అప్పీకి ఫారిన్ పోరి పప్పీ!
on Aug 4, 2021
‘జబర్దస్త్’లో టీమ్ లీడర్ ఆసమ్ అప్పీది టిపికల్ బాడీ లాంగ్వేజ్, కామెడీ స్టయిల్. కమెడియన్కు రంగు అక్కర్లేదని ప్రూవ్ చేసినవాళ్ళు గతంలో ఉన్నారు. లేటెస్ట్ ఎగ్జాంపుల్ ఆసమ్ అప్పీ అలియాస్ అప్పారావు. ఓంకార్ షో ‘సిక్త్స్ సెన్స్’కు భార్యతో కలిసి అతడు వచ్చాడు. ఇంతకు ముందు ఈటీవీ ఈవెంట్స్కు అప్పారావు భార్య వచ్చారు. ఆవిడ తనదైన శైలిలో కామెడీ చేశారు. ఇందులోనూ చేసినట్టు ప్రోమో చూస్తుంటే తెలుస్తోంది.
‘వయసు పెరుగుతున్న కొద్దీ మీలో ఊపు పెరుగుతుందే’ అని ఓంకార్ అంటే... ‘మనిషికి మాత్రమే వయసు, మనసుకు నో వయసు’ అని అప్పీ చెప్పుకొచ్చారు. భార్యతో కలిసి డ్యాన్స్ చేశారు. తర్వాత ‘నువ్వు శ్రుతీ హాసన్వి కాదు, మతీ హాసన్వి’ అని అప్పారావ్ వైఫ్ మీద పంచ్ వేశాడు. ‘నేను శ్రుతీ హాసన్ అయితే నీ పక్కన ఉంటానేంటి? రవితేజ పక్కనే ఉందను’ ఆవిడ కౌంటర్ ఇచ్చారు. అయితే, అప్పారావు అండ్ వైఫ్ చేసిన కామెడీ కంటే ప్రోమో ఎండింగ్లో అప్పీకి ఫారిన్ పాప ఇచ్చిన పప్పీ... అదేనండీ ముద్దు హైలైట్ అని చెప్పాలి.
కమెడియన్ కమ్ హీరో ‘సుడిగాలి’ సుధీర్ కూడా ‘సిక్త్స్ సెన్స్ 4’కు వచ్చారు. అతడితో పాటు ఇంద్రజ సందడి చేశారు. ఆవిడలో ఇంత కామెడీ టైమింగ్ ఉందని ‘సిక్త్స్ సెన్స్ 4’ ప్రోమో చూసేవరకూ తెలియలేదు. రోజా అనారోగ్య కారణాలతో ‘జబర్దస్త్’కు కొన్ని రోజులు రాని టైమ్లో ఇంద్రజ జడ్జ్గా చేశారు. అప్పుడు ఎక్కువగా నవ్వడం తప్ప ఏమీ చేయలేదు. ఇప్పుడు అలా కాదు.
‘నీ పెద్ద కొడుకు సెంటర్కి కొట్టమన్నాడు’ అని సుధీర్ అన్నాడు. ‘ఆయన (ఓంకార్) కొడుకు అని నేను నీకు చెప్పానా?’ అని ఇంద్రజ ఇమ్మీడియేట్గా కౌంటర్ ఇచ్చారు. ‘అంటే... నేను అన్నయ్య అంటున్నాను’ అని సుధీర్ చెప్పబోగా... ‘మీరు ఎంతోమందిని అన్నయ్యా అంటారు. వాళ్ళందరూ కొడుకులు అయిపోతారా?’ అని నవ్వేశారు ఇంద్రజ. దెబ్బకు ‘అమ్మా’ అని సుధీర్ దణ్ణం పెట్టేశాడు. ఈ టైమింగ్ ఉంటే నెక్ట్స్ ఈటీవీ కామెడీ షోస్లో బిజీ అవ్వడం ఖాయం.
Also Read