బిగ్ బాస్ వల్ల ఫేమ్ వస్తుంది.. కానీ బతుకు గడవడం కష్టం
on Feb 2, 2026
బుల్లితెర మీద బిగ్ బాస్ చాలా ఫేమస్. ఐతే బిగ్ బాస్ లోకి వెళ్లి వచ్చినంత మాత్రాన ఎవరి జీవితం కూడా పెద్దగా మారదు అంటూ చెప్పుకొచ్చింది ఆర్జే కాజల్. ఆ వీడియో రీల్ ని కాజల్ తన ఇన్స్టాగ్రామ్ పేజీలో పోస్ట్ చేసింది. "బిగ్ బాస్ కి వెళ్లిన వాళ్ళను అంతా సెలబ్రిటీస్ అనే పిలుస్తారు. బిగ్ బాస్ నుంచి బయటకు వచ్చాక అసలు ఎం జరుగుతుందో ఎవరికీ తెలీదు. కొంతమందికి సినిమాలు, షోలు, అవార్డులు బానే ఉంటాయి. కానీ కొంతమంది విషయంలో అలా ఉండదు. వాళ్ళు ఎక్కడికి వెళ్లిన మీ నెక్స్ట్ ప్రాజెక్ట్ ఏంటి అనే ప్రశ్న వెంటాడుతూనే ఉంటుంది. ఎం లేదు అని బిగ్ బాస్ సెలబ్రిటీస్ చెప్పలేక సతమతమవుతూ ఉంటారు. బిగ్ బాస్ తరువాత ఫుల్ బిజీ ఇపోతాం అనుకుంటారు కానీ అవకాశాలు లేక అవస్థలు పడుతూ ఉంటారు. కానీ ఈ అవకాశాలు మూడు నాలుగు నెలల వరకు మాత్రమే. ఇంతకు ముందు చేసుకునే పని చేసుకోలేక బిగ్ బాస్ ట్రామా నుంచి బయటపడలేక గ్రోత్ లేక ఇబ్బందులు పడుతూ ఉంటారు.
ఇక యాక్టర్స్ కి ఐతే ఈ ఫేస్ ని బిగ్ బాస్ లో చూసేసారు ఫ్రెష్ ఫేస్ కోసం ఆడియన్స్ చూస్తారు అంటూ ఉంటారు. కొంతమంది క్యారెక్టర్ ఆర్టిస్టులుగా మారితే కొందరు సోషల్ మీడియా, యూట్యూబ్ తో సరిపెట్టుకుంటారు. రోడ్ మీదకు వెళ్తే అందరూ గుర్తుపడతారు సెల్ఫీలు అడుగుతారు కానీ వర్క్ విషయానికి వస్తే సర్వైవల్ కోసం తక్కువకు చేసుకుంటూ వెళ్తుంటారు. కొందరు టోటల్ గా డిఫెరెంట్ కెరీర్ కి వెళ్ళిపోతారు, కొంతమంది అసలు కనిపించకుండా మాయమైపోతారు. బిగ్ బాస్ వలన రాత్రికి రాత్రే ఫేమస్ అవ్వొచ్చు కానీ ఆ ఫేమ్ తో కెరీర్ బిల్డ్ చేసుకోలేము. బిగ్ బాస్ ఒక ఫేమస్ రియాలిటీ షో అది ఎవరి లైఫ్ ని మార్చేయదు." అంటూ ఆర్జే కాజల్ చెప్పుకొచ్చింది. ఈ రీల్ కి ఆర్జే చైతు, కళ్యాణి మాలిక్, ప్రియాంక సింగ్ , సిరి హన్మంత్, గీతూ రాయల్, స్రష్టి వర్మ, దీక్ష పంత్, యాంకర్ శివ అందరూ ట్రూ, నిజం అంటూ కామెంట్స్ చేశారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
