నీతోనే డ్యాన్స్ షో చేయడానికి సిరికి డేట్స్ ఖాళీ లేవట!
on Jun 11, 2023
సిరి హనుమంత్.. బిగ్ బాస్ సీజన్-5 లో ఫైనలిస్ట్ వరకు వచ్చి వెనుతిరిగింది. బిగ్ బాస్ హౌజ్ లో ఉన్నప్పుడు తన ఫ్యాన్ బేస్ మాములుగా ఉండేది కాదు. ప్రతీ వారం తనే టాప్ లో ఉండేది. టాస్క్ లో గేమ్స్ లో యాక్టివ్ గా ఉండేది. అయితే షణ్ముఖ్ జస్వంత్ తో తను చనువుగా ఉంటూ వచ్చేది. దాంతో తనకి నెగెటివిటి పెరిగి బయటకు వచ్చేసింది.
అయితే బిగ్ బాస్ కు వెళ్ళేకంటే ముందు నుండి యూట్యూబ్ లో షార్ట్ ఫిల్మ్ లతో మంచి క్రేజ్ సంపాదించుకున్న సిరి.. బిగ్ బాస్ లోకి వెళ్ళొచ్చాక సెలబ్రిటీ లిస్ట్ లో చేరింది. దాంతో వరసగా సినిమా ఆఫర్లు రావడంతో బిజీ అయింది. ఒక ఓటీటీ రూపొందిస్తున్న వెబ్ సిరీస్ లో శ్రీహాన్ తో కలిసి చేస్తున్నట్టుగా ముందుగానే చెప్పింది సిరి. కాగా జీ5 లో రీసెంట్ గా రిలీజ్ అయి మంచి హిట్ టాక్ ని సొంతం చేసుకున్న 'పులి-మేక' వెబ్ సిరీస్ లో ఒక ముఖ్య పాత్రని సిరి పోషించిన విషయం తెలిసిందే. అయితే తనకి సంబంధించిన ప్రతీ అప్డేట్ ని ఫ్యాన్స్ తో షేర్ చేసుకునే సిరి 'ఆస్క్ మీ క్వశ్చన్' అంటూ అభిమానులతో ముచ్చటించింది.
మీ ఫేవరెట్ హీరో ఎవరని ఒకరు ప్రశ్నించగా.. పవన్ కళ్యాణ్ అండ్ మహేశ్ బాబు అని సమాధానమిచ్చింది సిరి. 'నీతోనే డ్యాన్స్ షో' లో పార్టిసిపేట్ చేయొచ్చు కదా అక్క అని ఒకరు అడుగగా.. 'చేయాలని చాలామంది అడిగారు కానీ డేట్స్ ఖాళీ లేవు. పులి-మేక వెబ్ సిరీస్ ఒక వైపు స్టార్ట్ అయింది. మరొకవైపు శ్రీహాన్ తో కలిసి చేస్తోన్న వెబ్ సిరీస్.. అసలు డేట్స్ ఎడ్జస్ట్ అవ్వలేదు.. సో మిసింగ్. . నాకు కూడా అందులో పాల్గొనాలని ఉంది కానీ టైం లేద'ని సిరి చెప్పింది.
" బెస్ట్ ఫ్రెండ్ ఎవరు" అని ఒకరు అడుగగా.. "ఆర్జే కాజల్, ప్రియాంక సింగ్" అని ఇద్దరిని మెన్షన్ చేసింది. వీళ్ళతో పాటు జబర్దస్త్ పవిత్ర కూడా ఒక క్వశ్చన్ అడిగింది. "ఏం తింటారు మీరు ఇంత అందంగా ఉండటానికి" అని పవిత్ర అడుగగా.. తన ఇన్ స్టా ఐడీని మెన్షన్ చేసి యాంగ్రీ రియాక్షన్ ఇచ్చింది సిరి. దీంతో ఇప్పుడు సిరి ఇన్ స్టాగ్రామ్ లో మరోసారి ట్రెండింగ్ లోకి వచ్చింది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
