ్చరిస్తున్నాఆ హెచ్చరికలని పెడచెవిన బెట్టి, ‘స్కామ్ముల లలిత భానో’ని భారత ఒలింపిక్స్ సంఘానికి కార్యదర్శికగా ఏకగ్రీవంగా ఎంపిక చేయిన్చేసి చేతులు దులుపుకోంది మన ప్రభుత్వం.  అంతే గాకుండా, రాజకీయ పార్టీలతో నిత్యం భుజాలు రాసుకు తిరిగే అభయ్ సింగ్ చౌతాలా వారిని కూడా అదే చేత్తో బోర్డ్ సభుడిగా ఏకగ్రీవంగా ఎంపిక చేయిన్చేసి తన ఘనత చాటుకోంది మన భారత ప్రభుత్వం. అసలయిన గమ్మతేమిటంటే, మన భారత ఒలింపిక్స్ సంఘం బోర్డ్ ఎన్నికలు ఇంకా జరుగలేదు కూడా. ఈ రోజో రేపో అవి జరగవచ్చు. ప్రస్తుత భారత ఒలింపిక్స్ సంఘం తాత్కాలిక అధ్యక్షుడు వి.కె.మల్హోత్రా కూడా మన ఒలింపిక్ బోర్డులో రాజకీయాలు చొప్పించవద్దని గత రెండు సంవత్సరాలుగా యెంత మొత్తుకొన్న వినకుండా మన భారత ప్రభుత్వం చేసిన ఘన కార్యానికి ఫలితం ఇప్పుడు ఇలాగ అందరూ అనుభవించాల్సి వస్తోంది. మరో విషాదకరమయిన విషయమేమిటంటే ఈ సంగతి తెలిసి మీడియా వాళ్ళు సదరు మంత్రి వర్యులని మీ ప్రతిస్పందన ఏమిటని అడిగితె ‘దురదృష్టకరం’ అని ఒక్కమాటతో తేల్చి పారేసాడు. సంఘం సభ్యులని కూడా అడిగినప్పుడు వాళ్ళు కూడా అదే నిర్లక్ష్యంతో ‘ఆ సంగతి మాదాక ఇంకా రాలేదు, వచ్చినప్పుడు చూద్దాము,” అని నిర్లజ్జగా జవాబుఇచ్చి ఈవిషయంలో తీవ్రకలత చెందుతున్న కోట్లాది భారతీయులని మరనేకమంది క్రీకారులని కూడా ఆశ్చర్యపరిచేరు.
    ముందే అనుకోనట్లుగానే తెలంగాణాలో షర్మిల పాదయాత్ర ఇబ్బందుల్లో పడింది. అసలే తన ‘గద్వాల్ సవాల్’ తో కాకమీదున్న తే.రా.స.కి మరింత పొగబెడుతున్నట్లు రోజా చేసిన కామెంట్స్ కొత్త తల నొప్పులు తెచ్చి పెట్టాయి. పిల్లిని చంకన పెట్టుకు పెళ్లికి వెళ్ళినట్లు, కాస్త నోటితీట ఉన్న రోజాని వెంటబెట్టుకువెళ్ళిన జగన్ సోదరి షర్మిలకి, మొన్న ఆమె మెహబూబ్ నగర్ లో చేసిన ఉపన్యాసంతో ముందు  నుయ్యి వెనక గొయ్యి అన్నట్లు తయారయింది షర్మిలాకి ఇప్పుడు. మొన్న షర్మిలమ్మ పాదయాత్రలో కాలుకలిపిన యాంకరమ్మ రోజా తమకు నిరసనలు తెలియ జేస్తున్న ప్రజలని ఉద్దేశించి మాట్లాడుతూ “ప్రజలకి నచ్చినవాడు, మెచ్చినవాడే అసలయిన నాయకుడు అవుతాడు తప్ప ఏవో మాయమాటలు చెప్పినవాడు కాలేడు. నిజం చెప్పాలంటే, మన షర్మిల పాదయాత్రలకి తెలంగాణా ప్రజలు నీరాజనంపట్టడం చూస్తున్న తే.రా.స. నాయకులకి అప్పుడే బెంగ పట్టుకొంది. అందుకే ఇలాగ అమాయకులయిన ప్రజలని రెచ్చగొట్టి మమల్ని అడ్డుకోవాలని చూస్తునారు. గాని, తెలంగాణా ప్రజలు వై.యస్.ఆర్. కాంగ్రేసుకి బ్రహ్మరధం పడుతున్నారు,” అని చెప్పుకొచ్చింది అందాల యాంకరమ్మ మన రోజమ్మ. శల్య సారద్యం చేస్తున్న ఆమెని వారించలేక సమర్దించను లేక షర్మిలమ్మ పాపం ఎంత బాధ పడిందో ఎవరికీ తెలీదు. ఈ రోజు పాలమూరు వద్ద కొందరు తెలంగాణా విద్యార్దులు ఆమెపైకి రాళ్ళు విసిరి ఆమె మహాప్రస్తానానికి గండికొట్టాలని చూసారు. గాని, సమయానికి పోలీసులు అడ్డు పడటంతో  అప్పటికి గడ్డం గట్టెకింది. ‘ఇన్ ఫ్రంట్ దేరీస్ క్రోకడైల్ ఫెస్టివల్ సుమీ!’ అని షర్మిల మనసులో  గొణుకొంటూ మళ్లీ జర్మనీ బూట్లతో నడక మొదలు పెట్టింది.  
    చంద్రబాబు నాయుడు "వస్తున్నా మీ కోసం" యాత్రలో రికార్డ్ సృష్టించారు. 63 ఏళ్లలో 63 రోజుల్లో1000 కిలోమీటర్లు పూర్తి చేయడం విశేషం. అక్టోబర్ 2న ప్రతిష్టాత్మకంగా చేపట్టిన పాదయాత్ర నేటికి 63వ రోజుకు చేరుతుంది. ఆరు, మూడు కలిపితే 9 సంఖ్య వస్తుంది. అదే విధంగా సోమవారంనాటి తేదీ 3.12.12. ఈ మూడింటిని కూడితే కూడా 9 వస్తోంది. పైగా, చంద్రబాబు వయస్సు 63 ఏళ్లు. ఇదీ 9 సంఖ్యను తెచ్చిపెడుతోంది. చంద్రబాబు పాదయాత్ర చేపట్టిన వేయి కిలోమీటర్లు పూర్తన్న సమయంలో 9 అదృష్ట సంఖ్య కలిసి వచ్చిందని, ఇది శుభసూచకమని అంటున్నారు. నిజామాబాద్ జిల్లాలో చంద్రబాబు పాదయాత్ర 1000 కిలోమీటర్లు దాటనున్నారు. 62 రోజుల్లో ఐదు జిల్లాల్లో యాత్రను పూర్తి చేసిన విషయం తెలిసిందే. ఈ . బోధన్ మండలం పెంటాఖుర్దులో చంద్రబాబు 1000 కిలోమీటర్ల మైలురాయి దాటనున్నారు.  ఈ విశిష్ట సందర్భాన్ని పురస్కరించుకొని టీడీపీ శ్రేణులు ప్రత్యేక కార్యక్రమాలు చేపడుతున్నారు. 1982 డిసెంబర్ 2న జాడి జమాల్‌పూర్‌లో ఎన్టీఆర్ బస చేసిన సందర్భాన్నీ గుర్తు చేసుకుంటున్నారు. ఇప్పుడు బాబు కూడా డిసెంబర్ 3న అదే గ్రామంలో బస చేయనున్నారు. ఈ సందర్భంగా ఆ గ్రామంలో స్తూపాన్ని ఏర్పాటు చేస్తున్నారు. జాడి, పెంటాఖర్దుల్లో ఏర్పాటుచేసిన ఎన్టీఆర్ విగ్రహాలను బాబు ఆవిష్కరిస్తారు. అలాగే వెయ్యి మంది మహిళలతో పాదయాత్ర నిర్వహించనున్నారు. మరోవైపు బాబు పాదయాత్ర వెయ్యి కిలోమీటర్లు పూర్తిచేసుకుంటున్న సందర్భాన్ని రాష్ట్రమంతటా కార్యకర్తలు ఘనంగా జరుపుకుంటున్నారు. చంద్రబాబు పాదయాత్ర వెయ్యి కిలోమీటర్లు పూర్తి చేసుకున్న సందర్బంగా విశాఖపట్నం జగదాంబ కూడలి వద్ద విశాఖ దక్షిణ నియోజకవర్గ ఇంచార్జ్ వాసుపల్లి గణేష్ కుమార్ మోకాళ్ల యాత్ర చేశారు. ఈ యాత్రకు నియోజకవర్గం కార్యకర్తలు భారీగా తరలి వచ్చారు. చంద్రబాబు ముఖ్యమంత్రి కావాలని రాష్ట్ర ప్రజలు కోరుకుంటున్నారని అన్నారు.
    మందు బాబులకు దిమ్మ తిరిగేలా ప్రభుత్వం మద్యం ధరలను పెంచేసింది. ప్రీమియం, మీడియం బ్రాండ్ల మద్యం ధరలను పెంచుతూ ఎక్సైజ్ శాఖ ముఖ్య కార్యదర్శి అసుతోష్ మిశ్రా ఉత్తర్వులు జారీ చేశారు. ఎక్సైజ్ డ్యూటీ, ట్రేడ్ మార్జిన్ పెంచడంతో, సర్కారుకు దాదాపు వెయ్యి కోట్ల రూపాయల ఆదాయం వచ్చే అవకాశాలున్నాయి. ఈ మార్పులు శనివారం నుండి అమల్లోకి వస్తాయి. ఎక్సైజ్ డ్యూటీ లో పెద్దగా మార్పులు లేవు. అయితే, బేసిక్ ధర రూ.400 నుండి రూ. 450 వరకూ రేంజ్ ను సృష్టించి ప్రూఫ్ లీటర్ కు రూ. 75 చొప్పున ఎక్సైజ్ డ్యూటీ ని విధించింది. ఈ నిర్ణయం వల్ల క్వార్టర్ బాటిల్ ధర రూ.4 నుండి రూ.  5 వరకూ పెరగనుంది. మధ్య తరగతి ప్రజలే ఎక్కువగా ఇలాంటి మద్యాన్ని తాగుతుంటారు. అయితే, ఇప్పటికే వ్యాపారుస్తుల వద్ద ఉన్న మద్యాన్ని పాత ధరలకే విక్రయించాల్సి ఉంటుంది. రేపటి నుండి ఏపిబిసిఎల్ డిపోల నుండి తీసుకువెళ్ళే మద్యానికి మాత్రం కొత్త ధరలు వర్తిస్తాయి. పాత సరుకును మారిన ధరలకు విక్రయిస్తే కఠిన చర్యలు తీసుకొంటామని ఎన్ఫోర్స్మెంట్ డైరెక్టర్ దేవేంద్ర సింగ్ స్పష్టం చేశారు. ఈ విషయంలో వినియోగదారులు 040-24612756, 9966222271 నంబర్లకు ఫిర్యాదు చేయవచ్చని అయన అన్నారు. హైదరాబాద్ సిటిలో సుమారు 130 మద్యం దుకాణాలు ఉంటే, నగరం నుండి దాదాపు 700 కోట్ల రూపాయల ఆదాయం ప్రభుత్వానికి వస్తుంది. కొత్త సంవత్సర వేడుకలకు సిద్దమవుతన్న మందు బాబులు ధరలు పెరగడంతో ఒక్కసారిగా ఖంగు తిన్నారు. మద్యం వ్యాపారుల వత్తిడులకు తలొగ్గే ఈ ధరలను పెంచారని తెలుగు దేశం నేత దాడి వీర భద్ర రావు విమర్శించారు. ధరలు పెరగడం వల్ల వీటికి అలవాటు అయిన పేదలు నాటు సారాను తాగి ప్రాణాలు పోగొట్టుకొనే అవకాశం ఉందని ఆయన అన్నారు.
    ఆస్ట్రేలియా కు రెండు సార్లు ప్రపంచ కప్ అందించిన రికీ పాంటింగ్ అంతర్జాతీయ క్రికెట్ నుండి నిష్క్రమించాడు. ఆ దేశానికి అత్యంత విజయవంత మైన కెప్టెన్ గా గుర్తింపు పొందిన పాంటింగ్ తన 17 సంవత్సరాల కెరీర్ కు గుడ్ బై చెప్పాలని నిర్ణయించాడు. త్వరలో పెర్త్ లో జరిగే టెస్ట్ మ్యాచ్ పాంటింగ్ కు చివరి మ్యాచ్ కానుంది. ప్రస్తుతం తన అట తీరు సరిగా లేదని, ఇక జట్టుకు భారం కాకూడదనే ఈ నిర్ణయం తీసుకున్నట్లు పాంటింగ్ వెల్లడించారు. దీనితో, ఆస్ట్రేలియా క్రికెట్ లో ఓ శకం ముగిసినట్లయింది. 167 టెస్టులు ఆడిన పాంటింగ్  13366 పరుగులు చేసాడు. ఇందులో 41 సెంచరీలు ఉన్నాయి.  257 అతని అత్త్యుత్తమ స్కోరు. అలాగే, 375 వన్డే లు ఆడి 13704 పరుగులు చేసాడు. ఇందులో 30 సెంచరీలు ఉన్నాయి. 17 టి 20మ్యాచ్ లు కూడా ఆడి,  401 పరుగులు చేసాడు. పాంటింగ్ 77 టెస్ట్ మ్యాచ్ ల్లో తన దేశానికీ నాయకత్వం అందించాడు.అందులో 48 మ్యాచ్ ల్లో ఆసీస్ విజయం సాధించింది. 228 వన్డే ల్లో ఆసీస్ కు నాయకత్వం అందించిన పాంటింగ్ 164 మ్యాచ్ ల్లో జట్టుకు విజయాన్ని అందించాడు. మూడు ప్రపంచ కప్ లు గెలిచిన జట్టులో పాంటింగ్ సభ్యుడు. 38 సంవత్సరాల పాంటింగ్ రిటైర్మెంట్ ప్రకటించడంతో, ఇక అందరి కళ్ళు సచిన్ టెండూల్కర్ ఫై ఉంటాయనడంలో ఎలాంటి సందేహం లేదు. సచిన్ రిటైర్మెంట్ కు సంబంధించి ఇక ఒత్తిడి అధికం అయ్యే అవకాశాలు ఉన్నాయి.  
    సత్యమేవ జయతే.. ప్రస్తుతానికి మీడియాలో బాగా నలుగుతున్న మీడియా గేమ్ షో.. దీంట్లో పాల్గొన్నవాళ్లు తమ అనుభవాల్ని అభిప్రాయాల్ని చెబుతుంటే జనం చెవులు రిక్కించుకుని వింటున్నారు. రేటింగ్స్ కూడా బాగా వస్తున్నాయ్.   కానీ.. ఈ షో.. కారణంగా ఓ మర్డర్ కూడా జరిగింది. ఇంట్లో వాళ్లకు ఇష్టంలేకుండా ప్రేమించిన పిల్లని పెళ్లిచేసుకున్న ఓ అబ్దుల్ అనే కుర్రాడి జీవితం ముగిసిపోయింది. షో లో అమీర్ వివరాలు అడుగుతుంటే భార్యాభర్తలిద్దరూ ఉద్వేగంగా సమాధానాలు చెప్పారు. శభాష్ అంటూ చప్పట్లు కొట్టిన అమీర్.. అన్ని రకాలుగానూ అండగా నిలుస్తామంటూ ప్రోత్సహమిచ్చాడు.   షో పూర్తయ్యాక.. ఒకవేళ తమ వాళ్లకి తమమీద కోపం తగ్గిపోయుంటుందేమో అన్న ఆశతో వాళ్లని చూసేందుకు ఇద్దరూ వరుడి పుట్టింటికెళ్లారు. ఏళ్ల తర్వాత కూడా పగని చల్లార్చుకోని వరుడి కుటుంబసభ్యులు పెద్దగా పోట్లాటకొచ్చారు. నేరుగా తుపాకీ తీసుకొచ్చి మొహబిన్ కళ్లముందే అబ్దుల్ ని కాల్చిపారేశారు. బాధితుడు స్పాట్ లో కుప్పకూలాడు.  

