ఘనంగా పూర్ణ సీమంతం వేడుకలు
on Jan 29, 2023
షామ్నా కాసిమ్ అలియాస్ పూర్ణ గురించి ప్రత్యేకంగా చెప్పక్కర్లేదు. ఎన్నో మూవీస్ లో హీరోయిన్ గా నటించింది...కొన్ని మూవీస్ లో క్యారెక్టర్ ఆర్టిస్ట్ గా కూడా చేసింది. లాస్ట్ ఇయర్ జూన్ లో దుబాయ్కి చెందిన బిజినెస్ మేన్ ఆసిఫ్ అలీని వివాహం చేసుకుంది. కొన్నాళ్ల పాటు ప్రేమలో ఉన్న ఈ ఇద్దరూ ఫామిలీ మెంబర్స్ ని ఒప్పించి పెళ్లి చేసుకున్నారు. తాను గర్భం దాల్చినట్టు యూట్యూబ్ ఛానల్ ద్వారా అభిమానులకి పూర్ణ చెప్పింది. ఇప్పుడు పూర్ణ ఇంట్లో బేబీ షవర్ ఫంక్షన్ చాలా గ్రాండ్ గా జరిగినట్లు తెలుస్తోంది. దానికి సంబంధించిన ఫొటోస్ ని పూర్ణ తన ఇన్స్టాగ్రామ్ స్టేటస్ లో పోస్ట్ చేసుకుంది.
పూర్ణ ఒకవైపు సినిమాలు చేస్తూనే.. మరోవైపు టీవీల్లో కూడా కొన్ని షోస్లో జడ్జిగా వ్యవహరించింది. పూర్ణ సీమంతం ఫంక్షన్ కి వాళ్ళ రిలేటివ్స్ అంతా వచ్చారు. పళ్ళు , పూలు ఇచ్చి తీపి తినిపించి అందరూ ఆమెను ఆశీర్వదించారు. పూర్ణకి ఎంతో ఇష్టమైన చేచి కూడా వేడుకకు రావడంతో ఆమె ఆనందానికి అవధులు లేవు. తన ఫంక్షన్ కి వచ్చిన వాళ్లంతా కూడా "ఆ అల్లా దయ నీ మీద, నీ బిడ్డ మీద ఎల్లప్పుడూ ఉండాలి" అంటూ విష్ చేశారు. పూర్ణ కూడా అందరికీ థ్యాంక్స్ అని చెప్పింది. పూర్ణ దశాబ్దానికి పైగా తెలుగు, తమిళ్, మలయాళం సినిమాల్లో నటించింది. నందమూరి బాలకృష్ణ హీరోగా నటించిన 'అఖండ'లో ఒక రోల్ లో నటించింది. మరి త్వరలో పూర్ణ ఒడిలోకి ఒక బిడ్డ రాబోతుందంటూ ఆమె ఫాన్స్, నెటిజన్స్ ఆమెను విష్ చేస్తున్నారు.
Also Read