సీత కష్టాలు సీతవి.. దీప కష్టాలు దీపవి!
on May 6, 2024
తెలుగు టీవీ సీరియల్స్ కి మన రెండు తెలుగు రాష్ట్రాలలో ఉండే క్రేజే వేరు. అందులోను స్టార్ మ టీవీలో ప్రసారమవుతున్న సీరియల్స్ కి డిమాండ్ కొంచెం ఎక్కువే ఉంది. వాటిల్లో బాగా పాపులర్ అయిన సీరియల్ ' కార్తీకదీపం-2 '. నవ వసంతంగా వచ్చిన ఈ సీరియల్ కి మళ్ళీ ఫ్యాన్ బేస్ పెరిగింది.
తండ్రి మాట కోసం అడవిలోకి రాముడు వెళ్ళగా తనతో పాటు సీత వెళ్ళింది.. తను పడిన కష్టాలు అన్నీ ఇన్నీ కావు. ఇది రామాయణం.. కార్తీకదీపం-2 లో దీప పడుతున్న కష్టాలు అంతే రేంజ్ లో ఉన్నాయి. ఇది ఇంటింటి రామాయణం. దీపని పెంచుకున్న తండ్రి చనిపోగా.. అత్త అనసూయ పెట్టే టార్చర్ భరించలేక.. తన భర్త నరసింహాని వెతుక్కుంటూ వచ్చిన దీపకి చేదు అనుభవం ఎదురైంది. అప్పటికే నరసింహా మరో పెళ్ళి చేసుకోవడంతో దీపకి ఏం చేయాలో తోచక , ఎటు వెళ్ళాలో తెలియక ఉంటే.. అప్పుడే సుమిత్ర మీద ఎవరో ఎటాక్ చేయడానికి వస్తే తన ప్రాణాలని కాపాడుతుంది దీప. దాంతో వారింటికి తీసుకెళ్తుంది సుమిత్ర. ఇక అక్కడ వారు తమని ఏ ఇబ్బంది లేకుంటా చూసుకుంటారు.
తాజా ఎపిసోడ్ లలో దీప, తన అత్తమ్మ అనసూయ ఇద్దరు నరసింహా వాళ్ళింటికి వెళ్తారు. ఇక కొడుకు నరసింహాని కొడుతుంది అనసూయ. ఇక నరసింహా చేసుకున్న అమ్మాయిని అనసూయ తిడుతుంటే తను ఎదురుతిరుగుతుంది. నరసింహా నా వెనక తిరిగి, నన్ను పెళ్ళి చేసుకున్నాడు. పైగా ఎవరు లేరని , అందరు చనిపోయారని చెప్పాడంటు ఆవిడ అనగానే.. నరసింహాని తిడుతుంది అనసూయ. తను ఉండే ఇల్లు సొంతమని, బంగారు నగలు , పది లక్షల కారు వాళ్ళ నాన్న ఇచ్చాడంటూ నరసింహా భార్య చెప్పగానే .. డబ్బు, నగల మీద వ్యామోహంతో అనసూయ కరిగిపోతుంది. ఇక దీప బ్రతుకు నడిసంద్రాన మునిగినట్టేనా అనే అంశంతో గత శనివారం ఎపిసోడ్ ముగిసింది. మరి ముందుముందు తన జీవితం ఏ మలుపు తిరగనుందో? తను కష్టాల గురించి మరింత ఉత్కంఠ నెలకొంది. మరి దీప కష్టాలు ఎప్పుడు ముగింపుకి వస్తాయో తెలియాలంటే ఈ సీరియల్ చూడాల్సిందే.
Also Read