రూ. 97 కోట్ల ప్రాప‌ర్టీ కొన్న హృతిక్‌!

  ముంబైలోని సంప‌న్నులు అధికంగా నివాసం ఉండే జుహు-వెర్సోవా లింక్ రోడ్‌లో ఉన్న ఓ కొత్త ఆస్తిని బాలీవుడ్ స్టార్ యాక్ట‌ర్ హృతిక్ రోష‌న్ కొనుగోలు చేశాడ‌నీ,  దాని విలువ రూ. 97.50 కోట్లనీ ఆదివారం ఓ న్యూస్ ప్ర‌చారంలోకి వ‌చ్చింది. ఈ న్యూస్‌ను హృతిక్ తండ్రి రాకేశ్ రోష‌న్ ధ్రువీక‌రించారు. అయితే ఇప్పుడే ఆ ఇంట్లోకి వెళ్లే ఆలోచ‌న హృతిక్‌కు లేద‌ని స‌మాచారం. "త‌ల్లిదండ్రుల‌కు, కుటుంబానికి హృతిక్ బాగా ఎటాచ్డ్‌గా ఉంటాడు. అందుక‌ని ఇప్పుడు కొత్త చోటుకు వెళ్లే ఆలోచ‌న అత‌ను చేయ‌డు. అత‌ను కొన్న రెండు అపార్ట్‌మెంట్ ఫ్లాట్స్ కూడా భ‌విష్య‌త్తులో త‌న ఇద్ద‌రు కొడుకులకు ఇవ్వ‌డం కోసం" అని అతని ఫ్యామిలీ ఫ్రెండ్ ఒక‌రు చెప్పారు. ఒక‌వేళ త‌ల్లిదండ్రులు క‌నుక త‌న‌తో పాటు వ‌చ్చేట్ల‌యితే కొత్త‌చోటుకు వెళ్లవ‌చ్చని ఆయ‌న తెలిపారు.

కార్తికేయతో సమంత... మాటలయ్యాయి!

  యువ కథానాయకుడు, 'ఆర్ఎక్స్ 100' ఫేమ్ కార్తికేయతో అగ్ర కథానాయిక సమంత నటిస్తుందా? అంటే... 'నటించవచ్చు' అని సమాధానం చెప్పాలి. 'వైల్డ్ డాగ్' చిత్రీకరణ నిమిత్తం కింగ్ అక్కినేని నాగార్జున మనాలి వెళ్లడంతో... ఆదివారం బిగ్ బాస్ ఎపిసోడ్ హోస్ట్ గా ఆయన కోడలు సమంత వచ్చారు. ఇదే షోలో కార్తికేయ కూడా సందడి చేశారు. ఆయన ఓ పాటకు డాన్స్ చేశారు. ఆ తరువాత కార్తికేయ, సమంత మధ్య సినిమాకు సంబంధించిన చర్చ జరిగింది. షో నుండి 'మహర్షి' ఫేమ్ దేవి ఆదివారం ఎలిమినేట్ అయింది. ఆ సమయంలో కార్తికేయ స్టేజి మీద ఉన్నాడు. "దేవికి నీ సినిమాలో ఛాన్స్ ఇవ్వాలి" అని కార్తికేయను సమంత రిక్వెస్ట్ చేశారు. "మహేష్ గారి సినిమాలో ఆ అమ్మాయి నటించింది" అని గుర్తు చేస్తూనే... తన సినిమాలో అవకాశం తప్పకుండా ఇస్తానని మాటిచ్చాడు. పనిలో పనిగా తనతో ఓ సినిమాలో నటించాల్సిందిగా సమంతను రిక్వెస్ట్ చేశాడు. వెంటనే సమంత ఓకే చెప్పేశారు. మనం ముగ్గురం కలిసి ఓ సినిమాలో నటిద్దామని మాటిచ్చేశారు. మాటలు అయితే పూర్తయ్యాయి... దర్శక నిర్మాతలు ఎవరైనా మంచి కథతో వెళ్తే సినిమా కూడా పట్టాలు ఎక్కుతుందని ఆశించవచ్చు. ‌

'మిర్జాపూర్ 1'కి 12 కోట్లు.. 'మిర్జాపూర్ 2'కి 60 కోట్లు!

