క్రికెటర్తో శ్యామల రిలేషన్.. రెస్పాండ్ అయిన యాంకర్!
on May 8, 2021
యాంకర్ శ్యామల గురించి ప్రత్యేకంగా పరిచయం చేయనక్కర్లేదు. రీసెంట్ గానే ఈమె భర్త నరసింహారెడ్డిని పోలీసులు అరెస్ట్ చేయడంతో ఇండస్ట్రీలో హాట్ టాపిక్ అయింది. అయితే శ్యామల మాత్రం తన భర్తను సపోర్ట్ చేశారు. ఆయన అలాంటి వారు కాదని.. మహిళలను మోసం చేసే అవసరం అతడికి లేదంటూ శ్యామల చెప్పుకొచ్చింది. నరసింహారెడ్డి ప్రస్తుతం బెయిల్పై బయటకొచ్చి ఇంట్లోనే ఉంటున్నారు. బుల్లితెరపై పలు సీరియల్స్, వంటల ప్రోగ్రామ్లతో ఫేమస్ అయిన శ్యామల.. బిగ్ బాస్ షో ద్వారా మరింత క్రేజ్ సంపాదించుకుంది.
ప్రస్తుతం ఈమె సినిమా ప్రీరిలీజ్ ఈవెంట్ లను హోస్ట్ చేస్తూ బిజీ అయింది. సోషల్ మీడియాలో యాక్టివ్ గా ఉండే శ్యామల.. తన ఫాలోవర్లతో ఎప్పటికప్పుడు చాట్ చేస్తుంటుంది. తన కుమారుడు ఇషాన్ కు సంబంధించిన వీడియోలను షేర్ చేస్తుంటుంది. అలాంటి శ్యామల తాజా తనపై వచ్చిన ఓ మీమ్ పై రెస్పాండ్ అయ్యింది.
ఇండియన్ క్రికెట్ ప్లేయర్, ఫాస్ట్ బౌలర్ భువనేశ్వర్ కుమార్ గురించి అందరికీ తెలిసిందే. భువనేశ్వర్ కుమార్, యాంకర్ శ్యామలకు దగ్గర పోలికలు ఉంటాయని అందరూ అంటుంటారు. అలా భువనేశ్వర్ కుమార్, శ్యామల.. బ్రదర్ అండ్ సిస్టర్ అవుతారేమో అంటూ నెట్టింట్లో ఓ మీమ్ హల్చల్ చేసింది. అలా వచ్చిన మీమ్ పై స్పందించిన యాంకర్ శ్యామల.. "మేం బ్రదర్ అండ్ సిస్టర్ అవుతామని నాకే తెలియదు.. వాళ్లకు ఎలా తెలుస్తుందండి?" అంటూ కౌంటర్ వేసింది.