ఇప్పుడు ఎవ‌రైనా ఈజీగా ఊహించేయ‌వ‌చ్చు.. 'మిర్జాపూర్' సిరీస్‌కు మూడో సీజ‌న్ కూడా వ‌స్తుంద‌ని. ఎందుకంటే 'మిర్జాపూర్' సిరీస్‌ ఇండియాలోని వెబ్ సిరీస్‌ల‌కు సంబంధించిన అన్ని రికార్డుల‌నూ బ్రేక్‌చేసి, ఇండియ‌న్ డిజిట‌ల్ సిరీస్‌ల‌లో అత్య‌ధికులు వీక్షించిన సిరీస్‌గా స‌రికొత్త చ‌రిత్ర‌ను సృష్టించింది! ఒక రాజ‌కీయ హంత‌కుల కుంటుంబంలోని పెద్ద‌గా న‌టించిన పంక‌జ్ త్రిపాఠి ఇంత‌కు ముందెప్పుడూ త‌ను న‌టించిన సినిమాలు లేదా సీరియ‌ల్స్‌లో ఈ త‌ర‌హా క్రేజ్ చూడ‌లేద‌ని చెప్పారు. "మిర్జాపూర్ సీక్వెల్‌కు వ్య‌క్త‌మైన కుతూహ‌లం, ఉత్సాహం నేను ఇంత‌దాకా చూసిన దేనికైనా మించిపోయింది. నేనెక్క‌డికి వెళ్లినా 'మిర్జాపూర్ 2'లో నేను పోషించిన క‌లీన్ భ‌య్యా క్యారెక్ట‌ర్ గురించే అడుగుతున్నారు. నేనింత దాకా పోషించిన ఏ క్యారెక్ట‌ర్‌కూ ఇలాంటి స్పంద‌న‌ను చూడ‌లేదు" అని ఆయ‌న తెలిపారు. 'మిర్జాపూర్‌'లో ఇత‌ర క్యారెక్ట‌ర్ల‌కు వ‌చ్చిన క్రేజ్ కూడా ఓటీటీ ప్లాట్‌ఫామ్‌పై ఇంత‌దాకా మ‌నం చూసి ఉండ‌లేద‌నేది నిజం. ఫ‌స్ట్ సీజ‌న్‌తో పోలిస్తే 'మిర్జాపూర్ 2' బ‌డ్జెట్ ఐదు రెట్లు ఎక్కువ అని అమెజాన్ ప్రైమ్‌కు చెందిన వ‌ర్గాలు వెల్ల‌డించాయి. "ఫ‌స్ట్ సీజ‌న్‌కు చెల్లించిన దానికంటే రెట్టింపు పారితోషికాన్ని ప్ర‌తి ప్ర‌ధాన యాక్ట‌ర్‌కూ చెల్లించారు. క‌లీన్ భ‌య్యా (పంక‌జ్ త్రిపాఠి), గుడ్డు (అలీ ఫ‌జ‌ల్‌), మున్నా (దివ్యేందు త్రిపాఠి) క్యారెక్ట‌ర్లు భారీ బ‌డ్జెట్ యాక్ష‌న్ సినిమాల్లో న‌టించే వెండితెర హీరోల‌కు మించి పాపులారిటీ తెచ్చుకున్నాయి" అని ఆ వ‌ర్గాలు చెప్పాయి. 'మిర్జాపూర్' ఫ‌స్ట్ సీజ‌న్‌కు కేవ‌లం రూ. 12 కోట్లు ఖ‌ర్చ‌వ‌గా, 'మిర్జాపూర్ 2'ను దాదాపు రూ. 60 కోట్ల భారీ బ‌డ్జెట్‌తో నిర్మించారు. ఇక సీజ‌న్ బ‌డ్జెట్‌ను మ‌రో 30 శాతం దాకా పెంచ‌నున్నార‌ని స‌మాచారం.

అయ్యయ్యో... ఆలియా ఫాలోయర్లు మళ్ళీ తగ్గెనే!

  పాపం ఆలియా భట్! తనకు ఇన్‌స్టాగ్రామ్‌లో 50 మిలియన్ (5 కోట్ల మంది) ఫాలోయర్లు వచ్చారని సంతోషపడుతూ శనివారం నాడు ఒక పోస్ట్ పెట్టారు. అయితే, ఆ సంతోషం ఎంతోసేపు నిలవలేదు. ప్రస్తుతం ఆమె ఇన్‌స్టా ఫాలోయర్లు 49.9 మిలియనే. అంటే... పోస్ట్ పెట్టిన తరువాత సుమారు లక్ష మంది తగ్గారు అన్నమాట. సుశాంత్ సింగ్ రాజ్‌పుత్ మరణం తరువాత అలియాపై సోషల్ మీడియాలో తీవ్ర వ్యతిరేకత వ్యక్తమైంది. ఆమె నటించిన 'సడక్ 2'కి విపరీతంగా డిస్ లైకులు కొట్టారు. ఆలీయాను ట్రోల్ చేశారు. ఇవన్నీ పట్టించుకోకుండా తన పని తాను చేసుకుంటూ ముందుకు వెళుతున్నారు. 50 మిలియన్ ఫాలోయర్లు వచ్చిన సందర్భంగా పెట్టిన పోస్టులోనూ లైకులు లేదా డిస్ లైకులు, ఫాలో లేదా అన్ ఫాలో, ట్రోల్ లేదా పోల్ మన నుండి మనల్ని వేరు చేయలేవని అలియా పేర్కొన్నారు.

పవన్ సినిమాకి చిరు-మోహన్ బాబు సినిమా టైటిల్?!

  పవన్ కళ్యాణ్ కథానాయకుడిగా సాగర్ కె. చంద్ర దర్శకత్వంలో ఓ సినిమా నిర్మిస్తున్నట్టు హారిక అండ్ హాసిని క్రియేషన్స్ అనుబంధ సంస్థ సితార ఎంటెర్టైనెంట్స్ నుండి ప్రకటన వచ్చింది. మలయాళ సినిమా 'అయ్యప్పనుమ్ కోషియుమ్'కి ఇది రీమేక్ అనే సంగతి తెలిసిందే. మలయాళంలో బిజూ మీనన్ పోషించిన పోలీస్ పాత్రను పవన్ చేయనున్నారు. పృథ్వీరాజ్ సుకుమారన్ పాత్రలో రానా దగ్గుబాటి నటించే అవకాశాలు పుష్కలంగా ఉన్నాయి. నిర్మాతలు ఆ సంగతి అధికారికంగా ప్రకటించలేదు. విజయ దశమి సందర్భంగా పవన్ హీరోగా సినిమా నిర్మిస్తున్నట్టు మాత్రమే ప్రకటించారు. ఈ సందర్భంగా విడుదల చేసిన అనౌన్స్‌మెంట్ టీజర్‌లో తమన్ నేపథ్య సంగీతాన్ని నిశితంగా గమనిస్తే... 'బిల్లా - రంగా' సౌండ్ వినబడుతుంది. 'అయ్యప్ప‌నుమ్ కోషియుమ్' రీమేక్ కి 'బిల్లా - రంగా' టైటిల్ ఖరారు చేసినట్టు తెలుస్తోంది. దాంతో సినిమాలో బిల్లా ఎవరు? రంగా ఎవరు? అనే ఆసక్తి అభిమానుల్లో మొదలైంది. గతంలో చిరంజీవి, మోహన్ బాబు హీరోలుగా 'బిల్లా రంగా' అని ఓ సినిమా వచ్చింది. అందులో బిల్లా పాత్రలో చిరు, రంగా పాత్రలో మోహన్ బాబు నటించారు. సో... బిల్లా పాత్రలో పవన్ కనిపిస్తారని ఊహించవచ్చు.

మాటే మంత్రం

అనగనగా ఓ అందమైన రాజ్యం. ఆ రాజ్యానికి ఓసారి పెద్ద ఆపద వచ్చింది. శత్రుదేశం వారు తమ రాజుని బంధించి తీసుకుపోయారు. ఆ శత్రుదేశపు కోటలోకి అడుగుపెట్టి, రాజుగారిని విడిపించుకుంటే కానీ... తమ రాజ్యానికి భవిష్యత్తు ఉండదు. కానీ ఎలా ఆ శత్రుదేశం సాధారణమైనది కాదు. ఆ దేశానికి ఉన్న కోటగోడలు ఆకాశాన్ని తాకేంత పెద్దవి. ఆ కోటగోడలను దూకి ఎలాగైనా లోపలకి ప్రవేశించేందుకు ఓ వందమంది యోధులు బయల్దేరారు. అంత పెద్ద కోట గోడని ఎవ్వరూ ఎక్కి రాలేరులే అన్న ధీమాతో శత్రుసైనికులు కోట లోపలే ఏదో పండుగ సంబరాలలో మునిగిపోయి ఉన్నారు. కోటగోడను చేరుకున్న తర్వాత తల పైకెత్తి చూసిన యోధులకు కళ్లు తిరిగిపోయాయి. ‘అబ్బే ఈ గోడని ఎక్కడం మన వల్ల కాదెహే!’ అంటూ ఓ యోధుడు ముందుగానే కూలబడిపోయాడు. మరికొందరు ఓ నాలుగడుగులు పైకెక్కి.... ‘అబ్బే ఈ గోడ నున్నగా జారిపోతోంది. దీన్ని ఎక్కడం అసాధ్యం,’ అంటూ చెట్ల కిందకి చేరుకున్నారు. అలా ఒకొక్కరే కోటగోడను ఎక్కే ప్రయత్నాన్ని విరమించుకోసాగారు. పైగా ఎక్కుతున్నవారితో కూడా ‘ఆ కోటని ఎక్కడం మానవమాత్రులకు సాధ్యం కాదు. ఇంత ఎత్తైన కోట గోడల వల్లే, ఈ రాజ్యం ఇంత గొప్పదయ్యింది,’ అని అరుస్తూ నిరుత్సాహపరచసాగారు.   ఒకవేళ ఆ మాటలు వినిపించుకోకుండా ఎవరన్నా మరికాస్త పైకి ఎక్కే ప్రయత్నం చేస్తే- ‘చెబుతోంది నీకే! బతికుంటే మరో రాజుని ఎన్నుకోవచ్చు. అనవసరంగా ఈ గోడని ఎక్కి నీ ప్రాణాలు కోల్పోవద్దు,’ అంటూ అరిచి గీపెట్టారు. కానీ అదేం విచిత్రమో కానీ, ఒక వ్యక్తి మాత్రం తనకి వినిపించే మాటలను ఏమాత్రం ఖాతరు చేయకుండా క్రమంగా పైకి ఎక్కసాగాడు. అలా ఎక్కే ప్రయత్నంలో, నాలుగడుగులు పైకి ఎక్కితే పది అడుగులు కిందకి జారిపోతున్నాడు. కాళ్లూ చేతులూ దోక్కుపోయి రక్తం ఓడుతున్నాడు. అయినా పట్టువిడవకుండా గోడ ఎక్కుతూనే ఉన్నాడు. అతను మూర్ఖుడనీ, చావుకి సిద్ధపడుతున్నాడనీ కింద ఉన్నవాళ్లు అరుస్తూనే ఉన్నారు. ఎట్టకేళకు ఓ అయిదు గంటలు గడిచిన తర్వాత... ఆ వ్యక్తి కోట గోడను చేరుకున్నాడు. శత్రువుల కంట పడకుండా కోట తలుపులు తీసి తన తోటివారిని లోపలకి తీసుకువెళ్లాడు.   వందమంది యోధులూ కలిసి శత్రుసైనికులను తుదముట్టించారు. తమ రాజుగారిని విడిపించుకుని విజయంతో తమ రాజ్యానికి చేరుకున్నారు. ‘ఎవరు ఎంతగా నిరుత్సాహపరిచినా కూడా ఇతగాడు వెనక్కి తగ్గలేదు ప్రభూ! కోట గోడని ఎక్కేదాకి తన ప్రయత్నాన్ని విరమించలేదు,’ అంటూ ఆ ఒక్క వీరుడినీ రాజుగారికి పరిచయం చేశాడు సేనాధిపతి. తన ముందు నిలబడిన ఆ వీరుని చూసిన రాజుగారు తెగ ఆశ్చర్యపోయారు. కారణం... అతను చెవిటివాడు. ‘ఒకోసారి మనల్ని నిరుత్సాహపరిచే మాటలు చెవిన పడకపోవడమే మంచిది మహారాజా! కోటగోడను ఎవ్వరూ ఎక్కలేరంటూ తోటివారంతా అరిచిన అరుపులు ఇతనికి వినపడకపోవడం వల్లే, తన లక్ష్యాన్ని చేరుకోగలిగాడు. ఒకోసారి మన లక్ష్యాన్ని చేరుకోవాలంటే ఇలా చెవిటివాడిలాగా ఇతరుల మాటలను వినిపించుకోకపోవడమే మంచిదేమో!’ అన్నాడు సేనాధిపతి. (ప్రచారంలో ఉన్న కథ ఆధారంగా) - నిర్జర.

నిబ్బరంగా ఉండకపోతే

అది ఓ పెద్ద పడవ. ఆ పడవలో వందమందికి పైగా ప్రయాణికులు పయనిస్తున్నారు. అకస్మాత్తుగా ఆకాశం మేఘావృతమైపోయింది. చూస్తూ చూస్తుండగానే చిరుజల్లు మొదలైంది. ఆ చిరుజల్లు కాస్తా క్షణాల్లో పెనుతుపానుగా మారిపోయింది. పడవలోని ప్రయాణికులంతా బిక్కుబిక్కుమంటూ ఆ పరిస్థితిని గమనిస్తున్నారు. తాము ఎలాగైనా సురక్షితంగా బయటపడితే బాగుండురా భగవంతుడా! అని ఆకాశం వైపు చేతులెత్తి ప్రార్థిస్తున్నారు. కానీ ఒక ప్రయాణికుడు మాత్రం ఈ పరిస్థితిని తట్టుకోలేకపోయాడు. అరుపులు, ఏడుపులు, శాపనార్థాలతో గోల పెట్టడం మొదలుపెట్టాడు. అతను అలా అటూ ఇటూ కదలడం వల్ల పడవకి మరింత ప్రమాదం అని ఎందరు చెప్పినా ఊరుకోలేదు. తన పెడబొబ్బలకి పసిపిల్లలు భయపడతారని వారించినా వెనక్కి తగ్గలేదు.   పడవ యజమానికి ఏం చేయాలో తోచలేదు. ఆ ఒక్క ప్రయాణికుడు స్థిమితంగా లేకపోవడం వల్ల ప్రయాణికులంతా భయంలో, ప్రమాదంలో పడుతున్నారని అతనికి తెలుసు. కానీ ఏం చేయడం? నయానా భయానా ఎంతగా వారించేందుకు ప్రయత్నించినా ఆ కంగారు ప్రయాణికుడు మాత్రం తన గొంతుని తగ్గించడంలేదు.   ఇదంతా గమనిస్తున్న ఓ స్వామిజీ నిదానంగా పడవ యజమాని దగ్గరకు వెళ్లాడు. ‘మీరు కనుక అనుమతిస్తే, నేను ఆ ప్రయాణికుడిని శాంతింపచేయగలను,’ అని సూచించాడు. యజమాని సరే అనగానే పడవ నడిపేవారి వద్దకు వెళ్లి, వారి చెవిలో ఏదో చెప్పాడు. వెంటనే పడవ నడిపేవారంతా కలసి.... గగ్గోల పెడుతున్న ప్రయాణికుడిని ఒక్కసారిగా నీటిలో పడేశారు. దాంతో ఆ ప్రయాణికుడు చేతులు కాళ్లు కొట్టుకుంటూ, నడిసముద్రంలో ప్రాణాల కోసం అర్తనాదాలు చేయడం మొదలుపెట్టాడు. జరుగుతున్న తంతుని తోటి ప్రయాణికులంతా దిగ్భ్రాంతితో గమనించసాగారు. ఇలా ఓ రెండు నిమిషాలు గడిచిన తరువాత, ఆ ప్రయాణికుడిని పడవలోకి చేర్చమని అడిగారు స్వామీజీ.   ప్రయాణికుడిని తిరిగి పడవలోకి చేర్చగానే అతను ఒక్కసారిగా నిశ్శబ్దంగా మారిపోయాడు. అప్పటివరకూ కేకలు వేసినవాడల్లా నిస్తేజంగా ఉండిపోయాడు. అతడిని చూస్తూ స్వామిజీ చిరునవ్వుతో ‘మనం ఉన్న పరిస్థితి ఎంత సురక్షితంగా ఉందో అన్న విషయం, అంతకంటే దారుణమైన ప్రమాదంలోకి చేరుకుంటే కానీ తెలియదు. కాస్తంత మబ్బులు కమ్ముకోగానే నువ్వు భయపడిపోయావు. కానీ ఇంత నడిసముద్రంలో నీకంటూ నీడగా ఓ పడవ ఉందనీ, నిన్ను కాపాడేందుకు వందల మంది మనుషులు ఉన్నారనీ మర్చిపోయావు. ఒక్క గంట గడిస్తే చాలు తీరాన్ని చేరుకుంటానని కూడా నీకు తట్టలేదు. నీటిలో పడగానే, ఈ నావే నీకు ఆధారం అన్న విషయం నీకు గుర్తుకువచ్చింది. ఇంతకుముందు ఆ విచక్షణ లేకపోవడం వల్ల నీతోపాటు తోటి ప్రయాణికులను కూడా భయపెట్టేశావు. పడవ మునిగిపోయే పరిస్థితులు కల్పించావు. నీ పట్ల నమ్మకం, నువ్వున్న పరిస్థితుల మీద కృతజ్ఞత లేకపోతే... నువ్వు ఏ తీరాన్నీ చేరుకోలేవు,’ అంటూ చెప్పుకొచ్చారు. (ప్రచారంలో ఉన్న కథ ఆధారంగా) - నిర్జర.

అందమైన డ్రాయింగ్ రూం కోసం

  ఇంట్లోకి అడుగుపెట్టినవారు ఒక్క నిమిషం మీ డ్రాయింగ్‌ రూంని చూస్తూ ఉండిపోవాలనీ, వారి కళ్లో మీ అభిరుచి పట్ల అభినందన కనిపించాలనీ ఎవరికి మాత్రం అనిపించదు. అతిథుల సంగతి పక్కన పెడితే మనది అనుకునే ఇల్లు అందంగా కనిపించాలన్న ఆశ ఎవరికి మాత్రం ఉండదు. కాకపోతే ఇందుకు చాలానే అవాంతరాలు కనిపిస్తాయి. ఎక్కువ డబ్బు ఖర్చుపెట్టడం ఇష్టం లేకపోవడం, ఇరుకైన గదులు, అద్దె ఇల్లులాంటి సమస్యలతో అనుకున్నా ఇంటిని అలంకరించుకోలేకపోతుంటారు. అందుకోసమే ఈ చిన్న చిట్కాలు...     మామూలు వస్తువులతోనే అలంకరణకు ఎక్కువ అవకాశం లేనప్పుడు నిత్యం వాడుకునే వస్తువులనే మరింత కళాత్మకంగా కనిపించేవి ఎన్నుకొంటే సరి. బట్టలు తగించే కొక్కేలు, కర్టెన్ రాడ్స్, పెన్‌స్టాండులు, గడియారాలు, నైట్‌ ల్యాంప్స్ వంటివి కొంచెం విభిన్నమైనవి ఎంచుకొని చూడండి.     వాల్‌ స్టికర్స్‌ ఆన్‌లైన్‌ షాపింగ్ పుణ్యమా అని ఇప్పుడు వాల్‌స్టికర్స్‌ అందరికీ అందుబాటులోనే దొరుకుతున్నాయి. వీటి ధరలు కూడా మరీ అంత ఎక్కువగా ఉండవు. కాకపోతే ఎలాంటి బొమ్మని ఎంచుకోవాలి? అది ఎంత పరిమాణంలో ఉండాలి? అన్న విషయాలను ఒకటికి రెండుసార్లు తరచి చూసుకోవాలి. గోడ రంగుని కూడా పరిగణలోకి తీసుకోవాలి. మనం ఆర్డర్‌ చేసిన వాల్ స్టికర్‌ ఒకే షీట్‌ మీద వస్తోందా లేకపోతే వేర్వేరు స్టికర్స్‌ని అసెంబుల్‌ చేసుకోవాలా అన్న విషయాన్ని కూడా గమనించుకోవాలి.     చిన్న చిన్న బొమ్మలతో ఇంట్లో చిన్న బొమ్మలు చాలానే పేరుకుంటాయి. చాక్లెట్లతో పాటుగా వచ్చినవో, చైనా బజార్లలో కొనుక్కున్నవో, కీచెయిన్లు ఊడిపోయినవో మిగిలిపోయిన బొమ్మలను అక్కడక్కడా అతికించవచ్చు. ఫ్రిజ్‌ తలుపులకీ, కిటికీ చెక్కలకీ, స్విచ్‌ బోర్డులకీ డబల్ స్టికర్‌తో అంటించి ఎప్పుడు కావాలంటే అప్పుడు తొలగించవచ్చు.     పోస్టర్స్‌ గృహాలంకరణకు సంబంధించి అతి చవకగా లభించేవి వాల్‌ పోస్టర్లే. కాకపోతే చవగ్గా దొరుకుతోంది కదా అని ఇల్లంతా నింపితే మాత్రం వీటితో అసలుకే మోసం వస్తుంది. మరీ భారీ పరిమాణంలో ఉండే పోస్టర్లు ఒకోసారి ఇల్లు ఇరుకుగా ఉన్న భావన కలిగిస్తాయి. కాబట్టి కంటికి నదురుగా, మరీ ఆడంబరంగా తోచని పోస్టర్లని ఎన్నుకోవాలి. వీటిని సెలోఫిన్‌ టేప్‌తో అతికిస్తే త్వరగా ఊడిపోవడమే కాకుండా, గోడ మీద కూడా మరకని మిగులుస్తాయి. ఇలాంటి సందర్భాలలో మెడికల్‌ షాపుల్లో దొరికే తెల్లటి సర్జికల్‌ టేపుని ఉపయోగిస్తే, ఎప్పుడు కావాలంటే అప్పుడు ఇటు గోడకీ, అటు పోస్టరుకీ నష్టం కలగకుండా తీసివేయవచ్చు.     ఉపాయం ఉంటే ఇల్లు మనది కాకపోవచ్చు, మేకులు కొట్టడం ఇష్టం లేకపోవచ్చు, గోడకి ఏదన్నా అంటించడానికీ మనస్కరించకపోవచ్చు... అయినా కూడా కాస్త శ్రద్ధ పెడితే గదిని అలంకరించేందుకు చాలా ఉపాయాలు తడతాయి. ఫ్రిజ్‌ మీద ఒక బొమ్మల కొలువు తీరుతుంది, బెడ్‌ల్యాంప్‌ నుంచి ఒక అందమైన బొమ్మ వేళ్లాడుతుంది, టీవీ కింద ఉన్న కేబుల్ బాక్స్‌ మీద ఒక టెడ్డీ బేర్‌ కూర్చుంటుంది... కాస్తంత ఉపాయం ఉంటే గది మొత్తం అందంగా మారిపోతుంది. కావాలంటే ఒక్కసారి మీ డ్రాయింగ్ రూమ్‌ని పరిశీలించి చూడండి. - నిర్జర.

బీజేపీలో వ్యాక్సిన్ సెగ! దిద్దుబాటు చర్యల్లో మోడీ, షా

ఉచిత కరోనా వ్యాక్సిన్  హామీ కమలంలో కలకలం రేపుతుందా? బీహార్ ఎన్నికల మేనిఫెస్టో పై బీజేపీలోనే విభేదాలొస్తున్నాయా?. అంటే అవుననే చెప్పాల్సి వస్తోంది. బీహార్ అసెంబ్లీ ఎన్నికల్లో  కరోనా వ్యాక్సిన్ ను వాడుకోవడంపై బీజేపీలోని కొందరు నేతలు అసంతృప్తిగా ఉన్నారని తెలుస్తోంది. బీహార్ ఎన్నికల్లో ఓట్ల కోసం ఇచ్చిన ఉచిత కరోనా వ్యాక్సిన్ హామీతో  ఇతర రాష్ట్రాల్లో బీజేపీకి ఇబ్బంది వస్తుందనే ప్రచారం జరుగుతోంది. ఇది విపక్షాలకు వరంగా మారిందని కొందరు కమలనాధులుచెబుతున్నారు. బీహార్ నేతల తీరు, మేనిఫెస్టో కూర్పుపై వారు మండిపడుతున్నారని సమాచారం.    ఫ్రీ కరోనా వ్యాక్సిన్ హామీ తో తమకు డ్యామేజీ కల్గిందని బీజేపీ పెద్దలు గుర్తించినట్లు కనిపిస్తోంది. నరేంద్ర మోడీ సర్కార్ దిద్దుబాటు చర్యలకు కూడా దిగింది. దేశ ప్రజలందరికీ ఉచిత కరోనా వ్యాక్సిన్ ను ఇస్తామని కేంద్ర మంత్రి ప్రతాప్ సారంగి చెప్పారు. ప్రజలందరికీ వ్యాక్సిన్ ను ఉచితంగా అందిస్తామని ప్రధాని మోడీ ప్రకటించారని తెలిపారు. ఒక్కో వ్యాక్సిన్ కు రూ. 500 వరకు ఖర్చవుతుందని... ఈ మొత్తాన్ని కేంద్రమే భరిస్తుందని చెప్పారు. కరోనా వ్యాక్సిన్ పై విపక్షాలు అనవసర రాద్ధాంతం చేస్తున్నాయని సారంగి ఆరోపించారు. ఎన్నికల్లో ఓట్ల కోసం కరోనాను వాడుకోవాల్సిన అవరసం తమకు లేదని కేంద్ర మంత్రి స్పష్టం చేశారు.    దేశంలో కరోనా మహమ్మారి ప్రభావం ఇంకా ఉంది. కరోనా బాధితుల సంఖ్య 80 లక్షలకు చేరింది. అయితే గత నెల రోజులతో పోలిస్తే.. ప్రస్తుతం రోజువారి కేసుల సంఖ్య కాస్త తగ్గింది. అయినా జనాల్లో మాత్రం వైరస్ భయం పోలేదు. ఇప్పటికి చాలా కంపెనీలు తమ ఉద్యోగులతో వర్క్ ఫ్రమ్ హోం చేపిస్తున్నాయి. వ్యాక్సిన్ వచ్చేవరకు  ఈ పరిస్థితి కొనసాగే అవకాశాలు కనిపిస్తున్నాయి. దేశ ప్రజలంతా  కరోనా నివారణ టీకా ఎప్పుడొస్తుందా అని ఆశగా ఎదురు చూస్తున్నారు. ప్రజా జీవితంలో కరోనా వ్యాక్సిన్ ఇప్పుడు అత్యంత కీలక అంశంగా మారింది. ఇలాంటి తరుణంలో కరోనా వ్యాక్సిన్ పై బీజేపీ చేసిన ప్రకటన ఇప్పుడా పార్టీని ఇబ్బందుల్లో పడేసినట్లు భావిస్తున్నారు.    బీహార్ అసెంబ్లీ ఎన్నికల్లో కరోనా వ్యాక్సిన్ ను బీజేపీ తన మేనిఫెస్టోలో చేర్చడం దుమారం రేపుతోంది. కరోనా వ్యాక్సిన్  హామీ ఇచ్చిన బీజేపీపై దేశ వ్యాప్తంగా విమర్శలు వస్తున్నాయి. తాము అధికారంలోకి వస్తే రాష్ట్ర ప్రజలందరికీ ఉచితంగా కరోనా వ్యాక్సిన్ ఇస్తామని బీజేపీ చెప్పడంపై.. విపక్షాలు తీవ్ర స్థాయిలో మండిపడుతున్నాయి. ఇతర రాష్ట్రాల ప్రజలు ఏం పాపం చేశారని ప్రశ్నిస్తున్నాయి, ఎన్నికలు ఉంటే తప్ప ప్రజలకు ఏమీ చేయరా? అంటూ విరుచుకుపడుతున్నారు ప్రతిపక్షాల నేతలు. కరోనా మహమ్మారిని కూడా రాజకీయాలకు వాడుకుంటున్నారని దుయ్యబడుతున్నారు. ఇతర రాష్ట్రాల ప్రజలు బంగ్లాదేశ్ నుంచి వచ్చారా? అని మహారాష్ట్ర ముఖ్యమంత్రి ఉద్ధవ్ థాకరే నిలదీశారు.    కరోనా వ్యాక్సిన్ ఎప్పుడొస్తుందన్న దానిపై ఆరోగ్య సంస్థల దగ్గర క్లారిటీ లేదు. ప్రపంచ వ్యాప్తంగా టీకా కోసం ముమ్మరంగా పరిశోధనలు జరుగుతున్నా.. వ్యాక్సిన్ కచ్చితంగా ఎప్పుడు వస్తుందన్న దానిపై క్లారిటీగా చెప్పడం లేదు. మరోవైపు కొన్ని సంస్థలు మాత్రం రెండేళ్ల వరకు వ్యాక్సిన్ రాకపోవచ్చని చెబుతున్నాయి. మనదేశంలోని ప్రతిష్టాత్మక సంస్థ అయిన సీసీఎంబీ డైరెక్టర్ రాకేశ్ మిశ్రా కూడా ఇదే విషయాన్ని స్పష్టం చేశారు. ఐసీఎంఆర్ కూడా వ్యాక్సిన్ పై పూర్తి క్లారిటీ ఇవ్వడం లేదు. వ్యాక్సిన్ పై ఫార్మా సంస్థలకే క్లారిటీ లేని సమయంలో వ్యాక్సిన్ ను అందరికి ఉచితంగా ఇస్తామని చెప్పడం తీవ్ర విమర్శల పాలైంది. కాంగ్రెస్ యువ నేత రాహుల్ గాంధీ ఇదే విషయాన్ని ప్రస్తావిస్తూ కమలనాధులను కడిగి పారేస్తున్నారు.    మొత్తం బీహార్ అసెంబ్లీ మేనిఫెస్టోలో ఫ్రీ కరోనా వ్యాక్సిన్ హామీ ఇచ్చిన బీజేపీ.. జనాల్లో చులకన అయ్యిందనే అభిప్రాయం రాజకీయ వర్గాల్లో జరుగుతోంది. కొందరు నేతల అత్యాత్సాహం వల్లే తాము ఇబ్బంది పడాల్సిన పరిస్థితి వచ్చిందని బీజేపీలోనూ చర్చ జరుగుతుందట. వ్యాక్సిన్ హామీతో విపక్షాలకు అనవసరంగా అస్త్రం ఇచ్చినట్లైందని కొందరు కమలనాధులు ఆఫ్ ది రికార్డుగా మాట్లాడుతున్నారని చెబుతున్నారు.

శ్రీశైలంలో పవర్ జనరేషన్ ఎప్పుడు! అసలు జరిగిన నష్టమెంత? 

కృష్ణమ్మ ఉధృతంగా ప్రవహిస్తోంది. తెలుగు రాష్ట్రాలతో పాటు ఎగువన కురుస్తున్న భారీ వర్షాలతో ఇప్పటికే వందలాది టీఎంసీల నీళ్లు సముద్రం పాలయ్యాయి. శ్రీశైలం నుంచి ఇంకా నీటిని దిగువకు వదులుతూనే ఉన్నారు. అయితే వరద భారీగా వస్తున్న శ్రీశైలం ఎడమ విద్యుత్ కేంద్రంలో పవర్ జనరేషన్ చేయలేకపోతోంది తెలంగాణ సర్కార్. ప్లాంట్ లో ఆగస్టు 20న భారీ ప్రమాదం జరిగింది. అయితే రెండు నెలలు కావస్తున్నా పవర్ ప్లాంట్ లో మరమ్మత్తులు మాత్రం పూర్తి కాలేదు. దీంతో పవర్ జనరేషన్ సాధ్యం కావడం లేదు. పవర్ ప్లాంట్ లో ప్రమాదంపై గప్ చుప్ గా వ్యవహరిస్తున్న తెలంగాణ సర్కార్.. ప్రమాద తీవ్రత ఎంతన్నది ఇప్పటికి చెప్పడం లేదు.    ప్రమాదం తర్వాత ప్లాంట్ ను పరిశీలించిన జెన్ కో, ట్రాన్స్ కో సీఎండీలు.. నెలరోజుల్లోపే విద్యుత్ ఉత్పత్తిని ప్రారంభిస్తామని చెప్పారు. మరమత్తులు జరుగుతున్నాయంటూ ఎవరిని లోపలికి అనుమతించ లేదు. పవర్ ప్లాంట్ కు వెళ్లేందుకు ప్రయత్నించిన  విపక్ష నేతలను అడ్డుకున్నారు. ఇప్పుడు ప్రమాదం జరిగి రెండు నెలలు పూర్తయ్యాయి. కాని  పవర్ జనరేషన్ మాత్రం మొదలు కాలేదు. దీంతో ప్రమాదంలో పవర్ ప్లాంట్ లో భారీగానే నష్టం జరిగిందనే అనుమానాలు వ్యక్తమవుతున్నాయి. పవర్ ప్లాంట్ ప్రమాదంపై ప్రభుత్వం నియమించిన కమిటీలు, సీఐడీ నివేదికలు ఇంకా రాకపోవడం ఈ అనుమానాలకు బలాన్నిస్తున్నాయి.    ఆగస్టు 20 అర్ధరాత్రి శ్రీశైలం ఎడమ గట్టు పవర్‌‌ ప్లాంట్‌‌లో ప్రమాదం జరిగింది. ప్లాంట్‌‌లో 150 మెగావాట్‌‌ల కెపాసిటీ ఉన్న ఆరు యూనిట్లలో నాలుగు యూనిట్లు భారీగా దెబ్బతిన్నాయి. రెండు యూనిట్లు బాగానే ఉన్నాయని అధికారులు చెప్పినా.. వాటిలోనూ విద్యుత్ ఉత్పత్తి ఇంకా షురూ కాలేదు. గత రెండు నెలలుగా నీళ్లు తోడడానికి, క్లీన్‌‌ చేయడానికే ఎక్కువ సమయం తీసుకున్నట్లు తెలుస్తోంది. గతంలో ఓసారి స్టార్ట్ చేయాలని ప్రయత్నించినా... మళ్లీ షార్ట్‌‌ సర్క్యూట్‌‌ అయినట్లు తెలుస్తోంది. అధికారులు మాత్రం దాన్ని మాక్‌‌ డ్రిల్‌‌ అని చెప్పి కప్పి పుచ్చారనే ఆరోపణలు ఉన్నాయి.  రెండు యూనిట్లను ఈ నెల15న స్టార్ట్‌‌ చేయాలని భావించారు. కానీ లోడ్‌‌ తీసుకోవడం లేదని తాత్కాలికంగా నిలిపివేసినట్లు తెలిసింది.     పవర్ ప్లాంట్ లో జరిగిన ప్రమాదంపై దర్యాప్తును ప్రభుత్వం సీఐడీకి అప్పగించింది.  జెన్ కో ,  టీఎస్‌‌ఎస్‌‌పీడీసీఎల్‌‌ సీఎండీలు, ట్రాన్స్‌‌కో జెఎండీ శ్రీనివాస్‌‌రావుతో పాటు మరో ముగ్గురు డైరెక్టర్లతో ప్రత్యేక టెక్నికల్‌‌ కమిటీనీ కూడా వేసింది. ఈ సంఘటన ప్రమాదమా? ఏదైనా కుట్రకోణమా? అనేది తేల్చేందుకు సీఐడీ టీమ్‌‌ ప్రయత్నం చేసినట్లు తెలిసింది. కుట్రకోణం లేదని ప్రమాదమనే సీఐడీ నివేదిక రూపొందించినట్లు సమాచారం.  ప్రమాదం ఎలా జరిగిందనేది తేల్చేది మాత్రం ఎక్స్‌‌పర్ట్‌‌ కమిటీనే. గత నెలలో రెండు రోజుల పాటు శ్రీశైలంలో తిష్టవేసి ఎక్స్‌‌పర్ట్‌‌ కమిటీ దర్యాప్తు చేపట్టింది. టెక్నికల్ కమిటీ శ్రీశైలం వెళ్లి కూడా ఇప్పటికే నెల కావస్తోంది. అయినా రిపోర్టు అందించలేదు. సీఎండీకీ, ఇద్దరు డైరెక్టర్లకు కరోనా రావడంతో నివేదిక రూపొందించడంలో జాప్యం జరిగినట్లు మంత్రి జగదీష్‌‌రెడ్డి కౌన్సిల్‌‌ సమావేశంలో వెల్లడించారు. అయితే రెండు రిపోర్టులు వేర్వేరుగా వస్తే సమస్య అని రెండింటినీ పరిశీలించి నివేదిక రూపొందిస్తున్నట్లు తెలుస్తోంది. అందుకే రిపోర్టులు ఇవ్వడానికి ఇంకా టైమ్ పడుతుందని సమాచారం. మొత్తంగా శ్రీశైలం ప్రమాదాన్ని టెక్నికల్‌‌ ప్రాబ్లమ్‌‌గా తేల్చే పనిలో ఉన్నట్లు తెలిసింది.   శ్రీశైలం పవర్‌‌ప్లాంట్ ప్రమాదంపై విద్యుత్‌‌ వర్గాలు మొదటినుంచీ రహస్యంగా వ్యవహరిస్తున్నాయి. ప్రమాదం ఘటన బయటపడకుండా ప్రయత్నం చేసినట్లు తెలిసింది. వీడియోలు బయటికి రాకపోతే అసలు విషయాన్నే బయటికి రాకుండా చూసేవాళ్లన్న అనుమానాలు ఉన్నాయి. ప్రమాదం జరిగిన వెంటనే.. రెస్క్యూ బృందాలను పంపకుండా మంత్రి, సీఎండీ స్వయంగా వెళ్లడం ఈ వాదనలకు బలం చేకూరుస్తోంది. వీరిద్దరూ తెల్లవారుజామునే ప్లాంటుకు చేరుకోగా, రెస్క్యూ బృందాలు మాత్రం మరునాడు మధ్యాహ్నం అక్కడికి చేరుకున్నాయి. ఆ తర్వాత ప్రైవేట్ సిబ్బంది ఉన్న టైంలో షార్ట్ సర్క్యూట్ జరిగితే దాన్ని మాక్ డ్రిల్ అని కప్పిపుచ్చారన్న విమర్శలు వచ్చాయి. సొంత సిబ్బంది ఉన్నప్పడు చేయాల్సిన మాక్‌‌ డ్రిల్‌‌ ప్రైవేటు సిబ్బంది ఉన్నప్పుడు ఎలా చేస్తారన్న అనుమానాలు తలెత్తాయి. మొత్తంగా రెండు నెలలైనా  పవర్ ప్లాంట్ ఘటనపై మిస్టరీ అలాగే ఉండిపోవడంతో ప్రజల్లో అనుమానాలు పెరిగిపోతున్నాయి.

హోదా లేదు.. నిధులివ్వరు! ఏపీపై ఎందుకింత కక్ష?

ఆంధ్రప్రదేశ్ రాష్ట్రమంటే ఆ పార్టీలకు పడనట్లుంది. అందుకే కక్షగట్టినట్లుగా వ్యవహరిస్తున్నాయి. రాజకీయ ప్రయోజనాల కోసం ఆంధ్ర ప్రజలను మోసం చేస్తున్నాయి. రాష్ట్ర భవిష్యత్తునే అంధకారంలోకి నెడుతున్నాయి. ఇది ప్రస్తుతం సగటు ఆంధ్రప్రదేశ్ వాసి మదిలో తొలస్తున్న ప్రశ్న. కేంద్రంలో అధికారం అనుభవించిన కాంగ్రెస్, బీజేపీలు ఏపీతో ఆటలాడుకుంటున్నాయనే ఆగ్రహం ఏపీ జనాల్లో వ్యక్తమవుతోంది. రాష్ట్ర విభజన సమయంలో కాంగ్రెస్ నట్టేట ముంచితే... గత అరేండ్లుగా బీజేపీ తమను దగా చేస్తుందనే ఆరోపణలు ప్రజల నుంచి వస్తున్నాయి. రాష్ట్ర విభజన నుంచి తాజాగా పోలవరం ప్రాజెక్ట్ అంచనా వ్యయం తగ్గింపు వరకు ఈ రెండు పార్టీలు ఆంధ్రప్రదేశ్ కు మోసం చేస్తూనే ఉన్నాయని జనాలు ఫైరవుతున్నారు.         ప్రత్యేక హోదా విషయంలో ఈ రెండు పార్టీలు పాపం మూటగట్టుకున్నాయి. విభజన సమయంలో  ఏపీకి ప్రత్యేక హోదా హామీ ఇచ్చిన అప్పటి  కాంగ్రెస్ ప్రభుత్వం.. విభజన చట్టంలో మాత్రం పెట్టలేదు.ఇక హోదా సంగతి ఎవరికి పెద్దగా తెలియనప్పుడే.. ఏపీకి పదేళ్లు ప్రత్యేక హోదా ఇవ్వమని చెప్పింది బీజేపీ. అధికారంలోకి వచ్చాకా ప్లేటు ఫిరాయించింది . విభజన చట్టంలో పెట్టలేదంటూ కాంగ్రెస్ పై నెపం వేస్తూ.. హోదా ఇవ్వడం కుదరదని చెప్పింది. హోదాకు బదులు ప్యాకేజీ ఇస్తామని ప్రకటించి దాన్ని కూడా పక్కనపట్టేసింది పువ్వు పార్టీ. నీతి ఆయోగ్ పేరుతో రూల్స్ మార్చి.. ప్యాకేజీ కాదు  స్పెషల్ పర్పస్ వెహికల్ కింద  అప్పులాగా  తీసుకోవాలని మాట మార్చింది.ఆంధ్రప్రదేశ్ ప్రజలకు భారం మోపుతోంది.     2014 ఎన్నికల సమయంలో ఆంధ్రప్రదేశ్ కు ఢిల్లీని తలదన్నే రాజధానిని ఇస్తామని హామీ ఇచ్చారు బీజేపీ పెద్దలు. అమరావతి  శంకుస్థాపనకు వచ్చిన కేంద్ర పాలకులు అదే మాట చెప్పారు. తర్వాత కేపిటల్ ఊసే మర్చిపోయారు. ఇప్పుడు అమరావతిని మూడు ముక్కలు చేసే ప్రయత్నాలు జరుగుతున్నా కాషాయ పార్టీ నేతలు పట్టించుకోవడం లేదనే విమర్శలు వస్తున్నాయి. ఏపీ రాజధాని  విషయంలో బీజేపీ తీరు మరీ దారుణంగా ఉంటోంది. ఏపీ బీజేపీ నేతలు అమరావతికి మద్దతుగా మాట్లాడుతుండగా.. కేంద్రం మాత్రం తమ పరిధిలోనిది కాదని, రాష్ట్ర ప్రభుత్వం ఇష్టమని కోర్టులో ఏకంగా అఫిడవిట్ దాఖలు చేసింది. దీంతో అసలు రాజధాని విషయంలో బీజేపీ స్టాండో ఏంటో చెప్పాలనే డిమాండ్లు వస్తున్నాయి. ద్వంద్వ విధానాలతో ఏపీ జనాలను మోసం చేయవద్దని కొందరు హెచ్చరిస్తున్నారు. ఇక  అమరావతి శంకుస్థాపన సందర్భంగా ఏపీకి అండగా ఉంటామని హామీ ఇచ్చిన ప్రధాని నరేంద్ర మోడీ.. ఇప్పుడు కనీసం స్పందించకపోవడాన్ని ఆంధ్రప్రదేశ్ ప్రజలు జీర్ణించుకోలేకపోతున్నారు.    జాతీయ ప్రాజెక్టుగా ప్రకటించిన పోలవరం నిర్మాణం పూర్తికి  అన్ని విధాలా సహకరిస్తామన్న మోడీ సర్కార్.. ఇప్పుడు దాని నిధుల్లో కోతలు పెట్టడం కలకలం రేపుతోంది. ఏపీకి జీవనాడిని చెప్పుకునే పోలవరం ప్రాజెక్టును కేంద్రం నిర్లక్ష్యం చేయడంపై ఏపీ ప్రజలు ఫైరవుతున్నారు. విభజనతో నష్టపోయిన రాష్ట్రానికి .. కేంద్ర సంస్థల ఏర్పాటుకు అనుమతులు ఇచ్చేసి.. చాలా ఇచ్చేశామని చెప్పుకున్నారే గాని.. ఇవ్వాల్సినవి ఇవ్వలేదనే చర్చ జరుగుతోంది.  కేంద్ర మంత్రిగా వెంకయ్య నాయుడు ఉన్నప్పుడు కొద్దొ గొప్పో నిధులు వచ్చాయని .. ఆయన కేంద్ర కేబినెట్ నుంచి వెళ్లాక ఏపీ పూర్తిగా నిర్లక్ష్యానికి గురయిందని ఏపీ ప్రజలు చెబుతున్నారు. జాతీయ రహదారులు, రైళ్లకు జనరల్ గా ఏటా అన్ని రాష్ట్రాలకు ఇచ్చినట్లే ఏపీకి ఇచ్చిన డబ్బులను  లెక్కేసి..  ఇంతిచ్చాం అంతిచ్చామని ప్రచారం చేసుకుంటున్నారు కాని ఏపీకి ప్రత్యేకంగా   మోడీ  సర్కార్ ఏమిచ్చిందో చెప్పాలనే డిమాండ్లు జనాల నుంచి వస్తున్నాయి.    అంతర్వేది, దుర్గగుడి లాంటి మతపరమైన అంశాలొచ్చినప్పుడు రాజకీయంగా లాభపడటానికి చూసుకున్నారని... తెర వెనక మంతనాలతో వాటిని ముగించేశారనే ఆరోపణలు వస్తున్నాయి. ఒక్కో రోజు ఒక్కో స్ట్రాటజీ తీసుకుంటూ బీజేపీ ఆంధ్రప్రదేశ్ లో ఆటలాడుతుందనే ఆరోపణలు పెరిగిపోతున్నాయి. రాజకీయంగా తెలుగుదేశాన్ని దెబ్బకొట్టాలనుకున్నప్పుడు వైసీపీకి కోఆపరేట్ చేయడం.. వైసీపీకి కూడా చెక్ పెట్టాలనుకుంటే మరోలా చేస్తున్నారని ప్రచారం జరుగుతోంది.దీంతో బీజేపీ తీరుపై ఏపీ ప్రజలు తీవ్ర ఆగ్రహం వ్యక్తం చేస్తున్నారు.  ఆంధ్రప్రదేశ్ కు ఎందుకిలా అన్యాయం చేస్తున్నారోనని సామాన్యులు ఆవేదన చెందుతున్నారు. ఏపీ అంటే ఎందుకంత కసే తమకు అర్ధం కావడం లేదని ప్రజలు ఆందోళన పడుతున్నారు.

ఇవి తింటే క్యాన్సర్‌ని ఆహ్వానించినట్టే!

చిన్నా పెద్దా ధనిక పేదా అన్న తేడా లేకుండా ప్రతి ఒక్కరినీ కనికరం లేకుండా కబళిస్తోన్న వ్యాధి క్యాన్సర్. దీన్ని అరికట్టడం చేతకాక ప్రపంచం దేశాలన్నీ పరిశోధనల్లో మునిగి తేలుతున్నాయి. ఎందుకు వస్తుందో ఎవరికి వస్తుందో ఎలా వస్తుందో అర్థం కాని మహమ్మారి క్యాన్సర్. అయితే కొన్ని రకాల ఆహార పదార్థాల జోకిలి పోకుండా ఉంటే క్యాన్సర్ వచ్చే అవకాశాలను తగ్గించుకోవచ్చు అన్నది మాత్రం సత్యం.    బిస్కట్లు, కేకులు వంటి వాటి దగ్గర్నుంచి బొబ్బట్లు వంటి సంప్రదాయ వంటకాలన్నిటికీ ప్రధాన దినుసు మైదాపిండి. ఇది పాంక్రియాస్ మీద తీవ్ర ఒత్తిడి కలిగించి ఇన్సులిన్ లెవెల్స్ ని అస్తవ్యస్తం చేస్తుంది. అదే విధంగా చక్కెర కూడా ఎక్కువ తీసుకోకూడదు. స్థూలకాయం, మధుమేహాలకు కారణమయ్యే చక్కెర పాంక్రియాస్, కాలేయాలతో పాటు జీర్ణవ్యవస్థను కూడా పాడు చేస్తుంది. అందుకే పండ్లు, తేనె వంటి వాటి ద్వారా అందే సహజ చక్కెర తప్ప నేరుగా చక్కెరను తీసుకోవడం మంచిది కాదు.    పాలు తాగితే ఎముకలు గట్టి పడతాయని అందరూ అంటారు. అయితే వయసు పెరిగేకొద్దీ పాలలో ఉండే ల్యాక్టోజ్ ను అరాయించుకునే శక్తి తగ్గిపోతుంది. కాబట్టి వయసు పెరిగేకొద్దీ పాలు మోతాదు దాటి తాగడం ఆరోగ్యానికి హానికరం అంటున్నారు ప్రముఖ న్యూట్రిషనిస్ట్ ప్యాట్రిక్ హాఫార్డ్.    వీటితో పాటు సరిగ్గా ఉడికించకుండా క్షణాల్లో తయారుచేసే జంక్ ఫుడ్... చక్కెరతో పాటు కెమికల్స్ ఎక్కువగా ఉండే సోడాలు...  మైదా, పాలు, చక్కెర కలిపి తయారు చేసే డోనట్స్ కూడా  ఎంతో కీడు చేస్తాయి. ఒకేసారి పది చెంచాల చక్కెరని కడుపులోకి పంపించే ఏ ఆహార పదార్థమైనా ప్రమాదకరమేనంటారు న్యూయార్క్ టైమ్స్ సృష్టికర్త, ప్రముఖ వైద్యులు అయిన డాక్టర్ జోసెఫ్ మెర్కోలా.   ఇక సోడియం, నైట్రేట్ ఎక్కువగా ఉండే మాంస పదార్థాలని ముట్టవద్దనేది అమెరికన్ క్యాన్సర్ ఇన్ స్టిట్యూట్ సూచన. ఉప్పు ఎక్కువ వేసి, నూనెలో వేయించే బంగాళాదుంప చిప్స్ జోలికి పోవద్దంటున్నారు మసాచుసెట్స్ లోని క్లార్క్ యూనివర్శిటీ ప్రొఫెసర్ డాక్టర్ డేల్ హ్యాటిస్. ఉప్పు ఎక్కువగా ఉండే ఆహారం తరచుగా తీసుకుంటే ఉదర క్యాన్సర్ వచ్చే ప్రమాదం ఉందని 2005లొ క్యాన్సర్ సైన్స్ మ్యాగజైన్ చేసిన పరిశోధనలో సైతం వెల్లడైంది. అదే విధంగా క్యాన్స్ లో నిల్వ చేసి అమ్మే ఆహార పదార్థాలు,  మార్గరీన్ చీజ్ వంటివి కూడా ఎక్కువ తీసుకోకూడదనేది నిపుణుల సూచన.   కాబట్టి వీలైనంత వరకూ వీటి జోలికి పోకుండా జాగ్రత్తపడండి. క్యాన్సర్ ని మీ దరిదాపుల్లోకి కూడా రాకుండా చూసుకోండి.  - sameeranj

కడుపులో మంటగా ఉంటే....?

చాలామంది ఉన్నట్లుండి కడుపులో మంట పుడుతోందంటూ కుర్చీలో అలాగే వాలిపోతుంటారు. దీనికి అసిడిటీయే కారణం. అసిడిటీ రావడానికి కారణాలు ఏమిటి అని చూస్తే... 1. సరిగా నిద్ర లేకపోవడం. 2. ఆహారాన్ని త్వరగా భుజించడం. సరిగా నమిలి తినకపోవడం. 3. ఆహారంలో మసాలా దినుసులతో కూడుకున్న ఆహారం ఉండటం. 4. ధూమపానం, మద్యపానం సేవిస్తుండటం. 5. ఉండాల్సిన బరువుకన్నా ఎక్కువ బరువు ఉండటం. రుచిగా ఉందని ఎక్కువ మోతాదులో ఆహారం తీసుకోవటం మూలాన జీర్ణక్రియ సరిగా జరుగదు. దీంతో ఉదరం, గుండెల్లో మంట ప్రారంభమౌతుంది. 6. సమయానికి భోజనం చేయకపోవడం వంటివి ప్రధాన కారణాలు. అసిడిటీ మరియు గుండెల్లో మంటను అదుపు చేసేందుకు కొన్ని చిట్కాలు : 1. అసిడిటీతో బాధపడే వారికి అరటిపండు అత్యుత్తమమైన ఔషధం. ప్రతిరోజు అరటిపండును ఆహారంగా తీసుకుంటుంటే అసిడిటీ నుంచి ఉపశమనం కలుగుతుంది. 2. ఆహారంలో వీలైనంత మేరకు వేపుడు పదార్థాలను తగ్గించాలి. దీంతోపాటు ఊరగాయ, మసాలా దినుసులతో కూడిన ఆహారం, చాక్లెట్లను తీసుకోకుండా ఉండేందుకు ప్రయత్నించాలి. 3. యాపిల్ పండు రసం, వెనిగర్, తేనెను తగినంత నీటిలో కలుపుకోండి. ఈ మిశ్రమాన్ని భోజనానికి ముందు సేవించి భోజనం తీసుకుంటే అసిడిటీ నుంచి ఉపశమనం కలుగుతుంది 4. పచ్చి కూరగాయలతో తయారుచేసిన సలాడ్‌ను తగు మోతాదులో తీసుకోండి. 5. తీసుకునే ఆహారంలో భోజనానికి భోజనానికి మధ్య ఎక్కువ సమయం ఖాళీ కడుపుతో ఉండకండి. దీంతో పొట్టలో గ్యాస్ పేరుకుపోయే ప్రమాదం ఉంది. 6. ప్రతిరోజు ఎనిమిది గ్లాసుల నీటిని సేవిచేందుకు ప్రయత్నించండి. భోజనం తీసుకున్న వెంటనే నిద్రకు ఉపక్రమించకండి. 7. మద్యపానం, ధూమపానం అలవాటుంటే వాటిని మానేసేందుకు ప్రయత్నించండి. 8. తులసి ఆకులను ఉదయంపూట తీసుకుంటే అసిడిటీ నుంచి ఉపశమనం కలుగుతుంది.

కోకాకోలా మాత్రమే తాగితే?

కూల్ డ్రింక్స్ లో కోకాకోలా పేరు తెలియనివారు బహుశ ఉండరేమో. ఎందుకంటే ప్రపంచంలోని ఏ మూలనైనా ఇది దొరుకుంది. రీప్రెష్ ది వరల్డ్ అన్న ట్యాగ్ తో ఇది వరల్డ్ మొత్తం ఆక్రమించేసింది. మొట్టమొదటి కోకాకోలాను అట్లాంటాలో 1886 లో డాక్టర్ జాన్ పెంబర్టన్ ప్రారంభించారు.  ఐదువందలకు పైగా బ్రాండ్లతో అన్ని దేశాల్లో లభిస్తోంది. ఈ కంపెనీలో దాదాపు ఏడులక్షల మంది ఉద్యోగులు పనిచేస్తున్నారు. ప్రపంచజనాభాలో అత్యధికమంది తాగే కూల్ డ్రింక్ఇదేనేమో..!  సరదాగా అప్పడప్పుడు కాకుండా రోజూ కోకాకోలానే తాగితే ఏం జరుగుతుంది...! కోకాకోలా రుచికోసం, నిల్వ కోసం దాని ఎన్నో పదార్థాలను కలుపుతారు. ఇది తాగిన తర్వాత రీప్రెష్ అనిపించడానికి కారణం వాటిలో ఉండే పదార్థాలే. మరి రోజూ కోకాకోలానే జీవితాంతం తాగితే ఏం అవుతుంది. .? కోకాకోలా  శరీరాన్ని ఎలా ప్రభావితం చేస్తుంది..?  దంతాలను ఏమి చేస్తుంది..?  నీళ్ళకి బదులుగా కోకాకోలాను తాగితే శరీరానికి కావల్సిన పోషకాలను అది ఎలా భర్తీచేస్తుంది.? ఇలా అనేక అనుమానాలు వస్తాయి కదా....! వాటిని తెలుసుకోవడానికి చాలా మంది ప్రయత్నించారు. మోనాకోలో ఒక మహిళ 16 ఏండ్లుగా నీళ్లకు బదులుగా నేరుగా కోకాకోలానే తాగింది. మరీ ఆమె ఆరోగ్యం ఏం అయ్యింది, వాటి నుంచి సర్వైవ్ అయిందా.? ఒక వేళ మనం కూడా ఇలానే చేస్తే ఏమవుతుంది..? ... డాక్టర్లు ఎక్కడైనా, ఎప్పుడైనా చెప్పేది ఒక్కటే. శరీరజీవక్రియలు సక్రమంగాజరగాలంటే  ప్రతి మనిషి రోజూ తప్పకుండా 3 నుండి నాలుగు లీటర్ల వాటర్ నుతీసుకోవాలని. కానీ దానికి బదులుగా కొకాకోలా ను మాత్రమే తీసుకుంటే... ప్రతి రోజు తీసుకునే ఒక సింగిల్ కోక్ లో 39 గ్రాముల చక్కెర ఉంటుంది. ఒక వేళ 8 కోక్ లను ప్రతి  రోజు తాగితే అది 312 గ్రాముల చక్కెర తో సమానం. అది 6 చాక్కెట్ బార్లను ఒకే సారి తిన్నదానితో సమానం. సాధారణంగా ఆరోగ్యవంతమైన వ్యక్తి  రోజులో 40 గ్రాముల కంటే తక్కువ షుగర్ ను తీసుకోవాలని నిపుణులు సూచిస్తున్నారు. అలా కాకుండా ఎనిమిది కోక్ లు తాగితే దాదాపు 312 గ్రాముల చక్కెర తీసుకున్నట్టే.  కేవలం కోక్ ను తీసుకోవడం వల్లనే వారానికి 8000 అదనపు కాలరీల తీసుకున్నట్లు అవుతుంది. ఇలా ఎక్కువ మొత్తంలో షుగర్ ను తీసుకోవడం ఆరోగ్యానికి హానికరం. అధిక కాలరీలు తీసుకోవడం అధిక బరువు సమస్యకు దారితీస్తుంది. అలాగే దంత క్షయానికి హానిచేయడమే కాకుండా, కోక్ ను తీసుకున్న ప్రతి సారి దంతాలు, నాలుక చిగుళ్ళులపై పేరుకొనిపోయి గంటలు కొద్ది ఉంటుంది. సరిగ్గా బ్రష్ చేయకపోయే పంటి మీద ఉన్న ఎనిమల్ పోవడమే కాకుండా శాశ్వతంగా పళ్లను తీసివేయాల్సి వస్తుంది. రోజంతా ఇలానే తీసుకుంటూ ఉంటే వాష్ రూమ్ కి పదేపదే పరిగెత్తాల్సి ఉంటుంది. కోక్ లోని కెఫిన్ అనే పదార్థం అధిక మూత్ర విసర్జనకు కారణం అవుతుంది. కాబట్టి పదే పదే వాష్ రూమ్ కి వెళ్లాల్సి ఉంటుంది. కెఫిన్ గురించి పెద్దగా బాధపడాల్సిన అవసరం లేదు కానీ అందులోని ముఖ్య ఇంగ్రీడీన్ అయిన ఫ్రక్టోస్ కార్న్ సిరప్ గురించి మాత్రం ఆందోళన చెందాలసిందే.  ఎందుకంటే ఫ్యాట్లీ లీవర్ సమస్యకు దారితీస్తుంది. దాని లక్షణాలు అలసటగా ఉండటం, పై కడుపులో నొప్పి. అయినా అలాగే కోక్ తాగడం కొనసాగిస్తే ఇంకా అనేక ఆరోగ్య సమస్యలను ఎదుర్కోవాల్సి ఉంటుంది. తరచుగా మూర్చ పోవడం, పొటాషియం నిల్వలు తగ్గిపోవడం కూడా జరుగుతుంది. అధిక మోతాదులో షుగర్, కెఫిన్ తీసుకుంటారు కాబట్టి హృదయ స్పందనలో కూడా మార్పులు వస్తుంటాయి. ఈ అనారోగ్య సమస్యలు అక్కడితో ఆగవు.  టైప్ -2 డయాబెటిస్ కు గురికావడం జరుగుతుంది. శరీరానికి కావల్సిన విటమిన్ లు లోపిస్తాయి. ఫలితంగా కిడ్నీ డ్యామేజి కి దారితీస్తుంది.   అయినా అలాగే కోక్ మాత్రమే తాగుతూ ఉంటే 600 పౌండ్ల వరకు బరువును పెరుగుతారు. అంతేకాదు హార్ట్ అటాక్ తో చనిపోవడం కూడా జరుగుతుంది. 16 ఏండ్లుగా కేవలంకోకాకోలా ను మాత్రమే తాగుతున్న మహిళా కిడ్నీ ఫెయిల్యూర్, హార్ట్ ప్రాబ్లం వంటి  చాలా సమస్యలు చవి చూసింది. చివరికి కోకాకోలా తాగడం ఆపేసింది. దాంతో చాలా తక్కువ సమయంలోనే ప్రాణాపాయం నుంచి బయట పడింది. వారానికో, నెలకో, ఏడాదికో ఒకసారి తీసుకుంటే ఫర్వాలేదు. కానీ, రోజూ తాగితే మాత్రం ఆరోగ్యానికి హానికరం. అప్పుడు రీప్రెష్ ది వరల్డ్ అన్న ట్యాగ్ కాస్త రెస్ట్ ఇన్ పీస్ గా మారుతుంది. సో.. కోకా కోలా గురించి ఇంత తెలిసాక కూడా మీరు తరచుగా కోకాకోలా తాగుతారా.. అలా కావాలని అనుకుంటారా.. కాదు గా..!
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.